مش عارفه ابدأ الكلام ازاى ولا اقول ايه؟
بس لازم اقول
الكلام جه متأخر بس كان لازم يجى
آخر كلام كان ممكن اتوقع انى اقوله فى مدونتى
الكلام عن محمد الفارس الملثم
محمد واحد من اعز اصدقائى فى التدوين ان لم يكن اغلاهم
محمد اللى مكنتش اتوقع انى فى يوم ممكن ارثاه
موته زلزل الارض من تحت رجليا
وحسسنى انى كرهت الدنيا باللى فيها
محمد كان خلوق اوى
وكنت دايما اقوله "انت انضف حد انا اتعاملت معاه فى حياتى"
رغم ان ربنا ماكتبش انى ازوره ولا مره فى مرضه
بس دايما كنت بحس لما بتكلم معاه ان الدنيا لسه بخير
ولو كنت مره سمعت ان الملايكه موجودين على الارض اكيد كنت اقسمت وانا على يقين بأنه واحد منهم
مش ببالغ فى كلامى ويعلم الله
قد ايه صدمنى الخبر
وصوت والدته قتلنى لما كلمتها
ودموعها خلتنى انهرت ومابقتش حتى قادره انى اواسيها
كنت اتمنى اتكلم عنه زى كل المدونين اللى اتكلموا وعملوا حاجات ليه
لانى كنت من اقرب اصحابه ليه
بس تعبى منعنى
يمكن لحد دلوقت مش عارفه اتكلم اقول ايه
لكن كل اللى اعرفه
انى كرهت الدنيا
وكرهت الموت اللى بياخد اللى بنحبهم مننا
وفى يوم هياخدنا من اللى بيحبونا
اقسم بإن محمد يستاهل كل دعوه تترفع بيها ايد اى حد فينا للسما تطلب ليه الرحمه
ويستاهل ان كل واحد فينا يقرأ القرآن ويوهب اجره ليه
بالله عليكوا بلاش تنسوه من الدعاء بالرحمه والمغفره
واهله وحبايبه بالصبر
خلاص مابقاش عندى كلام
بس الالم كبير
كبير اوى
والدموع اكتر واكتر
ربنا يرحمه
هناك 24 تعليقًا:
كفايه الي قولتيه يا قلب ماما
كفايه اوي
الله يرحمك يا محمد
مش كنت أعرفه بس من كلام الناس عنه عرفته
ربنا يرحمه ويجعل مثواه الجنة إن شاء الله
سلامتك يا بيبة. خلي بالك من نفسك
و ادعيله و ادعيلنا كمان إن ربنا يحسن خاتمتنا
بكى خير الانام وقال انا لفراقك يا ابراهيم لمحزنون
لم يصدق الفاروق موت خير الانام
بكى سيدنا نوح على ابنه وهو يقول يا بنى اركب معنا
بكى سيدنا ابراهيم على ابنه اسماعيل
بكى سيدنا يعقوب على يوسف
بكى سيدنا على زكريا على يحيى بعد ان ذبح
وغيرهم بكوا سيدتى
ولكنهم استرجعوا
وايقنوا اننا الى ميعاد
وايقنوا اننا الى الرحمن راجعين
وايقنوا ان هناك دار المستقر
وايقنوا ان الحياه رحلة ومجرد بدايه
ووووووو
ليكن سيدتى الحزن دافع على العطاء
دافع على الارتقاء وحسن الخلق والتمتع بكل ما يقرب من الخالق
دافع ليكون الدين بالمعاملات وليس مجرد كلمات
دافع للعبرة والعظة
من اننا بشر لنا اعمار فى الدنيا
يجب ان نستغل كل لحظة فيها
وكفانا لهث وراء لحظات يضيع فيها العمر
سواء كره او حسد او سوء معاملات
رحم الله كل من اقترب من الرحمن
ونسئل الله العفو المغفرة لنا وله
الله يرحمك يا محمد
و يسكنك فسيح جناته اللهم آآمين يارب العالمين
محمد كان أخ وصديق عزيز
الانسان المحترم مش حد بيختلف عليه اتنين يا حبيبة
الحمد لله مامته تماسكت ربنا يصبرها يارب انا كلمتها و الحمد لله ربنا يقوى ايمانها يارب و يصبرها كمان وكمان
محمد رحل عن عالمنا الا انه سوف يظل باقى فى قلوبنا اخ وصديق عزيز
ابدا ابدا لن انساك يا محمد
اللهم اغفر له وارحمه
واجعل منزلته الفردوس
اللهم امين يارب العالمين
يويو
مش هنقدر نقول غير ربنا يرحمه وإنه كان فعلا شخص غالى علينا قوى
دمتى بكل الود
ربنا يرحمه ويدخله فسيح جناته..
ربنا يرحمه يا حبيبتي يمكن مكنش ليا حظ أني ازوره أو أدخل عنده بس خبر وفاته كان جاي مع خبر وفاة والد صديقة عزيزة عليا ربنا يتغمدهم برحمته ياحبيبتي يارب يارب بس مينفعش نكره الموت يابيبة لاننا بنلقي فيه ربنا ياقلبي ربنا يغفر لنا مغفرة واسعة ويجزيه كل خير يارب
انا للة وانا الية راجعون
اللهم الهم اهلة بالصبر والسلوان
اللة يصبرك علي فراق الاحباب
ربنا يرحمة ويغفر لة ويسكنة فسيح جناتة
رحمة الله عليه يا حبيبه
طب انا مكنتش اعرفه و محصلش بيننا غير كوناتكت واحد بس و مع ذلك زعلت عليه جدا و الله
و عموما الواحد بيزعل على خبر موت اي واحد شاب... زي احمد ابو زيد اللي كان عندكوا في الدفعه...ده كان جاري و صاحبي و كده يعني...ربنا يرحمهم و يرحم الجميع يا رب
معلش يا حبيبه مش عارف اخد الميل عشان انا جاهل حبتين...عموما انتي بتفهمي ف الحاجات دي برده...الميل بتاعي اهو
ramysaeed87@yahoo.com
و البقاء لله و ربنا يصبر اهله
ابنتى الحبيبة
بالرغم ان الظروف لم تسنح لى ان اتعرف على المغفور له محمد الفارس الملثم الا انى اصدقك فى وصفك له .. ولعل مثل هذا الرجل من الرجال النادرين فى حياتنا
اللهم اما اغفر له وادخله فسيح جناتك ..
اما عن كرهك للحياه فأنا صدمت من مجرد كلامك عن هذا .. يابنتى العزيزة كل عزيز غالى سيغادر حتى من لا نحبهم!!
انها ارادة الله ولا راد لفعله ...
فقط ندعو الله ان يحسن ختامنا .. آمين
واذا كان عزيز عليك فعلا فالتدعى له بالرحمة وليغفر الله لنا جميعا ..
جزاكي الله كل خير .. وربنا يرحمه برحمته الواسعة .. اللهم آمين
الرابط ده فيه الأعمال التي تنفع الميت بعد موته .. ياريت نقرأه ونحاول نفيد محمد فهو الأن يحتاج ما ينفعه في قبره وعند ربه سبحانه أرحم الراحمين
http://www.islamweb.net/ver2/archive/readArt.php?id=11158
الحقيقه انا لم اكن اعرفه
لكن حزنت عليه جدا لأن كلام الكل عليه يثبت انه كان انسان ممتاز
الله يرحمه ويجعل مثواه الجنه
وادام الله التواصل بين المدونين
لا حول ولا قوة الا بالله
انا لله وانا اليه راجعون
يا نور يا حبيبة قلبى ربنا يرحم موتانا وموتى المسلمين
مش تنسى ان البقاء لله وحده
والموت قدر
وسبحان الله الموت احيانا بيكون راحه لللإنسان
وعلى كل حال الحمد لله
ربما لم اكن اعرف الفارس
ولكنى اشعر بما تشعرون به تجاهه
ادخله الله فسيح جناته وجعله مع الابرار
الموت نعمه ميحسش بيها غير المحتاجها
انا الموت حرمنى من خالتى والى كانت امى الثانيه
فى غياب امى
كاد الجنون يأخذنى ولكن الحمد لله الذى ثبتنى
كل ما علينا الدعاء لهم بالرحمه ونسير على الدرب الصحيح الى يجمعنا بيهم فى الجنه
وهى دى الحاجه الى هتسعد احباءنا
وربنا يقويكى يا حبيبة قلبى انا عارفه انى مقصره
بس انا حالتى النفسيه اليومين دول صعبه كان نفسى ابقا معاكى
انا لله وانا إليه راجعون
لا حول ولا قوة الا بالله
الله يرحمه ويحسن اليه وينور قبرة
جزاك الله خيرا على التذكرة
ربنا يبارك فيكى
اللهم ارحمه وادخله جناتك يارب
اوعى تفقدى ايمانك ده ابتلاء من الله وكلنا هنروح فين فى الاخر يا حبيبة
ربنا يرحمه ويغفر ليه
امين
لا اله الا الله
انا لله و انا له راجعون
ربنا يرحمه و يرحمنا و جميع موتى المسلمين
تعازيا ليكي و كل من يعرفه
لا اله الا الله
ربنا يرحمه ويدخله فسيح جناته
تماسكى شويه يابيبه .. الموت حق وأنه آت لا محالة
ادعى له .. و حاولى تمسكى اعصابك
اختي العزيزة
فعلا بالرغم من القدر الضئيل الذي عرفته فيه الا انني شعرت فيه بتلك الشفافية والملائكية التي تقولين
بس شخص كهذا لا تكرهي موته بل تحمدي الله عليه
هكذا شخص تناسبه ارض الله في الجنة
تناسبه الصحبة في الجنة
يناسبه حور الجنة
شخص كهذا عندما دعا الله وقال اللهم امتني اذا كان الموت خيرا لي واحيني اذا كانت الحياة خيرا لي فاماته الله
اعلمي جيدا انه في دار خير من الك الدار وان الله اختار له الخير والافضل واستجاب دعوته
وفي صحبة خيرا من تلك الصحبة ..في صحبة الصالحين والشهداء والصديقين
وتكون دعوانا اللهم الحقنا بالصالحين
صبرك الله وصبر اهله .. واهل وحبيب كل من فقد شخصا عزيزا
والي الملتقي
ان لله وان اليه راجعون
الله يرحم امواتنا جميعا واموات المسلمين
اللهم اغفر له وارحمه وادخله فسيح جنتك يا ارحم الراحمين
صعب انى اتكلم اكتر من كده
بجد انا حزنت عليه جدا
كان صديقا جميلا وناصحا امينا للجميع
رحمه الله رحمة واسعة واسكنه فسيح جناته
والحقنا به على خير
انه على ما يشاء قدير
سلام عليكم
الله يكون فى عون علته
الموت والفراق محدش بيحس بيه غير اللى مجربة وربنا يرحمة ونقابلة كلنا فى الاخرة باذن الله على خير
سلام
ان لله وان اليه راجعون
ربنا يرحمه ويجعل مثواه الجنه ان شاء الله
ادعيله يا حبيبه بالرحمه والمغفره
معلش ياحبيبه خالي بالك من نفسك
وطمنيني عليكي
انا زعلانه عشانك وحساكي مش تمام اليومين دول
إرسال تعليق