قصاقيص حبيبه

إليـــهم

2011-12-09T21:50:00.001+02:00

قليلون هم

لا يتجاوزون أصابع اليد الواحدة

من يستطيعون باحترافيه تجاوز خطوط اللا معقول والمستحيل بقلوبنا وعقولنا

من يتركون أثرا رائعا بملامحنا

 نبكيهم بوجودهم حتى ولو كان يسعدنا لأنا نخشى فراقهم

ونبكيهم إذا غابوا لأنا نفتقدهم

قد يسيئون ولكن تبقى إساءاتهم كالرسم على الماء لا يبقى له أثرا ويزول بزوال بصماتنا عليها

وكثيرا مايحسنون وتبقى بصماتهم كنحت الصخور باقية لا يمحيها الزمن

يسعدنا بقائهم ويبكينا فراقهم وتسعدنا ذكراهم فى الغياب 

نفتعل الخلوات لنذكرهم ..لنشكو إليهم غيابهم 

هكذا هم..باقيـن مابقيت أرواحنا

قريبين على البعد

إلى أولئك الرائعين ذوى هذا الأثر بحياتى

أفتقدكم مع كل شروق شمس وغروبها

أبكيكم عندما يجور الدهر،،تسعدنى ذكراكم

وتروقنى حقا خيالات ابتساماتكم

 أسعدنى الله الكريم برجوعكم

حكاياتى معهم..3

2011-09-02T15:48:00.000+02:00

صديقى الحبيب 

إنه حالة ليست عابرة،،

بأى حال لا يمكن أن تصنفه فردا عاديا فى طريق تخطوه خطواتك كل يوم

ولا يمكن أن تقترب منه ولا تحبه،

لعله من أطفال ال27 ربيعا وإن حق القول فهو الأقرب للملائكة منه لبنى البشر، 

كلماته تحنو على روحك مجروحا وترفرف فوقها سعيدا،

ترجع برائته لكونه لم يختلط ببنى البشر ,لم يعرفهم , لم يعاملهم إلا من خلال نوافذ ضيقة فتحت على أبواب مدرسته وجامعته.

كانت أمه البطل الخفى فى مسرحية حياته،

دورها يشبه الدوبلير فى الأفلام..حاضرة غائبه،

هى من تدفع بكرسيه المتحرك إلى الجامعة ,هى من تصور ملازمه , هى من تغير ملابسه بل وهى من تصطحبه فى أى من تحركاته.

ارتبط بى ارتباطا شديدا, لعله كان الأكثر التزاما نحوى فترات ضيقى

وحده من كان يرن هاتفى برقمه قبل امتحانى وبعده ووحده من كان يرشده قلبه لأوقات ضيقى دون أن أخبره،

لم يخيب ظنى به أبدا.

كانت علاقتى به لا تعدو صديق قريب بل وصديق حبيب.

دوما ماكان يصفنى بالملائكية ودوما ماكنت احتقر نفسى كلما حادثته والومها لأنها لم تكن تشبهه بل وأبدى استيائى لأنه يعيش وسطنا،

مرارا وتكرارا أخبرته بأن مكانه ليس الأرض وإنما السماء.

ولا يتعجب أحدكم إن ابلغتكم أنه كان أبى الروحى برغم الفارق الضئيل بينى وبينه فى العمر وبالرغم من أنى لم أره بحياتى ولو لمره واحدة.

انتهى دور بطولته بحياتى فى نفس الوقت الذى قررت فيه احالته من شخصية وهمية لا أراها إلا من خلف شاشات النت إلى بطل حقيقى،

عندما قررت زيارته جائنى خبر رحيله..لا أخفيكم سرا فقد كانت هذه هى المرة الأولى التى اصاب فيها بالانهيار العصبى..
لازمت الفراش عشرة أيام تقريبا فى حالة يرثى لها وأنا لا أدرك أنه تركتنى ورحل ولا استطيع استيعاب أن الدنيا فرغت ممن تحنو قلوبهم وأنها تأبى إلا أن تسلبنى كل من يتعلق بهم قلبى :(

هذه هى دنيانا للأسف ...لا تعطى .. 

لا أنكر أنى مازلت أحبه كما لو كان بحياتى حيا حتى الآن.

قرابة ثلاث سنوات مضت على رحيله .. ثلاث سنوات عملتنى كيف لى ألا أضع روحى كاملة فى يد أحد فعادة ما يخذلنى الأحياء،والمخلصون يختارهم الله فى سمائه

رحمك ربى الرحيم صديقى الحبيب وأسكنك فسيح جناته

على الهامش..

صورة البوست هى أقرب الصور لقلبه

Feeling!

2011-08-31T02:33:00.000+02:00

أنـا لـو غاليـة 
كنت تفكر تسأل عنى .. تسأل فيـا

ولا وجودى زى غيابى .. حاجة عاديـة
أنا مش فارقة معاك فى حياتك .. أنا منسيـة

حـاسس بيـا
أروى

للإستماع 

Macedonian Dwarf

2011-08-11T01:55:00.003+02:00

Leader Test said that I'm 

Mother Teresa :)

may be !

:)

زمان يارمضان

2011-07-31T00:21:00.002+02:00

زى تمام إيمانى بأمى وأبويا وزى ما انا عارفه عدد أخواتى وهويات أصحابى الأقرب لقلبى،

زى إيمانى بفصل الشتا وقدسية نسمة ليل الصيف،

وزى ما بعرف أحب وبتقن كره النفاق،

زى ما انا مصدقة أوى إنى بعشق الوقوف على عتبات شهر رمضان.

رمضان يعنى شكل الشوارع ومحلات الفوانيس وأطباق السلطة وكوباية التمر باللبن 

رمضان يعنى الفانوس القديم لا بشكل الجديد ولا بلعبة على شكل المفتش كرومبو ولا بوجى وطمطم بداله

رمضان يعنى لمتنا فى بيت جدى على سفرة طويلة مجمعانا كلنا وصوت ضحكنا جايب آخر الشارع

وهيفضل رمضان فى بالى هو الصحبة الحلوة ولمة صلاة التراويح ومسكة المصحف وانتظار الآذان

كل رمضان وانتوا واللى بتحبوهم وبيحبوكوا طيبين ياناس ياللى انا بحبهم

وكل سنة وانتوا محققين كل اللى تتمنوه واكتر واكتر

رمضان كريم سعيد :)

الملائكـة لا تسكـن الأرض

2011-07-01T20:18:00.001+02:00

كثيرا ما نختلف وقليلا مانتفق،

وكثيرا مانتوقع ممن حولنا ردود أفعال تتناسب مع أفعالنا وأقوالنا بل وما نقدمه،

ثم لا نجد صدى لهذا إن لم نلق ما يكسر بداخلنا أشياء جميلة لا نكاد نبنيها حتى تنكسر مرة اخرى،

نلق باللعنات على الزمن وعلى من حولنا بل ونكره دنيانا ونتمنى ان لو نعيش على كوكب آخر لا يسكنه من نراهم على كوكبنا هذا،

كل هذا وأكثر لأننا نتوقع ممن حولنا أن يكونوا نحن وليس هم،

ننتظر منهم أن يفكروا بعقولنا ويدركون بقلوبنا وأن يقفوا من خلفنا دوما ليروا الأشياء بعيوننا

لعلها حكمة الله من وجود السئ  ليشعر الأفضل بقيمته

خلق الشر لتوقد النار بأصحابه وخلق الخير لتمتلئ بأصحابه الجنة 

فقط لأشباه الملائكة....

من يهتز إيمانهم بما يصنعون وتهتز ثقتهم بأنفسهم كلما تكاثرت من حولهم السيئات،

استمسكوا بما أنتم عليه،

افخروا بأنفسكم واحبوها كلما صادفتم من يمشون على جروحكم غير مبالين

 فلهذا خلقهم الله 

وتذكروا دوما أن الملائكة لا تسكن الأرض. 

حكاياتى معهم..2

2011-06-06T22:33:00.007+02:00

حـالـة حـلـوة

بدأت حكايتهما وأنا فى الربيع السادس من عمرى على ما اذكر..

كان لها وجها كالقمر ووجنتين حمراوتين وضحكة لها صوتا ورسما يضيئان الدنيا.
برغم كونها خالتى وتسبقنى عمرا بعشرة أعوام على الأقل إلا أنى اذكر لها هى وخالتى الصغرى صداقة قوية تجمعنى بهما واهتمام شديد بتفاصيلى فى طفولتى بدءا بملابسى، تسريحات شعرى ،غذائى وانتهاءا بنومى،

كانت خالتى هذه تتسم بالجمال الخلاب، خطابها كثر كما يقولون فى كلام العامة، يتمناها الكثيرون ولكنها من بينهم جميعا اختارت أحد أفراد عائلتنا وكان ابن عمتها،

لم تفصح عن سببا واحدا يجعلها من بين كل من يتقدمون لخطبتها تتمسك وبشدة بابن عمتها هذا الذى يتحرك على كرسى متحرك ولا يمتلك أى من قدمين فقدهما فى حادثة قطار!!

اذكر وقتها ان تمسكها به ادهشنى ولم أكن امتلك نضوجا كافيا يجعلنى أعلن رأيى فى أنها غريبة الأطوار وأن عنادها سيودى بحياتها فى رحاب رجل غير قادر على إسعادها ولا يمكن الاعتماد عليه لكونه لا يمكنه الاعتماد على نفسه أولا.

الجميع كان معارضا وبخاصة جدى -والدها- ولكن أمام اصرارها اضطر للموافقة على مضد، ولن انسى انه إلى يوم زفافها كان جدى يعرض عليها إعادة التفكير فى اتمام الزواج وهى وبإصرار شديد تقول أنه قرارها وهى وحدها من ستتحمل نتائجه.

تمر الأيام وخالتى لم تشكو حالها أبدا بل وعكس كل المتزوجات لم تفارق ابتسامتها وجهها أبدا ما رأيتها،
بل وهى وحدها من بين أخواتها التى لم تأت لبيت جدى هاجرة بيت زوجها.

عندما كبرت لم يكن لهذا تفسيرا عندى إلا أن خالتى تمتلك رومانسية مفرطة لسيت عقلانيه إلا انى احترمتها بشدة لا أعلم لماذا !!

ولكن يبدو أن لها حسابات أخرى لم يدركها عقلى وإن ادرك قلبى نصفها،

بينت هى حساباتها لى فى حديث خاص،

قالت إن كان ابن عمتى معيبا فى منظورهم هم فأنا أولى بعيبه من غيرى إلا إنى لا أجده معيبا فهو لى ما لا يمكن أن اجده فى غيره،
يكفينى أن جسده لا يعرف الراحه فى تعبى،
وأن عينه لا ترى من نساء العالم غيرى،
وأنه لا يفعل إلا ما يسعدنى،

لم يستوعب عقلى أن ما اسمعه حقا مايحدث فالرجال لا يمتلكون مثل هذه المثالية تجاه زوجاتهم،
ولكنى ادركتها بحق حين كنت فى زيارتهم لمرض خالتى منذ أيام،

وفى مزحاتنا سويا قلت له "أنا مستعدة ادورلك على عروسة ياخالو بدال خالتو اللى صحتها تعبت دى"
وكان رده"بس أنا مش مستعد أنا لو لفيت الدنيا مالقاش ست تساوى ضفرها عندى" :)

حينها وفقط ادركت كم كانت حسابات خالتى أصدق منا جميعا.
وأنهما ليسا زوجة وزوجة ولكنهما"حـالة حلــوة"
:)

حكاياتى معهم..1

2011-06-02T23:21:00.000+02:00

"انـسـانـه"

نادرا ما أقابل من يمكن أن اطلق عليه لقب "إنسان".

منذ عشر سنوات مضت باع أحد جيراننا بيته،

اذكر وقتها حزنى الشديد لأن جدتى المسنة والدة صاحب البيت ستنتقل عن جيرتنا،

كم كانت حنون تلك المرأه تمتلك من الطيبة ما يكفى لشفاء قلوب ملايين البشر,كانت ابتسامتها لى ودعائها بالنجاح أجمل ما يمكن أن اصدافه بحياتى،

وقتما انتقلت اعتقدت أنى لن أجد بعدها هى وجدتى لأمى كل طاقات الحنان هذه فأنا اعتبرها الثانية التى صادفتها بحياتى تستحق منى لقب انسانة بعد جدتى لأمى.

ولم تشأ الأقدار أن تحرمنى أنس هذا البيت فالله اكرم من أن ينتزع نعمه على انسان دون ارسال مايعيضه عنها.

كان لجيراننا الجدد ابنه وحيده وكانت أحد تلميذات أمى ,كانت تكبرنى بعامين وكان ولائها لأمى يفوق الخيال،

كانت تتردد على بيتنا كثيرا،ومره ف مرات صرنا نتحدث كتيرا فأكثر وأكثر حتى صرنا صديقتين.

كانت بالنسبة لى أمى الثانية برغم الفارق الضئيل بينى وبينها فى العمر،

كانت تتسم بالعطاء والحنان، تمتلك قلبا قادرا على احتوائك فى أحلك لحظات عمرك وعطائها دوما دون مقابل.

برغم انها كانت تثبت دوما اختلافها عمن سبقوها ولحقوا بها إلا أن هاجس صداقاتى الفاشلة كان دوما يراودنى بأنها يوما ما ستصنع بى ماصنعه من قبلها من صديقاتى المقربات.

وتمر السنون وتثبت بجدارة أنها مهما ابتعدت او اقتربت هى من تمتلك قلب انسان بحق،

" وهنا اعترف لها بأنها من احسست بقلبها حنان أم لم تلدنى ولم تحملنى بطنها"

سافرت مشيرة مع زوجها وتركتنى وحيده إلا من بعض دقائق تحاثنى فيها للإطمئنان والسؤال ولتسمعنى صوت ولديها اللذان يملكان من قلبى موقع ولداى اللذان لم أرهما بعد.

وهى وبجداره من تستحق منى للمره الثالثه لقب "انسانه"
.
.

تركنى الله أعانى وحدة الأصدقاء إلى أن عوضنى بها بعد سنوات تجاوزت الأربع من سفر مشيرة

هى أقرب ماتكون لمشيرة فى صفاتها، تملك قلبا نظيفا لم تلوثه الدنيا ،نفسا صافيه وروحا نقية.

منذ رأيتها فى بداية عملى معها وأنا اعترف لها بأنى أحبها فى الله، طيبتها تشعرنى أحيانا بشر يتملك أعماقى.
وبرغم أنها لم تقل لى "وحشتينى " إلا مره واحدة :) إلا أنى أشعر بقربى من قلبها،
واليوم اتوجها على عرش لقب الانسانه الرابعه بحياتى واعترف لها

إنى احبك فى الله "هـــبــــه" صديقتى الصدوق

أبيض..وأسود

2011-05-28T23:14:00.001+02:00

دائما ما نجبرنا المواقف على الامتثال لابتسامات سخيفة لا تعدوكونها ابتسامات شفاه دون أو يعلم القلب بوجودها ليس لشئ سوى لأن تمر تلك المواقف بخير،

مسرحية يومية متكرره ادوارها هى نفس الأدوار،
كل يوم انت البطل ويمتلئ مسرح الاحداث بمن يشاركونك تلك الاحداث،

نفس المسرحية المملة يوما تلو الآخر باختلاف الأدوار والشخصيات تجد نفسك تائها فى نفس الحلقة المفرغة التى لا تعلم بدايتها من النهاية.

قد تنتظر ذلك البطل الذى يغير بدوره اللا تقليدى تلك الأحداث السخيفة ليحيل المشهد من الأبيض والأسود إلى ألوان.

يطول الانتظار
.
.
تتبدل الادوار،

يظهر الكثيرون فى ثياب العامة لتبحث فيهم جميعا عن ذلك البطل،

ويأتى ليكشف عن نفسه باختلاف زائف،

ينهى به المشهد الفاصل فى تلك المسرحية الحقيرة بطعنة سكين فى ظهرك،

تفيق منها على أن أبطالنا جميعهم ..

أبطال من ورق!!

ولــــــو تاهـت فى ليـلى الخيــل

2011-05-13T19:18:00.000+02:00

يبدو لى حبك كنهر يأبى إلا أن يأتى فيضانه عكس التيار.

يكسو جريانه الكبرياء تيدو أمواجه عاشقة ملء الأرض عنادها ملء السماء.

ما  أن رأيتها قاسية جاحدة على قلبى ازداد عنادى.فإما أن يعود النهر ليفيض فى  اتجاه مجراه الذى خلقه الله من أجلى,أو أن أحطم بيدى كل السدود التى تحول  دون فيضان أمواج حبك نحوى.

فكما يوما حطمت كل قيود الأنثى لأثبت جدارتى بحبك ,سأحطم غدا رأس عنادك لتكن من يجدر ببناء جسورا منيعة بينى وبين آدم غيرك.

وكما أمس أعلنت التراجع والانهيار,اليوم أعاود الإيمان بأن الصمود أمام عينيك فقط هو ...

 درب مـن العبــث

خلف أبواب الألم

2011-04-24T16:14:00.000+02:00

كان أحدهم مميزا فى طلته, فى حركاته , فى خفته..ألوانه جذابه تأسرك تعابير وجهه منذ الوهلة الأولى

 برغم كثرتهم تجد عيناك منجذبة إليه وبرغم تشابههم يميزه شيئا ما لا تعلمه 

ولولا أن ألوانا كانت تخفى ملامحه لاعتقد الجميع بأن براءة ما فى ملامحه هى سر تعلق الحضور به

تشعر من حين لآخر بأنه يشعر بما فى قلبك فيرسل لك بعضا من نقاء روحه لتبعث فى قلبك ابتسامة تبتسم لها شفتاك 

أصبح من بينهم جميعا حديث الحضور 

جميعهم يتمنى أن لو كان فى مثل موضعه,لا يلقى بالا لشئ ولا يهتم لأمر كان غيرسعادة الاخرين

  أن لو بإمكانه التحرك مثله,ارتداء ملابسه أو أن يرسم على وجهه ملامحا أخرى بألوان الربيع لا يسكنها الحزن ولا يعرف لها عنوانا

انتهت فقرة المهرجون وانصرف الحضور ..يبدو على أعين الجميع الرضا عن نصف ساعة قضوها فى رحبه

الجميع يغبطونه على سعادته.. وفى حينها كان يغلق باب غرفته عليه..يخلع ملابسه بحذر ..ينظر لحروق جسده فى حسرة تذرف عيناه دموعا مكتومة الآلام خوفا من أن يشعر بها أحدهم

.

.

.

انتهت

تفـاهـات

2011-04-15T14:34:00.001+02:00

ينعتوننى بالعناد حتى الجنون واعرفه فى نفسى.فكلما أردت شيئا بشده ركضت خلفه حتى سخرته لى.ولكن ماذا لو سخر شيئا كل قدراته ليمنعنى من أن أسخره لنفسى؟

نمتلك أرواحا أسمى من أن تدفن فى غرور أحدهم ببعض صفات قد تقترب للحيوانية منها للإنسانية. يعتقدون بأنا نرضخ لو اقتربوا ونتوسل لو ابتعدوا. ألا يظن أولئك أنهم مبعوثون؟

كلما نظروا فى المرآة تخدهم أبصارهم تأخذهم العزة بالإثم تخونهم عقولهم لا يعلمون بأنهم لا يحتاجون لمرآة تعكس ملامحا حفظوها حد الملل بل يحتاجون لمرآة تعكس خطوطا سوداء فى قلوب لا تعقل.عل الله لم يمنحهم إياها لأنه لم يشأ أن يمنحهم فرصة لإسترداد أنفسهم.

يلملم الشتاء مابقى من أشلائه ليرحل وألملم ما بقى من رجاء فى نفسى من خلفه.

أنعتك بالنفاق ليس لأنى حادة كما تنعتنى بل لأن أبى لم يعلمنى كيف للألوان أن تغير ملامح الوجه الواحد.

كلما بحثت عن مصدرا لمفردات جدت على لغتى وجدتها فى صوتك فكيف أكرهك وأنا دوما ما أحب نفسى كلما حادثتك؟

كلما قرأتها وجدت الشيطان فى قلبى لا فى بيتهم كما يزعم.

بالرغم من ذنوب اقترفتها عيناى ويداي أثق حد السماء فى طهارة قلبى.

أمتلك طاقات من الحنان تجعل قلبى دوما فى مأساوات الآخرين حتى لو لم اعرفهم قدرها قدر ما أسعى لإخفائها عسى أن يجد يستشف أحدهم الضعف فى قلبى.

أكره ذلك الشيطان الذى يعيدنى للبحث عنى بعد كل مره أستشيط فيها غضبا من غباء أحدهم.

مثل يومنا هذا منذ عام كنت أشعر بتعاسة العالم فى قلبى خوفا من شبح الثلات والعشرين خريفا من عمرى واليوم يحادثنى قلبى أين التعاسة وهو تفصله عن الرابعة والعشرين بضع ساعات فائتة فائتة لا محالة؟

الى حيوان

2011-04-07T17:32:00.000+02:00

حبيت ارد على الحيوان اللى كتب كومنت باسم غير معرف مالقيتش حاجة تليق بيه

يمكن" اتق الله " تنفع معاك

يمكن

امتحان وطنية عامة

2011-03-18T14:36:00.000+02:00

زمان لما عرفت بثورة التحرير كنت فى الأول بصقف وبقول الله ينور عليكوا وربنا معاكوا

ولما حسيت بشوية احتقار لسلبيتى قررت انزل عشان اشارك وبرضه فى الاول استسلمت للى بيقولولى خافى على نفسك ولما رجعت استحقرت نفسى تانى نزلت ونزلت اكتر من مره 

اه القضية كانت معاهم ولا مش معاهم بس القضية الاكبر عملت ايه عشان انصر رأيى اللى مؤمنه بيه

دلوقت..نفس الحكاية مع الفارق

خايفه يوم السبت يجى عشان مااضطرش اروح اجاوب على السؤال الصعب

احساس المسئولية يفوق احساس ليلة امتحان الكيميا فى ثانوية عامة على الأقل فى الكيميا اجابتى بايدى والنتيجة ليا او عليا انا لوحدى

 دلوقت الصوت أمانه

الكل مهزوز

اللى بيقول نعم بيقولها وهو متخوف واللى بيقول لأ بيقولها وهو متخوف

بس  القرار اللى لازم يكون موجود بصرف النظر عن الرأى هو المشاركة

حتى لو قلت لأ والأغلبية قالت نعم أو العكس مش مهم المهم انى قلت رأيى

المهم اننا بقينا بنتكلم فى بكره..بنتكلم فى مستقبل البلد

المهم بقى فى أمل سوا هتعلن مصر افلاسها بعد كام شهر ولا هتقوم فيها قومة زى اليابان بعد النووى

"نعم أو لأ" مهم جدا بس الأهم "الصوت..الأيجابية"

بكره مش امتحان ثانويه عامه بكره امتحان وطنيه عامه 

يارب ننجح

أما عن رأيى فمش هلعب بيه فى دماغ حد :)

كبرياء قلب

2010-11-13T21:06:00.001+02:00

عجبا لأمر هؤلاء الذين يعايشوننا..يعاشروننا..يشاركوننا لحظاتنا الحزينة والجميلة وصغائر تفاصيل حياتنا..

نحسبهم جزءا لا يتجزأ عنا فيؤلمنا الإبتعاد عنهم بل وننتظر وجودهم بقربنا فى أحلك أوقاتنا..

ثــــــم..

وبدون مقدمات نجد منهم ما يكشف لنا أنا لم نكن نعرفهم ..لم نكتشف تفاصيلهم الصغيرة كما كانوا معنا

فيأخذهم غرور قلوبهم لجرحنا..لقتل كل ذكرياتنا معهم والزحف فوقها بخطوات القسوة واثقين بأن قلوبنا التى تحمل لهم الكثير حتما ستسامحهم..

فيخطئون وتغفر..

ويخطئون وتتجاوز..

ويخطئون وتنسى..

حتى تدمى قلوبنا وفى حين ..

نجد قلوبنا رغما عن أنفها لا تستطيع الغفران.

فكما أحببناهم يوما ملء قلوبنا اليوم ننساهم كما ضربوا بما كان لهم فى قلوبنا عرض الحائط.

2010-10-24T13:59:00.000+02:00

نقطـة

ومن أول السطر

هكذا علمنى أبى

2010-10-07T17:28:00.002+02:00

علمنى أن كثرة الخطأ لا يعنى أنه الصواب ولا يشفع لك انتشاره عند اقتراف الذنب أمام الله

علمنى أن أخلص للعدو قبل الصديق عسى أن ينقلب العدو صديقا فيجعل الله فيه خيرا كثيرا

علمنى ألا أخاف الخطأ ولا تأخذنى العزة بالصواب عل اقتراف الخطأ يعلمنى مالم يجنيه على فعل الصواب

علمنى أن اتق الله فى قولى وعملى وأن أعمل ليوم تشخص فيه الأبصار فلا تلهنى دنياي عن أخراى ولا تأخذنى أخراى من دنياى فلا أصبح من الفالحين

علمنى ألا أسعى لرضا الناس ولا أهملهم كل الإهمال, فكما لن أستطيع أن أرضيهم فلن أتجزأ عنهم,فلأفعل ما يمليه عليه عقلى وضميرى ولا أتوانى عن محاولة كسبهم لصفوفى

علمنى أن عقلى جنتى فإن رويتها بعلم وإيمان عشت فيها أبد الأبدين بزادى لا أظما بل أروى من يتعطش إلي وإن نسيتها أصبحت دائما كأرض بور تنتظر من يرويها 

علمنى أن الرضا هو الكنز الأعظم فإن اجتهدت لأناله نلت سعادة الدنيا وإن لم أنله فلأسأل الله من فضله أن يرزقنى إياه حتى لا أتمنى ما أعطاه الله لغيرى باغضة عليه

علمنى أن ما عند الله باق, فما فعلته من أجل رضاه أذاقنى الله به ماهو خير منه فهو من لا تضيع ودائعه

علمنى ألا أرتد عن فعل خير مالم أجد صداه عند مخلوق فالخالق عليم بمكنونات الأمور والصدور,فلعل مافعلته خيرا من يومى جناه ولدى من غد

علمنى أن ما أشغله من قلبى باغضة على بشر أنا أولى به فإن سامحته أفرغت قلبى لأملأه حبا لمن يستحق فلا شئ يستحق أن تملأ مثقال ذرة من قلبك كرها وحقدا فقلبك أغلى من يملأه الشيطان ببغضه

فهل كان أبى محقا فيما ربانى عليه أم لم تعد هذه أخلاقيات زمان لا يعرف أهله معنى كلمة اسمها تقوى الله؟!

نصف حلم لم يكتمل بعد!

2010-08-01T15:57:00.000+03:00

 تقـاطعـات

وحدة قاتلة وأربعة جدران لشقة موحشة

تمثل متعة التصرف بحرية كاملة,النوم عاريةوالأكل أوعدمه

من دون تأنيب ممن يدعون حبهم لى!

.

.

.
أصاب بكارثة نتاج لعفويتى وبرائتى
تفقدنى عملى فتهز كيانى 

عمل آخر خال من كل مايمتع ويجدى

لا راحة بال..لا متعة..لا غد

لا صحبة ولا أحباء!

.

.

.

شركاء يؤنسون الوحدة بل يزيدونها

يجيدون ارتداء أقنعة الغلبنة,المسكنة وحب الحق

يجيدون فعل مايشكون دائما من فعله معهم 

لا يتزينون بأى فضيلة على الإطلاق

يسعون جاهدين من أجل استغلالى "كواحدة بنت ناس" 

يجيدون الإنتفاع بما يستطيعون النيل منه دون تأنيب ضمير!

.

.

.

مشروع لم يكتمل بعد ولا يبدو أنه سيكتمل

أعلق آمالى به وأحلامى ومستقبلى القريب والبعيد أيضا

أوشك على الإقتراب منه ثم يضيع 

تسكننى هواجس الفشل وضربات الموت البطئ

رصيد يقل يوم بعد يوم من ثقتى بنفسى ومن حولى!
.
.
.
أتأرجح على أوتار روابطى به
الغيوم تملأ طريقى فما عادت تجدى نظارتى
أحبه بما آتانى الله من قوة وضعف 
أحاول فى صمت إزاحة الغيوم كى أرى غدى معه
اترك نفسى للريح تقذف بى حيث يشاء القدر
 راضية بما كتب الله لى 
.
.
.
صديقتان صدوقتان
تعطيان دون حتى التفكير فى مقابل
يتجسد المعنى الحقيقى للعطاء فى كلاهما
تؤنسانى..تسعدانى..وحدتى تكمن فى بعدهما عنى
أعشق تفاصيل علاقتى بهما حتى وإن كانت اختلافات 
أدعو الله ليل نهار ألا أفقدهما أو أحدهما

.

.

.

سبعة انترفيوهات فى شركة كبيرة

تمنحنى فرصة حديث مطول مع جنسيات بل أساليب مختلفة

تنتهى جميعا بتهنئة بالفوز بالوظيفة عن جدارة 
وأيضا انطباع جديد "الكل سواء" حتى وإن اختلف المنشأ 

تلك كانت وظيفة نصف حلم لم يكتمل بعد!

.

.

.

دمرت مشروعى الذى لا أمل فيه بيدى

فزت بلذة الجسور

أستعيد قوتى شيئا فشيئا 

أرفع من قدرتى على مواجهة من وما حولى

رصيدى من ثقتى بنفسى يعود إلى 

أسعى جاهدة نحو اثبات وجودى 

أسعى بخطوات ثابتة لأعود أدراجى

"نور بتاعت زمان"

تعزفلى عالجرح ارتاح

2010-07-11T15:40:00.001+03:00

فردت ضهرها عالسرير وهى بتاخد نفس عميق بعناء

رفعت راسها فوق  المخدة ونادتله"بموت ياحبيبى"

حط ايده ورا  ضهرها 

رفع  راسها وضمها لصدره وحضنها

"راسك ورجليكى زى النار"

عنيها دمعت 

قومها من على صدره,قعدها, نزل رجليها من  عالسرير 

وسابها  وخرج

.

.

.

رجع بعد دقيقتين  بطبق بلاستيك صغير وطرحة قطن

وخرج تانى ورجع بطبق بلاستيك كبير فيه ميه

قعد  على ركبتيه كأنه لسه قايم من سجدة 

رفع رجليها من عالارض وحطهم فى الطبق الكبير

رفع قميصها وفضل  يغسل رجليها لحد مااطمن ان حرارتهم نزلت

قام قعد جمبها وسند ضهرها على صدره

بلل الطرحة القطن  بميه من الطبق الصغير وفضل يعملها كمادات 

.

.

حرارتها نزلت

باس جبينها

حضن راسها

طبطب على كتفها

ميل على ودنها  وقالها "بحبـك"

.

طبعت بوسه حنينة على  كف ايده وحضنتها

دفنت راسها بين  ضلوعه..ونــــامـت

:)

* العنوان جزء من أغنية "ممكن" غناها كل من "وجيه عزيز ومحمد منير"

عليك بــــك!

2010-07-05T14:18:00.007+03:00

من أغرب وأطرف عادات المصريين هى السب واللعن فى مصر والحكومه والظروف والأحوال.

والطامةالكبرى أن جميعنا كمصريين "فهلوية" -كما يخبرنى دائما مديرى العزيز- نجيد تعليق أخطائنا على شماعات غيرنا ممن نعرفهم ومن لا نعرفهم أيضا!

فكل منا يبتكر أفضل وأكثر الوسائل إقناعا ليقنع من حوله بأنه لولا الظروف والحكومة وأحوالها لكنا امريكا التانيه فى التقدم الرقى والازدهار وأنه فقط ينقصه الفرصه السانحة ليتحول إلى بيل جيتس!

لا أبرئ الحكومة من الحال الردئ والذى يزداد رداءة بمرور الوقت ولكـن أيـن نـحن؟!

لا أرانا إلا فى جروبات الفيس بوك وتويتات تويتر وتدوينات لا تسمن ولا تغنى من جوع

فكلنا إذا أراد السخط من شئ ما وإعلان ضيقه منه فهو إما مبادر بإنشاء جروب على الفيس بوك لمناهضة الفساد واعلان بغضه لهذا الأمر 

أو متأخرا -يزعم الإيجابية- فاشترك فى جروب سبقه غيره بإنشائه
أو مدونا لتدوينة نارية تحمل من السخط ماتحمله-إذا لم يكن من محبى الفيس بوك- 

بعض هذه المجموعات تحول سخط العالم الافتراضى إلى شئ ايجابى ملموس -واحترم هؤلاء بشدة- 

والبعض الاخر يكتفى بالسب والبكاء والانين كأى سائق ميكروباص يلعن فى الحكومه لانها لم تصلح الطرق ولا تقدر على تنظيفها من أكوام القمامة رغم أنه حمل بنفسه "كيس الزباله" الذى اعطته زوجته إياه فى الصباح حيث رماه على الأرض بجانب الباسكيت بدلا من أن يرميه بداخله!

هو نفسه الرجل الذى يذم فى سوء أخلاق الناس ورداءة أسلوب تعاملاتهم وعدم الإلتزام هو من يواعد تلك الفتاة المسكينة ليقابلها على الكورنيش ليقضى معها"وقت حلو" معشما إياها بالزواج  لتخرجه من هم "مراته وعياله" وهو نفسه أيضا من يلعن " أبو اللى جابوا" تلك المرأة التى ضيقت عليه طريقه واعتذرت وهو يقود سيارته قائلا"إيه اللى ركب الأشكال اللى زيكوا عربيات" بدلا من أن يثنى عليها حسن أخلاقها. 

هو نفس الشاب الذى يلعن"تلاتين أبو حكومتنا وجبروتها" لما فعلوه فى "خالد سعيد" رحمه الله هو نفسه من يطأطئ  رأسه أمام أمين قسم الشرطة إذا ماخالفه فى أمر فى الشارع غير قادر على مواجهته لأنه على الصواب! أو يعطى موظف السجل المدنى "عشره جنيه فى الدرج" عشان يخلصله المصلحة بدلا من الوقوف فى طابور الإنتظار مبرءا نفسه من الذنب بأن الغاية تبرر الوسيلة!

لا أدعى بأنى ملاكا وسط الشياطين وأنى إيجابية طوال الوقت لكنى أؤمن بأن معرفة سبب المرض نصف الطريق لعلاجه 

فأنا التى أسب والعن فى السلبيه كلها"وأولها سلبيتى" لعدم قدرة أى منا على تغيير نفسه أولا والعمل بما ينصح به غيره ويشدد عليه فى ضرورة الإلتزام به فى حين عدم التزامه بأغلبه إن لم يكن كله!

أرى أنه لم ولن نستطيع تغيير شيئا من حولنا إلا إذا استطعنا  تغيير أنفسنا أولا 

ففـاقد الشـئ لا يعطيـه
ولم يكن الله مغيرا نعمة أنعمها على قوم حتى يغيروا ما  بأنفسهم 

..والله المستعان

.......

2010-06-24T15:10:00.000+03:00

أعتقد بأن بعدك عنى يعنى الموت 

ولكنى أدرك تماماانك.. 

الحيــاه

شيخوخة

2010-04-14T12:50:00.000+02:00

لأول مره احتفل بعيد ميلادى قبلها بأيام

لعل السبب هو عدم تواجدى فى بيتى يوم الجمعة لذلك لن استطيع الاحتفال به فى معاده

اعتقد أنها كذبة كبيره لانى اسابق الزمن لأفرغ مابداخلى من هموم تصيبنى للمرة الاولى وانا احتفل به

من الممكن أن يكون السبب هو انه عيد ميلادى الثالث والعشرين وهو رقم كنت انظر له بعين الهيبه منذ صغرى وكأنى لو حققته فسأكون أكبر شخص فى الوجود ولا ادرى لماذا هذا الرقم بالتحديد!!

ولكن الاقرب للحقيقة هو إحساسى بأن البساط يسحب من تحت قدماى فلا اشعر الا بشيخوخه تصيب ملامح وجهى بعدما كان يتسم بالبراءة والطفولة إلى وجه آخر لشخص آخر يكبرنى بخمس سنوات على الأقل 

لا أشعر بالفرح على أية حال

يوم السبت سيكون أول أيامى فى ربيعى الرابع والعشرين

ما أشعر به هو حتما ليست مشاعر كره النساء العقيم لإحساسهم بتقدمهم فى العمر 

ولكن هو حقا إحساس بالمسئولية يقهرنى وأجدنى لا أفكر إلا فى سؤال واحد...

ماذا فعلت فى ثلاث وعشرين عاما أمضيتهم من عمرى؟

وكم تبقى منه ؟ وهل سأستطيع أن افعل ماأعيش من أجله؟

الان أدركت سر حزنى وهو أنى..

 لا أعرف الجواب !!

عم سيد والاوفيس بوى

2010-04-08T12:36:00.000+02:00

عم سيد

 غفير المنظفة اللى فيها الشركة اللى انا بشتغل فيها 

بأى شكل من الأشكال لا يمكن ان حد يصدق بسهوله انه غفير لعدة اسباب اهمها التكوين الجسمانى ليه اللى يبدو ضعيف جدا جدا عن كونه يقدر يحمى نفسه مش يحمى ادارات شركات

الحاجة التانيه شكل عيونه اللى يبدو عليها ضعف نظره 

مش ده كله اللى عايزة اتكلم فيه 

كل يوم كنت بستغرب ازاى الراجل ده بيجى قبل 8.30 ونمشى الساعه 5وهو موجود وقلت ساعتها اكيد هو ساكن هنا بس فين ممكن يسكن فى منطفة اقل شقه ايجار فيها ب1000جنيه 

سماحة وشه وطيبته اللى بتبان فى كلامه وحبه للناس اللى بيشتغلوا فى الشركة عندنا خلتنى بقيت استنى اشوفه كل يوم ولو يوم ماشفتوش بزعل

لحد مافيوم غيرت الشارع اللى بدخل منه للشركه واتفاجئت بعم سيد قاعد على الارض جمب صندوق خشب لا يعدو متر *متر ونص واكتشفت ان هو ده المكان اللى عن سيد عايش فيه!! 

الاوفيس بوى

الاوفيس بوى الدائم اللى بيجى الشركه غاب فى يوم فالشركة بتاعت السيرفيس بعتت واحد بديل

اعتقد ان مفيش حد أثر فى نفسيتى اد الولد ده لدرجة انى ناديتله فى المكتب وسألته انت متعلم؟ قالى واخد دبلون -بالنون وليس الميم- 

الولد سنه مايعديش 20سنه يملك من الطيبه ماهو ظاهر على ملامحه لدرجه تتعب اعصاب اى حد بيحس

اعتقد انى مااشتغلتش فعليا فى اليوم ده اكتر من 3ساعات وبقيه ال9ساعات سرحانه وبراقبه ومش مستقره نفسيا

معرفش ليه ياسر الاوفيس بوى الدائم عمره مااثر فيا رغم انه راجل كبير  وده خطف تفكيرى كده؟؟!!

عم سيد والاوفيس بوى الاتنين استفزوا جوايا نفس التساؤل؟

ليه انا كده وهما كده

!!!!! 

لما شفت مسكن عم سيد احتقرت نفسى وسألت نفسى للحظه ليه مااكونش انا واهلى اللى عايشين فى مكان شبيه بده؟

دايما كنت ساخطة على بعد بلدى عن مناطق الشغل الحيوية ويوم ده بس لقيتنى بحمد ربنا عدد خلقه لانى عايشه ان واهلى فى بيت يمثل قصر بالنسبه لسكن عم سيد

والاوفيس بوى خلانى سألت

الولد ده بقى بيقدم سيرفيس للمكاتب اللى فيها مهندسين ومحاسبين ومديرين وسكرتاريه وهو مش معاهم ليه؟؟!!

ربنا وزع الرزق اه بس الفقر اللى مخلاهوش متعلم كفايه ومؤهل كفاية انه يتخدم بدال مايخدم؟؟

طيب مكنش ممكن يبقى اخويا مكانه؟

مفروض نعمل ايه عشان نحمد ربنا على اللى احنا فيه ومش عاجبنا؟

هو ده السؤال اللى مفروض كل واحد فينا يراجع نفسه فيه

ليه ماتكونش مكان عم سيد ولا الاوفيس بوى؟؟!!

عن البرادعى والأمل..وجهات نظر

2010-02-23T21:40:00.004+02:00

البرادعى اللى أثار الاحاديث حواليه الفتره اللى فاتت لانه الامل المنشود للمصريين

فى الحقيقه لحد حواره مع منى الشاذلى مكنتش اعرف عن طريقه تفكيره ولا دماغه حاجه اكتر من إنه شخصيه محترمه لا تشوبها شائبه

ولأنى مكنتش اعرف هو ممكن يبقى رئيس كويس لمصر فعلا ولا لأ كنت بعلق الامل على انه قدر يدير وكالة الطاقة الذريه 12سنة اخد بسببهم جايزة نوبل إذن هو مبدأيا اهل لانه يقدر يتولى مسئوليه حكم مصر حتى ولو كان مش هيبقى قدها اوى مهما كان مش هيكون سئ زى الوضع الحالى

كنت خايفه جدا تطلع الناس متعلقة بيه من نفس منطلق البنت العانس اللى مابتصدق يجى اى حد البيت فتقول عريس يابوى حتى لو هو كان سئ لدرجه انه لو جالها ايام عزها وجمالها كانت رفضته بالتلاته

لكن الحقيقه حواره مع منى الشاذلى كشف كتير وهو افضل نسبيا عن كونه صامت وهادى وواخد جمب زى عادته ومش عارفين دماغه فيها ايه

لكن عن الحوار كان ليا شويه ملحوظات

أولا : مال كون الراجل سقط فى امتحان فى الحضانه ولا فى الحقوق بكونه هيمسك رئيس دلوقت؟ اذا كان الراجل اخد جايزة نوبل

طب ماهو ياما ناس كانوا اوائل ودلوقت موظفين فى الحكومه بيشيلوا البطيخه ويركبوا اتوبيس الهيئه ويحطوا منديل على قفاهم

وثانيا: هو كون الراجل اضطر لانه يمر من بين الناس بعربيته مش ماشى على رجليه يبقى كده هيتعامل مع كل المشاكل بسياسه التعالى والشوكه والسكينه زى ما منى قالت؟ وحتى لو كان بيعمل كده خوف من الناس اللى جايه تستقبله ما المانع يعنى فى انه يخاف على نفسه من وجود دسيس طب ماهو الريس الموجود دلوقت بيلقى خطبه احتفالات اكتوبر من مكتبه الخاص ومن تحت المكتب لو لزم الامر

وثالثا: تقديم تقرير عن عينات من الشعب لا ليها فى التور ولا فى الطحين زى اللى مايعرفش الاسم اساسا واللى فاكره البرادعى بتاع انا البرادعى يارشدى ولا يالطفى مش فاكره ولا واحد بيقول عليه واخد الايزو مايعرفش اكيد يعنى ايه ايزو والا مش هيقول ان ممكن بنى ادم ياخدها ده على اساس ان الهيكل التنظيمى بتاعه مظبوط مثلا!!
ده هما شايفينه يدينه هو فى ايه؟ عشان كان مسافر بره؟ طب ماهو شغله واللى قاعدين جوه بيعملوا ايه؟ ماهم بيخربوا
اهو ده على الاقل عمل حاجه لاسم البلد

ورابعا: مهاجمة منى ليه على اساس انه مالوش حزب مناصر ليه وانه بيشتغل لوحده وبيقول كلام معسول يعشم بيه الناس قد يكون تنفيذه فى الحقيقه صعب بل مستحيل. طيب هو كونه مالوش حزب ده عيب؟ انا بصراحه شايفه ان مفيش حزب محترم يستحق ان ينتخب منه رئيس فى بلدنا.لا وطنى ولا معارضه ولا من اى تيار سوا اخوان او غيره.وجهة نظرى الشخصيه ان دول كلهم كل واحد على راسه بطحه تبعده بعد المشرق والمغرب عن اهليته للوصول لرئاسه مصر واعتقد ان البلد فيها محترمين كتير بس مش ظاهرين لان الفساد اكبر والراجل ده لو مسك الرياسه مش هيغلب انه يدور على شوية المحترمين دول ويمسكهم وزراء يساعدوه فى الحكم

وأخيرا: منى الشاذلى مكنتش قادره افهم موقفها.ده لو الريس نفسه هو اللى كان معاها بكل بلاويه ومصايبه مش هتحتد عليه كده !!

فى الحقيقه دورت على تفسير لموقفها مالقيتش غير تفسيرين محتملين

1- إما إنها كان بتلعب معاه بسياسة الاتهام بالاخطر عشان هو يتحط فى موقف الدفاع عن نفسه فيضطر يستخدم كل اسلحته وهى اخراج مافى جعبته لاظهار نواياه الحسنه وساعتها الناس تقدر تحكم عليه

2-أو انها كانت سلاح فى ايد حد اتحط حوارها ده فرصه لمحاولة تصغير البرادعى فى عيون الناس فمايحاولوش انهم حتى يثقوا فيه

البرادعى من وجهة نظرى الشخصية بارع وذكى ذكاء حاد وعنده سرعة بديهه جباره واحساسى كمان وان كانت السياسه ملهاش فى الاحاسيس ان الراجل ده يستحق انه يتأمن على الناس

منى كانت رائعه فى الحوار ومتألقه جدا وعرفت تلعبه كويس اوى حتى لو كان دوافعها حاجه غير اللى فهمته بس لو الدافع كان السبب التانى فى اللى فهمته فأنا هحتقر منى وهكرهها كمان لكنها ابلت بلاء حسن على عكس اشعاع الهمجية اللى اسمه عمرو اديب

وأخيرا وجهة نظرى الشخصيه ان مهما كان البرادعى سئ فهو مش أسوأ من النظام الحالى يعنى لو بفرض لا قدر له طلع وحش فهو اقل سوء يبقى هو الامل اللى فاضل

وإشارة أخيره لحاجه ترتبط بالموضوع

فاتتنى فرصه استخراج بطاقة انتخابيه فى شهر يناير وبعد محاولات مضنيه وبهدله عشان استخرجها فضلوا يماطلوا فيا عشانها ومعرفتش اطلعها انا واخويا

المهم اضطريت انى اتصل بخالى اللى هو ظابط فى القسم عشان يخرجهالى بدال مااتبهدل رغم انى مابحبش الجأله عشان حكايه الوسطه دى وفعلا قالى ابقى عدى عليا فى القسم هعملهالك المهم من غير رغى كتير

كنت عايزة اروح اعمل فيش فى القسم هو فضل معايا عشان الزحمه لحد ماعملته وخلص معايا كل حاجه وقبل مااخلص البصمات بدقيقه قالى هطلع اعمل حاجه وفعلا طلع خلصت واتصلت بيه عشان نعمل البطاقة ليا ولاخويا قوم ايه الاقيه بيقولى طيب يانور امشى انتى بقى عشان الراجل مش هنا!!!!!!!!!!!!!!
نااااااااااعااااااااااااام ياخويا

عايزة اعمل البطاقه قالى مش النهارده

بقالك اسبوع بتقولى مش النهارده طيب خد صور البطايق بتاعتنا وابقى اعملها وعديها عالبيت قالى ابقى ابعتيهم عالبيت

المهم نستنتج ايه من الموضوع ده

ان خالى طبعا ندل وزيهم كلهم واننا بالعند فيهم لازم نطلع البطايق صح يارجاله؟

لينك حوار منى الشاذلى مع البرادعى-اضغط للمشاهده-

تدويانت أخرى كتبت عن الموضوع

هنا

وهنا

البت عباس..وحكمة ربنا

2010-02-21T17:31:00.001+02:00

من كام يوم مش فاكره امتى بالظبط صادفت عالميل مدون جميل بعتبره الاب الروحى ليا ومكنتش اتكلمت معاه بقالى فتره كبيـــره ومن مقعدى هذا بالمناسبة احب اقوله انى بحبه جدا وعلى الله يقرا الكلام بس عشان هو اخره يضحك عليا وكل مايكلمنى يقولى والله انتى عسل :)

المهم لقيته مره واحده بيقولى نور هو انتى ليه مش بتلعبى فارم فيل؟

طبعا لمستخدمى الفيس بوك هى لعبه عليه مشهوره جدا

المهم انا ضحكت جدا لانى ماتوقعتش انه يكون بيلعبها لانى مش من محبى الجيمز ايا كانت بس دفعنى الفضول انى العب اللعبه اللى والدى الروحى بيلعبها

طبعا فضلت اخبط شمال ويمين ومش فاهمه حاجه قلتله انى هلعبها بشرط انه يعلمنى اتعامل ازاى

وافق وبدأت العب وهو بصراحه فضل يبذل معايا مجهود انه يعلمنى ازرع الاحواض فراولةازاى بالفاس :)

المهم اذ فجأتن لقيت الفيس بوك مطلعلى مسج بيقولى انى تعديت المرحله الاولى من اللعبه بنجاح وانى دلوقت فى الليفيل التانى وعليا انى اختار عامل يساعدنى فى المزرعه

المهم اخترت انى استخدم بنت كمساعد عشان عيب انى استخدم ولد افرض الظروف اضطرتنى ابات فى المزرعه ولا حاجه الجيران يقولوا عليا ايه وانا واحده بتحب تحافظ على صورتها قدام الناس :))

المهم راحت اللعبه مطلعالى كومبوننتس كتير جدا عشان ابتدى اصنع عباس الصبى بتاعى

ونيجى بقى للمهم اللى خلانى بكتب اصلا عنه

اللى هو ايه؟

انى اتخضيت

اه والله اتقبضت جدا معرفش ليه

لقيت فورمات شعر والوان بشره ولون خدود وشفايف ولون عيون وعلى كل الالوان والاشكال يابطيسته

انا لقيتى عماله اركب حاجات شمال ويمين ومحتاره اخلى البت عباس بت جامده كده واموره عشان تبقى جاهزة لو رحنا نزور مزرعه الجيران ولا اخليها بت خشنه كده وبميت راجل وبتاعت شغل

المهم استقريت فى الاخر انى اعملها بالشكل اللى فات ده وطبعا ده جه بعد مجهود كبير وجبار فى الاختيار

قعدت بتاع ساعه عشان اعمل شكلها ده

والسؤال دلوقت انا بحكى الحكايه الهبله دى ليــه؟؟

بسيطه اقولكوا انا

انا بحكيها عشان اقول اد ايه ربنا عظيم وجميل

اذا كانوا دول مديينا الفورم جاهزة وانا معرفتش وغلبت عشان اعمل شكل كويس متلائم

امال صنع الفكره نفسها يبقى صعب اد ايه؟

ربنا بقى بيعرف يعمل التركيبه دى وبسهوله جدا وتطلع كمان شبه باباها ومامتها وجدها وجدتها وبنت خالتها

والخلاصه من الرغى ده كله هى ايه

ان ولاد الجزم اللى بيقولوا ان مفيش اله اللى عنيا بتتلوث بالكلام اللى بيكتبوه بالصدف البحته السوده

كدابين ومتخلفين وولاد جزم بحق

ومايعرفوش ان ماينفعش مايكونش فيه اله ينظم عالم الحيوان بكل الحكمه دى قبل عالم الانسان

وماينفعش الاله ده يكون حد غير ربناعز وجل

واخيرا عايزة اسأل سؤال مهم جدا ومحيرنى

مــالك يانــور؟

صداع غبى وغباء مصدع

2010-02-14T23:50:00.002+02:00

 أنا عندى صداع وحش أوى ياجماعة

الصداع هو حقا صديقى اللدود اللى مابيفارقنيش ابدا اللهم الا من ساعات تتعد على صوابع الايد الوحدة فى اليوم وبقاله معايا سنين عالحال ده

بس هو مش جالى من زمان 

من ايام السفر والدراسه

أنا حاسه ان دماغى ملوعة نار زى الصورة دى كده

وعارفه انها مابتبطلش تفكير زى الطاحونه

بس غصب عنى مش عارفه اوقفها عن التفكير 

وبالتالى الصداع مش راضى يروح 

أنا بكره الصداع اوى ياناس والله

بيخلينى عصبيه وحماره ومش طايقه نفسى ولا طايقه حد 

ومش عارفه افتح عينيا خالص حتى لما ضربت دماغى فى الحيطه مش راضى يروح

بس انا اساسا عاهات اليومين دول 

مره سوستة تى شيرت اخويا تقطع صابعى السبابه

ومن كام يوم السكينه تقسم صابعى الوسطى نصين وتخلينى ماشيه بايد واحده 

وبرضه رجلى اللى وقعت عليها على سلالم المدرسه وانا فى تالته اعدادى بتوجعنى 

المشكله بقى اننا صنف غبى مابيدركش قيمه الحاجه الا لما يخسرها

يعنى مثلا صابعى ده طول عمرى بعمل كل حاجه من غيره-او بتصور ده-

لما اتعور منى بقيت حاسه ان حياتى وقفت بسببه وكأنه هو اللى كان بيعمل كل حاجه مش انا

هو احنا ليه صحيح كده؟!!

يلا اهو تكفير ذنوب الحمد لله

المهم برضه دلوقت الصداع يروح

والكارثه انى لا املك حرية الانعزال  

 يارب الرحمه بقى

ياتوقف الطاحونه ياتشيل الصداع من عندك

ناقص حته

2010-02-11T21:44:00.003+02:00

فى حاجات كتير عماله تصول وتجول فى دماغى لحد ماخوتتنى عماله تتخانق معايا اتكلم عن ايه الاول

قلت بس مش هزعل حد وهنزلهم كلهم فى بوست واحد طويل عشان محدش خالص يجيله صبر يقراه

أول حاجه

هو لما أكون انا حديثة تخرج وبعرف انجليزى وكمبيوتر كويس ورابع دفعة ومرتبة شرف وعندى كورسات مااخدهاش مديرين ادارات فى تخصص نادر فى مصر ومااشتغلش عشان كله عايز خبره ومش أى خبره دى احيانا بتوصل ل10سنين فى التخصص يبقى فى حاجة غلط ولا لأ؟

طيب يااولاد الجزم لما تطلبوا من الكل خبره دلوقت هتجيبوا ناس عندها خبره منين بعد 10سنين؟ 

سؤال يطرح نفسه ويحتاج لاجابه

انتظرونا فى حديث المدينه!!

تانى حاجه

لما لحد النهارده اشوف التليفزيون بيعمل تقارير اخباريه عن جدو اللى اصبح حديث الساعه وعن فوز المنتخب ومعرفش ان زويل فى مصر وكان هيعمل ندوة هو وفاروق جويده فى دار الاوبرا غير بالصدفه وكمان تتلغى لاسباب متخلفه وكمان اعرف بالصدفه عن دكتور مصرى فى حامعة المنصورة هو اللى علم الاجانب ازاى يعملوا زرع مثانه  يبقى فى حاجه غلط ولا لأ؟

على عينى وراسى المجهود اللى عملوه الشباب بتوع المنتخب عشان يفرحوا الشعب الغلبان الحزين ده اللى مابيفرحش واللى انا طبعا وقطعا واحده منه والشهادة لله انا واحده من الناس عيطت لما كسبنا بس يعنى من غير قر ولا حقد ولا حسد

الريس يطلع يقابلهم فى المطار ويسلمهم اوسمه وياخدوا ملايين من البلد من جهات مختلفه ده غير اللى اخدوه من دبى وغيرها ليــــــــه يعنى؟!! 

طب بالذمه مين أولى بالملايين والاوسمه دى
البحث العلمى والغلابه والمتفوقين فى البلد ولا اللى هما اساسا عندهم فلوس مش عارفين عددها؟!
 

والريس يقابلهم ليه اذا كان مابيستقبلش العلماء بتوعنا وهما جايين من بره 

سؤال اخر يبحث عن أجابه

وانتظرونا المرادى فى حديث المدينه برضه

تالت حاجه

عيد الحب جاى والدباديب والفيونكات الحمرا والورد الاحمر وكل حاجه حمرا رايجه وجايه حتى الحصبه

بيتهيألى مش شرط ابدا نربط نفسنا باليوم ده عشان نقدر اللى بنحبهم

ممكن نقدرهم لو بمسج على فترات او مكالمه هبله ملهاش لازمه

ومش شرط اللى مرتبطين بيه بس 

ليه مايكونش اى حد بنحبه؟ هما ملهمش نصيب ولا ايه؟

انا شخصيا ناوية قطعا احب نفسى -وحبايبى طبعا ;) - فى اليوم ده وهجيب لنفسى هديه كبيره كمان عشان افرح بيها اومال ايه هو انا ماليش نفس ؟ 

وأخيرا 

حد يشوف دوا مضاد للاكتئاب عشان انا تعبت ومش لاقيه حل فلازم حد يدورلى على حل ولا انتوا كده شاطرين تقروا وخلاص؟

ولو حد عرف الحل وحلول الاسئله السابقه يتصل بيا على رقمى الموبينيل عشان هو اللى شغال دلوقت 

وكل سنة وانتوا طيبين يارجاله وعيد الحب الجاى اكون اشتغلت فى شغل محترم وفى بيت جوزى حبيبى يارب

قولوا امين

ومحدش يسألنى ايه علاقة الصورة بالبوست عشان معرفش 

*العنوان هو اسم أغنيه لوجيه عزيز

I Just Called To Say I Love You...

2010-02-07T19:40:00.009+02:00

أحيانا بنحب الغيبوبة بمزاجنا وبإرادتنا الكاملة

يمكن عشان بنغيب عن الوعى ونسرح شويه

بناخد اجازة من التفكير والدنيا والهموم والمشاكل؟

بس الغيبوبة الاجمل بتبقى واحنا صاحيين بس مغمضين

أنا بعملها لنفسى لما بطلع على سطوح بيتنا 

هو من غير سور فاااضى وواسع وهادى

أجمل مافيه منظر الزرع اللى فى الجنينه اللى قصادنا

ولما اقعد عالارض وافرد رجليا واتركن عالعمود واسرح ساعة عصارى واشوف عباد الشمس وهو مايل ناحية الشمس بيمسى عليها ويترجاها عشان ماتغيبش وبرضه تخذله وتغيب عنه

سمعت اغنيه بصوت بنت لبنانيةاسمها اميمه الخليل تحفة

كلماتها تمس القلب والروح كمان..حسيتها اوى 

انا اصلا بعشق صوت الاغنيه من غير موسيقى 

بتشجينى اكتر وبستمتع بيها اكتر 

 اسمعوها هى رقيقه اوى

نفسى اسمع مسلسل وينتر سوناتا الكورى تانى

اكيد معظمكوا ان لم يكن كلكوا فاكرينه 

التلج...وش يوجين الصافى ...وهى وحبيبها اللى زى الاطفال
عملولى مشاكل كتير ايام ثانوى لما كنت بسمعه وكان اعظمها لما جدة ماما ماتت وكنا بايتين فى بيت جدو وانا كان لازم اسمعه فنزلت الارضى سرقه عشان اسمعه وهما قاعدين فى الدور التانى ولما جت مرات خالو وقفشتنى هى وخالتو وقفت واحده فيهم عالسلم والتانيه عالباب لحد ماسمعته وكانت النتيجه ان خالتو سابت مراقبة الباب وجت تسمعه معايا :)
 

الفيديو ده لما سمعته قعدت اعيط معرفش ليه

يمكن لانه لمس حاجات فيا؟...معرفش المهم انه رقيق

ملحوظه..التدوينة ملهاش موضوع غير انها فضفضة والصورة ملهاش علاقة بأى حاجه غير انى بعشق زهرة عباد الشمس وبقالها كام يوم مابتفارقش تفكيرى !! 

*العنوان هو اسم لاغنيه رومانسيه قديمة لستيفى واندر

أصعب حاجة

2010-02-04T00:03:00.001+02:00

عارفين اصعب حاجه ممكن الواحد يحس بيها هى ايه؟

انه يفتكر ان فى حد فاهمه اوى وهو ولا يطلع فاهمه خالص

انه يفتكر ان فى حد عارف صفاته اكتر من نفسه وفى الاخر يطلع مش عارف عنه ايييييييييييييى حاجه 

انه يكون مصدق ان فى حد بيحبه اوى وهو ولا يطلع شايله اى حاجه

انه يكون فاهم نفسه فارق مع حد اوى وهو ولا يطلع فارق معاه خالص

انه يكون فاكر ان حياة الحد ده ممكن تقف من غيره ويتفاجئ بإنه كان مغفل والحد ده بيقوله ببساطه بيك ومن غيرك هعيش

انه يكون فاهم نفسه صالح مدى الحياة وهو فى الاخر ليه اكسبايرى ديت بتخلص مدته وريحته بعدها بتطلع ومايصلحش لحاجه 

انه يكون فاهم حاجات كتير اوى وفى الاخر يطلع مش فاهم اى حاجه وكل اللى كان فاهمه كان غلط

عارفين ساعتها بقى بيحس بإيه

ان السما كده ممكن تنطبق على الارض 

ولا حيـــــاة !!

وشكرا أوى يادنيا 

عالم سمسم.... مش مبسوطه :(

2010-01-27T22:34:00.000+02:00

من كام يوم قريت خبر فى مدونة "أيام وأيام" نقلا عن جريدة اليوم السابع بيقول ان شركة الكرمه للانتاج التعليمى الترفيهى هتبتدى فى خلال الايام القليله اللى جايه تصوير الموسم العاشر من عالم سمسم 

الخبر طبعا اسعدنى جدا فى الحقيقه لانى كنت بحب خوخه جدااا :) 

بصراحه البرنامج كله كنت بعشقه يمكن اكتر من الاطفال

اولا لانه كان بيقدم وجبة جميله من البراءه والتلقائيه اللى ترضى الطفل اللى جوا أى حد فينا

وثانيا لأنه كان بيقدم وجبة تانيه أكتر دسامه واحترام وهى سلسله جميله من الاداب والعادات الجميله اللى ممكن تتنقل بدورها للاطفال عن طريق حبهم لخوخه وفلفل ونمنم وبالتأكيد حب لتقليدهم وكمان الاطفال الحقيقيين اللى كانوا بيجيبوهم يمثلوا معاهم صور حيه من حياتهم الحقيقيه

زى مثلا ان عالم سمسم هو كان من الذ البرامج واكترها تقديم لعادات اسلاميه واجتماعيه جميله افتكر منها على سبيل المثال لا الحصر 

الاطفال اللى كانوا بيجوا يتوضوا ويصلوا 

اللى كانوا بيساعدوا اطفال محتاجين

اللى كانوا بيجوا يزرعوا شجر ويرووه 

واللى بيساعدوا اهلهم سوا بنت فى شغل البيت مع مامتها او ولد فى الارض مع باباه 

فضلا عن انهم كانوا بيقدموا الحكمه من ورا تقديمهم لكل نموذج من النماذج دى عشان ببساطه الطفل يفهمها ويحاول يتبعها

وعشان مااطولش فى الكلام مااحزننى بجد ان دلوقت بقى وللاسف فى انتاج الموسم العاشر مش شركه الكرمه لوحدها اللى هتقوم بالانتاج

لأ الانتاج بقى مشترك مع "سيستم وورك شوب" الأمريكيه ووزراة التربيه والتعليم من خلال المنحه المخصصه ليها من المعونة الامريكيه

بمعنى اننا وببساطه مش هنشوف دلوقت حد بيصلى ولا بيتوضأ ولا اى حاجه تمت للاسلام بصله

واذا قدموا حد بيزرع او بيساعد او بيساهم هيبقى من باب التحضر والتمدن والاتيكيت احيانا 

المشكله بقى انى قريت عند ماما فى المكتبه من حوالى 3 او 4سنين كتب كانت جايه للمدرسه من المعونه الامريكيه 

طبعا الكتب رائعه مايتقالش فيها كلمة وكفايه عوامل الجذب اللى كانت متحليه بيها 

بس لما فتحتها اتصدمت

كلها اعلانات عن كوكاكولا وماكدونالدز ومنتجات امريكانا كلها تقريبا!!

حسيت انى ماشيه على كوبرى اكتوبر ولا فى ميدان رمسيس او داخله سينما مش بقرا فى كتاب جاى لاطفال فى مدرسه ابتدائى!!

وإذا كانوا بيعلنوا للاطفال عن الحاجات دى فى السن ده اكيد هيستخدموها وهما مغمضين يعنى سياسه السم فى العسل

وإذا كانت المعونات الامريكيه اللى جت لوزاره التربيه والتعليم زمان واللى ساهمت فى بناء اضعاف اضعاف عدد المدارس اللى كانت موجوده اساسا فى مصر منعت تخصيص مساحه ولو مترين فى مترين تستخدم كمصليه فى المدارس وطبعا حقهم لان المال مالهم

دلوقت مش هنقدر نقول بم لو قدمولنا اى صوره او فكره ايا كانت حتى لو احنا رافضينها

اعتقد إن الموسم العاشر من عالم سمسم هيكون مختلف كتير عن اللى كانوا قبل كده ومش هيسعدنى زيهم

يعنى بيتهيألى مش هستنى من عالم سمسم ده غير"خوخه وفلفل ونمنم وخاله خيريه وعم حسين"

أما أى حاجه تانيه كنت بحترمها حتى لو جت هبقى شاكه فى سلامة النيه من ورا تقديمها

حد يقولى بس مع المنحه الامريكيه ازاى هنقنع العيال بالمقاطعه

يخرب بيت كدا بجد

اوف

بالرغم منا قد نضيع

2010-01-22T23:41:00.002+02:00

مسكت ورقه كبيـــــــرة وقلم

حاولت اكتب احساسى 

حاولت اتنبأ بكره مخبيلى ايه

.

.

.

طبقت الورقه وقطعتها 

بعد ما رسمت فيها 

وشى الحزين

وعلامة استفهام كبيـره اوى

وبعدهم سؤال واحد 

"ليـــــــــه؟!"
.
.
.
ابتاه...ايامى هنا تمضى
مع الحزن العميق
وأعيش وحدى...
قد فقدت القلب والنبض..الرقيق
درب المدينه ياأبى درب عتيق
تتربع الاحزان فى ارجائه
ويموت فيه الحب ..والامل الغريب
.
.
أبتاه
بالأمس عدت إلى الحسين
صليت فيه الركعتين
بقيت همومى مثلما كانت
صارت همومى فى المدينة
لا تذوب بركعتين

"بالرغم منا قد نضيع..فاروق جويده"

خماسياتى(3)...براويز!

2010-01-15T01:12:00.004+02:00

براويز ولامعة جمالها ملوش أســـاس

الأصل خسيس معاه الأصيـل ينـــداس

الشكل خداع ووشوش غير قلوب الناس

ياترى ياصاحبى هيعجبك لمعان النحاس؟

ولا هتطـلع بتفهـم وتشـترى المـــاس؟

!

ملحوظة صغننة: دى الخماسية التالتة من سلسلة كنت بدأتها زماااان اوى من اكتر من سنة هنا وكان اسمها خماسياتى 

مش عارفه لسه فى حد فاكرها ولا لأ بس هى من اوراقى القديمة

حـب يحتضـر

2010-01-03T20:29:00.005+02:00

كلما نظرت لابنهما وابنتهما

.

كلما جالت بعيناها فى جدران بيتها  

تراجعت عن قرارها

ولكـن الآن

ومع مضى السنين نفذ صبرها

سبق السيف العزل ولم يبق مجالا للتراجع

.

. 

حملت ابنتها وابنها وحقيبه صغيره تحوى بعض أغراضهم 

خلعت خاتم زواجهما من اصبعها

وضعته على وسادتها وبجانبه ورقه صغيره تحمل..

"لا تعد لى فلم أعد احتمل صوت انفاسك فى أحضان الأخريات"

!!

2009-12-28T23:52:00.001+02:00

واحد داخل مدونتى من سيرش ياهو بالكى وورد دى

طيب هاتى بوسة بقى :-*:-*:-*:D@};-

و بت مزه 

ومصر فى ظل احتفالها بالذكرى الاولى لللعدوان على غزة فى يناير اللى فات اقامت جدار عازل بينا وبينهم

وفى ظل احتفالات مصر بقدوم عشين عشه نغصت حكومتنا المبجله على الشعب حتى شويه الشاى اللى بيشربوهم تعويضا عن كيلو الموز ابو سته جنيه وغلت  الشاى والسكر والزيت  

وفى محاولات ناجحه جدا من ميلودى للتخفيف عن المصريين خرجت لينا اعلانين ناجحين جدا فى رحلة تشويهها وهما الحقيقه وراء بريف هارت والخطايا السبع

عجبـت لـك يازمـن

كل سنة وانتوا طيبين 

ولسه عندى شويه امل خايبين انه ان شاء الله 2010 هتكون احسن

 بذمتكوا مش انا طيبه :)

أم سيد الرايقة

2009-12-21T17:30:00.002+02:00

فى عز ماانا غرقانه وسط مذاكرة بعض الحاجات اللى اخدتها فى الكورسات الفتره اللى فاتت ومندمجة اوى 

واذا بصوت مجلجل ومصهلل جاى من بعيد بيدندن "انساك ازاى.. ازاى انساك ازاى.. ده انا لو قلبى ينساك العين مابتخبيش وعنيا لو تنساك الفكر مايسيبنيش" نفضت تمام للسلايدس اللى قدامى وفضلت اسمع فى الاغنيه اللى بتغنيها أم سيد الرايقه جارتنا واهو ساعة الحظ ماتتعوضش برضه 

وللى مايعرفش ام سيد دى تبقى جارتنا من 20سنه ومابنكلمهاش بقالنا يجى 15سنه؛هى ساكنه فى بيت صغير هى وابنها ومراته ورا بيتنا.. البيت سقفه واطى لدرجه اللى قاعد فى الاوضه عندنا بيبقى شايف كل حركه بتعملها

سرحت معاها شويه وفضلت اراقبها من ورا الشباك وهى بتأكل الفراخ بتاعتها وبتغنى انساك ازاى لفايزة احمد

الفكره بقى مش فى انها بتغنى ولا بتدندن

الفكره كلها فى انها بتغنى بمزاج عالى اوى وروقان وراحه بال ملهاش مثيل وعلى فكره صوتها حلو جدا واحلى مافيه انك تحسها بتغنى من قلبها حقيقى

اللى لفت نظرى للموضوع ده بقى ايه؟

لما ست عندها حوالى 60سنه بتغنى بالروقان ده فى السن ده وهى تقريبا مافيش فى بقها 3او 4سنات

ممكن انا او حد من جيلى او حد اكبر منى بخمس عشر سنين لما يبقى عنده 60سنه يقدر يقف على سطوح بيتهم ساعة عصارى ويغنى اغنيه عاطفيه بالدرجه الاولى وهو باله رايق اوى كده؟

ولا الناس دى زمانها غير زماننا واحنا بتوع زمن الضغط والجرى ورا الدنيا وفيها جرى الوحوش؟

!!

رجع الشتـا يدق البيبـان

2009-12-15T21:16:00.005+02:00

ورجع الشتا يدق البيبان

:)

بس بحس بدفا قلبى يدفينى

رجعت استنى المطر 
ابص من شباكى..احب جو اول النهار وابتسم للشمس وهى طالعه بتصبح  بشعاع يادوب واصل..اصالحها والدنيا بابتسامة قلبى 

رجعت حساسية البرد تتعبلى صوابع ايديا ورجليا ورغم ده مابكرهوش 

رجعت احب اغنيه أواخر الشتا ببردها ومطرها ولون تلجها الابيض 

رجع مودى يتغير بإشراقه الدنيا 

رجعت استخبى فى هدوم الشتا التقيله 

وحبايبى يقولولى انى ببقى زى العيال الصغيره وانا متقله هدومى وبعمل حركات الخوف من احساس البرد 

رجعت استخبى فى البطانيه وماما واخواتى يتريقوا عليا عشان ببقى شكل حرف دبليو وانا نايمه من الحضن اللى حاضنه البطانيه بيه :) 

رجعت البس البالطو الاسود الطويل حبيبى 

رجعت اسمع اغنيه على الحجار لما الشتا يدق البيبان

"لما الشتا يدق البيبان
لما تناديني الذكريات
لما المطر يغسل شوارعنا القديمة والحارات
ألقاني جايلك فوق شفايفي بسمتي
كل الدروب التايهة تنده خطوتي
كل الليالي اللي فقمرها قلبي بات
مش جاي ألومك عاللي فات
ولاجاي أصحي الذكريات
لكني بحتاجلك ساعات
لما الشتا يدق البيبان"

وأقول بحتاجلك دايما مش ساعات لما الشتا يدق البيبان

رجعت احس بطعم حلو للأكل واشتاق للمحشى :)

رجعت افرح لما اشوف الضباب الصباح كاسى كل الحاجات 

رجعت اشوف الخيوط اللى بيعملها نفسى الدافى فى عز البرد

رجعت احس بنشوة البرد وامانيا بإن الصيف مايجيش والشمس تبطل تظهر 

الشتا جميل:)

انا عايزة مطر :(

وعايزة الدنيا تبرد كمان شويه 

ومش عايزة الصيف يجى ابدا

أنا مجنونه صح؟ 

:)

هنـا...وهنــاك!

2009-11-30T20:06:00.000+02:00

أنا هـنا 

.

.

.

.

وهنــــاك انت

وما بينى وبينك 

شـوق

.

لـهفة

.

حـنين

.

وجنــون

.

.

.

أنـاجيـك

 فهل تسمع ندائى ؟!

عيـدكم سعيــد

2009-11-25T22:18:00.004+02:00

بعيدا عن أجواء الحزن والغضب والهم والتعصب والعصبية

بكره وقفة عرفات وبعده عيد الاضحى 

أسعد الله أيامكوا وملاها فرح وسرور انتم ومن تحبون

وأعاد الله عليكم وقفة عرفات بكل خير وسعادة

وخروجا عن عقد  الحاجبين

اظرف ماشفت عن خرفان العيد

كل عيد اضحى وانتوا بألف خير 

وكل سنة وانتوا طيبين ياللى انا بحبكوا

;)

وزالت الحمـاقـات

2009-10-18T22:17:00.006+02:00

آه لقد أصبحت الحياة سيئه للغاية

كدت اسأمها 

أشعر دائما بزحام يتراكم حولى كلما التفت يمينا أو يسارا حتى مع عدم وجود أحد

هل لا خرجت لاتمشى قبيل المغرب؟

لالالالا أشعر بالضيق حتى إنى كرهت رؤية الشارع وكل من يمشى فيه

ليس لى إلا النوم  ولكن فى هذه الساعة المبكره؟

حسنا فماذا أفعل إن لم أخلد للنوم

اف لقد بدأ يوم جديد هل أجهز الافطار؟ لا ومن أين تأتى شهيتى فى كونى الفارغ هذا

آآآآآه حتى جوالى العزيز صرت أقبله صباحا ومساءا وارجوه حتى يعطف على بجرس يشير لأحد يهتم لأمرى ويسأل عنى وأنا امكث فى هذا المنزل الضخم وحدى ليل نهار

 لا أحد يفكر بالاطمئنان على إلا اذا كان يريدنى لخدمة ما أو يطمع بى لاشغل وقته وأسلى فراغه

تبا لهذا العالم الغادر الذى اصبحت تحكمه المصالح والنذوات والشهوات

اه اخيرا موبايلى ينبهنى لأحد يسأل عنى

ياترى من تذكرنى وماذا يريد؟!

-الو

-ازيك 

...هو صوته بعينه بنبراته التى كانت تهز كيانى غريب هذا السؤال ماذا يريد؟!...

-هو انت؟ الحمد لله انا بخير ;وانت؟

-انا بخير لسه فاكرانى وبتعرفى صوتى؟

-طبعا صعب انسى

-يعنى لسه بتحبينى زى الاول؟

-لأ طبعا ;انا مش ناسية لانك اول حب ياخدنى لكن ده مش معناه هفضل احبك طول عمرى

-يعنى خلاص نسيتينى؟! انا بس كنت عايز اتكلم معاكى شويه 

انا مخنوق وعندى مشاكل كتير أوى اصلى خلاص هتجوز الاسبوع الجاى وفى بينى وبين خطيبتى مشاكل كتير وانا بحبها ومش عايز اخسرها 

-اسفه مابقاش عندى طاقة اسمع زى زمان

-ليه؟ انتى حتى لسه زى ماانتى ماتغيرتيش 

-يمكن اكون زى ماانا بس لا انت هو انت ولا الزمان هو الزمان

-هقفل حاضر;اسف لو ازعجتك 

-فعلا ازعجتنى ياريت ماتحاولش تكرره تانى

آآآآآآه وألف آه حتى هذا من اسميته حبيبى يوما وعشت على أمل لقياه

أصابنى الزمان باليأس منه ومن حياتى

دوما مااحسده على صفاته اللاادميه 

على قوته وصموده معى من زمن بعيد واليوم على جرأته وأنانيته بل وتحجر احساسه

لكن حقا هل أخطأت حينما قسوت عليه؟

لا أظن فهو من فقد قلبه يوما واليوم أيضا فقد عقله

من ذا الذى يمكث طوال عمره فى حب خائن؟!

هو مخطئ بالتأكيد فليس هو والزمان فقط من تغيرا 

أنا ايضا ماعدت أنا ولن اعيش كثيرا فى أوهامى وحماقاتى 

فليذهب إلى حيث يشاء  

 
ملحوظة:القصة مؤلفة ياجماعة من مواهبى الغريبة اللى انا مش مقتنعه اصلا بوجودها ومالهاش علاقة بشخصيتى الحقيقية فياريت اللى يعلق يعلق على الاسلوب والحالة مش عليا D:

2009-10-08T15:19:00.006+02:00

لتتوقف ههنا الحيــاة لحظـات

عنى و الرضا...

2009-09-28T23:26:00.004+02:00

كتير بتحصل حاجات فى حياتى بتزعلنى

حساسيتى الزيادة بتكبر الصغيرة فى عنيا واقل حاجه ممكن تخلينى متنكدة وزعلانه وقرفانه ومش طايقة حد

ولما يجى حد يقولى ماتزعليش على حاجه

اقوله انا مؤمنة وراضيه وعندى قناعة ان اللى ربنا بيعمله خير حتى لو ضد ارادتى واللى بيضيع منى مش خير حتى لو انا عايزاه ونفسى  فيه

وفعلا والله ببقى راضيه وقانعة يعنى مش كلام ومش فض مجالس

وكتير القناعة دى بتخلى مفيش حاجه غالية عليا ومش بزعل من ولا على حاجه

لكن غصب عنى بلاقينى اوقات زعلانة ومخنوقه

والدنيا بمعنى الكلمة سودا فى وشى وملهاش لا لون ولا طعم ولا ريحة

او ليها بس كلهم وحشين

واستغرب نفسى ازاى ابقى مؤمنة بقضاء الله وقدره

ودايما راضيه بربنا وعن اللى بيحصل فى حياتى حتى لو حاجه وحشه

وبرضو يجيلى وقت وازعل

رغم حالة الرضا الشديده اللى جوايا بربنا دى

؟؟؟!!!!!!

من شويه بشوف جيفت عالفيس بوك لقيتها من صديق وبتقول كيف تحزن والله ربك والاسلام دينك؟؟
حسيت انى مكسوفة من نفسى اوى وعايزة اعتذر لربنا انى زعلانة من حاجه

احساس الرضا بجد احساس جميل

زمان سمعت حديث شريف بيقول فيما معناه ان اللى يصحى الصبح يقول "رضيت بالله ربا وبالاسلام دينا وبمحمد صلى الله عليه وسلم نبيا ورسولا" ويقولها فى المسا كمان وجب على الله ان يرضيه فى ذلك اليوم

ولانى بحب الاستغفار واالاذكار بقيت اقولها

مره انسى ومره لا ...يوم انسى ويوم لا

لحد ماخلاص بقت عادة برددها كل اليوم الصبح والمغرب 3مرات وكمان مع سماع كل اذان مره

وشويه بشويه لما بدأت مش انساهم احس بقيمتهم الحقيقه

احساس الرضا

اجمل احاسيس الكون

والله ياربنا راضية

راضيه بيك وعنك وراضيه بكل حاجه فى دنيتى

بس يارب محتاجالك

زيل مقتك وغضبك عنى ورضنى بقضائك يارب

مطر وعيد وجوزونى ونيس :)

2009-09-19T23:25:00.001+02:00

أول حاجة

وقبل أى حاجة أنا مبسوطه شويه أكتر من الكام يوم اللى فاتوا

عارفين ليه؟ لا مش عشان العيد بكره 

عشان الدنيا مطرت عندنا النهارده

لقيتنى بجرى واطلع فووووق عالسطوح وبفتح ايديا للسما وكأنى بحضن المطر

بلل شعرى وهدومى :) 

اووووو احساس فوق الرائع وغير متوقع انى اقف تحت المطر فى الوقت ده

كانت مفاجأه حلوة بالنسبالى بجد خرجتنى من مودى السئ بنسبة 80%

 بحب المطر اوى

:)

وتانى حاجة

عيدكوا سعيد واسفه انى مش قلت للناس كل سنةوانتوا طيبين فى بلوجاتهم ولا حتى رديت على تعليقات البوست اللى فات بس اعذرونى لانى تعبانه شويه

بس اكيد اكيد همر عليكوا اد مااقدر واهنيكوا بالعيد

وتالت حاجة

ولو انها مكنش مفروض تتهضم كده

اقولكوا امنية ؟

عايزة اتجوز ونيس 

اقصد واحد زى ونيس:)

مسلسل يوميات ونيس واحفاده 

تفوق فيه محمد صبحى على نفسه ورجع صلح موقفه بعد الجزء الخامس وقدم اروع اجزاء المسلسل على الاطلاق

المسلسل بيواكب المجتمع ومشاكله بصوره رائعه

ودروس جميلة فى مبادئ كانت قربت تضيع

بيتهيالى المسلسل الوحيد اللى بقعد قدامه واستفيد حاجه

مش بس فى رمضان ده اللى لحد من يومين كنت بكتشف مسلسلات معرفهاش بتتقدم

وكلها اشبه بالدهون الزايده اللى فى الاكل

لا بتفيد ولا بتسيب البنى ادم يستطعم حاجه

وأخيرا

بلاش دوشه بقى

هقولكوا عيد سعيد ياعفاريت مره تانيه

وسلام بقى عندى شويه غسيل دلوقت ياعينى عليا

:(

الحب وحده لا يكفى

2009-09-04T23:04:00.000+02:00

عندما تدق قلوبنا بالحب نشعر أن  الحياة الدنيا اوشكت على الانتهاء  بمشاقها ومتاعبها لتتبعها حياة أخرى أبدية نعيشها فى ظلل دقات قلوبنا الفرحة بمن أتى ليوقظها من ثباتهاالعميق. 

لكنى أرى أن دقات القلب بالحب وحدها لا تكفى إن لم تتوج بالعديد من التصرفات التى نحافظ على من نحب والتى تساعدنا على فهمه,استيعابه,تعلم مايحبه فنقوم به ومايغضبه فنبتعد عنه.

فلو أن الحب وحده يكفى لما سمعنا ب"ومن الحب ماقتل" فكم من أحبة تباعدوا بعد المشرق والمغرب وافترقوا وكل منهما يحمل بين ضلوعه حبا لا ينتهى للاخر ولكن لم يصلا سويا لمرحلة التفهم والانسجام التى تتيح لكل منهما وضع نفسه موضع الطرف الاخر فيفعل مابوسعه للحفاظ عليه.

وتبقى الفكرة وهى أنه لا يهم لسعادة القلب الوقوع فى الحب بقدر مايهم كيف لنا أن نحافظ على بقائه؟!

مأساة!!

2009-08-26T22:29:00.006+02:00

"اللهم لا تؤاخذنا بما فعل السفهاء منا" 

الدعاء اللى نصحنى بيه استاذى فى الكورس لما قلتله ان واحده اتهمتنى انى معقده ومتخلفه لما مارضيتش ارمى علبة الكانز الفاضيه من شباك العربيه بعد ماخلصتها وحطيتها فى شنطتى فى انتظار باسكيت

الدعاء ده بقى الاكثر ترديدا على لسانى فى الفترة الاخيره بسبب مواقف كتير ومشاهد وروايات بشوفها وبسمعها 

منها الحديث عن الجنس والمشاهد الفاضحة وفضائح المشاهير والاحاديث الرخيصه اللى بقت بتلاحقنى كل مااقعد على النت او اسمع برنامج تليفزيونى او اشوف مسلسل او فيلم

ومنها رد لصحفية ومذيعه مشهوره لما سألوها عن رأيها لو بنتها قالتلها انها عايزة تغلط مع حبيبها

وكانت الاجابه "هقولها استنى سنه لما تتأكدى انك بتحبيه وبعدين اعملى اللى انتى عايزاه"

ومنها رد لمخرجه غير محترمة لما سألوها عن ارتداء الحجاب فكانت الاجابةدعاء "ربنا مايكتبه عليها" وكأنه اذى

ولما سألوها لو عرفتى من بنتك انها شاذه جنسيا هتعملى ايه كان ردها "هى عايشه بره والعالم بره اكثر تفتحا وتحضرا وهى حرة تعمل اللى هى عايزاه" 

ومنها رد فنانه مشهوره على سؤال "هل ممكن تكملى قصه حب من غير جواز" والرد الصريح والواضح دون اى تجميل"أيوه"

ومنها اعلان رجل بأنه يمتلك تيس بيجيب لبن بيشفى من الامراض المستعصيه وبيحول الفقراء الى اغنياء

ومنها مجاهرة شاعر مرموق ومشهور وله شعبيته بأنه اختلس اموال واعتراف بتعاطى الحشيش

  
ومنها شكوى توصل للشرطه من بنت عمرها 20سنه بأن ابوها بيتعدى عليها جنسيا بقاله5سنين لدرجة انها خلفت منه ومات المولود ويعجز الكلام عن التعبير

ومنها تخفى رجل غير محترم فى زى منتقبه لقتل دكتوره فى اوضه الكشف فى عيادتها

!!!!!!!!!!!!!!!!!!!!!!!!!!!!

قد يكون رد البعض عليا انه مش دول اللى ممكن الواحد يدور على تصرفاتهم ويقيمها بالصح والغلط لانهم غالبا أو دايما بيكونوا غلط

لكن المشكله مش فى انى بعتبرهم قدوه ومثل اعلى وانهم مش لازم يغلطوا

بالعكس انا بقول ان خرج العيب من اهل العيب مايبقاش عيب

انا بس كل اللى مزعلنى حاجه واحده بس 

انهم وللاسف الشديد كلهم ينتموا للاسلام حتى ولو بشهادات ميلادهم جعلها الله شهادات وفاة عما قريب

بمعنى انى مش زعلانه عليهم لان ان شاء الله حسابهم عند ربهم وقادر يخلص فتنتهم لشباب المسلمين

انما بس كل ضيقى انهم وللاسف مثل سئ وربما يأخذ البعض من اعداء الاسلام الاسلام بذنبهم ووقتها هما هيسيئوا للاسلام 

فى حين ان اللى عايشين زى الحيوانات فى امريكا لما راح طفل عمره 6سنوات يزور المتحف الوطنى للسكك الحديديه واتقدم بطلب انه عايز يمسك منصب ادارى لبوا  رغبته ومسك منصب مدير المرح

!!!!!

كل اللى بسأله ومحتاجه اجابه عليه هو سؤال واحد

ليه الناس دى عايشه فى ظلمات ومع كده بيستخدموا ديننا واخلاقنا وتحضر اسلامنا احسن مننا 

واحنا يامعتنقى الاسلام للاسف بنمثل عبء على الاسلام ووصمات عار عليه؟

حاجة تغيظ ورمضانكوا كريم

2009-08-17T22:46:00.006+03:00

ازيكوا ياعيال ياغريبه انتوا 

أنا مش عارفه البلد دى عايزة مننا ايه

أنا متغاظه على فكره بجد وبقرقش فى ضوافرى وشكلى بقى وحش أوى

من شويه كده قلت اخلى عندى دم وامسى عالعيال اصحابى فى بيوتهم قصدى بلوجاتهم قوم ايه رحت امسى على عمو لورنس العرب والاقى فى التوك توك 

تبعه بوست يغيظ 

 اقروه هناك الاول وكان ده ردى والله مش بجامل يعنى بس من كتر الغيظ بتاعى

"ياخراشى
ليه كده سدمتنى سدمة عمرى ياوحش يااسى
واعمل ايه انا دلوقت فى وكت فراغى بعد ماسحبوا الجولف منى

يااى ياربى عمرى ماتسورت انى اتحت فى الموكف داا

اما ودانى او الجولف
ياربى خبر فزيع بجد هتأ همووووت هيغمن عليا اوووف 

X-(X-(  "

بس مش هقول نو كومنت عالخبر 

انا هقول ليه يعنى الناس دى بتعمل كده

طيب ده بدال مايهتموا بتوعيه للشهر الكريم اللى داخل علينا ده

ده بدال مايقولوا ياخير عم وجمعيات الخير اتحدوا واعملوا حاجه للناس الغلبانه رايحين يقولولى الجولف!!

لا اوعى ...آل المصريين لو بطلوا يلعبوا جولف هيموتوا دول الكلاب اخرهم يلعبوا فى ضوافرهم بلاش الكلمه التانيه

ومن هنا من موقعى هذا احب احذر واناشد كل المصريين انهم يقفوا وقفه واحده ويقولوا لا للعصى اللى مصنوعه من خشب معرفش ايه كده الوحش اللى بيأذى الودان ده وياريت يختاروا اى نوع خشب تانى يصنعوا منه العصايه دى عشان بس حفاظا على حاله الاحباط اللى ممكن تصيب المصريين لو بطلوا يلعبوا جولف

سيبكوا انتوا ماتسمعوش كلام الاشكال الغريبه دى  انا كنت بتلكك بس عشان اجى من غير ماتاخدوا بالكوا واقولكوا

 كل سنة وانتوا طيبين ياعيال رمضان هيهل اهو وبطلوا لعب عيال وصوموا لحد المغرب بقى

بلاش حركات الصيام للضهر النص كم دى

واعملوا لنفسكوا خطه كويسه للعباده فى رمضان

ده هو شهر واحد بيجى ويمشى فرصه يالحقته ياملحقتوش 

الحقوه بقى ومحدش يقول ياريت كان السنه كلها رمضان لانه لو كان كده مكنش هيبقى ليه طعم رمضان ده

كل سنة وانتوا طيبين ياعيال

رمضان كريم والسنه الجايه تكونوا هنا برضو

:)

مـع مـنــه

2009-08-07T21:09:00.004+03:00

وصلت الموقف متأخر..مالحقتش احجز كرسى فى اخر ميعاد للاتوبيس اللى طالع من المدينه رايح القاهره

مكنش قدامى غير الاضطرار للحجز واقف رغم طول المسافه.

ركبت والطرقة كلها شباب ومش عارفه اقف واتحركت على امل الاقى كرسى قاعد على اوله واحده ست اسند ضهرى ليها طول الطريق.

لفت نظرى بنت صغيره محجبة حجاب رقيق اوى ووشها فيه من براءة الدنيا مافيه رحت ناحيتها وسندت على كرسيها وكان جمبها اختها واخوها.

جالى موبايل افقدنى القدره على الاتزان من طول مدة الكلام ودخت استأذنتها انها تدخل جوه الكرسى شويه عشان تاخدنى بجمب جمبها بعيد عن الولاد

ودار بينى وبينها الحوار ده..

أنا: حبيبتى لو سمحتى مكن تدخلى شويه عالكرسى وتاخدينى جمبك مش عارفه اقف وسط الولاد

هى-بابتسامه هاديه- : طبعا اتفضلى

أنا: ضحكت وطبطبت على كتفها وشكرتها

طول الطريق خلانى غصب عنى بقيت اراقبها خصوصا لما شفت كميه الحنان اللى نيمت بيها اخوها على رجلها والطريقه اللى صحته بيها عشان ياكل

ولما شويه طلبت من اختها تديها جزء من الساندويتش اللى فى ايدها

لقيتها بتقولى اتفضلى ده ليكى

أنا: شكرا ياحبيبتى مش جعانه كليه انتى

هى: لا انا مش عايزة اكل انا اخدته من اختى عشانك

للمره التانيه طبطبت على كتفها وابتسمت فى وشها

وسألتها: انتى اسمك ايه؟

هى: منــه

أنا: انتى عسوله خالص يامنه وحجابك امور عليكى اوى..انتى عندك كام سنه؟

هى: 12 سنه

انا: وعايزة لما تكبرى تبقى ايه يامنه؟

هى: دكتوره صيدلانيه

انا:ايه ده؟ ومش عايزه تبقى مهندسه؟ مش عيب يعنى؟

هى:لا مهندسه حلو اه بس انا نفسى ابقى دكتوره

انا: ربنا يوفقك للى تحبيه يامنه ياقمر ..اختك اسمها ايه؟

هى: اسمها منار تحبى اصحيهالك تكلميها؟

انا: لا خليها ياحبيبتى شكلها مرتاحه وهى نايمه فى حضنك :)

دلوقت بس اخدت بالى من واحده منتقبه راكبه على الكرسى اللى قدامى

اتلفتت مره واحده وبلهجه شبه حاده قالت

ليه يامنه كده؟ ازاى مقعده طنط -اللى هى انا يعنى-جمبك بالشكل ده؟

كده هى مش مرتاحه فى قعدتها

لو سمحتى هاتى اخوكى معايا هنا ووسعيلها كرسى لوحدها تقعد عليه عيب كده

اذهلنى الموقف وماقدرتش ارد بغير

"متشكره لحضرتك انا مرتاحه كده المهم انى مش واقفه فى النص وسط الناس"

ردت عليا "لا ياحبيبتى ارتاحى"

شكرتها وقلتلها ربنا يبارك فيها ويباركلها فى منه

ووقتها بس عرفت ليه منه جميله كده؟

وان ماينفعش حد غير الست دى يخرج بنت زى منه

!!!

فضائل ناقصة

2009-07-30T23:47:00.009+03:00

فى وسط جو صيف يخنق حقيقى وناس احوالها وهموما مافيش جبال تشيلها تلاقى الناس فى الشوارع حكايات والناس فيها كل واحد بير

فلسفه غريبه معرفش ليه بقولها.يمكن لانى فى سفرياتى الكتير والساعات الطويله اللى بقضيها اليومين دول فى مواصلات خلتنى بقيت مولعه بالاستماع لحكايات الناس فيها 

مش فضول منى أو اقتحام لحرمة حد انما بس لانى ببقى حاسة انى عايزة اعيش مع اللى بيتكلم حالته معرفش ليه وازاى

لو كان بيروى حاجة تضحك مش بتكسف اضحك حتى لو هياخد باله 

ولو بيروى حاجه تزعل بلاقى غصب عنى ملامحى قلبت وحزنت ..تقريبا هى حب للافلام العربى باين

ماعلينا ياعيال أنا بقى ايه اللى فكرنى بالكلام ده؟؟!

شويه حاجات كده خلينى ارغى بيها معاكوا

النهارده وانا رايحه الجامعه ركبت مع سواق من المواصلات  ويعرفنى 
 هو ولد صغير بس بيحترمنى وانا بستجدعه اوى المهم ركبت معاه لقيته مهموم اوى وسألته بصورة تهريج مالك شكلك مش مجنون زى كل مره

قالى مخنوق بسبب نسايبى-الولد لسه عنده 17 سنه وخاطب يعنى انا عنست خلاص- 

المهم فضلت استدرجه فى الكلام لحد ماحكالى ان اخو خطيبته خنقه وهو رجع مدايق راح فرح ولاقى البنت اللى كان ماشى معاها قبل مايخطب  واتمشى معاها بالليل لوحدهم بس من كتر خنقته ماحسش انه مع بنت ورجع تانى

وسبت انا كل حاجه ومسكت فى دى وخصوصا مع ملاحظتى ان الولد قالى حكايه ماشى معاها دى عادى دون ادنى احساس بالخجل منه
 

-ليه يامحمد تعمل كده؟

-كنت مخنوق وعايز افك عن نفسى

بالغلط يامحمد؟ -

-معرفش انا مش قادر اتكلم مع حد من امبارح وبعدين والله ماعملت حاجه حاجه 

 -هو انت كنت عايز تعمل ايه ان شاء الله؟

 -والله انتى مش حاسه بيا ..انا لولا حسيتك اختى دلوقت ماكنت اتكلمت خالص ده حتى ابويا مايعرفش انا مالى؟

- لا حاسه بيك بس لو كنت غلطان هديك على دماغك

-موافق حاضر

وفضلت وراه لحد ما اقنعته ان مش معنى اننا نبقى مدايقين ده يكون مبرر قوى لينا عشان نعمل الغلط بحجه الخنقه ومحاوله التنفيس

ولقيت انه مش لوحده اللى بيعمل كده

كلنا تقريبا كده باختلاف الحاجه اللى بنعملها بنستغل الزعل عشان نغلط ومن غير احساس بالذنب

فكيت عن الواد شويه بهزار ونزلت

  

 جت فى بالى وقتهامعرفش ليه مقدمة واحد من افضل المسلسلات التربوية على الاطلاق من وجهة نظرى وهو "يوميات ونيس"

  
لما  كان بابا ونيس يقول

"اتفقت أنا و زوجتي أن نربي أبناءنا على الأخلاق و القيم الحميدة لنقدم للمجتمع أباً عظيماً و أماً فاضلة لكننا اكتشفنا و نحن نربيهم أننا نربي أنفسنا معهم"

كانت بتعجبنى أوى الجمله دى مع انى كنت صغيره 

كنت ومازلت بحترم فيها الايمان بالمبدأ والسعى لتحقيقه وكمان التواضع فى الاعتراف بالغلط احيانا من جانب المربيين

المشكله بقى ابدا مش فى ان الاب والام مابيعرفوش يربوا اولادهم

لا ..المشكله من وجهة نظرى انهم بيربوا فيهم حاجات غلط من الاساس

يعنى لو ربنا اكرمهم مره وعلموهم حاجه تبقى اساسا غلط

يعنى الفضائل محتاجه تترسخ فى الاباء صح عشان يعرفوا يشربوها لولادهم صح

وعشان كده ومع انه سبب بيضحك ناس كتير عليا  دايما لما بشوف قناة طيور الجنه مثلا بقول مش مفروض الاطفال اللى يسمعوها

لا.... الاباء هما اللى مفروض يسمعوها لعلهم يستفيدوا قيمه وفضيله فى حياتهم يعرفوا يعلموها لولادهم صح

جايز اكون اتكملت فى حاجات كتير ملخبطه 

بس بيتهألى كلها بتنصب  فى اناء واحد وهو الفضائل الناقصه

بقلب واحد ولا أكتر؟!

2009-07-19T00:01:00.000+03:00

من عادتى واللى معروف عنى انى بحب القديم فى كل حاجه

عرفت من فتره كده ان مسلسل "من الذى لا يحب فاطمه" بيتعرض على المحور وبما انه كان من احب المسلسلات لقلبى وانا صغيره فبقيت اتابعه تانى واستعيد معاه ذكريات حبى ايام طفولتى لجمال شيرين سيف النصر ورجوله أحمد عبد العزيز ورقة جيهان نصر وطيبة وحنية كريمه مختار

من يجى يومين تلاته كنت بتفرج على الحلقه وزمان كنت بتفرج بعقل طفله مش بتفكر غير فى شكل حاجه بتحبها وخلاص
لكن دلوقت بما انى عقد ومكلكعه وبدق فى كل حاجه بقيت بفكر.....وجه مشهد

صبرى اللى هو احمد عبد العزيز قاعد يرغى مع  نينا فضيله اللى هى مامته لما اتكعبل فى مارجريت اللى هى شيرين سيف النصر فى النمسا وحبها واتجوزها وهو سايب الغلبانه ماجده اللى هى جيهان نصر هنا وميته فى دباديبه

قام سأل مامته سؤال شغلنى كتير
قالها " هوممكن الراجل مننا يحب اتنين بنفس الدرجه من الحب ويحس ناحيتهم نفس الاحساس؟؟؟!! "

ردت نينا فضيله بالنفى يعنى ماينفعش

الله يسامحهم خلونى فضلت افكر فى الاجابه وسبت احداث المسلسل

وبعد تفكير عميق منى اختلفت مع نينا فضيله فى اجابتها
لان فعلا الراجل بحس انه كتير ممكن يجمع حب اتنين ستات وتلاته ويمكن اكتر فى قلبه وبدون تعارض
جايز مايكونش الحب بنفس القدر والقوه لكن حقيقى ممكن

والا مكنش ربنا اتاح للراجل انه يتجوز 4 بشرط العدل بينهم فى وقت واحد واعتقد العدل مش ضرورى فيه الحب بنفس المقدار وان كان ممكن تحقيقه -ولو بنسبه- فى حاله الحب
بمعنى ان الراجل ممكن يبقى بيحب  تلات اربع ستات فى نفس الوقت ويقولهم كلهم "بحبك" والبعيد صادق مش كداب
طبعا مع التحفظ انه مايكونش اساسا طفس وبتاع بنات

واعتقد برضو ان الحب فى حياة الراجل بيبقى جزء من دنيته حتى لو بيمثله جزء مهم وكبير
يعنى الراجل بيبقى بينام ويصحى ويشتغل وياكل ويحب ويتجوز ويشرب ويتفسح وكل حاجه

لكن العكس تماما بالنسبه للست او البنت لو حبت
الحب بالنسبالها بيبقى هو الدنيا باللى فيها

ممكن تاكل حب وتشرب حب وتنام تحب وتصحى وهى بتحب وتخرج وهى بتحب على نفسها برضو
يعنى اللى بتحبه بيمثلها الميه والهوا وطبعا وبالتأكيد ده عمره ماهيكون الا راجل واحد بس مش اكتر من واحد

الكلام ده افتكر انه كان ثبت فى دراسه اتعملت تقريبا فى المانيا كان قالى عنها محمد الفارس الله يرحمه مره

ان الراجل ممكن فى نفس الوقت يحب اكتر من واحده انما الست ياعينى تحب واحد بس وممكن تفضل المجنونه تحبه طول عمرها ولو مش اتجوزته ممكن تفضل طول عمرها من غير جواز وتموت وهى لسه بتحبه

طب مش الستات مفروض تعقل كده وتعمل زى الرجاله وتضربها صرمه قديمه ولو حبت واحدمش اتجوزته تنفضله وللى خلفوه وتعيش حياتها مع غيره وخلاص؟

ولا هو اتكتب علينا نفضل نحب فيهم وهما منفضين وبيحبوا علينا؟!
يعنى يبقوا هما بقلبين وتلاته واربعه واحنا بقلب واحد
ده ايه الظلم ده

مش كده ولا ايه؟

لعـلـهـا فـرحـه

2009-07-09T01:24:00.006+03:00

بقالى كتير اوى مش حسيت بفرحة تخلى عنيا تدمع وتعيط بجد

فرحة غريبه مكنونه جوايا لدرجه مخليانى اسكت مش عارفه ابوح بيها

مش عارفه حد هيحس الاحساس ده ولا لأ؟

بس انا عادتى انى لما بفرح واحس انى طايره بجرى واتنطط واتكلم وابهدل الدنيا

المرادى قالبه معايا بسكوت مش عارفه ليه

!!!!!!

هبطل رغى فارغ وملوش لزوم وهدخل فى المضمون

الفرحة اللى بتكلم عنها ابتدت من اسبوع فات لما ناقشت مشروع التخرج وعديت بإمتياز

وكملت امبارح لما نتيجتى ظهرت كامله

والمرادى مش أى نتيجه دى نتيجه البكالوريوس والتراكمى كله

يعنى نتيجة تخرجى اللى دوشتكوا بطلب الدعوات ليه والتوفيق فى اللى يعمله

النتيجه ظهرت وحسيت انى زى ماجالى وقت وغلست واختفيت وقصرت فى حق الناس وحق البلوج حبيبتى دى انى اقول للناس دى

يمكن حد فيهم يفرحلى واحس بفرحته فى كلمه حلوه يسيبهالى فى تعليق

او حتى علشان لو فى حد دعالى يعرف انه بركه ودعوته استجابت :)

باركولى بقى ولو حد بيعرف يزغرت خليه يسمعنى زغروته حلوه فى الكومنتات اصل مامامابتعرفش :)

انا ياعيال اخييييرا اتخرجت وبقيت مهندسة

بتقدير عام جيد جدا مع مرتبه الشرف

وترتيب رابع دفعتى

باركولى بقى :)

البعض نحبهم...

2009-06-27T00:55:00.000+03:00

البعض نحبهم 
لكن لا نقترب منهم ........ فهم في البعد أحلى 
وهم في البعد أرقى .... وهم في البعد أغلى


والبعض نحبهم 
ونسعى كي نقترب منهم 
ونتقاسم تفاصيل الحياة معهم 
ويؤلمنا الابتعاد عنهم 
ويصعب علينا تصور الحياة حين تخلو منهم. 


والبعض نحبهم 
ونتمنى أن نعيش حكاية جميله معهم 
ونفتعل الصدف لكي نلتقي بهم 
ونختلق الأسباب كي نراهم 
ونعيش في الخيال أكثر من الواقع معهم
 

والبعض نحبهم 
لكن بيننا وبين أنفسنا فقط 
فنصمت برغم الم الصمت 
فلا نجاهر بحبهم حتى لهم لان العوائق كثيرة 
والعواقب مخيفه ومن الأفضل لنا ولهم أن تبقى 
الأبواب بيننا وبينهم مغلقه 


والبعض نحبهم 
فنملأ الأرض بحبهم ونحدث الدنيا عنهم 
ونثرثر بهم في كل الأوقات 
ونحتاج إلى وجودهم .....كالماء ..والهواء 
ونختنق في غيابهم أو الابتعاد عنهم 


والبعض نحبهم 
لأننا لا نجد سواهم 
وحاجتنا إلى الحب تدفعنا نحوهم 
فالأيام تمضي 
والعمر ينقضي 
والزمن لا يقف 
ويرعبنا بأن نبقى بلا رفيق 
 

والبعض نحبهم 
لان مثلهم لا يستحق سوى الحب 
ولا نملك أمامهم سوى أن نحب 
فنتعلم منهم أشياء جميله 
ونرمم معهم أشياء كثيرة 
ونعيد طلاء الحياة من جديد 
ونسعى صادقين كي نمنحهم بعض السعادة 

  
والبعض نحبهم 
لكننا لا نجد صدى لهذا الحب في 
قلوبهــم 
فننهار و ننكسر 
و نتخبط في حكايات فاشلة 
فلا نكرههم  
ولا ننساهم 
ولا نحب سواهم 
ونعود نبكيهم بعد كل محاوله فاشلة 

  
والبعض نحبهم 

 ويبقى فقط أن يحبوننا.. 
 مثلما نحبهم

جبران خليل جبران  

وأد قـلـب

2009-06-05T21:00:00.000+03:00

لعله القرار الصائب الذى يتحتم علينا اتخاذه أحيانا بوأد قلوبنا وهى فى ريعان الشباب 

حينما تكن للبعض الكثير من المشاعر الفياضه وهم لا يبالون بها بل ولا يتوانون عن جرحها حتى حد النزف من دون رحمة أو عطف, 

ليس تجاهنا نحن ولكن تجاه قلوبنا التى تفيض لهم حبا وحنانا 

ولما لم نستطع وأد مشاعرنا الفياضه تجاههم 

ولما كان غلائهم فى قلوبنا أكبر من أن نخرجهم منها حينما يتسببون فى نزفها

كان أكثر القرارات صوابا هو وأد القلب بكل ما يحمل من معان جميله 

لا لنتخلص من حبهم فحسب 

بل ولنفقد القدرة على اكتساب ألم جديد نعانيه 
إذا ماتسلل البعض الاخر بحبه لقلوبنا 

فيتكرر الالم ويتكرر نزف القلب

هواجس من تاريخى الاسود

2009-05-31T23:49:00.002+03:00

رغم كل تلك "البهدلة" التى تصيبنى عندما أقرر فجأه أن يهدينى ربى للجلوس بالقرب من مكتبى لمجرد الاستمتاع بشكل "أكوام" الورق والمراجع الموجودة عليه والتى دوما ماتذكرنى ب"أكوام الزبالة " 

فأشعر أن نهايتى تقترب عندما اقترب منها بخطوات مترددة كى أفعل تلك الفعلة الغابرة التى تدعى "المذاكرة" , 

فإنى اشعر بفرحة غامرة  عندما استمسك بأحد هذه المراجع مقسمة عليه"يمين طلاق تلاته" أنى لم ولن أتركه حتى افهم منه شيئا.

فأجدنى اقلب بين صفحاته راجية ربى أن افهم ولو "شابتر" واحد قبل أن يصيبنى الملل ويتسلل اليأس الى روحى كعادتى عندما أشعر ذلك الشعور الحقير بأنى "جاموسة" وأن المذاكرة هذه لا تناسبنى بالمرة وإنما هى وجدت لمن يحملون داخل ادمغتهم عقولا وليس "فردة بلغه قديمه".

وإذا ماأنعم على ربى بأولى نعمة وهى القدرة على الاقتراب من الكتاب أساسا فأجدنى "مخنوقة وقرفانة" وأجدنى تدور ببالى بعض أشياء يعلم الله ربى من أين ياتينى بها  عقلى!!

فارانى تارة استلذ بأن "اكتب هايفة لبوست فى المدونة"
  
أو اتذكر فجأة انى عايزة اتصل بصحبتى مسعدة لانها اتخطبت من تلات شهور وانا مش باركتلها""

أو "ان ماما طول عمرها واقفه مزنوقة فى المطبخ وحرام عليا لازم اساعدها"

وفى بعض الاحيان اتذكر بإنى "عايزة ادخل الحمام لانى بقالى يجى نص ساعه بالظبط مادخلتوش وده كتير"

ولعلى احيانا مااتذكر أننى "منذ مايقرب من الخمس شهور اخبرتنى امى بأن نينا تعبانه ولازم اشوفها او اكلمها بالتليفون حتى"

 
فاحمد الله على هذه التذكره التى أتتنى نجدة من السماء واحدث نفسى"هى كانت غايبه عنى فين بس الفكره دى؟ " 

فانتفض من على سريرى الذى يستضيفنى ساعات المذاكره فاعد العده والعتاد واجهز نفسى "ساعه قدام المرايه" كى اذهب لرؤية نينا العيانة واذا ماسألتنى امى "ربنا يهدك رايحه فين؟" 

اجبتها "رايحة اشوف نينا العيانه دى حرام عليكى ياشيخه انتى ايه بتزعقيلى كمان؟! ده بدال ماتخطفى رجلك وتيجى تشوفى امك معايا؟ هى امك انتى ولا امى انا؟ عجايب ياشيخه عليكوا امهات..ودينى لو اتجوزت وانتى عييتى ماانا معبراكى"

فترد عليا امى باستنكار بعد خطبتى  الطويله العريضه التى تحث على صلة الرحم "هى نينا عيانه من امتى؟!!"

فأجيبها بانها هى من اخبرتنى منذ سته اشهر تقريبا وانها ليست ممكن يقطعون الارحام فحسب وانما ممن يحملون مرض الزهايمر ايضا!!!

استغفرك ربى اللهم اجعل هذا الذنب حجه لنا لا حجة علينا..قولوا امين

ملحوظه ياعيال

انا كتبت البوست ده بمناسبه انى خلصت امتحانات النهارده فقلت اعمل بريك وارجع للقرف تانى اصلى قدامى كمان شهر علشان اخلص مشروع التخرج

ادعولى ربنا يتمه على خير علشان افضى بقى

تعبت الله 

اوووووووف

:|

وقـفـــه

2009-05-07T15:21:00.003+03:00

أنا عارفه انى قلت انى هغيب علشان الامتحانات

وانا لسه عند كلمتى لانى مش بعمل حاجه دلوقت غير انى بذاكر

لكن بتحصلى حاجات صعبة اوى عملتلى وقفه مع نفسى

من فترة مات محمد الفارس الملثم اقرب اصدقاء بلوجر لقلبى

ومن كام اسبوع حكتلى صحبتى عن صحبتها اللى ماتت قبل فرحها بيوم

ومن كام يوم عرفت ان محمد فارس صاحب مدونة الحياة امل مات فجأه

وامبارح عرفت ان صحبتى خبطتها عربيه واتكسرت واتعورت واتخيطت دماغها

وفى كل مرة كنت بحس ان فى حاجه بتدينى مؤشر ان هاجس الموت اللى بيطاردنى ممكن اوى يكون حقيقه بعد وقت قريب

وانى مش لسه فى عز شبابى زى ماانا بقول ولسه بدرى عليا

لان اللى بتحصلهم المصايب دول كلهم شباب  

لكن النهارده كانت اعظم المصايب 

عرفت ان بنت صاحبة ماما عملت حادثة وهى راجعه من امتحانها والبنت دى فى اولى ثانوى

عنيا دمعت على البنت لانى بحبها جدا وفضلت ادعى ربنا يخفف عنها

عرفت ان الحادثة مش عاديه وانها حادثة قطر

اترعبت والدموع فضلت ملازمانى

شويه وقالوا اتنقلت المستشفى فى حاله صعبه وغالبا رجلها اتقطعت

خلاص فضلت اقول يارب نجيها

دى لسه صغيره ومامتها محتاجالها

مفيش ربع ساعه وجه الخبر انها ماتت اول ماوصلت المستشفى

خلاص مها ماتت

مها اللى عندها 15 سنه ماتت

وانا بقول على نفسى لسه صغيره والموت بعيد عنى شويه

حسيت ان الوقفه اللى عماله ااجلها مع نفسى جه معادها

لا انا مش صغيره عالموت

لا انا لازم اتغير

لازم ابطل اغلط

عايزة ابقى صح بقى

كان لازم ابدأ بأى رقم مالوش لزوم على موبايلى وامسحه غير الارقام اللى لازم تكون معايا علشان علاقات شغلى

واى ميل ملوش لزوم على ميلى امسحه

ولازم اعمل فورمات للايبود بتاعى من كل الاغانى اللى عليه

كان لازم امسح اى اغنيه على جهازى

ولازم احافظ على ورد القرآن اليومى اكتر من كده

ولازم احافظ على الاذكار اكتر من كده

ولازم اقرب من ربنا اكتر واسجد اكتر

لازم يكون فيا خير اكتر

عايزة اتغير 

يارب اتغير يارب

انا خلاص مش صغيره وممكن اموت قريب

اللى عندها 15 سنه ماتت

واللى عنده 28 سنه مات

وايه يعنى لما اللى عندها 22 سنه تموت هى كمان

ساعتها ايه هتلاقيه فى صحيفتها غير اللى تندم بيه على انها عملته فى حياتها

ادعولى اتغير بجد

وادعوا للى ماتوا ربنا يرحمهم

وادعوا لمها ربنا يغفرلها ويتجاوز عن سيئاتها

وادعوا للفرسان اللى اختارهم ربنا يسكنهم جناته

خلاص جنازة مها صوتها قريب من البيت

يارب الرحمة

بـيـتـى وبـنـتـى

2009-05-01T00:12:00.003+03:00

كلكوا عارفين انى مش متجوزه يعنى ماينفعش يكون عندى بنت وبالتالى مش

 عندى بيت برضو-غير بيت ابويا طبعا مش اطفال شوارع يعنى-

بس زى النهارده(1/5) من سنه بنيتلى بيت وفضلت كل يوم ازين فيه شويه لحد مابقى شكله مسخره كده 

شويه ورد مش عارفه باين دول فى قاع بحر ولا ايه؟ وشويه عرايس صغيره زى الفراشات وشكلهم امور وبيعمى العين

بيتى الجميل ده هو مدونتى الصغنطوطه اللى بحسها كتير بنتى معرفش ازاى

وكمان اقرب اصحابى ليا وكفايه انها قدرت تدخلنى عالم مكنتش اعرف انه موجود

فيه ناس كتير  حمدت ربنا انها لسه موجوده فى دنيتنا

وناس مكنتش اعرف ان الدنيا فيها اشكال ضاله زيها كده

عرفت اصحاب من عالم افتراضى بقوا اقرب ليا من اصحاب العالم الحقيقى

وناس بقالها مكان فى قلبى مكنتش اعرف ان فى حد ممكن يوصله

لحد النهارده كل مابتوه بحس انى عايزة ارجعلها 

وكل مابحس انى عايزة الاقى نفسى واستردها برجعلها

انا بجد بحبها اوى وبحسها جزء منى وصعب عليا اوى اتخيل انى فى يوم سبتها او هى ضاعت منى

زى النهارده من سنه عملت مدونتى بعد الحاح من شريف زميلى العزيز صاحب مدونة اختلاف انى لازم يكون عندى بلوج

لحد النهارده حاسه انى مدينه لشريف بأنه دخلنى العالم ده وندمانه انى ماعملتهاش من اول مابدأت اتابعه أو سمعت عن التدوين قبلها بشهووور

نفسى حتى هو يرجع يدون تانى لانه عقليه وشخصيه محترمه اوى وللاسف يمكن بعد عن التدوين من وقت ماانا دخلته

لما عملتها زمان كده كان علشان انا من النوع الغلباوى اللى مابيعرفش يسكت عن حاجه غلط يشوفها او يخبى حاجه يحس بيها وتأثر فيه

ولانى مكنتش اعرف هكتب فى ايه بالظبط قررت اسميها قصاقيص ونسبتها لإسم حبيبة لانه الاسم اللى ماما ونينا بينادونى بيه من وصفى بالحنيه وانا كمان بعشقه بس مكنتش اعرف ان اسمى الحقيقى هيضيع تحت شهرة اسم حبيبه اللى انا ماتوقعتش انه فى يوم يتعرف كده!

انا قصرت فى مدونتى كتير وسبتها اكتر ماكتبت فيها لظروف خارجه عن ارادتى بس كنت فى كل مره بشتاق انى 

ارجع اشوفها بس وابص لشكلها شويه واقفلها

وكانت بتبقى اسعد لحظاتى وانا غايبه لما الاقى حد سأل عنى

ودلوقت للمره اللى مش عارفه كام هضطر انى ابعد حوالى شهر ونص بسبب امتحاناتى ومشروعاتى وافلاماناتى

ياريت تدعولى تكون دى اخر مره ابعد عنها فيها:(

محتاجة الدعاء وابقوا اسألوا عليا ياعيال بلاش قلة اصل 

والله انا بفرح زى العيال الصغيره لما حد بيعبرنى :)

انا رغيت كتير أوى بس انا مكنتش محضره أى كلام

انا قلت اللى هتكتبه صوابعينى عالكى بورد هنشره وده احساساتى دلوقت

لكل اللى شايلين ليا شويه معزة فى قلوبهم 

يارب تفضلوا تحبونى دايما يارب

ولكل اللى ماحبونيش عندكوا حق انا نفسى مش بحب نفسى

أما عن بيتى وبنتى فمش بتمنى غير إنى افضل الاقى نفسى فيكى

بس مين يعرف بكره فيه ايه؟

اشوفكوا بخير واسفه للتطويل

وهختم بصورة اطفالى زى العادة بس حاساها أوى

حاجات ايــه جابها فى بالى؟!!

2009-04-25T22:05:00.003+03:00

صورة بروفايلى...براءة العالم

ألم مالوش حدود..خايفة أعيشها

نفسى أعيش لحظة زيها

بحسدهم..الله يرحمك يامحمد

كتير بحس إنى زيه

ومن الحب ما قتل...كتير بتحصلى

دى حقيقة بس ياترى  أنا هبقى كده؟!

سعادة العمر..عمرها لحظات

2009-04-23T19:47:00.007+02:00

هل نظرت لنفسك يوما فى المرآه عندما تبتسم؟! 

هل فكرت يوما فى حجم سعادتك وابتسامتك مع إختلاف الاسباب التى استطاعت أن ترسم تلك الابتسامة على وجهك؟

إن اجبت أنا ستكون الاجابة ..لا. لم افكر يوما فى السبب ولكنى أسعى لاستغلاله واغتنامه فقط كى أشعر بقليل من السعاده أختلسها من وسط هموم الحياه.

أردت فقط ان اقارن احساس السعاده الذى يضفيه عليا أى سبب كان فلا أجد وجها للمقارنه بينه وبين ذلك الاحساس الذى اشعر به عندما أنجح أنا فى رسم ابتسامة على وجه حزين أو أرى نظرة رضا فى عينى وجه ساخط 
وأكون أنا سببا فيها.

حين عقدت تلك المقارنة ....وفــقــط

علمت أننى قد أكون سعيدة عندما ينجح أحد فى اسعادى 
ولكنى حتما أكون أسعد وأسعد حين أنجح أنا فى إسعاد روح حزينة ولو كانت سعادة قصيرة الأجل

"عمـــرهـــا "لحـظـــات

حدث...فى مثل هذا اليوم

2009-04-16T00:02:00.004+02:00

النهاردة بجد يوم تاريخى.اللى هو 16/4 يعنى 
سجله التاريخ فى صفحاته لاهميته
-هما لحد دلوقت مش سجلوه بس هيحصل ان شاء الله صبركوا بالله بس-

طبعا بما إن معظم اللى قاعدين بيقروا دلوقت جاهلين بتاريخ مصر الحديث مش هيعرفوا.

وطبعا كلكوا هتفتكروا إنى بتكلم مثلا عن اليوم اللى حرر فيه محمد على بك الصغنطط القدس سنه 1984 م...هقولكوا لأ

هتقولوا طيب ده اليوم اللى سعد باشا زغطوط عمل فيه معاهدة كامب ديفيد سنة 1805 ...برضو هقولكوا لأ

هتقولوا طيب يمكن ده اليوم اللى ابو كريكه وقع فيه عقد الاحتراف مع بايرن ميونيخ لاول مره فى الاربعينيات...الاجابة لأ

اخر احتمال ممكن يورد على بال حد فيكوا هو إن رمسيس التانى سافر لفرنسا لقضاء شهر العسل مع زوجته الاميرة ديانا من سنتين...برضو لأ

طبعا غلب حماركوا...مش قلتلكوا جهلة بتاريخ مصر الحديث؟!

كده لازم اتكلم بقى

فى مثل هذا اليوم السادس عشر من ابريل عام الف وتسعمائه وسبع وثمانين 

"أنــا اتــولــدت"
ايه يابشر بقولكوا انا اتولدت

ايوة البوليكا اللى انا عاملاها دى كلها علشان عيد ميلادى
هو يعنى هيجيلكوا أعز ولا اغلى منى؟؟؟ عجايب والله

يلا كل سنة وانا طيبه
النهاردة عجزت وبقى عندى 22 سنة بحالهم وعقبال 100 سنه يارب يانور يابنت طنط أم نور وعمو ابو نور
 -ده انا اللى بقوله لنفسى على فكره-

وعلى ذكر قولى على ماما طنط وبابا عمو-طبعا مفيش حد اخد باله-
أنا مرة كنت بسأل عيل صغير شكله متشرد كده انت اسمك ايه؟
قالى أحمد
قلتله احمدمين انت ابن مين ياض؟
قالى انا ابن خالتى سميه
قلتله انت ابن خالتك؟ :))
فكرنى بااحمد بدير لما قال لسكينة انا ابن عمى

وبالمناسبه دى هعرفكوا حاجه مهمه جدا عنى
شوفتوا الصورة دى؟
والله لوعايزة أنام بيبقى شكلى كده اصل النوم ده حبيبى 

وطبعا مفيش تورتات ولا جاتوهات ولا اشتغالات ولا افلامانات من دى

وعايزة شويه احمر حلوين اوعوا حد يدخل من غير هدية
عايزة صفحة الكومنتات تنفجر من اللى فيها وانا هبقى ادخل بعد شويه المهم

عايزة احس انى عندى شويه عيال اصدقاء عزوة كده فى بلوجر ونجيلكوا فى الافراح يارب وهدية قليلة تمنع بلاوى كتيرة
وهنيالك ياجايب الهدايا والثواب

ايه رايكوا بذمتكوا مش عندى موهبة دفينه انى انفع شحاته؟ :)