عصف البرد بجسدها كما عصفت الافكار وتصارعت بذهنها
ارتدت معطفها وحملت كأس شرابها الدافئ
متجهة به ناحية شرفة غرفتها قرب منتصف الليل
لترى منها ضوء البرق وتسمع صوت الرعد
تسرق انفاسا تذيب تنهيدات فكرها الشريد
جسد ساكن ..يدان ترتفعان بالشراب لفاها
وعقل تضربه تقلبات اقسى من صوت الرعد
.
.
.
تذكرتـه
صوته...ابتسامته...هدوء أنفاسه...مرحه
وحزنه الصامت الا من أنين لا يسمعه سواها
حبه وحنانه الذى منحها الدفء فى ليال شتاء كهذه
ثم قسوته وهجره وأنانيته ومكره
وعذابها ودموعها
ثم عودته وعودتها اليه بلهفة أم لولدها الغائب
ثم قسوته وهجره ومكره من جديد
.
.
اهتز رأسها مع صدرها بنفس عميق
سكبت ماتبقى من شرابها الدافئ على زجاج شرفتها
فلم يعد مجديا
لطالما هدأت العاصفة
ارتدت معطفها وحملت كأس شرابها الدافئ
متجهة به ناحية شرفة غرفتها قرب منتصف الليل
لترى منها ضوء البرق وتسمع صوت الرعد
تسرق انفاسا تذيب تنهيدات فكرها الشريد
جسد ساكن ..يدان ترتفعان بالشراب لفاها
وعقل تضربه تقلبات اقسى من صوت الرعد
.
.
.
تذكرتـه
صوته...ابتسامته...هدوء أنفاسه...مرحه
وحزنه الصامت الا من أنين لا يسمعه سواها
حبه وحنانه الذى منحها الدفء فى ليال شتاء كهذه
ثم قسوته وهجره وأنانيته ومكره
وعذابها ودموعها
ثم عودته وعودتها اليه بلهفة أم لولدها الغائب
ثم قسوته وهجره ومكره من جديد
.
.
اهتز رأسها مع صدرها بنفس عميق
سكبت ماتبقى من شرابها الدافئ على زجاج شرفتها
فلم يعد مجديا
لطالما هدأت العاصفة
هناك 32 تعليقًا:
الله البوست ده جميل اوى
عارفة نفسى أكتب حاجة زى كدة بس مش بعرف :)
يالا البركة فيكى معتمدة عليكى أنا فى الموضوع ده
بس أنا شايفة أنه مدام كان ندل و مكار معاها مكنش لازم ترجعله تانى لأن ديل الكلب :)
وحشاااااااانى
حجز تانى تعليق وجاااااااى
حلو اوى البوست ده بجد يا بيبه
برغم انى مبقتش بقتنع بالحاجات دى
او تقدرى تقولى فتره وهتعدى اصلى اليومين دول شايف الدنيا سوده شويه
يلا ربنا يعديها على خير
المهم انتى اخبارك ايه يارب تكونى بخير
وابقى طمنينى عليكى
سلام
لماذا لاتتعلم الفتاه الولهانة ان مكر الحبيب وقسوته هو من اشد العوامل التى يجب ان يدق لها ناقوس الخطر فى عقلها ويجعلها تنتبه ... لا ان تعود بمجرد ان يهمس لها بحبة حنان ...
وحلنى على بال ما تفوق .. انا قلت زمان الحب ده كارثة زى العسل
وبعدين تختمها بسكب ما تبقى من مشروبها الدافىء على زجاج شرفتها
ماشى طالمة هى اللى ح تنظف ....
عزيزتي ملعونين الحبايب ملعونين لطالما قسو علينا وعذبونا
تسلم قلمك
Teawater
ما تلك المشاعر المتقلبه
انها اقسوه
ولكنها تسال نفسها ما سر قسوته عليها
اهو خوف عليها ام لانها تعامله بقسوه هى ايضا لو كانت بتحبه اذن هو يحبها ولكنه لا يقدر على تحقيق متتطلباتها لذلك فهو يهرب منها
فيجب عليها ان تتحمله وتعرف ما به
أحيانا نقسو على أنفسنا كي لا ننتظر أن تقسو عليناالأقدار
لازم كدة للأسف
أول مرة أشوفك بتكتبي كدة.يمكن كتبتي قبل كدة :$ بس أنا مش متابعة كويسة
أسلوبك حلو في تصوير الإحساس دة.أكتر جملة عجبتني "حزنه الصامت إلا من أنين لا يسمعه سواها".دي جميلة بجد
بس من غير ماتزعلي مني..اللي أعرفه إن"الكأس"دة بيكون لما اللي بتشربه يكون بارد،بس لو دافئ يبقى كلمات تانية أليق. يمكن أنا غلطانة..بس حبيت أقوللك اللي "أعتقده مش أكتر
تحياتي
السلام عليكم ...
الله الله على جمال الأسلوب .. بجد بجد ماكنتش اعرف إنك متمكنة أوى كده ..
انتى اتكلمتى عن حاجة عميييقة أوى ..
بالفعل أحزان البنى آدمين بتتجمع تملى فى الليل .. و البرد ..
بس ليه كل الحزن دا ...؟
تحياتى ليكى ..
و لقلمك المبدع
يظهر يا حبيبه
فيروز اثرت فيكى اقووووووووى
هى والشتا
بس جميلة الكلمات وفيها رنين حزن وقلب مجروح
بس يعنى هى دى نتائج الهواجس العاطفية
اللى بتمر ببعض الشباب وقد يسموها حب
والبعض تسالى
بس جميل اقووووووى عنوان البوست
عاصفة ذهن
تحياتى
حبيبتي حبيبة:
مكنتش اعرف انك ممكن تكتبي رومانسي حلو اوي كدة؟
بجد مليانة عذوبة ورقة وعجبتني جدا
تحياتي ليكي
رنا
لم يعد مجدى بعد أن انتهت العاصفة
تحياتى لكى أختى العزيزة على الكلمات الرائعة
حقيقى بوست هايل
دمتى بكل الود
تحياتى
حبيبه
********
ازيا عامله ايه؟
البوست ده روعه
عجبني جدا
بس هوه رجع عشان يخدعها؟
هيه لسه زعلانه؟
مش المفروض تزعل....لانه كده مكنش بيحبها
معرفش
حبيبة
سكبت ماتبقى من شرابها الدافئ على زجاج شرفتها
فلم يعد مجديا
لطالما هدأت العاصفة
اعجبني هذا الوصف جدا جدا
رومانسيتك عالية اوي
تقبلي مروري الاول
ايه الجمال ده يا بيبه والله حلوه
بس ضيقتنني لما قلت سكبت نصف الكوب
طب همسحه انا بقي ازاي في الشتا ده دي حته المايه بتبقي سقعه والدنيا برد والواحد ما بيصدق يتلف بالبطنيه وطول اليلي والنهار في السرير مش بيعمل حاجه وقاعد متكتك ولابس زعبوط
لا بجد اسلوبك رائع
تسلم ايدك بس كانت المفروض تكبه عليه من الشباك لو هو معدي ههههههه
تحياتي ياقمر
حلو
قصير وسريع كده
زي العواصف
عنوان لايق جدا
تسلم يدك
http://www.mawaly.com/file/download/15076.html
لقيتك حاطة القصيدة عاليمين
قلت يمكن متعرفيش انها اتغنت من خماشر سنة كده
كلمات جميلة وأحساس أكثر من رائع
*************
صوته...ابتسامته...هدوء أنفاسه...مرحه
وحزنه الصامت الا من أنين لا يسمعه سواها
حبه وحنانه الذى منحها الدفء فى ليال شتاء كهذه
ثم قسوته وهجره وأنانيته ومكره
وعذابها ودموعها
هي كده معظم قصص الحب تبتدي بالفرح وبالسعاده وتنتهي بالفراق والالم والحزن والدموع
تقبلي مروري سيدتي
مجنووون
بصي هو الخسران
هو أصلا يطول واحدة قمر وسكر زيها:)
وماتسألنيش هي مين وعرفتي أزاي؟
:D
يمكن احنا اوقات بنكتشف ان الناس اللي حبيناهم مابيحبوناش ونتألم كتيير بسبب الموضوع دا بس دا كويس علشان نخرجهم بئي من حياتنا ونعرفهم علي حقيقتهم
السلام عليكم
الكلمات جميلة ما شاء الله .. أحيانا عندما يفكر الشخص بعاطفته يتألم كثيرا .. فقلبه يوجهه إلى محاسن الطرف الآخر .. بينما عقله يرى الجانب الآخر من الهجر والأنانية والمكر أحيانا .. من الممكن التغاضي في بعض الأحيان عن مثل هذه الصفات لتذوب في بحر المعروف
جزاكي الله خير على سؤالك عني .. دعواتك لأن اليومين دول عندي شوية ظروف .. ربنا ييسر الأمور لي وللمسلمين
ايه شرابها الدافئ ده , انا كنت نفسي اعرف بتشرب ايه ممممممممم
ماعلينا
طيب هو ايه اللي حرك العواصف دي داخلها , فمعني نشوء العاصفه ان داخلها مرحلة عدم استقرار جوي
سيدتى
والكلام موجهه لبطلت قصتك
إذا فرقت الايام بينكما فلا تتذكرى لمن كنت تحبين
غير كل احساس صادق
ولاتتحدثى عنه إلا بكل ماهو رائع ونبيل
فقد اعطاكى قلباً...واعطيته عمراً وليس
هناك اغلى من القلب
والعمر في حياة الانسان
وتاكدى ان كل ماحدث
اثر به كما اثر فيكى
فكلاكما خلق من نفس الماده
البوست رائع يا بيبه
بتبهرنى طريقه تفكريك
تحياتى
الله عليكى يا بيبه
والله بتوحشينا جدااااااااااااا
اتمنى تكونى بخير
حبيبه اسلوبك مميز وجميل جداا وبجد بيفكرني بالكاتبه اللي بموت فيها احلام مستغانمي وهي اروع اسلوب قرأته في حياتي اتمني ان تصبحي مثلها
بالتوفيق
تصوير هايل وروعه يا بيبا بجد
ما شاء الله عليكى صورتى المشهد حتى بأهات صمتها سمعناها
بس اعتقد انه لغدره مره تانيه ليها مش هتعود ليه من جديد
زي ما صورتى تخليها عن بقايا شرابها لما هدأت العاصفه
مش عارفه ليه دايما الذكريات تعمل فينا كدا
تاخدنا لذكرى جميله ونفرح وبعدها نبدا نتبحر مع مركب الذكرى وسط العواصف
المهم كتبتى فأبدعتى كعادتك بل وتفوقتى عن كل ما سبق
دايما موفقه في اختيار مواضيعك ودايما متفوقه ومتجددة الأبداع يا قمرتى
ازيك يا حبيبه
و سلامتك يا بنتي..مش تقولي انك تعبانه... بس الاول احب اقول ايه البوست الجامد ده... بجد حاجه حلوه اوي... والواد ده ميستاهلهاش... بس انتي عبرتي بمشاعر حلوه بجد
والله تعليقاتك قلقتني عليكي...ليه دموع و حزن و اكتئاب... اوعي يكون من حواديتي الكئيبه..والنعمه اقفل البلوج خالص بس انتي متعيطيش..يالهوي...
روقي يا حبيبه محدش واخد منها حاجه... بصي...احنا جوانا لذة الشعور بالحزن...لذه الاكتئاب..نقفل على روحنا في اوده ضلمه و نعيط...طب ما كان ممكن نخرج او نكلم مع حد بنحبه و قبل ده كله نصلي ركعتين و نقرالنا ربع قران...و هتلاقي الدنيا بقت اخر تباب ((تمام يعني بس انا عندي برد مضيع الحروف و الصوت خالص))...
روقي يا حبيبه و متخضينيش عليكي تاني... وانا اسف والله اني بتاخر عليكي و والله بتاخر علي كل الناس الحلوه الغاليين عندي بس مشغول و عيان و مرهق وشغلانه سوده يعني فربنا يعينا جميعا
اشطات بقى لحسن طولت عليكي اوي
سلام يا حبيبه و عايز المره الجايه اشوف الضحكه ماليه البلوج والكومينتات
سلااااااااااااام
كلمات رائعة بجد يا حبيبة
انا عجبني اوي البوست اللى بعد ده وعلقتلك عليه
بجد رائع
وكده فهمت ليه انتي فعلا ايدتيني في موضوع النقاب
انتي حد محترم
نا في انتظار البوست
وبجد اتشرف اني اعرف مدونة ذيك
تحياتي
حب اه مليش نفس اتكلم فى المواضيع دى
بس الواد عايش مكتئب وزعلان ليه
ماشى يا هندسه هنشوف الموضوع ده
وحشتينى يا قمر
والواد ابنى بنفسه بيسلم عليكى
وبيقولك خلى بالك من ماما
حبيبة بالمناسبه
بوستات حب تانى بلاش
لاقول لابنى وهو ليه تصرفات اخرى معاكى
...طمنينى عليكى
ماشى يا قمر
و الله انا كنت حكتب زي ما قالت سمكه ...مامتي دايما بتقولي مش مهم انك كسرتي حاجه المهم اني مانظفش وراكي ههههههههههه
بجد بجد يعني مشاء الله اسلوب روعه خفه دم في البوست اللي قبليه و رومانسيه عاليه هنا تنفعي تكتبي روايات
سلام
السلام عليكم
ايه الحلاوة دي كلها
دا انتي طلعتى اديبة و احنا مش عارفين
دمت بود و دام لنا قلملك - او كيبوردك -
عاصفه ايه بس يابيبه دي عوووووووووووووووواصف
معلش لو التعليق متأخر شوية
بالنسبة لرأيي بقي بصي يا ستي
اختيار العنوان كان موفق ومتناسب مع معني القصة لأن الذكريات عموما بتكون اشبة بالعاصفة عندما تجتاح الذهن
القصة بسيطة وبتعتمد علي الرمزية زي ما قلتلك العلاقة بين الذكريات والعاصفة مثلا .. والعلاقة بين سكب ما تبقي من الشراب وبين محاولتها لمحو رواسب الماضي
انا عن نفسي بافضل القصص اللي من النوعية دي اللي بتحتوي علي رموز بسيطة تحمل في مضمونها معاني أعمق
تجربة موفقة واتمني انك تحاولي تكرريها
مش فاكر اذا كنت هنيتك بالعيد ولا لا
بس عموما كل سنه وانتي طيبة
إرسال تعليق