بقالى كتير اوى مش حسيت بفرحة تخلى عنيا تدمع وتعيط بجد
فرحة غريبه مكنونه جوايا لدرجه مخليانى اسكت مش عارفه ابوح بيها
مش عارفه حد هيحس الاحساس ده ولا لأ؟
بس انا عادتى انى لما بفرح واحس انى طايره بجرى واتنطط واتكلم وابهدل الدنيا
المرادى قالبه معايا بسكوت مش عارفه ليه
!!!!!!
هبطل رغى فارغ وملوش لزوم وهدخل فى المضمون
الفرحة اللى بتكلم عنها ابتدت من اسبوع فات لما ناقشت مشروع التخرج وعديت بإمتياز
وكملت امبارح لما نتيجتى ظهرت كامله
والمرادى مش أى نتيجه دى نتيجه البكالوريوس والتراكمى كله
يعنى نتيجة تخرجى اللى دوشتكوا بطلب الدعوات ليه والتوفيق فى اللى يعمله
النتيجه ظهرت وحسيت انى زى ماجالى وقت وغلست واختفيت وقصرت فى حق الناس وحق البلوج حبيبتى دى انى اقول للناس دى
يمكن حد فيهم يفرحلى واحس بفرحته فى كلمه حلوه يسيبهالى فى تعليق
او حتى علشان لو فى حد دعالى يعرف انه بركه ودعوته استجابت :)
باركولى بقى ولو حد بيعرف يزغرت خليه يسمعنى زغروته حلوه فى الكومنتات اصل مامامابتعرفش :)
انا ياعيال اخييييرا اتخرجت وبقيت مهندسة
بتقدير عام جيد جدا مع مرتبه الشرف
وترتيب رابع دفعتى
:)
باركولى بقى :)
هناك 84 تعليقًا:
نوووووووووووووووووووور
مبرووووووووووووووووووووك
وعقبال الماجستير والدكتوراه
انا حقيقي بجد فرحان جدا يا قمر
ربنا يوفقك كمان وكمان
وطبعا اكيد عشان الحسد والحقد
هعلقلك عالمدونه خرزه برتقاني
اصل الازرق خلص
هههههههههههههه
مبروك يا قمر
انت يا بت انتي
ايه بقي الجو ده
انا حاسس اني فرحان اكتر منك
ايه ده دانت ناجحه ومرتبة شرف وحاجات غريبه كده
بس انا حسيت بشجن في البوست مش فرحه
انا عايزك تهيصي وتتنططي
وتبهدلي الدنيا
مش عايزها تقلب معاكي بسكوت
اقولك السر في نجاحك
اصل ما دعيتلكيش بضمير
ساعة بدعي لحد بضمير
بتيجي معاه بالعكس
وبيتبهدل
لا يا قمر انا بهزر طبعا
لولولولولولولولولولولولولولولولولي
لولولولولولولولولولولولولولولولي
لولولولولوللولولولولولولولولولي
لولولولولوللولولولولولولولولي
انا كمان مش بعرف ازغرطي يا وزة
والله بنوتي نمره اتنين بقت مهندسه كبيله وسطوله
كبرتوني يا عيال
بس يلا مش مهم
المهم بقيتي مهندسه يا لوزة والمفروض ابطل اقولك لوزة بقي
اقولك يا هندسه
ولا يا هنلوزة
ههههههههههههههههه
مبروك يا قلبي
دي دعوت جدتك يا بنت موش تنسي
عقبال ما ربنا يتقبل دعاها ليا بقي
عااااااااااااا
مش هقولك علي ايه
هههههههههههههههههه
مبروك يا قلبي الف مبروك
لولولولولولولولولولولولولولي
لولولولولولي
مبرووووووووووووووووووووووووووووك
بالتوفيق دايما
الف الف الف مبروك
شوفتي بقي وشي حلو عليكي ازاي في اول زيارة
المهم الحاجة الساقعة بقي و بلاش الحركات دي لأني عارفها كويس
لو أعرف أزغرط لزغرطت ويعلم الله كم فرحتلك ربنا يهنيكي ويحميكي
ويعلم الله كم مشتاق للبكالوريا فاضلي 6 شهور على الشرف ده بس إدعيلي على الله أن يوفقني ويذوقني طعم التوفيق إلي ذوقتيه
ما شاء الله ما شاء الله
عظيم جدا جدا جدا
ألف مبروك
هاتتعيني معيده ولا ايه؟
عاوزين الجاتوه الحاجه الساقعه بتاعة النجاح
صباحك سكر
لولولولولولولولولولولولولولولولولولولولولولولولولولولولولولولولولولولولولولولى
الف الف مليون مبروك يا ارق واجمل مهندسة
يارب عقبال الدكتوارة والماجستير يارب
ويارب دايما مبسوطة و سعيدة
ومحققة كل احلامك وامالك
بجد والله انا فرحانة لك جدا من قلبى لانك تستحقى كل الخير يا نور
الف مليون مبروك يا قمر
دمتى اختى بكل سعادة
تحياتى
يويو
ياه كفاره يا شيخه
داحنا تعبنا اكتر منك
الف مبروك يا بشمهندسه
بس مش عارف ليه متوجس خيفه
اصل انتى كده ليكى دراسات عليا
وماجستير ودكتوراه
يعنى كلها كام شهر وترجعينا تانى لوجع القلب الى كنتى عملاه
بلاش نستعجل الاحداث
وخلينا نفرح ونرتاح شويه
الف مبروك يانور
انشاء الله دايما من نجاح الى نجاح اكبر
تحياتى
نور الف مبروووووووووووووك يا قمر
بجد مش بعرف ازغرط كان نفسى اعمل اى منظر بس انا طوبه اصلا
ما علينا المهم انك خلصتى واتخرجتى
الف مبروك يا باشمهندسه
جوجو
الف الف الف الف مليووووووووووون مبروك يااااااااااااااابيبه يا نور
يارب يسعدك ويفرحك ديما
اخيرا ياستي الحمد الله رب العالمين خلصنا علي خير
انا بجد مبسوطه ليكي جدااااااا كتتتتتتتتتتتتتتتتير اوي اوي اوي
ماشاء الله ولا قوه الا بالله ربنا يبارك فيكي عقبال الماجستير واشوفك ظابط اد الدنيا يابت
كده بقي نقدر نقول يا بشمهدنسه وقلبنا جامد ونقول هاتي بوسه بقي متقدريش تقولي معرفش ايه والكلام الفارغ ده (:
يارب ديما سعيده وفرحانه وبدعواتي يابت انا بقلك اهو مش دعوه اي حد يعني
سلام ياجميل
ماشاء الله يانور
الف الف مبروك
انتي تستاهلي النجاح دا ولكل مجتهد نصيب
كنت عارفة انك أدها وتتخرجي بتفوق
:)
وبالنسة لحالة السكوت اللي عندك فدا طبيعي جدا انا كنت زيك برده :) يمكن علشان في حاجة جوانا بتقول ماشي نجحنا وبعدين؟ وكمان احلي فترة في حياتنا خلصت خلاص وبنسكت علشان نتمني يكون اللي جاي أحلي :)
ان شاء الله ربنا يكرمك ويوفقك كمان وكمان:)
مبروووووووووووووووووووووووووووك
و اخيييييييييييييييييرا الواحد هياخد رحته ^_^
"طبعا انتى عارفة ليه "
الف الف مبروك يانورتى
اممممممممممممممممممموة
أبو العريف
***********
فين الخرزة؟؟
ادينى مستنيه من امبارح مش راضيه ارد لحد ماتجيب الخرزه علشان اشكرك
انت ازاى حسيت بالشجن ده؟؟؟!!
تصدق انا نفسى لما قريت الكلام بعد ماكتبته حسيت بالشجن ده
نصيبكوا تتحملونى
معلش
دايما منورنى يامحمد
فتاه حالمه
**********
:)
اوكى قوليلى ياهنلوزه ههههههه
مليتى الدنيا زغاريت ربنا يخليكى ليا :)
مش ناسيه دعوه جدتى ربنا يخليهالك يارب ويخليهالى :)
بحبك اوى
mohamed ghalia
**************
الله يبارك فيييييييييييييييك
عقبالك يامحمد يارب
المعلم محمد صاحب المطعم - طعمية سخنة
***********************************
بحب اسمك جدا على فكره :)
طبعا وشك حلو
بس كان مفروض تدخل عليا اول مره كده بساندويتشين طعميه سخنه وبعدين انا اجيبلك حاجه ساقعه تمام
نورتنى جدا ويارب دايما
riyadh
********
الزغروته اصلا حرام :)
عقبالك يارب ربنا يفرح قلبك امين
هى فعلا فرحه كبيره لكنه كمان خوف وقلق مش محسوبين من بكره :(
نورتنى جدا
لورنس العرب
************
عقبال ولادك بقى ياعمو لانك كبرت عالحاجات دى مش كده؟؟:)
لا عندنا اللايحه بياخدوا الاول بس لكن عندى فرصه اتعين بره فى اى جامعه خاصه بس بصراحه مش عايزه انا عايزة اشتغل مهندسه ماليش فى سلك التدريس ده
هات انت الهديه وانا اجيبلك الجاتوه والبيبسى:)
yoyo
*****
:)
ربنا يخليكى تعليقك حلو اوى بجد
ربنا يكرمك يايويو ويسعد قلبك انتى كمان يارب يارب
دايما منوران ياجميله :)
momken
*******
:)
انا عارفه انى كنت قالبه دماغكوا وعامله وجع قلب وصداع واستبحس كمان
بس والله ربنا كان يعلم بيا وبالقلق اللى انا فيه
لو تعرف انى من يوم ماخلصت المشروع عيانه لحد مالنتيجه ظهرت وانتى فضلت قبلها بتلات ايام مش بنام ولا باكل ولا بشرب هتعرف انا اد ايه كنت تعبانه :)
حكايه الماجستير والدكتوراه ماتخافش مش فى دماغى دلوقت
ادعيلى بالشغل بس وبعدها اى وجع قلب يهون :)
منورنى وعقبال احفادك p:
gogo!sf
********
مش مهم تزغرتى ياقمر فرحتك وصلت
فينك بقى واحشانى ادينى فضيتلك اهو
عايزة اشوفك قريب بس واضح انك بتدخلى الصبح وانا اساسا مش بظهر غير بالليل
منورانى ويارب اقابلك قريب
سمكه واحده
**********
هههههههه ده على اساس ان الامتحانات هى اللى كانت مانعانى من البوس !!!!!!!
طيب هتفضلى زى ماانتى ولا الزمان هيغيرك
خليكى كده ماشيه تبوسى تبوسى لما هتفضحينا
ربنا يخليكى ياسمكه وادينى اتخرجت وبقيت مهندسه اهو وهبقى ظابط قريب ان شاء الله :))
عارفه انك فرحانه ليا وعقبال ماافرح بيكى ياسموكه يارب
قلب ينبض لله
***********
الله يبارك فيكى ياقمر
انتى فين بس واحشانى واخبار امتحاناتك ايه؟؟
السكوت فعلا تقريبا علشان اللى بتقوليه ده:)
ربنا يستر بقى انا دلوقت افرحلى شويه واللى يجيبه ربنا بكره يكون خير
منورانى ياقمر
Sweet Violet
*************
$:
ليه الحاجات اللى فى الاخر دى بتكسف وربنا :)
الله يبارك فيكى ياقمر
غلسى براحتك هو انا يعنى من امتى كت بقدر عليكى ده حتى انتى جباره ومفتريه
يلا ربنا عالظالم :)) p:
منورنى ياعثل
لالالالالالالالا
تشتغلي بره مهندسه ايه بس
خليكي في سلك التدريس احسن لو عرفتي
انما شغل بره بلاش الله يكرمك
ليه بس ياعمو؟
ايه المشكله يعنى ؟؟
ألف مليون مبروك يا نور
رببنا يوفقك يارب في حياتك كلها
سلام
مبرووووووووووووووووووووووووك يانووووووووووور
بجد الف مليون مبرووووووك يا حبيبتي
ربنا يكرمك كمان وكمان ياباشمهندسه
:)
نور
فينك يا بنتى من زمان
الف مليووووووووووووون مبرووووووووووووك
وعقبال العريس يارب
هههههههههههههههه
زعلان منك وفرحان لك قوى
زعلان عشان كان لازم اكون على الاقل واحد من اول عشرة بتحبيهم يعرف نتيجتك ياباشمهندسة ياللى شرفتينا ورفعت رأسنا عاليا
عموما سيبنا من الزعل وخلينا فى الفرح .. الف مبروك يانور والله فرحتينى جدا فوق انت ما تتصورى وان شاء الله لك هدية كبيرة
الف مبروك مرة تانية يارابعة مع مرتبة الشرف
الف الف الف مبروك يا باشمهندسة والله ده النجاح اللى يتفرح بيه بجد
ألفييييييييييييييييييييييييييييييييييين مبرووووووووووووووووووووووووووووووووووووووووووووووووووووووووووووووووووووووووووووووووووووك
لولولولولولولولولولولولولولولولولولولولولولولولولولولولولولولولولولولولولولولوى
بجد انا فرحانة أوى اوى اوى
مبروك مبروك
يااااااااااااااااااااااه
الحمد لله و ربنا يوفقك و يكرمك و يخليلك الخير دايما يا حبيبة قلبى
موووووووووووووووووووووووووووووووه
كاتب مصرى
***********
ربنا يخليك ياابراهيم
نورت البلوج والله
ابقى تعالى كتير :)
MǿиY El-Shreef
****************
ويكرمك انتى كمان يامونى ياقمر :)
عقبالك بقى بس بلاش يابشمهندسه دى اصلى بحس ان اللى بيقولهالى بيشتمنى :)
منورانى ياقمر :)
nona
*****
:(
هو كل ماحد يكلمنى يقولى الكلمتين بتقوع العريس دول؟؟؟!!!!!!!!!!
وكان خلاص مابقاش فى حاجه فى الدنيا افكر فيها الا الجواز
يعنى كأنى كنت باخد مرتبه الشرف علشان تشرفنى قدام العريس مش فى الشغل ههههههههه
ياعالم ارحمونا بقىىىىىىى
ادينى رجعت
انتى كمان وحشتينى اوى ياقمر
وميض ابتسامه
*************
ياخراااشى والله والله ماقدر على زعلك
طب لو قلتلك ان حضرتك كنت رابع واحد يعرف هتقولى ايه؟؟
اه والله اصلى بعت لحضرتك اوف لاين لانى مكنش معايا رصيد اعرفك
يعنى لو حضرتك شفت الاوف لاين من اول ماانا بعتها كان زمانك رابع حد يعرف
:)
ربنا يخليك ليا وعارفه انك مبسوط اوى والله مش حضرتك والدى برضو ؟؟:)
منورنى دايما بجد
هانى زينهم
*********
الله يبارك فيك يامستر
عقبال ملك :)
انا ودماغى
***********
يارب وانتى كمان ياقلبى :)
والف مبروك ليكى انتى كمان
وتشدى حيلك ويكون التراكمى بتاعك انتى كمان زيى
لالالالالالالا احسن شويه :)
الف الف الف مبروك ياقمر يارب يوفقك دايما وعقبالى انا كمان ماخلص من كلية الطب الغلسه بتاعتنا دى
الواحده خلاص بجد زهئت انا فرحنالك اوى باين عليكى من المتفوقين عشان المتفوقين هما اللى بيقلقوا دايما ويخافوا على نجاحهم
لالالالالالالالا
انا بخش علي طمع بس !
مبرووووووووك يا نور
عارفه طبعا انتى فرحانه جدا والفرحه ساكنه قلبك بس يمكن احساسك ده لانها فرحه مش عاديه وسبب مش عادى ده كان موضوع مصيرى تكونى او لا تكونى مش هطول عليكى والف الف مبروك وربنا يوفقك دايما
على فكره دى اول زياره لمدونتك الجميله وان شاء الله هضيفها فى قائمه المدونات اللى بحرص على زيارتها دايما
لولولولوووووللي الف الف مبروك يا عسل و عقبال الفرحه الكبيره
على فكره اسفه جدا ما لحقناش نتكلم اخر مره
بجد بجد الف الف مبروووووووووووووووووووووووووووووووووووووووووووووووووووووووووووووك
وفعلا النتيجة ماشاء الله مشرفة
وتستاهلى بوثة يا قمر
ومثاثة كمان
مممممممممممممممممممواه
لووووووووووى
لووووووووووووى
لووووووووووووووى
لوووووووووووووووووى
لوووووووووووووووووىىى
لوووووووووووووووووووووى
لوووووووووىىىىى
لوووووووووووووووى
لوووووووووووووووووى
لوووووووووووووووووووى
لووووووووووووووووووووووى
طيب حبة مية
ولا كباية ينسون
دافية لو سمحتم بس
اسلك زورى بها لاجل ما
اكمـــــــــــــــــل
لولولولولوىىىىىىىىىىىىى
لوىىىىىىىىىىىىىىىىىىىىىى
لوىىىىىىىىىىىىىىىىىىىىىى
الف مليون مبروك يانور
ياحبيبـــة الحبيبــــة
ويارب دايماً فى فرح وهنا ونجاح
وتفوق كده على طــــــــــول
ــــIـــــــIـــــــIــــ
ـIـــــIــــــــIـــــــIــ
ــــIــــــــIــــــIــــــIــــــ
ـIــــــIـــــــIــــــIــــــــــI
ــــIـــــــIـــــــIـــــIـــــI
ــIــــــIــــــــIـــــــاـــــــI
واتفضلــــــــــــى التورتة اللى وعدتك بيها (بس مهزوزة شوية من المواصلات حطيها فى التلاجة بسرعة
علشان الحر:)
مرة عاشرة ومرات الف مليون مبروك
وربنا يوفقك لما فيه خير دينك ودنياكِ
ولوللولوىىىىىىىىىىىىىىىىىىىىىىىىى
اقعدى بالعافية بقى :)
اهو احنا دعينا لك
والحمد لله ربنا كرمك
اوعى تنسينا بقى
الف مليون مبورك
ماشاء الله
:)
ألف مبروك يا تور
عقبال كل أحلامك و تطلع برده جيدجدا أو حتى امتيار في تحقيقها
مبروك بجد نتيجة جميلة ماشاء الله
الف الف الف مبروك يا نور
تصدقى اول مرة افرح لحد من زمان
بجد رفعتى راس المدونين
يا بشمهندسة نور
وعقبال القادم ربنا يوفقك فى ما ترغبين سواء تكملى او تشتغلى المهم تعملى اللى بتحبيه
ألف مبروك ويارب عبال الماجيستير والدكتوراه من بعدها
فرحتلك أوى بس للأسف مش بعرف أزرغد ربنا يوفقك
الف مبروك انا عارف الاحساس دة
وادعيلنا احنا كمان هانت كلها سنة
الف مبروك كمان مرة
تحياتى
احمد الشاعر
ما شـــــاء الله
الف الف الف مبروك.....
ربنا يوفقك يارب ويسعدك كمان وكمان
ومفيش احلى من فرحة النجاح
مبروك يا باشمهندسة
:)
مبروووووووووك يا معلم
ده احنا لينا تعيين ستف جامعه بقى و لا ايه النظام ؛)
لا بس انتي فرحتيني بجد...
ايه يا عم الدح ده كله... ناس تدح و ناس تخش اقسام...هيه...دنيا عجيبه- شوية حقد م جوا جوا-
بس مبروك...و الله ما ينفع حاف كده..لازم تظبيطه
اشطاااااات
woooooooooooooooooooooow
الف الف الف مبروك حبيبة قلبى
الرابعة على الدفعة يا مشرفانا ورافعة راس لمدونيين
ايوة كده بجد عايزيين ناس كويسة تشرفنا دايما
بجد مبسوطلك اوى ولولولولولولولولولولولولولولولى
الف مبروك صديقتى الجميلة
تحياتى
ألف ألف ألف مليون مبرووووووووووووووووووك
وهي فرحة كبيرة ان شاء الله ربنا يديمها يارب
معلش انا عارف اتأخرت جامد بس غصب عني كنت مشغوول أصلي قريت فاتحة عقبالك كده
مــــــــــالك
بسم الله ما شاء الله
يا مجنونه وانا بكلمك على الميل مش قولتيلى خالص
يا نهارى
مليون مليييييييييييييييييون مبروك يا نور
يا حبيبتى برافو عليكى
حماتك لو بتعرف تزغرط مكنتش ابخل بيها عليكى
مليون مبروك يا جميله
مليون مبروك
بس فيه مشكله انتى متفوقه قوى عن الواد بيرو
يعنى الواد فى الحضانه بيعافر يا حبيبى
يله خديه بئه ذاكريله وربيه على ايدك
اظن كده تفرغتيله
مبروك
وعقبال العريس
السلام عليكم
لولولولولولي
حلوة الزغروطة دي
:))
مبرووووك
أنا جاية هنا عشان آخد حاجة ساقعة
هو فين الحاجة الساقعة بقى؟
2wzeyad
********
الله يبارك فيكى ياجميله :)
وعقبالك يارب احساس التخرج احساس تانى فعلا خصوصا لما يكون بتفوق بتحسى ان تعبك مش راح هدر
ربنا يكتبلك الفرح ده عن قريب ان شاء الله :)
اشوفك دكتوره اد الدنيا يارب :)
نورتينى
المعلم محمد صاحب المطعم - طعمية سخنة
**********************************
وتقولى فى مدونتك طمع ايه؟؟!!
ماتيجى تشوف الطمع اللى انت فيه هنا
:)
طب بطل طمع وانا اجيبلك غدا هنا بكره
:)
منورنى
MISS\GH
*********
تحليلك صح جدا على فكره
متشكره اوى لذوقك واسعدتنى زيارتك ويارب تتكرر
يشرفنى طبعا اضافتك وان شاء الله ازورك قريب :)
نورتينى
Meme
******
الله يبارك فيكى ياميمى
بس على فكره لسه زعلانه منك جدا :(
MaNoOoSh
***********
الله يبارك فيكى يامنووووش ياقمر
بس ليا رجاء
هاتى المصاصه وبلاش البوسه :))
نورتينى ياجميله وعقبال مافرح بفرحك يارب :)
norahaty
**********
:)
ربنا يخليكى يادكتوره نور
كفايه وجود حضرتك بجد
كلك زوق ودايما منورانى يارب
ومتشكره جدا على التورته :)
الازهرى
********
ربنا يخليك يارب
وانساكوا ازاى بس ده حتى مفيش اجمل من الدعوه عن ظهر الغيب
عقبالك يارب
نورتنى :)
Wish I were a Butterfly ...
***************************
ربنا يخليكى يابوبه :)
ربنا يكرمك ويسعد قلبك انتى كمان يارب ياجميله
نورتينى :)
Dr.A.S. black armor
********************
ربنا يخليك يادكتور احمد
طبعا لازم تفرحلى انت نسيت انكفى مقام حمايا ولا انت خلاص خطبت للواد ؟؟؟
نورتنى جدا ومتشكره اوى لذوقك :)
Person
******
الله يبارك فيك يارب
مش عارفه ليه دايما لما بقرا كلامك بيجيلى احساس انك حد يعرفنى واعرفه بس متعمد يخبى هويته؟؟!!!!!!!!!
هو ده صحيح ولا بيتهيألى
فى كل الاحوال متشكره جدا لذوقك ومنورنى دايما
elsha3er
**********
ربنا يخليك يااحمد
الله يبارك فيك يارب وعقبالك
ماتخافش مفيش اسرع من الايام
منورنى دايما :)
شريكة فى المطعم
**************
الله يبارك فيكى ياجميله :)
بس انتى شكلك مش طماعه زى شريكك عشان كده ليكى عندى غدوة طعميه سخنه :)
منورانى ياجميله ويارب دايما
prince4ever
************
ياساتر عالقر والحقد اللى جواك
يااخى طبخبيه عشان الناس ماتقولش عليك وحش خلينى انا بس اللى اعرف كده :)
لا ياسيدى ماليش تعيين ستف جامعه لان الليحه عندنا هياخدوا الاول بس فى القسم ولو هتعين يبقى مش هكون فى تخصصى هكون فى قسم تانى وانا رفضت لانى عايزة اشتغل بره
بتقول تظبيطات؟؟؟
فين ياعم التظبيطات دى؟ ورينى كده
ولو ان شكلك بق بس
اما نشوووف :)
نورتنى ياعسل وعقبالك ياروميو
Hossam
********
:)
الله يبارك فيك ياحسام ياجميل
وعقبالك يارب
هفرحلك اوى على فكره بس انا عايزاك تخرج بامتياز مش تخيب زيى بجيد جدا
بس يكون امتياز مع مرتبه الشرف برضو لانها بتخلى سمعه الواحد فى الجواز :))
نورتنى ياجميل بجد كلك زوق
مالك
******
ماشاء الله
الف مبروك يامالك وعقبال الفرح يارب
انت كنت مستعجل اوى كده ليه؟
طب يااخى مش تستنى اما نتيجتك تظهر حتى؟ :)
ربنا يسعد قلبك يارب وطبعا لازم اجى اباركلك فى مدونتك
استنانى اما اجى معاك بقى :)
نورتنى
mahasen saber
**************
الله يبارك فيكى ياحماتى
عقبال ماتفرحى ببيرو ياااااااارب
ماتخافيش سيبيهولى انتى بس وانا هربيه وان شاء الله يبقى احسن منى الف مره :)
ربنا يسعد قلبك بيه يارب
نورتينى ياقمر
أحمد الصعيدى
************
الله يبارك فيك يارب
بس حتى انت؟؟!!
انت متفق مع حد من العيله عندنا ولا ايه؟؟!
:)
نورتنى ويارب دايما
أسماء على
*********
طبعا حلوة زيك :)
متشكره اوى على ذوقك وتعالى بكره فى نفس ذات الوقت ده عشانمشتاخدى اى حاجه ساقعه لانى مش هكون هنا :)
بجد نورتينى ويارب دايما
السلام عليكم ورحمة الله وبركاتة
الف الف مبروك يا باش مهندسة نور
نورتي عالم المهندسين
والله انا فرحانلك من كل قلبي عقبال يا رب ما انشوفك في اكبر الشريكات وانشوف نجحاتك علي التلفزيون واتمني من كل قلبي ان ربي ايوفك
بس انا عندي سؤال
بعد النجاح واكمال الدراسة اية مخططاتك ؟؟اوعي اتقولي اواصل الدراسات العليا حزعل منك ههههههههههه
الف الف مبروك
siraj
******
تصدق امبارح وانا برد عالتعليقات ومالقتيش تعليقك لحد مانزلت بوست جديد زعلت منك جدااااا:((
بس دلوقت فرحت لانك مش خيبت ظنى مع انك اتاخرت
الله يبارك فيك وهكمل دراسات عليا ان شاء الله بس مش دلوقت
دلوقت بأهل نفسى بشويه كورسات عشان الشغل ان شاء الله والدراسات لما اشتغل بقى:)
بس ماقلتليش تزعل ليه؟
عقبال ماافرح فيك لما تحب وتتجوز ياسى سراج يارب :)
نورتنى
مبارك ومن نجاح إلى نجاح إن شاء الله
إرسال تعليق