مانيش عايزة خلاص حاجه ولا محتاجه من حاجه
ولو عايزة صحيح حاجه ماخلتوليش ولا حاجه
عموما بصوا فيه حاجه
هقولها بس محتاجه عقول تفهم
ولو حاجه ماهيش مفهومه أو حاجه
نفكرها بكام حاجه..نوضحها بكام حاجه
واهى حاجه مع حاجه هتظهر وتبان لنا حاجه
وأنا مابخافش من حاجه..مانيش مسنوده ولا حاجه
لكن مابخافش من حاجه..لكن فرضا لو هقول حاجه
هيحصل ايـــــه؟! ...ولا حاجه
هيعملــوا ايـــــه؟!...ولا حاجه
وبعد الشر بعد الشر لو واحد من القاعدين
من السامعين..من الضالين فهم حاجه
هيعملــوا ايـــــه؟!...اكيد برضو ولا حاجه
فنتوكل على الستار لوجه الله نقول حاجه
فى ناس بتعيش عشان حاجه
وناس بتموت عشان حاجه
وناس بتموت على الحاجه
وناس تديلك الحاجه وتبقى ليها محتاجه
وناس تديلك الحاجه تاخد قدامها 100 حاجه
وناس تكبر تكون حاجه
وناس تصغر عشان حاجه
وناس منظر ومش حاجه
!!وتلقى كبيـــر..حرس ونفير...عليه منظر
وهو جبان وشيخ منصر..ولا يبانش عليه حاجه
كلامى ياخلق فيه حاجه؟
لحد دلوقت فيه حاجه؟
كلام عادى وبسيط جدا ولا فهشى ولا حاجه
ماانا مقدرش اقول حاجه
صحيح نفسى أقول حاجه و 100 حاجه
لكن مش قادره اقول حاجه
لأنى لو هقول حاجه
هييجى ناس بتوع حاجه
وياخدونى ورا الحاجه
وهو لو سمع حاجه هيعملوهالى 100 حاجه
عموما بصوا لو واحد من القاعدين عايزنى ابلغه بحاجه
يقول مايخافش من حاجه
نعم؟!!...فى ايــــه؟؟!!
لالالالالالالالالأ
مفيش سرقه ولا تهليب ولا تهريب ولا حاجه
وبتقول ايـــــه؟!
مصمصوا ايه؟..وخصخصوا ايه؟
ده كله كلام مفيش حاجه
ده كله كلام مفيش حاجه
قضيه ايه؟ّ!..حرامى ايه؟!
ولبخ ايه؟..وهرب ايه؟
ولبخ ايه؟..وهرب ايه؟
شفافيـــــــه ومفيش حاجه
وبتقول ايــــــه؟؟
لالالالالالالالالالأ عيييييييييب
لا فيه تخليس ولا ترقيص ولا تدبيس ولا حاجه
سمعمع هووووووووووس
أنا حاسه إن فيه حاجه
دقيقه سكات لتبقى حداد
أنا حاسه إن فيه حاجه
زمانكوا ياخلق فيه حاجه
ولازمه كام و 100 حاجه
ده لو يعنى ده كان فيه حاجه
أنا عن نفسى مش حاسه إن فيه حاجه
ولا مضايقه ولا حاجه
سعادتك برضو مش زيى مفيش حاجه؟
جنابك برضو مش زيى وعشان زيى مفيش حاجه؟
ماانا قلتلكوا من الاول مفيش حاجه
عليا النعمه يااخوانا مافيه حاجه
ورحمه ابويا ويا ابوك على اللى جابوك مافيه حاجه
وعهد الله وعهد الله وعهد الله
ماخلوا لنا ولا حاجه
بقولك ايه؟ خلااااااااص خلص
وفيـــــــــــركش يلا يااخوانا مفيش حاجه
:)
البتاعه دى أنا سمعت واحده معرفهاش فى مؤتمر معرفوش بتقول لناس معرفهاش الكلام ده وعجبنى جدا قلت اوريه ليكوا
هاااا ايه رأيكوا؟
هناك 48 تعليقًا:
القصيده لايمان بكرى و دى من اشهر اعملها
بس بجد بيعجبنى كتابتها جدااااا .. و دستور ياسيدنا بجد بردو حلوة و قصيده للاوطان معتقل باللغه العربيه جااامده جداا
(:
روحي يا شيخه صرعتيني بالحاجه
هو انتي عيانه بحاجه؟؟؟؟
لا بجد انا العصفوره قالتلي عندك حاجه طب ازيك دلوقتي مش بقيتي كويسه و مافيكشي حاجه؟؟؟
الاخت العزيزة حبيبه
ماشاء الله عليكى
اسلوبك الرائع بيجذبنى دائما اقرأ باهتمام شديد تدويناتك
بجد ربنا يباركلك
ودائما كدة متالقه
تحياتى وشكرى
بصي هو اصلا لو كان في اي حاجه مكنش حصل كل حاجه والحاجه فيها حاجه والا مكنتش تبقي حاجه واي حاجه في العالم مورهاش حاجه لازم كل حاجه تبقي حاجه عشان نبقي فهمين كل حاجه ولو فهمنا اي حاجه مكناش هنفهم اي حاجه لان كل حاجه سهل انها تتعرف لما تبقي حاجه مع ان مفيش اي حاجه تبقي سهله مدام هي حاجه وعشان كدا كل حاجه هتبقي في التمام
عايزة بقي مني حاجه
منك للي كالت دراع جزها منك لله يا بعيده
ولا علي ايه بلاش حرام انتي مش ناقصه
منك بقي لاي حاجه
ولولووللوولولوللولولولولولي
هتلطيني يا بت انتي ايه الجنان ده
سلام بقي بدل متقلب صواريخ وبومب
وهفجرك يعني هفجرك يا عباس
يلا تصبحي علي اي حاجه
اه
الموضوع كده
بتعيبى فى فاكهة مولانا
وقاعده على الكيبورد تقولى ولا جاجة
ياااااااااااااااااه
انتى يظهر راماتك باى باى
ونفسك فى عصايا وناى
وحتة حلاوة وكمان كوباية شاى
وهناك تقولى كل حاجة
وعمرك ما تنقصك حاجة
تؤ تؤ
انتى اكيد البروسسور تعبان
وقال انا بقيت قريب من الرحمن
اعترف واقول كل حاجة
اقووووووووول
مين سرق منى الغاز
وانا بادور على البوتوجاز
اقوووووووووول
مين سرق الابحاث
وانا عايش على قفا الناس
اقوووووووووول
مين سرق الباور
وانا جسمى ضعيف كله وهن
اقوووووووووول
كل حاجة
ولالالالالالالالالالالالالالالالا
تؤ تؤ
انتى اكيد الهارد كله باده
و الميديا بتاعتك محتاجة حاجة
اقووووووووولك
سلاموا عليكوا
اقال حاجة قال
غالبا إيمان بكري
هي فنانة جدا و طريقة إلقاءها تحفة أصلا
بحب كمان "دستور ياسيادنا" بتاعتها أوي
تحياتي
والله انتى عسل
أنا كنت ناويه أبقى أدور عليها
بجد عجبانى جدا وكل كتابات ايمان بكرى جميله .
تحياتى ..
:)
الحاجة دى جميلة جدا
كل حاجه فى الدنيا محتاجه لحاجه
علشان تبقى حاجه تنفع الناس بحاجه
انا عرفت ان دى حاجه
علشان كده انا قولت حاجه
يارب تفهمى حاجه
بصى ياحبيبة
انا هقول حاجة
ولا اقولك
ولا حاجة
:p
والله أحسن حاجه أنك تعيش في الدنيا دي مش شغله دماغك بحاجه تزعلك
واحسن حاجه أنك تعرفي كل حاجه ممكن تفيدك وتريحك وتريح الناس الي حوليكي
أما بقي عن الناس الي بتدي حاجه وعايزه قصدها مليون حاجه فخليكي بعيد عنهم لأنهم مش بيشبعوا ولو خدوا مليون حاجه
تقبلي مني حاجه
مجنووون
دي يامان بكري
ايون وكل ما تروح مؤتمر تقولها
هي فعلا حلوة
وايمان بكري حد بيكتب حل جدا
يلا حصلش حاجة
طبعا ولاحاجة
منعرفش
ههههههههههههههه
حلو قوى الكلمات
أحسنتى إختيارك
دمتى بكل الود
انتى نسيتى الترجمة يا حبيبة
الترجمة فيييييييين؟
حبيبة بجد مافيش حاجة
على فكرة عجبنى تعليقك عند يويو
حقيقي انتى تلاقائية جدا ومرحة اوى
تحياتى
هو الحاجه مش عايزه حاجه وانت ما قولت حاجه علشان احنا نقولك حاجه .....
عموما لمعنى مش فى الحاجه فى اللى كاتب الحاجه
واللى محتاج للحاجه ممكن يصنع حاجه
وعلشان يكون فيه حاجه لازم نكون عندنا حاجه وندعم الحاجة بمليون حاجه وحاجه
واللى ايه رايك يبتاع الحاجه اخوك مش محتاج ولا حاجه الا حاجة تخليه حاجه
جميلة وشكرا
HTTP://HOSAM4U2004.BLOGPSPOT.COM
جمييييييييلله جدا
بنت عندنا فالاذاعه المدرسيه قالتها وعجبتنا كلنا والمدرسين صمموا تقولها تانى وكمان الطلبه وفضلت تقولها كل يوم فى الطابور
بجد كلامها سهل ومعانيها جميله واضحة اوى
اه نسيت
مدونتك جميييييييييله جدااااااااا
وجامدة كمان
ودة كل حاجه
ايه داااااااااااااااه
التعليقات بتروح فين
انا جيت هنا وعلقت امبارح
التعليق راح فين
انا اللي بهيس ولا النت اللي بيهيس
ولا تكونيش ضيعتيه
عامه انا قلت حاجات كتييييييير مش فاكر منهم ولا حاجه
دي حاجه مأدرش أقول فيها ولا حاجه.
دي مش محتاجه غير حاجه تغني النفس عن ذل الحاجه.......
ههههههههههه
فعلا القصيدة دى للشاعرة :_إيمان محمد بكري محمود.
بس بصراحة انا غرقت جوه القصيدة من كتر الحاجات اللى مفهاش حاجة وهى فى الحقيقة فيها حاجة لا مش حاجة دى حاجات .
جميل قووووووووى ابداعها فى انها قدرت تلم كل الحاجات دى فى كلمة ولا حاجة .
رائع اننا نحس بالحرقة والظلم والفساد وهى بتسالنا هو فى حاجة .
تفتكرى كام واحد مننا قدر يقول فى حاجة وكام واحد مننا قال وانا مالى بأى حاجة وكام واحد مننا قال دى بلدى وليا فيها كل حاجة وكام واحد مكبر وكام واحد مطنش وملوش دعوة بحاجة ؟؟!
وياترى هنفضل كدا لحد امته لحد ما نموت واحنا فينا الروح وتضيع مننا كل حاجة ..
جميل اختيارك دمتِ بهذا التالق .
ارق تحياتى .
ياصباح الحاجات الجميلة
لأ لذيذة يابشمهندسة
بس معرفتيش الحاجه دى كانت ايه
دى ايمان بكرى بتكتب شعر جامد جدا والاحلى انها بتلقى الشعر حلو اوى ماشاء الله
دى حاجه غريبه شويتين بس اهى حاجه بتعبر عن اى حاجه لان فى حاجات تانيه بتكون فعلا ولا حاجه.......
واضح انى اتعديت منك يا بنتى انا اصلا مش فاهمه انا بكتب ايه,,,,,,,,
بس شكرا شكرا ليكى على كل حاجه.
اول اما سمعتها بجد كنت مبهوره بيها
جامده جامده يا يا انتي اسمك ايه اصلي معرفهوش كيكيكيكيكيك
انا عرفت ايمان بكرى من حوالى شهرين على ايد اوفيليا
لكن قرأت تقريبا كل ما كتبته واعجبت بالكثير منه
وفى النهاية ترسى على ولا حاجة
تحياتى
مفيش حاجه ابدا يا بيبه انك تسمعينا
حاجه جميله زي كده ودي مفهاش اي حاجه
اختيارك جميل تسلمي
بس تعالي هنا قوليلي
ايه اخبراتك وعامله ايه ومدوريش عليا خلاص اصلهم عرفوا مكاني تشكري ياستي علي المجهود الجبار ده
ربنا ميحرمناش منك ياقمر
ده كله ومفيش حاجة لا ده في حاجة ومليون حاجة
حلوة أوى القصيدة لا دى رائعة
تحياتى ليكى على الاختيار الجميل
هو اه انا دماغى لفت شوية لكن مفيش حاجة
جميل الاختيار وخاصة انه لاديبة انا اعشق كلماتها
تحياتي
ايه بوست الحاجات والمحتاجات ده اليى مش فاهمه منه ولاا اى حاجه
لما تحبى تقولى حاجه ابقى قولى حاجه افهمها ههههههههههههههه
خييييييييييييييييير من مين الصدمه المره دى
شكلك يا هندسه متشحوره
بعدين مفيش حاجه جامده ايه
انتى نظرك ضعف يا حبوبتى امال انا ابقى ايه ههههههههههههه
صباح الخير يا قمر
روقى وقومى روحى الجامعه
فعلا القصيدة دى لايمان بكرى انا سمعتها قبل كده وعجبتنى جداااا
ربنا يوفقك يا باشمهندسة
تحياتى يا جميل
حبيبة قلبى
احلى حاجة انك مكتبتيش مكان حاجة اى حاجة عشان كل واحد يفهم الحاجة دى على مزاجة ولان الناس محتاجة تقرر لنفسها كل حاجة فلازم نتنازل عن ملوينت حاجة
وبجد بوست رائع وجميل جدا
تيحاتى صديقتى
سلام
هااااااا
عوده بعد غياب
ازيك يا حبيبه... و اخبارك ايه
حلوه طبعا البتاعه دي...بيقولوا عليها قصيده بس انا تذوقي للشعر دقه قديمه فمبعترفش ان دي قصيده يعني... بس طبعا حلوه مادام عجبتك...
:)
زعلانه مني انا عارف بس و الله العظييييييييم ما بأيدي ... ظروف و سفر و مرض و نت مقطوع... تكالبت الأمور عليا و معرفتش اهرب منها... فالتكشيره دي و بصة القرف ع الكومينت بتاعي بلاش منها... انتي عارفه احنا منستغناش يعني
أشطااااااات و يا رب تكوني بخير
ماهو خلاص كلهم قالولك انها ايمان بكرى. اسمعى لها كمان دستور يا اسيادنا. حتعجبك قوى. انا والمصريين اللى معايا فى الغربه قعدنا نحللها وفطسنا على نفسنا من الضحك لحد البكاء على انفسنا. ايه رايك؟ ما تكتبى لنا كمان زيها كام حاجه؟ روحك المرحه واسلوبك الشيق ممكن يخرج منه احلى كام حاجه
كلمات رااااائعه فعلا... اشكرك عليها
قريتها مره
وخليتني ادور علي كل قصايدها
بجد كلماتها قريبه قوي
شكرا ليكي عليها
اللهم لا اعتراض علي اقدارك يا رب طبعا القصيده جميله والشاعره الي عاملاه بردوا حد جميل ولا اعيب عليها خالص بس الكلام عليكي انتي عيانه يا حبيبه كمني غبت عليكي شويه ارجع الاقيكي مهيسه كده
اجيبلك انتي بيوتييييشك يا بنتشي ولا ايه؟ (k) الا صحيح عرفتي معناه ولا لسه؟؟:p
قعدت مرتين تلاتة اقرا عشان افهم حاجة ما فهمتش . وغالبا اللى كتبت القصيدة ما كانتش تقصد حاجة بعينهاانما تجميع لشوية امثلة شعبية على شوية اقوال مأثورة والتعبير عنها بلهجة عامية . عموما لو انتى شخصيا فهمتى حاجة غير كدة يا ريت تفهمينا .
قال وأنا اللي فاكرة أن دا كلامك وقولت ماشاء الله يانور وكنت ها أدخل أسئف وأهيص علي المواهب الجامدة دي:D
بس أنتي عارفة انتي تستاهلي جايزة كبيرة علشان جيبتيلنا الكلام دا
أنا عن نفسي أتبسطت جدا لما قريته:)
سلام ياقمر
رووووووووووووعه الحاجه
ووالله مانا فاهمة حاجة حاولت افهم الحاجة لانتي بتقصديها بس مفهمتش حاجة من الحاجات بتعتك
و ياما في حاجات مبنفهمهاش يعني مش لازم نفهم كل حاجة
بس طريقة كتابتك للحاجة دية عجبتني اوي
عشولة يا حبيبة
ربنا يحفظك و يبارك فيك
و خليني اشوفك قريب على الاميل لانك وحشاني و لحد الان معرفناش نعمل حاجة عشان نتكلم مع بعض في حاجة
و سلام يا كل حاجة
القصيده جميله
فكرتنى بقصيده البتاع للشاعر احمد فؤاد نجم وان كانت بتاعته اكثر غموضا
تحياتى
النداله لما تحصل فافرد لاسم حبيبه جزء لا باس به من مواقفها العطره
يعنى رحتى ولاا قولتيلى وفالحه بس حماتى حماتى حماتى لما عجزتينى وشيبتينى بدرى
وترجعى تتقمصى انى فشكلت الخطوبه ده انا عملت فى ابنى معروف
بجد قصيدة جميلة قوي ياحبيبة واناعرفت هنا انها للشاعرة ايمان بكري
و كمان ميرسي
تعرفي اني بقالي فترة بعيد عن المدونات وزمان كنت بالاقي اكتر من اربعين تعلي على اي بوست دلوقتي قعدت فترة قبل ان احظى بتعليق وكنت حالف مااكتبش اي بوست تاني الا لما حد يعلقلي ههههههه
بجد ميرسي ان التعليق دا كان تعليقك
إرسال تعليق