قلبى يرفرف......شوقا لبلادى ... عائدة اليها بعد غياب .....
انتظرت القطار طويلا .... وأخيرا سمعت صفيرة ... لقد أتى ......
أشعر بالفرح ....سريعا قفزت بداخله واخذت مكانى بالجلوس ،،،،،.....
انتظرت القطار طويلا .... وأخيرا سمعت صفيرة ... لقد أتى ......
أشعر بالفرح ....سريعا قفزت بداخله واخذت مكانى بالجلوس ،،،،،.....
تتوجه أنظارى للخارج... إلى الطريق ,, ومن النافذة أراه ،،،ارى البيوت تمر والشجر والناس تجرى من حولى ،،،،،وأنا باقية فى سكون ....
وجمت مع أنغام الموسيقى فى أذنى وإذا بعيناى تتوجهان داخل القطار فوقعتا على عينان تاهت بى السبل بداخلهما ....
عينان يغشاهما وجوم طويل ,,,, تارة يكسوهما اللون الاحمر ويفيضان بدموع قاتلة وتارة أخرى يغيب عنهما ذلك اللون فيصفيان كحبات الثلج ثم تبتسم الشفاه قليلا بإبتسامة تأخذ القلب وتريح النظر ..... وسرعان ماتختفى الابتسامة مع الكساء الاحمر للعينان من جديد .
مضت ساعات القطار وهى على تلك الحال لم أشعر بضيق أو ملل من طول الطريق وظللت مع خيالها ..
مضت ساعات القطار وهى على تلك الحال لم أشعر بضيق أو ملل من طول الطريق وظللت مع خيالها ..
التمست من ملامحها البراءة والرقة والهدوء ...ومع انهمار دموعها رأيت أحزان سكنت قلبها ...ومع ابتسامتها رأيت فرح زارها ....
اقتربنا من الوصول فاستدرت دون قصد لأرى أجمل ابتسامة رأيتها فى حياتى فى وجه طفل صغير فى مقعد إلى جوارى ..
شعرت أن الحياة محطات كمحطات القطار ... هنا محطة الحزن ....وهناك محطة الفرح وقد يكون كلاهما فى محطة واحدة ولا ندرى نحن .
تركت كل محطات حياة رفيقة القطار والطفل ذو أجمل ابتسامة رأيتها ونزلت فى اخر محطاتى ....
محطات قطار العودة
هناك 44 تعليقًا:
ورجعنا تانى يا بيببببببببببه
ايه يا بنتى الجمال دا؟
يخرب بيتك
انتى اشتغلتى كمسارى ولا ايه؟
بس تحفه يا بيبه والله
تسلم الأيادى
اولا حمد الله علي السلامة
ثانيا
فعلا المحطة لاي انسان محطة
ده فرح وده حزن
ممكن امل
ممكن انتظار
لكت رغبة الناس في التغيير بتخليهم يركبوا القطر برده
تحياتي
بوست حلو اوي
blue-wave
***********
اخيرا تانى ياعمرو شفت بقى
عمر الشقى بقى زى مابيقولوا
ههههههههه يخرب عقلك كمسرى ؟؟!!!
عموما ماشى ياعم كله منك حلو
وتسلم ياسيدى ...دمت بخير
kochia
*******
الله يسلمك ياقمر يارب
ميرسى على زوقك والحمد لله ان البوست عجبك....دمت بخير
نورتينا وفرحتينا بعد ما غبتى كتير علينا.. ورجعتلنا بألف سلامه فأهلا بيكى ووحشتينا
دا مش نشيد الصباح هههههههههه دا نشيد فرحتى برجوعك تانى لينا
نورتى مدونتك ورجعتى لينا بدمعه وابتسامه يا ترى ايام غيابك كانت مليانه اى شيء فيهم
يا رب تكون ابتسامه وفرح وبس
موضوع جميل من صديقه متميزه بس انا لو مكانك بقى وشوفت حد بيعيط هسئله مالك , مش فضول بس صعب نشوف دموع حد ومنبديش اهتمام
اما ضحكة الطفل فدى بالدنيا وما فيها
وهسيبك انا بقى في المحطه دى وانزل ومستنيه منك اجمل تاج هيتلألأ بصفاتك العزبه
بالتوفيق يا رب
قبل أى كلمة ...
مليون حمد الله عالسلامة يا ست البنات ..
نورتى البلوج ..
الخاطرة جميلة .. أجمل تحية ...
و نورتينا مرة تانية
كلامك حلو يا حبيبه وبجد فعلا خاطره جميله يعني فعلا لازم الواحد يفتكر كل شويه انه اد ما في حزن اد ما في فرح والاتني هيجو هيجوا يعني لا نحزن اوي وقت الحزن ولا نفرح اوي وقت الفرح عشان كلهم هيمشوا وهيتغيروا
بجد وحشتيني وطولت الغيبه اوي يا رب مش تتكرر تاني
nour shahen
*************
ياخبر ياخبر ايه ده كله؟؟ السلام الوطنى؟
هو انا استاهل الكلام الحلو ده
تسلميلى ياعسوله يارب وعايزة اقولك
انا فعلا فكرت اسالها وانا عادة بعمل كده بس مع دى بالذات لقيتها شارده خالص وحتى صحبتها اللى كانت جمبها لما كانت بتكلمها مكانتش بترد عليها الا فى الوقت اللى بتبتسم فيه واحيانا كمان مش دايما فحسيت انى هيبقى شكلى وحش قوى وهتكسف لو قمت رحتلها وسالتها
فهمتى ياستى؟؟
وبعدين انت ياعم قمر مين زيك؟
ان شاء الله تاج جاى
دعواتك ياحبيبتى وشكرا لمرورك
الاسطى
******
الله يسلمك يابو حميد ياسكر تسلم ويسلم مرورك علياوالحمد لله ان البوست عجبك
فين جديدك يابنى نورنا بقى هو الموسم لسه ماخلصش ولا ايه؟
دمت فى رعاية الله
aya
****
طب اعمل ايه انا دلوقتى؟
برضه هقولك توتا البسكوته غصب عنك هه بس
تسلمى ياحبيبتى وادينى رجعتلك بس ياريت ماتزهقيش منى بس
وان شاء الله مش تتكرر تانى ادعيلى انتى بس .دمت بخير
بداية حمدالله علي السلامه يا حبيبه , المدونات والشبكه العنكبوتيه كلها نورت
نجي للمشهد القصصي , حقيقي تعبيراتك جميله اوي حسستني انك كتبتي قصص قبل كده , رغم ان ده اول عمل اشوفه ليكي
وعجبني اوي احساسك في تصويرالمشهد رائع بجد , وجميل المعني اللي في النهايه
حممدالله علي السلامه مرة تانيه ومتغبيش تاني ممممممممم
تحياتي دائما
الفارس الملثم
*************
ياهلا ياهلا ياتلتميت مرحبا بيك يامحمد
الله يسلمك يارب والمدونات منورة بيك وبصحابها ياسيدى
الحمد لله ان الكلام عجبك ياسيدى وابدا والله ياخويا انا عمرى ماكتبت قصص قبل كده ده بس مجرد احساس وصلى فعلا من موقف شفته انا بس حولته من مجرد موقف يتحس لموقف يتقرى ...وصفته بس انما كونه طلع وصف حلو فده من قبيل الصدفة البحتة
عموما اسعدنى مرورك ياقمر
نورتنى .دمت فى رعاية الله
يا حمد الله ع السلامة
نورتي مدونتك
و اية النيو لوك ده
ده جبتي من بارة ولا اية وانتي راجعة جميل اوي
بس بقولك اية نقي لون الكتابة مختلف لحسن كدة هاحول و يجيلي صداع في المخيخ
تحياتي
السلام عليكم
البوست جميل هو اه بالنسبه لي مش نيو لك لني متشرفتش بمعرفة القديم بس ده جامد
أما بالنسبة للخاطرة الجميلة اللي قرأتها فبجد إسلوبك في توضيح فكرتك رائع و شيق
و بالفعل الحياة قطار يجبرنا بالوقوف في كل المحطات دون إختيار ودون ان نعلم ما ينتظرنا
و علي العموم برده حمد الله علي السلامة
^_^
مع تحياتي
البوست فيه فلسفة جامدة والأسلوب رائع وكله أحاسيس جميله وبريئه وفي نفس الوقت عاقلة وحكيمة
حمدالله علي سلامتك ياقمر ونورتي بلوجك تاني
الشكل الجديد للبلوج حلو أوي بجد تسلم زوئك
شهد الكلمات
************
الله يسلمك ياجميل ومعلش على لون الخط انا نفسى جالى صداع فى المخيخ بس كل مااجى اغيره مايرضاش والله
يومين كده ولا حاجه يمكن يكون زعلان منى بس لحد مااصالحه
نورتى ياقمر .....دمت بخير
cold air
*********
اهلا اهلا بابن بلادى
يسعدنى ياافنم انك شرفتنى ولو للمرة الاولى واتمنى يارب ماتكونش الاخيرة
ميرسى على زوقك والحمد لله ان فى الزيارة الاولى ليك قريت بوست عجبك
يارب دايما
نورتنى والله يسلمك يارب
دمت بخير
قلب ينبض لله
***********
الله يسلمك يارب والحمد لله ان البوست عجبك وعجبتك فلسفته وكمان الحمد لله ان النيو لوك عجبك تسلمى ويسلم زوقك انتى
دمت فى رعايه الله
السلامة عليكم ورحمة الله وبركاته
حمدآ لله على سلامتك
نورتى مدونتك
ومدينتك
وبلدك
الف مليون حمدلله على السلامة
وحنصبرعليكى تفكى الشنط
وتستريحى شوية وبعد كده
تحكى لنا على كل حاجة
شوفتيها وعملتيها
فى الاجازة ومرة
تانية حمد لله
على السلامة
حمدا لله على السلامة
بس الدنيا دى فيها محطات اجارك الله
تحياتى
norahaty
********
الله يسلمك ومتشكرة قوى على الترحيب الجامد ده هو انا استاهل ده كله؟
وبعدين ياحبيبتى انا بخيله لما افتح الشنط مش هدى حد حاجه منها
بس ليه ماقلتليش رأيك فى البوست انا صدرى رحب لاى انتقاد
نورتبنى والله
دمت بخير
كلام على بلاطة
************
الف اهلا وسهلا بيك فى اول زياره ليا
الله يسلمك وتسلم يارب
وطبعا بيبقى فى محطات اه منها اه
بس هى دى سنه الحياة
يوم لك ويوم عليك
نورتنى
دمت بخير
كلماتك جميلة و معبرة و فيها احساس جميل تحياتى لكى
الله............. والله جميله وانا بحلف با لله.
تعر فى انا كل ما بركب العربيه, بقعد ابص فى الناس واحاول اقرأ فى ملامحمهم, واتصنت لمشاكلهم وابتسامتهم,
بجد احييكى
كنت سمههيها محطات الحياه. بس والله اسمها جميل
بس ادينى بتكلم معاكى
تقبلى مرورى
تحياتى وما تغيبش تانى
حنين
ماشاء الله منتهى الجمال
انتى مشاعرك جميله وبتقدرى تسافرى بينا وبخيلنا بعيد وترجعينا تانى
حلو اوى البوست ده
تحياتى
دعوة للامل
**********
وتحياتى ليكى ميرسى قوى على كلامك الحلو ده والحمد لله ان اول حاجه تقريهالى عجبتك
دمت بخير ويارب يدوم التواصل
حنين
*****
وانا والله فرحنى كلامك
وبحلف بوالله هههههه
اسعدنى كلامك ياحنين ومبسوطه بيه قوى والله وحلو العنوان اللى اقترحتيه بس مش عارفه انا حتى مش فكرت فى العنوان اللى انا كتبته ده انا لقيت نفسى بكتبه كده من غير ماافكر وبصراحه عجبنى قوى وحبيته
بس يسعدنى الكلام معاكى ياقمر
نورتينى ...دمت بخير
momken
*******
والله انت اللى فى منتهى الجمال
ربنا يخليك يارب وانت فين يابنى ليه مش بتظهر ؟
وبعدين انا اللى مشاعرى جميله برضه؟
وحشتنا وماتغيبش بالشكل ده
دمت بكل خير
حبيبة ازيك
اخيرا عرفت اوصلك القطر اتاخر عليا
بجد متزعليش مني اني اتاخرت عليكي
عارفة اول ما قريت انبهرت بجد
اسلوبك بقى جامد ماشاء الله
خليكي عالخط ده بجد
blue nile
**********
ياهلا ياهلا
وانا اقول البلوج بتاعى نور مرة واحده ليه ؟ اتاركى عندى
ده انا كنت شويه كده وهبعت اقولك ياواحشنى رد عليا ازيك سلامات هههههههه
انا مش زعلانه منك والله بالعكس انا زعلانه عليكى عارفه انك مضغوطه فى امتحانات حتى فارس مختفى مش عارفه فين اوعى تكون ناموسه عضته وعيان ولا حاجه ابقى سلميلى عليه هههههههه
الحمد لله انك بخير وشدى حيلك
الحمد لله ياقمر ان البوست حلو رأيك يهمنى ومش اوعدك انى استمر على كده لانى مش قويه فى اللغه العربيه بحس اوقات كتير ان اسلوبى ضعيف فيها
عموما متشكرة ياسكر ....دمت بكل خير
الف حمد لله على سلامتك
مدونتك جميلة جدا
دى اول زيارة ليا فى مدونتك
وان شاء الله ما تكونش الاخيرة
اسير الجراح
اختى حبية
اسللام عليكم و رحمة الله و بركاااتاة مدونتك جمييلة جدا ما شاء الله يا قمر و بجد بجد عجبتنى
و البوست راائع
و جزاك الله خيرا و
تقبلى مرورى
كلماتك جميلة جدا و تصويرك للقطار بالحياة رائع و بشكرك على تعليقك الجميل و منورانى دائما
تحياتى
السلام عليكم
اولا حمدلله على السلامة
ثانيا
وانت بتوصفى فرحة الواحد ازاى وهو مروح بلده
بجد بحسه وانا مروحة من الجامعة كل ترم او كل مناسبة جامدة
وخصوصا ان المسافة بين بلدى والقاهرة بعيد اوى.
ثالثا
حلو اوى التشبيه مراحل الحياة بمراحل القطر
رابعا
حمدلله على السلامة تانى وتالت ورابع
سلاموز.
أسير الجراح
**********
انت مدونتك اجمل
اتمنى بجد ماتكونش الاخيرة
نورتنى ....دمت بخير
لؤلؤة الاسلام
************
وعليكم السلام ورحمة الله وبركاته
ربنا يكرمك متشكرة على زوقك والحمد لله ان اول زيارة ليكى عجبك البوست
ربنا يكرمك يارب وجزاكى خيرا يارب
دمت بخير واتمنى دوام التواصل
دعوة للامل
**********
للمرة التانيه نورتينى وميرسى ليكى انتى على زوقك
دمت بكل خير
don't press f1
****************
الجميله الله يسلمك
انا اول مرة احس الاحساس ده لانى شم بغيب عن بلدى ربنا يكونك فى عونك بقى
الحمد لله ان البوست عجبك ويارب دايما
دمت بخير
ميرسي يا جميل عالرد العسل ده
والله انا زعلانة لاني بجد ارتبطت بالمدونة وبيكو
فارس لسة في محاولات انه يشترك في نت الموضوع هياخد وقت سلامك يوصل ان شاء الله
دعواتك ليا بقى
مدونتك جميلة قوي وراقية وكمان كلامها يستاهل القراءة مش مجرد فضفضة وبوح ....بس فيه مشكلة أنا لاحظتها:
دايما الرومانسيين بيقابلوا مشاكل مع الآخر....وبيخسروا في نهاية المعركة...علشان دي دنيا الطماعيين والأغبياء..بس عموما لازم يبقي فيه سالب وموجب في الحياة ..يعني لو اتنين رومانسيين اتجوزوا صدقيني حيموتوا من الجوع..
تحياتي..
blue nile
**********
والله انتى اللى عسل مستنياكى وربنا معاكى يارب ومع فارس كمان علشان ترجعولنا بالسلامه
دعواتى ن قلبى بالتوفيق ياقمر
دمت بكل خير
رائد عبد السلام
***************
اهلا بحضرتك فى اول زيارة ليك عندى وشاكرة جدا على زوقك وكلامك الجميل ده
بس اسمحلى اختلف معاك فى حكايه الرومانسيين دى لانها ايوة بيواجهوا مشاكل بس لو اتجوزوا مش هيموتوا من الجوع ولا حاجه لسبب ان شم دايما الرومانسيين بيبقوا عايشين على ارض الاحلام فى ناس منهم بتبقى جاده جدا فى شغلها زى حالاتى كده الا انى من جوايا روامنسيه جدا برغم كل نجاحى فى عملى او بمعنى اصح دراستى
نورتنى واختلاف الراى لايفسد للود قضيه
اتمنى تتكرر الزياره
تحياتى ليك
إرسال تعليق