من يومين كده وانا بتفرج على التليفزيون ودى مش بتحصل كتير شفت كليب ظريف جداااا للفنانة العسولة نجوى كرم وفرحت قوى بيه والله فى الاول وبعد كده مافضيتش افرح ولا حاجة لانى اتشغلت بكلامها جداا وهقولكوا ازاى دلوقتى
لقيتها بتقول ....
فى معنى الكلام لحبيبها انها بتحبه بتلات ترباع قلبها والربع الباقى ممنوع.، قلت ياااااسلام ناصحة يابنتى والله
شوية بتقول لان التلات ترباع دول ضاعوا فالربع الباقى ده من حقها.، قلت برافووووووو
شويه وتقول انها خايفة لتموت لو فشل المشروع .،قلت ياعينى هى دى الستات ولا بلاش برافو يابنتى كنترول هايل احييكى عليه
شويه ولقيتها بتقول بثقة شديدة شووو !! .... صدقت ؟؟!! ....معقوول؟؟!!.... انا عم بمزح معك
وإذا بصوت يخرج من حلقى بيقولوا عليه شهقة وماقدرتش امسك لسانى يانهار اسود ماانتى كنتى ماشية كويس .. اشربى بقى
و ادى الجزء اللى سمعته من الاغنية الهايلة بجد والله
الك بقلبى تلات ترباعه والربع الباقى ممنوع......
بالكى تلات ترباعه ضاعوا حقى بالباقى مشروع ...... بدك يعنى إنى موت إذا مثلا فشل المشروع ؟؟ ....
شوو ؟...صدقت ؟؟!!....معقول؟؟!!.... أنا عم بمزح معك
بجد كلامى مع نفسى وأنا بسمع الأغنية أثار جوايا تساؤلات قلت اعرضها عليكوا يمكن تجاوبونى عليها
هو صحيح ممكن الواحد يقدر يعمل كونترول على نفسه فى حبه ويحب بقدر معين من خوفه على نفسه؟
طب لو كان ده صحيح ...صح اصلا ولا غلط إن الواحد يعمل كده اقصد يجزأ عواطفه ومشاعره؟
قالولى إن الحب الاول بيكون حب قلب بس والحب التانى حب قلب مع عقل اما الحب التالت حب عقل بس .... هو ده بقى صح ولا غلط؟
فى من الناس اللى بيبقى شايف إن البنت لما تحب مرة تبقى كده اتلوثت اقصد مش بقت نقية زى وهى لسه قلبها مادقش لحد ... هو ده حقيقى ؟؟ ولو كان مش حقيقى طب ليه تفكير إن الراجل من حقه يحب مرة واتنين والف ومن غير مايبقى غلط إنما البنت بيتمسك الحب عليها على إنه غلطة؟؟
ده كله دار فى بالى وفكرت فى إجابته لوحدى ... ياترى ممكن الاقى ليه إجابة عندكوا؟؟؟؟؟؟
هناك 93 تعليقًا:
قلت أحجز مكان وأدخل أعلق
ثواني وراجع
سلاااامو عليكي
ليييييييييييييه كدا بس ياسكايااار
حرام عليك
أنا كنت داخلة أحجز أول مكان
يلا مفيش نصيب ياحبيبة
انا بحجز تاني مكان
مش معقول إيه ده؟؟؟
مين الرخم اللي سبقني ده
ده انا كنت فاكرني التعليق الاول
مين سكايار ده؟؟؟
ما علينا
ندخل ف الموضوع
بعيداً عن نادية ورم أقصد نجوى كرم والناس عايشك برقة واللغات الغريبة دي
خلينا ف زتونة الموضوع
أولاً
هو صحيح ممكن الواحد يقدر يعمل كونترول على نفسه فى حبه ويحب بقدر معين من خوفه على نفسه؟
متهيألي اجابته ف النقطة دي
قالولى إن الحب الاول بيكون حب قلب بس والحب التانى حب قلب مع عقل اما الحب التالت حب عقل بس
بس علشان منتوهش بس هقول ببساطة
من رأيي ومن واقع خبراتي الفلسفية الدائرية الحلزونية الميتافيزيقية المنبعجبة من نوايا الطبيعة فإنني أقول
آه ممكن الواحد يعمل كونترول على عواطفه ... وممكن يكون من خوفه على نفسه ... بس متهيألي ده مش مع شريك حياته .. لإنك لو هتحب وهتختار حبيبك شريك لحياتك فالطبيعي يكون الاختيار ده مبني على العقل أولا ثم القلب ففيها تحكم في المشاعر أهو
زي مشروع تحبي تعمليه هنقول مثلاً مشروع تقميع بامية
هنقول لو انتي بتحمي تقميع البامية وعايزة تعملي مشروع ... مش هتيجي مرة واحدة وتجيبي فلوس وبامية وتقعدي ف الشارع تقمعي ههههه طبعاً لأ
لازم تحسبيها أوي هستفيد وهفيد البامية؟؟ ولا هيكون تضييع وقت وعيشة وعايشينها وخلاص
واحد صاحبي قاللي زمان فكر بعقلك في الامور العاطفية ... وفكر بعاطفتك في الامور المصيرية
يبقى آه الواحد ممكن يتحكم ف عواطفه
لكن هل الحب الاول بالقلب والتاني بالقلب والعقل والتالت بالعقل بس ... على حسب الشخص يا حبيبة ممكن واحد يفضل ماشي ورا عاطفته طول حياته وميسمعش لعقله وهو بيقول له فلان ده وحش متحبوش
لكن الصح حسب اعتقادي احب بعقلي ثم اترك الحب للقلب يعني احكم الاول على الشخص بعقلي اذا كان يستحق الحب ده ولا لأ ... لقيته يستحق ... اسيب قلبي بقى يعيش متعة الحب ده ... لكن طبعاً لازم من تدخل العقل احياناً للمحافظة على العلاقة دي
أما عن تجزيء المشاعر دي ف مش هعرف احكم فيها لاني لما بطلع مشاعر بطلعها كاملة مش بجزأها وممكن اكون غلط وممكن اكون صح ... لكن مسألة ثقة في الله ثم النفس ثم في اللي بعطيله المشاعر دي
لما البنت تحب
دي النقطة رقم تلاتة أو اربعة تقريباً
فيه من الولاد بيخافوا يتحطوا ف موضع مقارنة بينهم وبين الشخص اللي البنت حبته قبل كده ... وبرضه البنات يحبو يكونوا أول شخص ف حياة الولد ده
ومسمهاش تلوث .. هي الفكرة كلها بتندرج تحت بند الثقة .. انا واثق في البنت دي ولا لأ ..ممكن تكون عرفت مليون حد قبل كده ... بس لما بقت معايا ... هل بتفكر في حد منهم ولا انا بس؟؟؟ برضه مسألة ثقة في النفس
ومش صح إن الراجل من حقه يحب مرة واتنين وهكذا والبنت لأ ... فيه حاجة أؤمن بيها إن قلوبنا مش بإيدينا ... يعني مش هاجي ف مرة ألاقيني حبيت واحدة واقول هوه انا حبيتها ليه ... ممكن أعالج الموضوع أو ابعد عن المكان اللي هيخلينا قريبين لو عايز ابعد عن الحب ده .. لكن الموضوع المفروض يكون محكوم برضه ... يعني أي حاجة تدخل قلبك تتعرض الاول على ربنا هل دي ينفع تدخل قلبي وتبقى جنب حب ربنا اللي ف قلبي؟؟؟
معلش تعليقي طويل أوي خايف يقع ع التعليق اللي بعدي عاااا
تحياتي ويا رب متحسيش انك كنتي قاعدة أدام البرامج التعليمية
ههههههههه
معلش يا قلب
كنتي اتصلي قبل ما تيجي كنت هسيبلك الباب مفتوح عاااا
وحاسبي بقى وانتي بتعلقي التعليق هيقع عليكي ارمي تعليقك واجررري
هههههه
تحياتي
يا خبر ابيض وربنا التعليق بتاعي طويل اوووي حرام كده
سامحيني يا حبيبة بجد ههههه
عزيزتى حبيبة
وحشتنى مدونتك قلت أسأل عليك ..لقيت بوست جميل ورقيق كعادتك معنا...
ح اقولك على حاجة قلتها لبنوتة حلوة زيك لما سألتنى .. تقدر تنصحنى اتجوز مين؟
قلت لها: عشان تعيشى ملكة زمانك..
اتجوزى اللى بيحبك أكتر .. وحبيه بعقلك قبل قلبك ..تكون السعادة من نصيبك ........وفعلت!!
وانا من خلال تجاربى فعلا الحب الاول ده وهم ..وتجربةتليين لقلب على الزيرو
قلت لك قبل كدة ..ربنا ح يكرمك بزوج جميل وطيب وبيحبك جدا جدا
تحياتى
اولا اشكرك علي كلامك الجميل يا حبيبة
اما بالنسبة للحب فهو احساس معقد جدا يصعب جدا تحديده احتار الفلاسفة وعلماء النفس في تحديد اعراضه ومضاعفاته لانه بالفعل مرض قوي جدا لكنو مرض حلو
صعب قوي للانسان يحدد اذا كان بيحب ولا لا لان الحب ليه شروط كتيره لو اختل واحد منها يبقي مسموش حب لكن للاختصار انا سمعت كلمة من دكتور نفسي بيقول علشان تعرف اذا كنت بتحب ولا لا اختبر علي نفسك مبدأ التضحية يعني ببساطة تخيل ان الطرف الاخر تخلي عنك وسابك هل هتتمناله حياة سعيدة بعدك ولا لا لو اجابتك نعم فانت فعلا بتحب لو اجابتك لا فانت في وهم كبير اصطنعته لنفسك لسد فجوات عاطفية ونفسية لديك
اما بالنسبة لمسالة الحب الاول والتاني والتالت فبلا شك كل هذه ليس له اساس من الصحة لان الحب هو حب واحد بس ولا يحظي الفرد بفرصة الحب الا مرة واحدة اذن فالحب فرصة واحدة ان ضاعت فلا امل لتعويضها ابدا ولا يمكن نفسيا ان يعشق المرء اكثر من مرة فانما هي مرة واحدة ان قدر لها النجاح عاش الانسان طوال حياته سعيد اما ان كان مصيرها الفشل فلا امل له بالسعادة الا باعتزال البشر والبحث عن حياة من وحي خيالة يشعر بها انه يحب ويحب
وجملة القول ولكي اكون مركزا اضرب مثلا بسيطا
يولد الانسان بفجوات عاطفية لابد ان يملأها اولها طبعا حبه لامه فهو يحب ام واحدة الحب الذي تستحقه الام ولا يمكن ان يحب اي احد اخر حبا يضاهي هذا الحب مهما كانت الظروف وقس علي ذلك حبه لابيه وهكذا الي ان نصل الي حبه لفرد من الجنس الاخر يشاركه حياته ويندمج معه الي ان يصبحا كيان واحد حتي هذا الحب لا يمكن ان يكون لاثنين او لاثنتين
فهو حب واحد فقط
ومازال للحديث بقية عن سيكولوجية الحب
شكرا حبيبة علي هذا الموضوع
واهنئك علي قدراتك الخارقة في التعبير عن فكرك بهذا الاسلوب الجذاب وفعلا تستحقين وسام العبقرية
طااااااااااااااااااارق
ازيك يا حبيبه عامله ايه
معلش بقي ليكي عليا بوستين مجاوبتهمش , ان شاء الله ارد عليهم بعدين ..
حلوه اوي حكاية بتحب بتلات اربع قلبها , واتحط الباقي في بنك التوفير يعني ههههههههه اهو ينفع للزمن
انتي عاوزه الحق لازم بعض الكنترول علي القلب لان القلب ده عضو طايش ومتهور
وممكن يودينا في داهيه , في مقوله بتقول لا تحب احد بشده حتي لا تتالم بشده لفقده بس المهم انك تقدر فعلا تتحكم في مشاعرك بجد
بالنسبه لحكاية البنت اللي بتحب , لو حبينا نكون واقعيين قليل اوي لو لاقينا بنت محبتش ولو حتي كانت مشاعر مراهقه , بس هي القضيه مدي التاثير او احيانا الجرح اللي تركه الحب ده داخلها ويا تري ده اياثر علي علاقتها بزوج المستقبل
يعني ممكن اقلك الخلاصه الحب مش بايدينا , منقدرش نمنع قلبنا يحب مين ويحب امتي, لكن لازم بعض الكنترول عشان ميكنش الجرح اكبر من قدرة الايام علي مداواته
سلامممممممممممم بقي كفايه رغي
بصي يا بنوتي
اسمحيلي يعني اسم بنوتي بقي
بصي يا ستي كنترول دة لو انتي بتحبي بعقلك عمر مقلبك يقدر يعمل كنترول لو بيحب استحاله
القلب له احكام تمشي علي اي حد ميقدرش يتحكم فيها بشر ولا حتي عقلك
موضوع تفكير الراجله في ان الحب بيلوس البنت ده تفكير عقيم وغبي
لان لو البنت حبت ايه العيب فيها البنت بطبيعتها حساسه
مش غلط انه تقع في الحب مرة بس دي مش وصمه عار يعني
امال لو محبناش هنحبهم اذاي يعني
سيبك بس انتي عسوله يا بنوتي
متقلقيش من المخ دة مش كل الناس كدا
تحياتي ليكي
مي
أزيك يا حبيبة
أيه المواضيع الجامدة دي .. انا حاسس اني في ندوة
بصي انا رأيي أن مفيش حاجه اسمها نحب بتلات اربع القلب .. لكن الموضوع بيخضع لكل شخص .. فالحذر في الحب مطلوب عشان لو القدر لعب لعبته نقدر نتجاوز المحنة
لكن لو مفيش مشاكل ممكن تحصل بين الاحباب أعتقد أن الحبيب يستاهل القلب كله ويمكن أكتر
ممكن يكون فعلا في حياة أي بنت قصة حب لكن المهم أنها لازم تنساها وتمحيها قبل ما تدخل ف اي قصة جديدة .. لكن الوضع مختلف مع الولد .. أحيانا بيقدر يعمل توازن وممكن لا يشعر البنت اللي أمامه أنه كان في قصة حب في حياته
لكن شايف أن البنت مش بتقدر ترتبط بشخص وهي مشاعرها مع شخص تاني
مفيش حاجه اسمها حب أول أو تاني أو عاشر لكن في حب حقيقي .. وده بنحس بيه أول ما يجي حتي لو سبقه 100 قصة حب أو ممكن يكون هو أول وأخر قصة
ده رأيي المتواضع
تحياتي
ازيك ياحبيبة؟
بصي هو أنا مابتابعش نجوي كرم خالص
بس خليني أجاوب علي أسئلتك
هو صحيح ممكن الواحد يقدر يعمل كونترول على نفسه فى حبه ويحب بقدر معين من خوفه على نفسه؟
أه بتحصل كتيير وموضوع الكنترول دا لازم منه علشان مانديش مشاعرنا لحد غير لما نتأكد أنه يستحقها
__________
قالولى إن الحب الاول بيكون حب قلب بس والحب التانى حب قلب مع عقل اما الحب التالت حب عقل بس .... هو ده بقى صح ولا غلط؟
بصراحه أنا أول مرة أسمع الكلام دا منك
بس أنتي عرفة ليه العقل بيظهر في الحب التاني والتالت علشان بنكون أخدنا خبرة وأتعلمنا كويس من اللي حصل وعلشان اللي حصل في أول مرة مايحصلش في تاني وتالت مرة لازم العقل يكون موجود
___________________
فى من الناس اللى بيبقى شايف إن البنت لما تحب مرة تبقى كده اتلوثت اقصد مش بقت نقية زى وهى لسه قلبها مادقش لحد ... هو ده حقيقى
بتختلف من حد للتاني
ماتمشيش ورا كلام حد ياجميل
سلام ياقمر
لا حرام حرام حرام..انا لسه كاتبه تعليق دلوقتى راح فين هو ده ينفع ورايا شغل ...ماشى يا حبيبه هاتيلى تعليقى ولا ااقولك فداك يا قمر دا لو بوست حتى فداكى بس مش هقول حاجه فى الحب الاول شكلها السيره دى ملبشه ولا حاجه لا وبتاكل التعليقات...يله فى رعاية الله يا قمر..
الحب هو أكثر الأشياء الخارجة عن كل تحكم وتاريخ الحب يؤكد هذه المعلومة وإلا ما سمعنا عن كل المآسى التى يخلفها الحب ورائه فى رحلته الطويلة عبر الزمن.
ولقد فشل كل من حاول أن يضع الحب تحت السيطرة أو داحل نطاق التحكم.
تحياتى
وعزوبتها
وبرائتها
وصدمتها
ولكن من في تلك اللحظات اكثر تأثيرا في حياتنا
من فيهم أكثر تغيرا في حالتنا النفسيبة
بدون تفكير اسطوانة التعاسة التي اصبحت شيء لايفارق شخصيتي و حياتي قررت قبل أن يفكر عقلي أو ينبض قلبي وقالت بأعلي صرخة مدوية في عالم المادة انه الفراق أنه الوداع إنه الانهزام إنه الانكسار إنه الضياع .......
تسائلت بشدة وما هي اسباب الوداع ؟
ولماذا دائما اصبحنا جميعا نملك قصة حب ضائعة ؟؟؟
وقلب يحمل بين طياته زكريات الماضي وآلامه وأحلامه وربما لحظاته الجميلة وفرحته وأمانيه الوردية ولياليه الطويلة الذي دائما نصفها بـ (( ياه لو الزمان يرجع تاني
علي الرغم أننا جميعا في تلك اللحظة كنا منكسرين وضائعين
وربما منا من فقد السيطرة علي مشاعره وأعصابه
ولكنني أقولها بصراحة
ربما يسخر البعض مني ربما يشعر البعض أنني أعيش في عالم آخر..
الحب الحقيقي لايمكن ان يضيع بين طيات الزمن ولا يصبح ذكري خالدة إلا بالموت
إذا كان سبب الوداع سبب آخر فصدقني لم يكن حب لم يكتمل معك الاحساس وربما لم يكتمل مع الطرف الآخر
ما اريد أن أقوله اذا فشلت قصة الحب فلا تحزن لانه اذا كنت انت سبب الفراق
فقد كان اختيارك مهما كان السبب الظروف الاجتماعية الحالة المادية اي مشكلة واجهتك جعلتك تتخلي عن حبك فقد ضعفت وفرطت في حبك ولم تستطع في هذه الحياة انت تنجح حتي في قصة حب .................
أما لو كنت أنت الضحية فلا تحزن أيضا لأن حلمك لم يكن مع الشخص المناسب لم يكن قلبه يستطيع ان يحافظ علي الأمانة مهما كانت الاسباب اي حالة فشل..... انت السبب............ هي السبب ....
في النهاية الحب هنا لم يكون موجود !!!!
لانه لم يقاوم تحديات الحياة ولم يترجم الي افعال تلك الاحاسيس عندما تكون صادقة تجعل منك إنسانا مليء بحب الحياة والخير والطموح والنشاط وفي نفس الوقت تعطيك الاستقرار النفسي والعاطفي عندما تصبح المشاعر دافع وحافز فتجعلك تشعر دائما انك مولودا جديدا كل يوم
لست متفائلا ............. ولست عظيما .......................
ولكنني احيانا لا افهم لماذا نشعر بالغربة مع أحبائنا ؟؟؟؟؟؟؟؟؟؟
لماذا تتحول لحظات اللهفة والوحشة والشوق الي لغة لا يمكن ترجمتها ؟؟؟؟؟؟؟
لماذا تسيطر المادة علي قلوبنا ؟؟؟؟؟؟؟؟؟؟؟
لماذا نفشل قبل ان نبدأ؟؟؟؟؟؟؟؟؟؟
لماذا لا نمتلك الشجاعة الاعندما نقرر الفراق ؟؟؟؟؟؟؟؟
وعند لحظة الحب تضيع الشجاعة وتضيع كثير من المعاني السامية والمثاليات التي هي اساس الحب لماذا نحن دائما ضحية لاختياراتنا
وعندما نفشل نلقي اللوم دائما علي الطرف الآخر ؟
لماذا لانشعر بالندم إلا بعد فوات الآوان ؟؟؟
لماذا لا نزرف دموعنا إلا عندما لا يجدي الندم ولا نصبح قادرين علي المواجهة ؟
لماذا الحب لا يتحول إلي صداقة ؟
لماذا قتلت الدبة إبنها ؟
من خوفها عليه..!!!! أنه الاحساس بالمسئولية القاتل والقلق المستمر والمشاكل التي دائما تخلق من اتفه الاسباب...........
وما أكثر الاسباب التافهة
وما سبب الغيرة القاتلة ....؟؟؟؟؟؟؟؟
إن الشعور بالحب تلك العاطفة لا يمكن تفسيرها ولا يمكن اعطاء صورة موضحة لها ولكنها بطبيعة الحال شيء عذب جميل ولحظة الفراق شيء صعب ومر وذل
هل نقرر متي نحب ؟؟؟؟؟؟
هل نقرر من نحب ؟؟؟؟
هل نبحث عن شخص ليبادلنا تلك اللحظة ؟؟
((إنه يأتي فجأة مثل المرض لا تعرف اسبابة ولكن تظهر أعراضه ))
هل يأتي اليوم الذي يجعلنا نشعر اننا لا يمكن ان نكون بشر بل ملائكة ؟؟؟؟؟
حالة من الاخلاص والوفاء والتضحية وحب الآخر والتفكير في الغير وسعادته اكثر من نفسك
لماذا تتغير افكارنا ؟؟؟؟؟؟؟؟؟؟
لماذا نتنازل عن أحلامنا ؟؟؟؟؟؟؟؟
إنها سلسلة اليأس التي تملكتنا وحالات التعاسة التي اصبحت جزء لا يتجزأمن ريتم حياتنا لا نستطيع ان نستمتع بلحظة حب إلا بعد حالة من النكد
لا أفهم لماذا ؟؟؟؟
هل نشعر بالوحشة للتعاسة ونحن في عز الفرحة ؟؟؟؟؟؟؟
أم هو الاحساس الخفي في الاوعي الذي دائما يقول لك كيف تشعر بالحب وأنت لاتستطيع انت تصل بحبك الي بر الأمان (( الزواج)) فتشعر باليأس فتشعر بالاحباط فتشعر بالتعاسة انني اشعر أن هذا الاحساس موجود دائما في عقولنا ولكن ماذ لو اخترت حبيبتك وأحببتها ووفيت وأخلصت وتركت المشاكل لتقوم بحلها واحدة تلو الأخري المشكلات المادية .... توفير فرصة العمل ... الاستقرار النفسي .. القناعة ...
ثم الخطوبة
الزواج
ربما تستطيع أن تكون القاضي في أي حالة إلا في حالة واحدة عندما يكون حكمك لنفسك
لا اعرف كيف انهي الموضوع
ولكن اقول الحب اسمي المشاعر واطهرها وأنبلها ولكن عندما يكون حقيقيا أبديا حقيقة ثابتة لاتتغير
http://decrepetangel.blogspot.com/2008/06/blog-post_08.html
مش هكتب كتيييييييير عشان انت بتزعلي بسرعه
وانا محبش ازعلك
الموضوع فكرته لذيده
مجمل كلامي فيه ان الحب في حياتنا لحاليه بيتجزأمن كلا الطرفين
الرجل والمرأه
بصى بقى من غير من طول انا باعتقد بخبرتى
البسيطة اللى هى تتراوح مابين دراستى
الفيتوزيقية والميتوفلسفية ان الواحد مش
ممك يجزا مشاعره بس ممكن يتحكم فى نفسه يحب
الشخص ده ولا وتانى حاجة انا زعلان علشان
انا مش التعليق الاول على العموم لازم
الواحد يفكر كويس قبل ما يحب علشان يحب بجد
السلام عليكم
ازيك يا حبيبة و سوري عالتأخير
أولا مرسي علي تشريفك الرقيق لعيد ميلادي و بجد نورتي المدونة كلها
ثانيا موضوعك بالفعل غاية في الغرابة و شائك أيضا
لأني واحد من الناس اللي بيؤمنوا إن الحب بمختلف أشكاله هو إكسير الحياة
لكني أيضا لا أومن بالحب بحساب يعني لما أحب شخص لازم أكون مآمن له من كل النواحي و لا مجال للخوف و إذا ظهر الخوف من الغدر غادر الحب من الناحية الأخري
فلا يصح الحب إلا بكامل القلب و لكن ي أقصد الحب الحقيقي بتاع فؤاد ^_^
شكرا مرة تانية و مع خالص تحياتي
انا باينى اتعقدت ولا ايه ولا انا اصلا كنت كدا هههههههههههه
بقرا وافرح قوى وابقى متضايقه قوى وانا بعلق على موضوعات الحب بس غلاثه لازم اقول رأيى
طبعا مش تزعلى اقولك ....
اصل كلامى كله هيبقى شكل بعضه وكأنى عماله اقول واعيد وازيد فيه ولا حياة لمن تنادى
صدقينى انا دلوقتى بفكر مش عارفه انا مع اللي كتبتيه ولا بتسائل زيك
الحكايه مش بقت حب دى بقت حرب
مين يخدع الاول , مين يجرح ومين يكون ذكى عامل حسابه ويبعد ويضحك ويقول منجرحتش .. ايه دا
بس لا يمكن يكون دا حب ابدا
الحب أمان , تكون مطمن مع الانسان اللي بتحبه ناسى كل شيء الا هو ,عارف انه هيحميك من كل خطر حتى من نفسه
اللي بيحب بيحب بكل كيانه مش بكيان الا ربع هههههههههههه
والحب هو هو مفيش حب عقل ولا حب بحذر
لو كان الانسان يقدر يعمل كنترول مكنش اختار يحب اصلا
اعزرينى علشان طولت وخرفت شوية بس اهو دا حالى مع الحب مجرد لخبطه
تحياتى ليكى
بصى يا حبيبة
تيجى نتكلم بالعقل كده
القوى بس هو اللى يقدر يعمل كنترول على مشاعره ويحب بقدر معين ودا نابع من خوفه على نفسه
وعلى فكرة دا صح جدا لان مشاعرنا مش بايدينا
ممكن تكون لشخص ما يستحقهاش اصلا ولو ما اتحكمتيش فيها ممكن انتى اللى تندمى فى الاخر
اما بالنسبة للحب الاول والتانى والتالت فما عنديش فكرة عن الحكاية دى
فى من الناس اللى بيبقى شايف إن البنت لما تحب مرة تبقى كده اتلوثت اقصد مش بقت نقية زى وهى لسه قلبها مادقش لحد ... هو ده حقيقى
ايوه فعلا دا حقيقى جدا واوعى تصدقى غير كده لان هى دى الحقيقة واللى يقولك غير كده يبقى بينافق نفسه
=================================
بس انا رايى ان الحب ده نعمة من عند ربنا مش بيديها لاى حد وساعات بتكون سبب شقاء ناس كتير
لانها فى الزمن ده بقت ذنب وخطيئة لازم الانسان يتبرأ منها
بصي سيبك من نجوى دي
اللي بيحب بيحب بقلبه كله وعقله وكل حاجة فيه مينفعش القسمة بتاعتها دي
الحب الاول وهم طبعا لانه حب مش حقيقي
بيبقى مجرد اندفاع في المشاعر عشان يعيش تجربة وخلاص
حكاية ان البنت تحب
هي البنت دي مش مخلوقة زي الولد ليها مشاعر ويمكن اضعف بكتير من مشاعر الولد
يبقى من حقها
لكن اتلوثت دي كلمة صعبة اوي
بس طبعا لازم تنسى الحب ده لما ترتبط او تحب بجد
(انا ضفتك يا بنتي معرفش موصلنيش حاجة منك ليه مستنية ردك)
فى رايى ان الحب الحقيقى لا نملك فيه السيطرة اساسا على مشاعرنا.. لانه يسيطر علينا ويتحكم فينا ويصبح فيه العقل سائر خلف القلب .. ان الحب قوة اجتياح لا تستطيع اى حواجز او دفاعات الوقوف امامها
اما بالنسبة لامكانية تكرار الحب مع اختلاف وجهة نظر التعامل معه فليست حقيقية الا لو فكرتى فيه كمشروع استثمارى .. فما زال للمشاعر سلطانها
انا مش فاهم ايه اللى جرالك اليومين دول
اتعقدتى وانتى صغيرة يا بنتى
بصى يا بيبه
طالما ان الحب كان حب نقى
فالبنت بتفضل نقيه
بس
تحياتى
السلام عليكم ورحمة الله وبركاته
ما شاء الله .. ايه الافكار دي .. بعيدا عن نجوى والأغنية .. لأن صراحة ما باسمعش أغاني .. وما باحبهاش من وأنا صغير سبحان الله .. حتى قبل أعرف حلال وحرام
طبعا الحب انواع .. مش هاقول طبعا حب بابا وماما والكلام ده .. لأني فهمت ان الكلام عن الحب بمعنى العاطفة بين ولد وبنت يعني .. أنا شفت علاقات كتير بالمعنى ده لكن أغلبها بكل اسف لم يدم طويلا .. ممكن واحد قلبه يميل لبنت والعكس .. لكن في الوقت ده لازم يمشوا في الطريق الصحيح .. اللي هو الارتباط الرسمي .. بعد الجواز ياريت الحب يكون بنسبة مليون في المية
لكن بكل اسف بنشوف ان الحب بيكون قبل الزواج بين اي طرفين جميل أوي .. والكلام الحلو .. بعد الجواز بتتغير الصورة .. مع ان الحب الحقيقي المفروض يكبر بعد الجواز ويستمر
الحب لازم يكون في اطاره الصح في اطار الشرع والدين
تقبلي تحياتي
أخوكم : حبيب
السلام عليكم
الاول احييكى على بكره الموضوع
بالنسبه لان الواحد يتحكم فى قلبه ربع حب والتلاته التانين لا دا مش صح خالص اصل القلب الى بنقول انه بيحب دا تعبير مجازى يعنى مش حقيقى
وكمان فكره ان حب البنت مره والولد اكتر من مره عارفه ليه الولاد بترفض ان البنت تحب اكتر من مره لان الولد الشرقى بطبيعته غيور جدا ومش بيسمح لمراته حتى مجرد ان حد غيره يخطر ببالها فبيفتكر ان حبها الاول مش بتقدر تنساه وان دا هياثر على حياتهم على الرغم انه يقدر ينسيها الدنيا كلها بس يحسن معاملتها
بيبو ازيك
اية الموضوع الجامد ده
ده عايز بوست لوحده الواحد يتكلم فيه
طول عمري حطه لنفسي مبدء في الحب و ماشية عليه
الحب عندي منطقة مقدسة جدا محرم علي حد دخولها ( طبعا ده للجنس الاخر بس )غير زوجي فقط مستنده بذلك علي نظرية كونتها من واقع الخبرات اللي حواليا و اللي شوفتها فعلا
بتقولك اية بقي النظرية
مشاعر الحب زي زجاجة العطر فواحة اول لما تفتحيها لكن مع الاستخدام المتكرر علي الفاضية و ع المليانة الزجاجة دي يا هاتفضي قبل اوانها يا مش هايبقي ليها ريحة يقدر حبيبك الحقيقي يشمها
يعني خلاصة الكلام اني محتفظة بمشاعري بكر بكل ما فيها من جنون و حب صادق لشريك الحياة عشان يكون هو اول واحد اقوله بحبك و اول واحد احس معاه بجنون الحب
اه المبدء المنيل ده قارفني و منغص عليا عشتي و حسة اني دايما وحيدة حتي لو حواليا 1000
لاني عمري ما دخلت في قصة حب ولا عشت احساس الحبيبة ولا حد جاب لي ورده ولا الكلام ده كله
مش عارفة ان كانت النظرية دي صح ولا لا
بس ربنا يكرم بقي بعريس الواحد يفجر معاه كل العاطفة المكبوته دي
يالا قلبتي علينا المواجع و خلاص
تحياتي
إزيك يا حبيبة عاملة إيه ؟
يا حبيبتي الأغنية تحفة و أنا و الله حبتها من قبل ما أسمعها ..يعني كلامتها حلوة أوي ...و يا حبوبة في ناس بتعمل كنترول على قلبها لدرجة أنها متحبش خالص مالص ...أما بقى موضوع البنت الملوثة و البنت النقية فده جزء من التناقض اللي في المجتمع يعني ليه لما واحدة تحب واحد و تتخطبله أو ترتبط بيه تبقى مذنبة ..و ليه الولد اللي يلف و يدور عااادي خالص ...يعني المبدأ مبيتجزأش
معلش طولت عليكي أول تعليق ليه بقى
أتمنى دوام التواصل
امممممممممم انا مش عارفة صراحة بس هو الحب اعتقد مالوش حسابات يعنى عموما لما اجرب هاقولك ماشى؟؟؟
اول مرور هنا بس شكلى هاقرف حضرتك كتييييييييييييييييييييييير
ازيك يا حبيبه
انا جاى اعيد عليكى
واقولك كل سنه وانتى طيبه وبالف خير
تحياتى
فكرتيني بكلام واحد من زمايلي زومان أيام الجامعة .. قالي ايه بقى؟
قالي أصل الحب ده زي اللبن أول مرة تغليه تاخدي منه قشطة كتير ..
تاني مرة قشطة أأقل وهكذا ..
لكن فعلا هو كل مرة هتحبي هتلاقي نفسك كأنك بتحبي أول مرة ..
موضوع كنترول على المشاعر صعب جداااااااااا
ماهو الكنترول ممكن لو معجبة بواحد
لكن بتحبيه وكنترول ؟؟
لا طبعا .....
تحياتي ..
حبيبة الغالية
شكرا ليكى ولسؤالك الدائم
ربنا يخليكى يارب
وربنا يقدرنى وارد جميلك دة
انا قولت اسيبلك رسالة قبل ما اقوم
لانى والله داخل بالعافية مش قادر
عموما اشكرك يا قلبى على سؤالك الدائم
تحياتى الى اغلى حبيبة
اسير الجراح
ايه يا بنتى فينك دخلت المدونه قولت اشوف ايه الاخبار لا لقيت بوست جديد ولا حتى رديتى على التعليقات ان شاء الله تكونى كويسه وتكون النفسويات كويسه وعال العال طمنينا عليكى يا حفيدة عرابى...فى رعاية الله وامنه..
Sakayar
********
اولا لازم اشكرك على زتونة الموضوع وعلى الاهتمام الجبار ده
وثانيا لازم اشكرك على التعليق الطويل اللى خلصلى الصفحه وخلص حبر بلوجر ده
وثالثا فكره مشروع تقميع الباميه هايله جدا احييك عليها
رأيك احترمه بشده واتفق معاك جدا فى موضوع لما البنت تحب الولد بيخاف من المقارنه اما بخصوص اختيار الحبيب بالعقل ده ف مش كل الناس بتفكر بعقلها فى الحب المعظم بيبق حديثه حديث قلوب وفقط انما لا دخل للعقل ف الموضوع
نورتنى جدااااااا ياسكايار واتمنى تيج عند علطول
دمت بخير ورمضان كريم
قلب ينبض لله
***********
ياحبيبت اول ولا تان مكان مش هترق المهم انك بتنورنى ياقمرى -كلمتين تثبيت عالماشى-هههههههههههههه
sakayar
********
ايه ده والله بالصدفه انا نسيت اقولك حاجه وجت ف مكان رد عليك بالترتيب سبحان الله هههههههه
انا اخده بال ان التعليق طويل فعلا وكنت خايفه ليأثر على اساسات المدونه بس اظن دلوقت بلاش تحس بالذنب لان الكل معلق تعليقات طويله من الاخر مدونتى هتنهار هههههههههههه
نورتنى ومسامحاك ياخويا من قلبى والله
وميض ابتسامه
*************
والله انت فعلا اخترت اسمك صح جداا
دايما لما بقرا كلامك بترسم عل شفايفى ابتسامه بحس ان الدنيا بيها لسه بخير
بتوحشنى تعليقاتك بجد يارب تفضل مدونتى توحشك علطول
نصيحتك اكتر من رائعه فعلا بس قلوبنا مش بايدينا
ربنا يسعدك ومتشكرة قو عل دعوتك ولك مثلها
ربنا يكرمك يارب وكل سنه وانت طيب
keepdreaming
**************
احترم رايك بشده ياطارق زى عادتى معاك بس تعرف والله عجبتن جدا حكايه الدكتور والتضحيه دى بس ياطارق احيانا وحسب طبيعه الشخص بيكون متبوع بالحب انانيه مع الحبيب يعن احب واحد واكون عايزاه ليا وبس وممكا اقتله لو هيتجوز واحده تانيه
ف ناس كده فعلا
نورتنى ياطارق والله
كل سنه وانت طيب
صعب اوى تعملى كونترول على قلبك اصل القلب صعب انكى تتحكمى فيه ودا راى يعنى والا كنا قدرنا نحدد معياد لحبنا امته نحب بقى وامته يالا نكره هو المفروض اننا نعمل بعض من الكونترول على عواطفنا وحتى لو قدرنا مش نقدر نقاوم كتير
تحياتى
يويو
الفارس الملثم
*************
صديقى العزيز لن اتهاون فى حقى
البوستين هيتعلق عليهم يعنى هيتعلق عليهم غلاسه بقى يامحمد هه
الحاجه التانيه ماشاء الله يامحمد بجد انا كنت ناويه بعد البوست ده انزل بوست اقول فيه الخلاصه اللى طلعت بيها بعدين اقول رأيي الشخصى بصراحه كلمتينك دول تقريبا رأيى إن لم يكن هو
يعنى ابقى اخده كوبى وبيست واضحك عليك ههههههههه
تحياتى ليك بجد
كل سنه وانت بخير
مدينة الملائكة
*-***********
اهلا يامامتى وهسمحلك طبعا هو انا اطول ياخبر ابيض
طبعا عندك حق يامى وماتقولى لما الراجل بيبقى شايف ان البنت مش المفروض تحب غيره طب مادامت حبت مرة يبق ده معناه ان القلب ممكن يحب الف
وز ماقلبه دق وحب ممكن اى قلب فى الدنيا يدق ويحب
لكن الحكايه حلال عليك حرام على غيرك
انتى اللى عسوله منورانى دايما
حبيبه أنا أول مره بعلق في ألمدونه
بس بصراحة البوست جميل وبحرك الأفكار والمشاعر داخل اى حد مننا لان كلنا بنمر بالموضوع ده
انك تتحكمي في الحب صعب لان الحب مراحل وبدرج ويمشى في خط سيره فأنتي ممكن تتحكمي في الأول بس أكيد لو حبك ده وصل لدرجه معينه ويصبح التحكم صحب
بس خليني أقول حاجا نفتكر لو هيا مقالتش أنها بتمزحج معاه
إيه الفرق
اعتقد إننا بنفسر الموضوع ده على انه كنترول بس ممكن يكون له معنى الأمان
إلى كلنا بنبحث عليه لان الأمان أهم من الحب وكل شخص بيضع حد للامان مهما كان حبه
مافيش حد بيعطى حد قلبه بالكامل ألا لما يحقق شرط الأمان
والى يدي حد 3/4 قلبه وان الموضع فشل يبقى القلب فيه ربع معتقدش انه ينفع يعيش بيه أو ده مش شطاره
الحب الأول
هو أجمل حب وأحلا حب وانتى عرفي مبيستمرش ليه لان الإنسان بيكون صادق جدا في مشعره في المرحلة ده وإحنا في زمن الكذب فدائما يقوله الحب الأول ده خرافات أو عبث مش صحصح
لان الحب الأول بتكون أجمل كلمة بحب اتقالة وأجمل كلمت حب انتى بتسمعيها ازاى يكون حاجا عابره
أما الناس إلى بتقول إلى حب قبل كدا وتلوس دوله ناس مريضا وقله
والحب حب مفهوش كلام
كان حب أول أو مش أول بس على قد متكون التجربة بتكون العواقب يعنى في ناس بتفضل عيشي حيتها على ذكرى لحب وفى ناس بتعرف تحب تانى وفى ناس بتتألم ومتعتها في الم الحب
بس إلى أنا حسه أن الحب نعمه مهما كانت التجربة فأكيد القلب حس وعاش مشاعر جميله تخليه ومهما كانت التجربة مش ناجحة الحب شيء عظيم مفتقديه في المجتمع بتعنا
ومحدش بينجرح أوى غير لما يحب أوى
كيموو
فارس بلا جواد
*************
ومالها الندوات ياسى فارس مش احسن ماالواحد قاعد فاضى كده ؟؟؟
اتفق معاك ف الرأى جدا وبعدين اصلا يافارس مانفعش واحده ترتبط بواحد وه لسه بتحب حد تانى ده ظلم ومايرضيش ربنا يعنى وان كانت الاقدار ممكن تعمل كتير
كل سنه وانت طيب وشكرا لرايك
رأيي الشخصي
الحب نفسه مفيهوش كنترول
لكن الكنترول موجود على التصرفات مالم يكن صاحبها فاقد العقل
قلب ينبض لله
***********
اهلا حبيبتى ازيك فينك مختفية يعنى؟
بخصوص الكونترول ف فرق بين لازم منه وبين اننا نقدر نعمل الل لازم منه ده ولا لا؟
يعنى هو مهم انما هل هنقدر؟؟؟؟؟؟
انا بس بقول اراء ياحبيبتى انما انتى عارفانى مش بسمع كلام حد ههههههههه
كل سنه وانت طيبه
عايزة اطلق و
*************
اهلا اهلا
ازيك يامحاسن يابكاشه فين التعليق؟
يعنى ماتعلقيش وتقوليلى التعليق راح؟؟
انا عايزة ردك على الموضوع ده والاسئله اللى سالتها
متشكرة قوى على سؤالك انا بس كنت مشغوله شويه انما مش تعبانه الحمد لله
بجد متشكرة عل سؤالك يارب دايما بخير
كل سنه وانتى طيبة
قلب مصرى
*********-
الله ينور ياافندم ايه الجمال ده كله؟؟
بجد كلمتين ف الجون
نورتنى ويارب دايما تسعدنى بوجودك
كل سنه وحضرتك طيب
الابنة الحبيبة حبيبة
طيب مفيش بوست جديد وفهمناها
لكن مفيش سؤال عنى .. دى مش مفهومة!!
عموما كل دى حجج عشان اقولك كل سنة وانت طيبة بمناسبة حلول شهر رمضان المعظم ..اعاده الله عليك واسرتك بالخير والبركات
وسوف ادعوا لك دائما بأن يحقق الله لك كل ما تتمنيه لك .. يارب آمين
مرة اخرى طمأنينى دائما عليك
والسلام عليك
afew good men
**************
ياخبر ابيض !!!!!!!!!
يمكن ماجوبتنيش على اسئلتى لكنك عملت تحليل كامل لقضيه اسمها حالات الحب ف تعليقك .......لك كل احتراماتى ياافندم
نورتنى بجد
سلطان الغرام
*************
اهلا بيك وللمرة المعرفش كام كده والله مش فاكره انا مش بزعل خالص لك حريه الرأ والتعبير كما تشاء مادمت بتحافظ على انك تختار الاسلوب المناسب
بخصوص رأيك فى تجزئ الحب فيمكن فعلا انت بتتكلم بلسان الواقع اللى بيحصل بس عايزة اقولك ان فعلا لسه ف ناس مابتقدرش تحقق الكنترول ده سوا راجل او ست
نورتنى ومتشكرة لانك بتحافظ على زعلى
دمت بخير
السماء الداميه
***************
ياهلا ياهندسه ازيك
شوف انا هقولك حاجه برضه بخبرت الملوخيه دى ان ممكن الواحد يحسبها وهو بيختبر شريك حياته انما ف حكاية الحب دى بيتهيأل حسابات العقل كلها بتتركن على جنب وتبقى حسابات القلب وفقط
نورتنى وكل سنه وانت بكل خير
cold air
*********
اهلا ياحازم ازيك
كل سنه وانت طيب مرتين الاولى لعيد ميلادك والتانيه لرمضان الكريم
ثانيا اصلا مفيش حب مع احساس الغدر
انما الل انا اقصده تجزئ الحي لمجرد الحذر من غير احساس غدر لا حاجه
نورتنى ....دمت بخير
Nour shahen
************
ههههههههههه كده يانور ؟ مااااشى
لخبطه ايه يابنتى ماانتى جامده اهه
تعرفى يانور انا كنت دايما اقول ياخسارة مابقاش فى امان دلوقتى لما اتنين يحبوا بعض اما الواد يطلع قليل الاصل او البنت لدرجه انى ببقى عايزة اقول لهم وهما قاعدين مع بعض خافوا واحد فيكوا هيطلع ندل
هههههههههه خراب بيوت يعنى
يلا كل سنه وانت طيبه وربنا يسعد قلبك
fire bird
**********
ياهلا ياهلا
ايه التحليل الجامد ده ياعم؟
شو ياست اتفق معاك ف الشق الاول واختلف الاخير لان البنت مش بتبق اتلوثت انما بتبقى اخدت خبرة واتعلمت ازاى تتعامل ف موقف جديد ومع صنف جديد من البشر
انما تلوث ايه ده ؟؟؟ ياساتر
نورتينى واللى بيحب ويتخان بيبقى غلط فى حق نفسه مش ف حق حبيبه
تحياتى وكل سنه وانت طيبه
Blue nile
**********
طبعا عندك حق ومتفقه معاكى بس مااعتقدش ان دايما بيبق الحب الاول وهم
يعلم الله
كله بقى تمام ياباشا
ربنا مايحرمناش منك
Dr.A.S. black armor
********************
يمكن يكن رأى حضرتك صحيح
احترمه كراى شخصى
اتمنى تكرار الزيارة
كل سنه انت طيب
blue-wave
**********
والله ولا انا ياعمرو بس اه دنيا بشوفها وبسرح فيها
دى اجابه سؤال اتفق معاك فيها طب و الباقى؟؟؟؟
منورنى ياعمور دايما
عالم حبيب
*********
اهلا ياحبيب ولا اقول يابشمهندس؟؟
الله
يابختك والله بحسدك عل النعمه دى ربنا يعينى انا كمان وابطل لان نفسى بجد
بحييك على رأيك الجميل واتفق معاك بشده فيه
ربنا يجزيك خير
كل سنه وانت والمسلمين بكل خير
هايدى
*******
برافو ياهايدى كلمتينك ف الجون
اتمنى تكونى دلوقتى احسن
كل سنه وانتى طيبه
شهد الكلمات
************
ههههههههههه
معلش لو كنت قلبت عليك المواجع ياقمرى
الله مبدأك صح جدا بس متعب جدا جدا جدا بيخليكى طول الوقت فى حيطه وعامله حساب كل حاجه ف نفس الوقت حرمان بس مادمت ف كده لحد دلوقت استمرى لانك والله مرتاحه من هموم كتير
ربنا يبعتلك اللى يستاهلك ياقمر
دمت بكل خير وكل سنه وانتى طيبه
Zanooba (Zeinab sab9n)
**********************
اهلا بيكى يازنوبه فى اول زيار ليكى يارب ماتكونش الاخيرة
ازاى بقى بتقول تعليقك طويل ؟؟ انتى مش شايفه اللى فوقك لا ايه ؟ دى اساسات المدونه هتقع خلاص هههههههههه
عندك حق طبعا ومعنديش اجابه لسؤالك بخصوص التناقض ف مجتمعنا الشرقى
فعلا المبادئ مابتتجزأش مش عارفه ليه هنا اتجزأت ومش هنا بس ده ف حاجات كتير تانيه
نورتينى وكل سنه وانتى طيبه
enjy
*****
ماشى مستنيه ردك ويارب تيجى عندى تانى دى حاجه تسعدنى
كل سنه وانتى طيبه
momken
******
وانت طيب ومنورنى دايما كده ياممكن
رمضان كريم علينا عليك وعلى كل المسلمين
بس فين تعليقك عالبوست يااستاذ هاااااا؟؟
دمت فى رعاية الله
د/أسماء على
************
تصدق حلو تشبيهك ياكتورة والله زميلك ده فيلسوف
اتفق معاك فى رأيك وان كان الكنترول افضل لو قدرنا عليه
نورتينى واتمنى تكرار الزيارة
أسير الجراح
**********
ايه يابن الكلام ده ؟؟!!!!
جمايل ايه بس ده واجبى
وبعدين نورت مدنتى ومستنيه ربنا يتمم شفاك على خير علشان اشوفك دايما
الف حمد الله على سلامتك
كل سنة انت طيب
عايزة اطلق و
*************
متشكرة عل اهمامك مرة تانيه ربنا يخليك ليا يابنت بلدى يااصيله
كل سنه وانتى طيبه
yoyo
*****
طبعا انتى صح
احترم رايك جدا
اسعدتنى اول زياره واتمن ماتكنش الاخيره
كل سنه وانتى طيبه
talagait
*********
الله ينور تحليل هايل ياعم كيمو بجد الله ينور
بجد تفكيرك جامد جداااا الله وتحليلك تمام
نورتنى ويارب دايما زيارتك وعلى فكرة دى مش الاولى حضرتك نورتنى قبل كده ياافندم من بوستين كده
عموما يارب تيجى دايما
كل سنه انت طيب
كوارث
******
ياسلاااااااام ياطارق
بتجيب من الاخر دايما
نورتنى
كل سنه وانت طيب
وميض ابتسامه
*************
مش بقولك دايما تعليقك بيرسم على شفايفى بسمه بتزيد غلاوتك عندى
بجد متشكرة قوى قوى على زوقك وكلامك
ربنا يكرمك وكل سنة وحضرتك بكل خير ومعايا دايما
عيونى هاجى عندك علطول واطمنك عليا علشان اطمن عليك كمان
لك مثل دعواتك لى
دمت بكل خير
كل حب هو حب اول
لاكن بتزيد خبرات القلوب
انما درجة التحكم في الحب والحفاظ علي قدر معين من المشاعر دي بقي اللي باعتبرها مستحيله
الا لو اصلا مش حب زي ما قالت نجوي كرم كده (( مشروع )) يعني يا نكمل يا مش نكمل
وبالتالي هو اصلا مش حب ده عملية تجريبيه قابله للنجاح او الفشل
ده رأيي الخاص والله اعلم
مدونتك جميلة اوي ان شاء الله اكمل قراءة ما فاتني منها
تحياتي
هو انا كنت جاي اعلق تعليق صغير لقيت ماشاء الله كل اللي معلقين كل تعليق من دول ولا عريضه الدعوى ف محاكمة واحد هايتعدم
مع فارق التشبية يعني
فبصراحة اتكسفت اوي
فلغاية ما الاقي كلام كبير كتير اعلق بيه هاعترف اني اصلا مش عارف الاجابة على سؤالك
هو صحيح فيه حاجة اسمها حب تالت ؟
انا متهيألي الحب لا يأتي مرتين
هاتسأليني هو فيه فيلم اسمة كده ؟
ايوة الفيلم ده انا شفته من سنتين حتى بتاع نجلاء فتحي
سلام يا احلام
احلام مين ؟
اخت نادر
نياهاهاهاها
بصى هو المفروض الواحد يتحكم ف نفسه و ف مشاعره بس زى ما بيقوله مرايه الحب عاميه :D
ف الواحد فى حاجات كتير مبيشوفهاش
اما حكايه ان البنت اتلوثت و كده فانا بكره الكلام ده و زى ما انتى بتقوللى مهو الراجل بيحب اكتر من مره و بيعتبروه شىء عادى و بعدين مشى معنى ن البنت فشلت مره يبقى هى انسانه مش كويسه ممكن يكون الشخص اللى كان مرتبط بيها قبل كده شاف مثلا انها مش مناسبه له او انهم مختلفين فى حاجات كتير و صعب انهم يعيشوا مع بعض ف ه السبب
موضوع جميل
حبيبه
اولا كل سنه وانتى طيبه
انتى عارفه ان لينا تقاليد وعادات
التقاليد والعادات بترى ان البنت تعمل علاقه حرام ومسموح للشاب او الرجل
اما بالنسبه لدينا الاسلامى فهو ساوى بين الاثنين فى كل شئ
واعتقد ان العلاقات كلها غلط سواءرجل او امراة
بس ادينا بنعملها وربنا يسامحنا
تحياتى على البوست الرائع
رقيقة جداا
حبيبة انا اول مرة امر عندك وبجد عجبني البوست والمدونة كلها رائعة
لكن....
عيني وجعتني شوية
هههههههه
بس ولا يهمك
بجد سعيدة بمرورى عندك
وبمناسبة تساؤلاتك اسمحيلى استنى معاكى واعرف اجابات الناس الكويسين دول
ممكن؟
شكرا
مبحبهاش يا حبيبه بجد ومش بتحمل اسمع اغانيها خالص
وبعدين اساسا ده كلام فى اى حاجه وخلاص يا حبوبه سيبك انتى
الابنة الحبيبة / حبيبة
بعيدا عن البوست .. وعشان وحشتينى فعلا
لايفوتنى ان اقول لابنتى صافية القلب
كل عام وانت بخير ورمضان كريم
السلام عليكم ورحمة الله وكل عام وانت وزوار المدونه بخير
يهمنا رايك فيما نطرح من اسئله فى مدونة اول برنامج اذاعى عن النت والمدونات فى الشرق الأوسط ويذاع يوميا
عدا الجمعه من أذاعة مصر الرئيسيه
عنوان المدونه
http://netonradio.blogspot.com
والأراء تكون ماده لحلقات البرنامج
الحب ده زى المرض الموت متقدريش تتحكمى فيه يجى او ميجيش وامتى وفين وفعلا اليى قال مراية الحب عاميه ومبتشفش صدق ومبالغش فده قدر هتتخبطى فيه من غير حساب يعنى هتتخبطى والدليل ان فيه كتير بيكونوا بيحبحد وحش والكل شايفينه كده بس لان الحبمتقدريش تتحكمى فيه لا من قريب ولا من بعيد بتحبى وانتى مغمضة الانف والاذن والعينوالحنجره..اما انه يتجزأ فعمر الحب ما بيتجزأ وموضوع ان البنت تحب مجتمعنا الشرقى فعلا بيبص للبنت اليى حبة قبل كده على انها موصومه وبجحه وعنيها مفتحه وطب فى مجتمعنا كل ده على بعضه عيب ..ادينة قولت رايى بس من غير ما ااقول واقسم واجزم انا يا حبيبه كتبت تعليق طويل مش ذنبى ان البلوجر طمع فيه....كل رمضان وانتى بالف خير يا شرقاوى يا قمر..وربنا يعوده علينا بالف الف خير..
الكنترول هو كنترول العقل علي كل حاجة من ضمنها القلب
والكنترول مش معناه اننا منحبش لكن معناه اننا نحافظ علي كياننا لما نحب
ومنبذلوش في ارض معركو ممكن نطلع منها خسرانين
الحب مش معركة لكن له ضحايا وخسائر
ايوة ممكن الواحد يخلي علقه في الحب مع قلبه
هبحب اكتر واحسن
ولو فشل المشروع هيطلع واقف علي رجليه
بس طبعا
بعد فترة نقاهة حسب الحالة
تحياتي
walaa gobashy
**************
ربنا يخليكى مدونتك اجمل بكتير
احترم رايك جدا
اسعدنى مرورك ويسعدن متابعتك للقديم
كل سنه وانتى طيبه
ولو
***
هههههههههه
ماشى ياتامر
يوووووووه قصدى ياحاتم ياخويا الواحد مش عارف بقى ماله
المهم
يمكن عندك حق ياحاتم انا مش عارفه صراحه
افادكم الله يابتاع افلام نجلاء فتحى
رمضان كريم
MTHLYKAWEYY
************
لا ياافندم
اولا انا مش بدور عالحب
ثانيا حتى لو بدور عليه فأنا مش بدور على نفس الحب اللى بتدور عليه
انا بدور على حب حلال مشروع سمحلى به دينى
عكسك تماما
nefertiti
***********
اولا اهلا بيكى
ثانيا كل سنه وانتى طيبه
ثالثا بفى
ف حكاه لازم كنترول دى ف فرق بين لازم يتعمل وبين نقدر نعمله ولا لا
اتفق معاكى فى الشق التانى من كلامك
نورتبنى
طارق الغنام
*************
وحضرتك طيب ياافندم
والله عندك حق فى كل اللى قلته
ربنا يسامحنا بس قلبنا مش بايدينا
رمضان كريم ومنورنى بجد
سارة
****
متشكرة جدااااا
كل سنه وانتى طيبه وفين رايك فى الموضوع واجابات الاسئله؟؟
د.مونى
******
اسعدنى انا اكتر مرورك ياجميله
ويارب يتكرر
سلامة عينيكى ادينى بحاول اصلح المشكله اهه
كل سنة وانتى طيبه
طبعا يشرفنى انك تعرفى الاجابات معايا بس انتى تعالى تانى
appy
*****
اهلين ابى
ياستى مش قضيه حب وكره انا بتكلم ف الحاله
فين رأيك فيها ياهانم؟؟؟؟؟؟ ها؟؟
كل سنه وانتى طيبه
وميض ابتسامه
************
اهلا بحضرتك ولو تعرف قد ايه بكون فرحانه لما بشوف تعليقك وسؤالك عنى
هتيجى كل يوم تسيبلى تعليق
كل سنه وحضرتك بكل خير وطبعا ماينفعش انى انكر ان حضرتك وحشتنى كمان
ربنا يديم عليك الصحه والعافيه
برنامج انت تسال والكمبيوتر يجيب
********************************
وعليكم السلام ورحمه الله وبركاته
وانت والمشرفين معاك بخير
تشرفنى زيارة المدونه وقريبا ان شاء الله
دمتم بخير
عايزه اتطلق
************
هههههههههههه وانت بخير يابن الاصول ياعسل
نورتينى ياحماتى وماتنسيش تبوسيلى خطيبى .....ايون غصب عنك خطيبى الواد عبود ابنك ربنا يحميهولك
ميرسى على رايك والنعمه متأكده انك كتبتيه بس بهرج وبلوجر الحرام ده هحاسبه
كل سنه وانتى بخير
kochia
********
ياهلا ازيك
كل سه واتى طيبه وعفا للتاخير ف رد عليكى
ازى ماقلت كتير انا اؤيد الكنترول طبعا هو حاجه كويسه بس تفرق
هنقدر نعمله اصلا ولا لا؟؟؟؟؟
هو ده السؤال
منورانى دايما
أولا أحب أهنيك عالمدونة والموضوعات اللي فيها بجد الله ينور
ثانيا انا تعبت من كتر التعليقات فمش قادر أكتب انا كمان تعليق
بس الموضوع جمييل جدا وانا شايف ان الحب اللي بكنترول ده حب ومش حب
يعني الواحد لما بيحب فعلا ميقدرش يجزأحبه ممكن يخفي عواطفه بس
مالك
======
ربنا يخليك
نبر ونق ده لا ايه؟؟! :)
عمما بجد نورتنى اتمنى تكرار الزيارة
طبعا اتفق معاك وده رايى
رمضان كريم ......اسفه لتأخيير الرد
دمت بخير
إرسال تعليق