آه لقد أصبحت الحياة سيئه للغاية
كدت اسأمها
أشعر دائما بزحام يتراكم حولى كلما التفت يمينا أو يسارا حتى مع عدم وجود أحد
هل لا خرجت لاتمشى قبيل المغرب؟
لالالالا أشعر بالضيق حتى إنى كرهت رؤية الشارع وكل من يمشى فيه
ليس لى إلا النوم ولكن فى هذه الساعة المبكره؟
حسنا فماذا أفعل إن لم أخلد للنوم
اف لقد بدأ يوم جديد هل أجهز الافطار؟ لا ومن أين تأتى شهيتى فى كونى الفارغ هذا
آآآآآه حتى جوالى العزيز صرت أقبله صباحا ومساءا وارجوه حتى يعطف على بجرس يشير لأحد يهتم لأمرى ويسأل عنى وأنا امكث فى هذا المنزل الضخم وحدى ليل نهار
لا أحد يفكر بالاطمئنان على إلا اذا كان يريدنى لخدمة ما أو يطمع بى لاشغل وقته وأسلى فراغه
تبا لهذا العالم الغادر الذى اصبحت تحكمه المصالح والنذوات والشهوات
اه اخيرا موبايلى ينبهنى لأحد يسأل عنى
ياترى من تذكرنى وماذا يريد؟!
-الو
-ازيك
...هو صوته بعينه بنبراته التى كانت تهز كيانى غريب هذا السؤال ماذا يريد؟!...
-هو انت؟ الحمد لله انا بخير ;وانت؟
-انا بخير لسه فاكرانى وبتعرفى صوتى؟
-طبعا صعب انسى
-يعنى لسه بتحبينى زى الاول؟
-لأ طبعا ;انا مش ناسية لانك اول حب ياخدنى لكن ده مش معناه هفضل احبك طول عمرى
-يعنى خلاص نسيتينى؟! انا بس كنت عايز اتكلم معاكى شويه
انا مخنوق وعندى مشاكل كتير أوى اصلى خلاص هتجوز الاسبوع الجاى وفى بينى وبين خطيبتى مشاكل كتير وانا بحبها ومش عايز اخسرها
-اسفه مابقاش عندى طاقة اسمع زى زمان
-ليه؟ انتى حتى لسه زى ماانتى ماتغيرتيش
-يمكن اكون زى ماانا بس لا انت هو انت ولا الزمان هو الزمان
-هقفل حاضر;اسف لو ازعجتك
-فعلا ازعجتنى ياريت ماتحاولش تكرره تانى
آآآآآآه وألف آه حتى هذا من اسميته حبيبى يوما وعشت على أمل لقياه
أصابنى الزمان باليأس منه ومن حياتى
دوما مااحسده على صفاته اللاادميه
على قوته وصموده معى من زمن بعيد واليوم على جرأته وأنانيته بل وتحجر احساسه
لكن حقا هل أخطأت حينما قسوت عليه؟
لا أظن فهو من فقد قلبه يوما واليوم أيضا فقد عقله
من ذا الذى يمكث طوال عمره فى حب خائن؟!
هو مخطئ بالتأكيد فليس هو والزمان فقط من تغيرا
أنا ايضا ماعدت أنا ولن اعيش كثيرا فى أوهامى وحماقاتى
فليذهب إلى حيث يشاء
فليذهب إلى حيث يشاء
ملحوظة:القصة مؤلفة ياجماعة من مواهبى الغريبة اللى انا مش مقتنعه اصلا بوجودها ومالهاش علاقة بشخصيتى الحقيقية فياريت اللى يعلق يعلق على الاسلوب والحالة مش عليا D:
هناك 47 تعليقًا:
التعليق الاول
محجوز
لــــــــ
يويو
صباحك سكر يا سكرة انتى
اخبارك ايه؟!
يارب تكونى بالف خير يارب
وحشتنى و الله
مش تغيب تانى و تقفلى التعليقات و الكلام دا
اوك ولا هاعمل احتجاج بقى
هههههههههههه
بما انى مش فى حد غيرى هنا
احتل المدونة براحتى بقى
مرة من نفسى عندك هنا
اروح اشوف ايه حكاية الحماقات دى وارجع لك تانى
ما أقسى تلك الحالة يا عزيزتى
حين تنفض من حولنا البشر رغم وجودهم
حين نشعر بظلمة الايام فى وضح النهار
حين نحيى على حب فى قلوبنا و يقابل بغدر و خيانة
حين نضحى ولا نجد سوى وجع و اهانة
بطلك هنا مش بشر دا قلب من حجر
فين احساسه بغيره و ازاى طوعه ضميره
بعد كل الهجر و القسوة راجع تانى يحملها وجعه و تعبه
هو ايه مش فى اى احساس ولا مراعية لشعور الناس
و الله مش يستاهل اى كلام
دا مش اكتر انه يتنسى ولا كانه كان
لازم تخرج من كل الاوهام و تزيل من جواها اى حماقات
تسلم ايدك و الله القصة رغم انه مؤلمة و بتوجع القلب
ووجعت قلبى على الصبح كدا
هاتى مصاصة بقى ولا ايس كريم
ههههههههههههه
بس بجد احساسها حلو اوى وانت عرضتى الفكرة باسلوب جميل
اكيد مش كل حاجة بنكتبها بنكون احنا عايشنها بس احنا بتعايش فى الحالة بشكل ما
دمتى اختى بالف خير وسعادة
تحياتى
يويو
سيبك من الاسلوب والحاله
المهم ان النور رجع
ازيك يا حبيبه عامله ايه واخبارك ايه يا جميل
بس سيبك انتى فعلا قصه جميله اوى اوى تحفه بجد
اصل انا بحب الحالات المأساويه دى جدا
بس بصراحه وجعتنى وصعبه عليا لما رديت على حبيبها سابقا وبتصده وهى كانت عندها امل لكن مع الاسف صدمها بقدوم
زواجه
بجد تسلمى يا بيبه
قصه فعلا رائعه
طيب يعنى و اللى عايز يعلق عليك مش على الاسلوب يعمل ايييييييييييييه ؟؟
ماهو مثلا مثلا يعنى موضوع الفون اللى مش عارفة اوصلك بسببه و مش عارفة اذا كان اتعدل ولا لأ؟؟
و مثلا مثلا موضوع ان الواحد عايز يشوف السياده علشان يطمن عليها مش علشان يشغل وقته هو .. يعمل ايه هه ؟؟
يبقى وقتها لازم اعلق عليك ولا لأ بقى ؟؟
^_^
و كمان بقى هو حضرتك تغيبى تغيبى و ترجعى بحاجة توجع كده
v_v
يعنى انا غلطانه انى مأجرلك المدونة تلعبى فيها براحتك
انا هالغى العقد كده على فكرة بقى
^_^
صحيح بخصوص سؤالك عن قصص هنيه هى حقيقة مش خيال لكن مع طبعا تغيير بعض الاسماء و الاشياء لزوم الخصوصية بقى
^_^
يلا بقى تعالى علشان تتعرفى عليها مش انتى قولتى كده
^_^
yoyo
******
يعنى حضرتك لقيتيها فرصه كويسه جيتى لقيتى التعليقات فاضيه والصبح بدرى انا نايمه طبعا قلتى تتفسحى براحتك
اوكى ياست يويو البلوج بلوجك
تيك يو تايم فيها :)
انا مكنتش غايبه ولا حاجه انا بس كنت حاسه انى عايزة ابعد شويه لكن مكنتش قاصده اقفل المدونه انا كنت اقصد انى محتاجه الزمن يقف وقتها شويه
الناس فهمت غلط انى هربت واخدت قروض من الدوله وكده :))
يمكن البطل هنا مكنش قاصد يجرحها
هو بس كان انانى لما اتمنى انها تكون لسه بتحبه رغم انه اساسا اختار حياة تانيه مع واحده تانيه غيرها
والحاجه التانيه هو بس كان مضغوط فمحتاج حد حنين عليه قام كلمها عشان تاخد بايده ولو بكلمة لطيفه تخفف عنه
هى حماقة منه ولكن هى برضو اخدت تارها كويس :)
متشكره ان القصة عجبتك فرحت جدا
اصلى مكنتش ناوية انشرها اصلا :(
مكنتش مقتنعه بيها معرفش ليه
نورتينى يايويو بجد
ودايما مفرحانى بوجودك
:)
عمو لورنس
**********
مش عارفه اقولك ايه؟
بس بجد ربنا مايحرمنى من سؤالك
انا كنت متابعة سؤالك اول بأول بس والله مكنتش قادره ارد:(
عايزة رأيك فى القصة بقى لو سمحت
بذمتك مش انا موهوبه :)
gogo!sf
********
ازيك ياجوجو
الرائع حقيقى هو وجودك مش عارفه بتحرمينى منه ليه ومش عارفه مابتظهريش ليه؟
يارب تكونى كويسه ياجوجو يارب
طمنينى عليكى حتى لو باوف لاين
Sweet Violet
************
سويتى حبيبة قلبى انتى تعلقى على اللى انتى عايزاه ياباشا يادهوتى
انا ...القصه..ان شالله حتى عم احمد البقال جارنا انتى بتحكى فى ايه ياامى؟!! :)
بخصوص الموبايل لسه فى الانعاش والله بس انا مسكتش ايون ماسكتش
استلفت واحد غيره هههههههههه اصل امى مش راضيه تجيبلى واحد :))
اما بخصوص سيادتى اللى عايز يسأل عنى مين قال ياباشا انك من اللى بيسألوا عشان مصلحه انا ربنا انعم عليا بشويه ناس مش بينسونى ولا بنساهم مش زى بطلة القصه دى الله يكون فى عونها ;)
اما بقى عن القصة الماساوية فهى وليدة اللحظه والله
امبارح كنت خلاص هعيد عشان عماله اعصر فى مخى عشان اكتب بوست ومره واحده لقيتنى بكتب الكلام ده!!
بجد خالتى هنيه طلعت موجوده؟
طب وربنا لاجى اشوفها حقيقى بس ادعيلى يبقى قبل ماهى تموت :))
بعد الشر عليها طبعا سلميلىعليها بجد وقوليلها واحده حبتك اوى بتسلم عليكى :)
نورتينى ياسويتى :-*
رابطة هويتى اسلاميه
*****************
هيحصل ان شاء الله
سعدت بمرورك
طبع الزمان:التغير
فمن ظن أن غيرهـ
يدوم حبه له
فهو خاطىء!
أعجبنى الاسلوب
وأعجبتنى سلاسة الكلام.
الأسلوب جميل ويشد بصراحه
بس انتي فعلا مش مصدقه انها بتحصل؟
لأ صدقي, وصدقي بشكل حرفي كمان
بتحصل وفي اسوأ الحالات
بتحصل لما الأنانيه تبقى غشاوه على عين وقلب صاحبها
بتحصل لما الأناني يتلذذ بشعوره انه فيه حد مستنيه حتى لو قرر انه مش هيرجعله
وبيكون الضحيه فعلا في وضع معاناه غريب
يا سلالالالالالالالالالام يا سلالالالالالالالالام
والله وحشني الكلام الجميل دي
انا جيييييييييت
والنت جه وقلت او ما جه لازم ادخل عندك
اصل كلامك وحشني يا بت
مين الواد ده يا نور
ده خنيق بشكل
علي فكره هوه اصلا خسران ....اصله مش عارف حاجه
علي فكره وحشتيني
صحيح
الاستايل بتاع البلوج تحفه موووووت
وشكرا يا قلبي عشان حطيتي وردتي
بحبك يا قمر
aya
norahaty
********
اهلا يادكتوره
فرحت بوجودك بس كان لازم افكرك بيا يعنى؟ :(
وحشتينى ووحشنى كلامك
صح جدا ومبسوطه ان الاسلوب عجبك
متشكره لوجودك :)
أحمـــــــــــــد أبو العلا
*************************
مين قال يااحمد انى مش مصدقه انه بيحصل؟
بالعكس لولا ايمانى بحقيقته مكنتش كتبته
انا بقول فى الملحوظه انى مش مصدقه وجود مواهب دفينه عندى D:
انا متفقه معاك جدا فى كلامك يااحمد
ومبسوطه جدا ان الاسلوب عجبك
نورتنى جدا:)
غير معرف
********
توتا حبيبة قلبى
ياربى ماصدقتش وجود تعليقك
مبروك عودة الندله قصدى النت هههههههههههه
وحشتينى انتى كمان وطبعا زهقت منك النهارده امشى وماتجيش تانى
بس اللى صادمنى بقى انك اولمره تشوفى التمبلات الجديد !!!
ولسه واخده بالك من الورده؟
دى من قرن بالظبط باتوتا
وحشتينى يابنت الايه
اما بخصوص الواد ده فمعرفوش يااوختشى والله
ده حبيب بطلة القصه
او اللى كان حبيبها يعنى
نورتينى ياتوتا وماتغيبيش عليا مش هقول للحكومه انك بتيجى هنا :)
انا كمان بحبك :)
نور
ياللى اسمك
على اسمـــى
ازاى أنساكى؟
لكن هى مشاغل
الحياة وأديكى
شفتى البـــــعتة
اللى اتبعتها:(.
الاسلوب حلو اوي والقصه جميله .. تسلم ايديكي يا نور :)
بس اهم حاجه عندي انك نورتي مدونتك من تاني
وحشاااني
حلوه الملحوظه ههههههه بس برضو حبقى امسدلك كل ما افتكرك بين الفينه و الاخرى يعني ماتتخضيش لو شفتي رقم دولي D:
السلام عليكم ورحمة الله
ازيك يا بشمهندسة
لما قراءت الحكاية او القصة قلت مين قليل النظر الخاوي والخالي من الاحاسيس بس الحمد لله طلعت الحكاية مجرد قصة
وعلي فكرة يا نور انا مقتنع تمام الاقتناع بانك موهوبة ودمك خفيف وراح ايكون ليك مستقبل حلو في الكتابة
القصه حلوة وممكن تكون واقعيه جداً
بس اعتب عليكى فى جملتك الاخيره
فحتى لو كانت قصتك فهذه حياتك حتى لو كانت قصه منتهيه فلا داعى للتنكر لها
فالحب ليس سبه او جريمه نتبرأ منها
المهم انتى عامله ايه يا بشمهندسه
اعتذر للتاخير
واستمتعت بحديثك
تحياتى
حاله خنقه اوى
وانا فيا اللى مكفينى
بس ربنا يزيد وينمى من مواهبك :)
اختيار جميل لعرض حاله انسانيه قليل من يلتفت لها ،
ما شاء الله عليكي سبع صنايع ودبلوم D:
عايزنا نرجع زي زمان قول للزمان ارجع يا زمان وحتى لو حصلت المعجزه ورجع الزمان مش ممكن نرجع زي زمان
حاله واقعيه وبتحصل كتير وانانيتنا بتصورلنا اننا مهما نجرح او نخون بردو ف القلب بنكون
وصفك واسلوبك متميز تحياتي اتمنى اننا نتواصل بجد مدونتك عجبتني جدا
دمتي في تألق دائم
نورين
النور مقطوع في الاتوبيس
اولا وحشاني يا نور
ازيك
اسلوب جميل و حسيت اوي باول مقطع فيها لامس حاجة مني
بس بجد طريقة الكتابة جميلة
تسلم ايدك
حبيبة قلبي القمر
ازيك ياحبيبتي يااجمل نور اخبارك اية انا عارفة اني بايخة اني مكنتش بسال عليك بس ظروف لما اكلمك هقولك عليها ومرسي لسؤالك ياقمر متحرمش منك يارب وباذن الله اشوفك دايما سعيدة ومبسوطة ياروح قلبي خلي بالك علي نفسك اوي
لاالة الا الله
اختك الكبيرة
الاحساس المرير والخنقه دى مااعتقدش ان فيه حد فى الدنيا ممرش عليه وقت حس فيه بالاحاسيس الكئيبه دى
وعادى ياما فيه بشر تتمتع لحس غير آدمى كتير
موقف متكرر
شخص ماعندوش دم كالعادة
رجل احمق وفتاة لا تستطيع الخطأ حتى بالرد
بجاحة بجد لا مثيل لها
انانى متسلط
................
رضوى
where r u?
قصه برنس زيك يا نور
ازيك يا بنتي و شين الاحوال
انا لسه مخلص باطنه اهو و قلت لازم نمسي ع السريع كده عشان ازفت موقعة الأطفال الداميه...
الحمد لله خساير الباطنه مكنتش كتير و ربنا وفقنا و اكرمنا بجد
انتي عامله ايه ف حياتك و دنيتك ماشيه ازاي
يا بنتي طمنينا عليكي و خلي التواصل اسرع كده بدل التوحد اللي احنا عايشين فيه ده :)
اشطات و دعوااااااتك بقى
سلااااااام
انا بمسى واسلم
يابـــــاشمهندسة
الو يامصر
اذيك
هي الحماقات اتزالت ولا لسه الله يكرمك بس عاوزه اعدي ومش عارفه اعدي
اذيك يابيبه؟
قصه حلوه يابيبه
بس مش احلي من حدوته تيته
(وش مطلع لسانه)
علي الاقل حواديت زمان بتنتهي بحاجه حلوه مش مأسويات وصعبنيات
معلش يا بيبه متأخره عليكي
بس انتي عارفه علي بالي علي طول
تحياتي
الوووووووو
النور قطع تاني
حبيبه
ازيك
علي فكرة قصه حلوة بجد لا ن الأحداث اللي فيها متتالية ورا بعضها مش كلمه من الشرق وكلمه من الغرب وترتيب الأحداث هوا أحلي ما فيها
الرد علي البطلة
من وجهة نظري أنا طالما ردت علي التليفون كانت تكمل الحوار معاه وتشوف من الأخر هوا عايز ايه يمكن كانت تقدر تساعده في شيء انا عارف انه كان هايبقي قاسي أوي ليها بس طالما تقدر تسعد انسان تاني دا لوحده قمة السعادة والنجاح
تحياتي ليكي يا حبيبة
انا أسف للغياب الطوووووويل
انتي فييييييين ؟؟
وحشاااااااااااااني
عموما
انا جيالك وجايبه معايا تاج
لاااااااااازم تجاوبيه .. هستني اجاباتك :)
الحقيقة لا تتجزأ وللصبر حدود واذا كان القلب واحكامة فى وقت من الاوقات يعمل ضد مصلحتها فالان تجبرها الظروف على رفع شعار ياروح ما بعدك روح ولن ينبض قلبها الا لمن يستحق .. ولكن اه من الوحدة وافعالها فى دنيا الانصالات السهلة
وحشتنى مدونتك ياحبيبة وكلامك بجد وحشنى
بقالك كتير؟؟؟؟؟؟؟؟؟؟
يارب يكون خير
طمنيني انتي فين؟
مالك
ايه ده كله يا باشمهندسه؟
انتي فين؟
اسفه ياجمعه عندى شويه ظروف ملخبطانى شويه مش عارفه اظهر
بس انا كويسه الحمد لله
شكرا للى سألوا عليا ولاحظوا غيابى
ربنا مايحرمنى منكوا :)
هحاول اظهر قريب
باى
انتي رحتي شغل في مكان بعيد ولا ايه؟؟؟
ايه ده .؟ هو انا اسيب التدوين كام سنه كده ارجع الاقي الناس بتسيب بعضها ؟
هو فيه ايه في الدنيا دي ؟ ايه المجتمع الاسي ده ؟ الناس خلاص مبقاش عندها حنيه ولا حب لبعضيها ؟
قصة مؤثره الحقيقة وكلنا تقريبا اتعرضنا ليها . بس بيني وبينك انا كنت الطرف التاني اللي كلمك . ههههههههههه
مهو احنا كده الرجاله . نحب نرخم شويه علي الماضي بتاعنا بس للاسف المكالمة بتنتهي زي ما حضرتك نهيتيها كده
علي كل فكي بقي وخلي خيالك ده ياخد راحه شويه واعملي كده تاليفه رومانسية زي مهند ونور وخلي الناس تعيش
هو احنا هنلاقيها منك وللا من الحكومة ؟ الله
خامسا ً فين تمن الشاي اللي كنتي شربتيه علي القهوة بتاعتي زماااااااااان ؟.
مستني منك اي رد يا جميل
ايه ده ؟ خيااااااااانه
هو انتي اسمك نور وللا حبيبه ؟ كده مش هعرف اخد منك حق ولا باطل
شكرا
إرسال تعليق