*بعد ماعرفوا بعض بأسبوعين......
هو: أنا عايز اقولك على سر شلته فى قلبى سنين
هى: قول مالك؟
هو: أنا بحبك وانتى عمرى وبحلم بيكى كل ليلة 7 مرات ونص وبصحى على صوتك ياحياتى
هى: وأنا كمان ياحبيبى بحبك بقالى 3 شهور و5تيام و6ساعات وربع
هو: صحيح؟ يااااااااااه ...ده احلى يوم فى حياتى
هى: وأنا كمان..بس هنعمل ايه؟ واهلى واهلك والدنيا والناس؟
هو: هحبك وتحبينى ياعمرى وكفاية نبقى سوا
هى: طب ياحبيبى أنا بقول كده برضه بس مانطولش فى الحكاية ماشى؟
*فاتت سنة غرام وهيام وأحلى كلام.........
هى: احنا هنفضل كده كتير ياحبيبى واهلينا مايعرفوش؟
هو: ليه ياحبيبتى أنا بسش اظبط نفسى فى الشغل واجى اتقدملك على طوووووووول
هى: امتى بقى يحصل ده؟....يااااه ده أنا هبقى أحلى كركوبة فى الدنيا
هو: قريب ياحبيبتى قريب كلها 12 سنه بالكتير
*فاتت كمان سنة وهو ولا هنا وهى هتطق من الغيظ......
هى: حبيبى الحكاية طولت اوى احنا هنفضل كده كتير؟ -تعبت قلبى الله يحرقك-
هو: كده ازاى ياحبيبتى؟ مااحنا اشطه اهو وآخر تمام
هى: تمام ايه وهمام ايه؟ هو احنا هنفضل تحت شجرة الجرجير ومقضيينها عصير لمون؟
هو: تقصدى ايه ياروحى؟ اصبرى بكره يبقى عندنا بيت وأولاد
هى: ده عند أمه ياادهم ... أنا متقدملى عريس كويس وإذا مالحقتنيش هيخطفونى منك
هو: لاااااااااا ده أنا كنت ارمى نفسى من فوق المكتب الى فى الشغل...ده انا كنت اقطع شرايينى
هى: لأ انا مش عايزاك تعمل كده أنا هكلم بابا وماما وانت تاخد خطوة بقى
*أسبوع...اتنين...تلاته.تليفونه غير متاح...مابيردش ....وأما رد....
هى: انت فين مش لاقياك؟
هو: معلش تليفونى كان فاصل شحن وكنت بشحنه
هى: بقاله شهر فاصل شحن وبتشحنه؟! ليه انت كنت بتشحنه غاز؟
هو: خلصنا بقى..قصرى ..خير؟
هى: وهييجى منين الخير ياروحى وانت مانفذتش اللى اتفقنا عليه؟
هو: هو احنا اتفقنا على حاجه؟!
هى: نعم ياروح أمك؟ امال تقطيع شرايينك واوردتك وشرب مية النار ده كان ليه؟
هو: كنت مجنون وعقلت ياروحى..وخطبت البت ماهيتاب بنت عمى الجمعة اللى فاتت الساعة اتناشر وخمسه الضهر
هى: ياواطى ياندل....ماهيتاب؟!!!! طب وأنا؟
هو: ماتغلطيش بس وانسى الجرجير واللمون...انتى مش فاهمه حاجة
هى: انسى؟ ده اخر كلام عندك؟..اصلى مش ناوية افهم
هو: اه ياروحى...بس صدقينى انتى أكتر حاجة حبيتها فى حياتى حتى اكتر من المكرونه البشاميل...لكن أهلى قالولى إما ماهيتاب أو الطرد من البيت
هى: اوك..اشطه يامان...سى يو...باى
الخلاصة
هو: أنا عايز اقولك على سر شلته فى قلبى سنين
هى: قول مالك؟
هو: أنا بحبك وانتى عمرى وبحلم بيكى كل ليلة 7 مرات ونص وبصحى على صوتك ياحياتى
هى: وأنا كمان ياحبيبى بحبك بقالى 3 شهور و5تيام و6ساعات وربع
هو: صحيح؟ يااااااااااه ...ده احلى يوم فى حياتى
هى: وأنا كمان..بس هنعمل ايه؟ واهلى واهلك والدنيا والناس؟
هو: هحبك وتحبينى ياعمرى وكفاية نبقى سوا
هى: طب ياحبيبى أنا بقول كده برضه بس مانطولش فى الحكاية ماشى؟
*فاتت سنة غرام وهيام وأحلى كلام.........
هى: احنا هنفضل كده كتير ياحبيبى واهلينا مايعرفوش؟
هو: ليه ياحبيبتى أنا بسش اظبط نفسى فى الشغل واجى اتقدملك على طوووووووول
هى: امتى بقى يحصل ده؟....يااااه ده أنا هبقى أحلى كركوبة فى الدنيا
هو: قريب ياحبيبتى قريب كلها 12 سنه بالكتير
*فاتت كمان سنة وهو ولا هنا وهى هتطق من الغيظ......
هى: حبيبى الحكاية طولت اوى احنا هنفضل كده كتير؟ -تعبت قلبى الله يحرقك-
هو: كده ازاى ياحبيبتى؟ مااحنا اشطه اهو وآخر تمام
هى: تمام ايه وهمام ايه؟ هو احنا هنفضل تحت شجرة الجرجير ومقضيينها عصير لمون؟
هو: تقصدى ايه ياروحى؟ اصبرى بكره يبقى عندنا بيت وأولاد
هى: ده عند أمه ياادهم ... أنا متقدملى عريس كويس وإذا مالحقتنيش هيخطفونى منك
هو: لاااااااااا ده أنا كنت ارمى نفسى من فوق المكتب الى فى الشغل...ده انا كنت اقطع شرايينى
هى: لأ انا مش عايزاك تعمل كده أنا هكلم بابا وماما وانت تاخد خطوة بقى
*أسبوع...اتنين...تلاته.تليفونه غير متاح...مابيردش ....وأما رد....
هى: انت فين مش لاقياك؟
هو: معلش تليفونى كان فاصل شحن وكنت بشحنه
هى: بقاله شهر فاصل شحن وبتشحنه؟! ليه انت كنت بتشحنه غاز؟
هو: خلصنا بقى..قصرى ..خير؟
هى: وهييجى منين الخير ياروحى وانت مانفذتش اللى اتفقنا عليه؟
هو: هو احنا اتفقنا على حاجه؟!
هى: نعم ياروح أمك؟ امال تقطيع شرايينك واوردتك وشرب مية النار ده كان ليه؟
هو: كنت مجنون وعقلت ياروحى..وخطبت البت ماهيتاب بنت عمى الجمعة اللى فاتت الساعة اتناشر وخمسه الضهر
هى: ياواطى ياندل....ماهيتاب؟!!!! طب وأنا؟
هو: ماتغلطيش بس وانسى الجرجير واللمون...انتى مش فاهمه حاجة
هى: انسى؟ ده اخر كلام عندك؟..اصلى مش ناوية افهم
هو: اه ياروحى...بس صدقينى انتى أكتر حاجة حبيتها فى حياتى حتى اكتر من المكرونه البشاميل...لكن أهلى قالولى إما ماهيتاب أو الطرد من البيت
هى: اوك..اشطه يامان...سى يو...باى
الخلاصة
- مابنى على باطل فهو باطل
- كلمة بحبك بقت اسهل كلمة بتتقال واسهل كلمة بتتنسى
- كلمة بحبك بقت اسهل كلمة بتتقال واسهل كلمة بتتنسى
هناك 94 تعليقًا:
بحجز لنفسى أول تعليق
أولا وحشتونى ووحشتنى مدوناتكوا بس انا ضايعه ادعولى
ثانيا اسفه انى مش برد عالتعليقات بس احيانا بتكون خنقه واحيانا قله فضا
ثالثا اسفه لان مقصره فيكوا وباركولى لان النت رجع :)
ورابعا الموضوع الحالى لا يمت ليا بصله انما شفت الموقف مش بالظبط لكن جمعت فيه مواقف كتيره وعايزة رأيكوا والعنوان كان for fun
خامسا الكلام اللى فوق من باب العلم بالشئ يعنى اقروه وكأنكوا مش قريتوا حاجه
سلااااااااااااااااااااام
"نــــــــــور"
ههههههههههههههههههه
قالى وادع قلتله قشطه
ومالوا
طيب حتة جبنه
وعلشان الحب كمان رغيف
طيب وعلشان عصير الليمون
مافيش حاجة كده والمفهوم معلوم
ههههههههههههههههههههههههه
احصائيات علم الكمبيوتر بتقول
ان الشباب حاليا فسفس
وعند اى مشكلة بيهسهس
بس هو كله مواهب
تامر حسنى واحضنينى
وهى نانسى اه ونص
وكله ماشى
بس عرض ومثير كله غنى ومواويل
رجع لينا حبيبه
بعد ما قولنا هى راحت فى الجنينه
تحياتى مقدما على النت
هاقولك قشطه
علشان مامى عاوزنى اشرب اللبن
باااااااااااااى
حقولك ايه اشطة
ماهيتاب احسن من غيرها
المهم خد خطوة
بلا بحبك بلا بتاع المهم اللي يخلص
هههههههههههههه
حلو السيناريو ده وبيتكرر كتير
الحب لما بيتقال بيتنسى
لكن لما بتكون افعلنا حب بيعيش ويستمر
هى القطه الى فى البوست لما حبت زميلها فى الكليه مثلا
كانت فاكره ان باباه هيزود مصوفه علشان يتجوزها
ولا الدوله هتعفيه من الجيش علشان خاطرها
ولا هو سوبر مان وهيكون نفسه فى سنتين بعد الجامعه شيلى منهم سنه جيش يبقى سنه
لاتنين دول محبوش لبعض
دى واحد حب حب يروش ويعيش يومين مع موووووزة
ووحده كانت عامله مشروع جواز وفشل
ولاتنين اخدوا من الحب ستار لانشطهم المشبوة
البوست واقعى اوى ومؤلم جداً
تحياتى
زمان عمنا فريد الاطرش قال
الحب لحن جميل يتغنى بين قلبين
لكن الظاهر انه نسى يقول لنا بعد اللحن ما بينتهى الحب بيبقى شكله ايه؟
الحب الاول ده حكاية ..كله غنى !! وتهجيس
واحلى كلام فى الهواء ..يعنى شجرة جرجير ماشى ..لمون ماشى ..استهبال برضه ماشى ..
واخرتها اللى يفوز البت ماهيتاب ..
حاجة تغيظ ..مع ان البت دى وحشة ورخمة ودمها تقيل ..لكن حظوظ بقى
سيبك من اللى فات وتعالى نبتدى من جديد ..بس بشرط تنقيه لا عنده بنت عم ولا بنت خالة ولا اى بنت فى الدنيا؟
ازاى ..انا معرفش!!
تحياتى
تعقيب على تعقيبك
اولا انت كمان وحشانا جدا وربنا معاك
ثانيا عدم الرد ده شئ مش كويس لكن ماشى
ثالثا مبروك رجوع النت وياريت تبطلى تقصير
رابعا كويس انك نوهتى عن عدم وجود اى صلة لك بالبوست على اعتبار ان البوست ده من بنات افكارك ..ماشى
خامسا شكرا واعتبرى الرد اللى فوق كأنه لم يكن .... طبقا لتعليمات
والسلااااااااام
موضوعك فيه بكل بساطة ما حدث فعلا على الواقع
نسأل الله أن سلم كل قلوب البنات...والشباب أيضا
فلا شك أن هناك ضحايا تقبل ببراءة وإخلاص وللأسف تقع في الحفرة
حقيقى افتقدناك جدااا جميل قوى كلامك
جيبتى الخلاصه مابنى على باطل فهو باطل
- كلمة بحبك بقت اسهل كلمة بتتقال واسهل كلمة بتتنسى
فعلا الناس بقيت بتستغل كلمك بحبك دى غلط
لولازم اى علاقة تكون فى النور قدام الناس وبعلم الأهل
تحياتى اختى العزيزة
نورتى المدونة تانى
دمتى بكل الود
وربنا يسعدك وإن شاء الله ربنا يعينك ويكرمك
- مابنى على باطل فهو باطل
انتى كده جبتى الخلاصه فعلا
----
حمدلله على سلامتك و سلامه النت
صحيح موضوع كيارا فعلا تم نقل المدونه عشان ضى القمر بالفعل اتعمل عليها هاك
ازيك يا حبيبه
بوست زي العسل و الله... تعرفي..في توارد خواطر...انا كنت كاتب حاجه شبيه بالموضوع ده بس كانت على شكل حوار بين اتنين صحاب واحد بيحكيله حدوتته
زمان الكلام ده ايام البروفايل البائد اللي محدش شافه ده
و بعدين عيب عليكي...تفتكري يعني يوم ما اعمل مدونه جديده مش هقولك... والله انا ما قلت لحد عليها لسه لاني لسه مكتبتش حاجه فيها...انتي اول حد اقوله يا حبيبه ... تؤتؤتؤتؤ..عيب
وبراحتك يا ستي اتاخري زي مانتي عايزه و انا والله برده متأخر و يمكن اول مره افضى اليومين دول بس
سلااااااااام و متقطعيش كتير
باي سي يو...اشطه
بوست لذيذ اوي يا بنتي ودمه خفيف جدا , انتي ناقشتي حكاية يمكن تمثل جرح لبعض البنات لكن باسلوب ساخر جدا , وده اللي بيحصل كتير وتنتهي انه بيموت فيها بس مش ايقدر يرتبط بيها
بعد حمدالله على السلامه من الغيبه القهريه لانفصال خطوط النت الرئيسيه. وتعقيبا على الموضوع نفسه. ما زلت مصرا على رايى ومش حتنازل عنه ابدا. الحب كائن هلامى ضبابى بيعمى العيون ويستخدم للنصب على البنى ادمين وبيخللى العاقل مجنون طول ماهو متروك حر طليق فى ايدين المشاعر والهوى. الحب الحقيقى السليم اللى غالبا بيستمر ويعيش بيكون مربوط من عنقه بلجام العقل. حكم عقلك يسلم قلبك. بطلة الحدوته من الاول تركت عقلها بعيد عن الموضوع والنتيجه كانت قشطه.....خالص تحياتى يا باشمهندسه نور ونتمنى نشوفك كتير
الرائعه حبيبه
ماشاء الله عليكى
قريت هنا اللى اى ام تحب تقوله لبنتها بسهوله ويسر وتفاهم
بجد انا بحب مدونتك واسلوبك
وبفتقدك دائما
تقبلىتحياتى
ودمتى بود
اخوكى طارق
ههههههههههههههههههههه
يا سلام على الحوارات
بجد اجمل حبيبن فى الدنيا
انسى اللمون والجرجير
انتى عندك حق فعلا
الحب مش كلمه بس
الحب احساس بين الطرفين
بيتحس
بس مش كله بيحب يقول بحبك
ويخدع
فيه ناس مخلصه والله
حمد الله على سلامتك
ايه شجرة الجرجير دي يا حبيبه اول مره اسمع عنها ههههههههههههههههههه
يعني هو كان بيكدب من الاول وبيمثل ويتسلي ,حقيقي اللي يعمل كده يبقي اصلا مش بني ادم , ولو انها بتحصل كتير فعلا
بجد بوست جامد ودمه خفيف جدا زي ماتعودنا من خفة دمك
تحياتي
الله يسامحك يا نور
والله انتي الي تعبتيني
سلام
حلو الكلام
:)
هههههههههههه
بتحصل والله واكتر من كده كمان
يا سلام يا عم الرايق
احبك وانتي رايقه وبتمخمخي يا حبيبه
بتحجزي لنفسك اول تعليق كده احسن عشان الناس متتخانقش
وبعدين ايه نظامك انتي اتعديتي مني ولا ايه؟بقالك كتير مش بتكتي قلت يمكن النت فاصل واديكي اهو اكدتي كلامي متغبيش يا بنتي كده
وبعدين حته بوست يفطس من الضحك وحوار للاسف بيحصل كتيييييييييييييييير وفي توافق فظييييييييييع ما بين شجره الجرجير وشرب الليمون (التوفير والبخل)
وحشتيني
حمد لله على السلامة حبيبة .. وربنا يوفقك وييسرلك الأمور يارب العالمين
أولا .. أول سطرين ضحكوني جدا
بعد ماعرفوا بعض بأسبوعين......
هو: أنا عايز اقولك على سر شلته فى قلبى سنين
ده واقع فعلا .. لسة عارفها من اسبوعين والراجل شايل السر في قلبه سنين : )
__________________________
آخر كلمة ختمتي بها هي الخلاصة .. ( كلمة بحبك بقت اسهل كلمة بتتقال واسهل كلمة بتتنسى ) لأنه حب باطل بكل أسف .. كتير مفكرين الحب هو علاقة بين شاب وفتاة بيخرجوا مع بعض ويتغازلوا .. للأسف قصص الحب من النوع ده بتفشل .. لأن الشاب عندما يبحث عن زوجة تربي أولاده لا يفكر أبدا في هذه الفتاة .. يقول : اللي مشيت معايا تمشي مع غيري
ياريت يكون حبنا وفق ما شرع الله .. بعيدا عن الذنوب والمعاصي .. اللهم إنا نسألك حبك وحب من يحبك وحب عمل صالح يقربنا من حبك يارب العالمين
هههههههههههه
قصه مره حلوة _باللهجه السعودي_
قصه تراها تعقد -بالخليجي_
قصه حلوة اوووووي _بالمصري_
بيس يا توته جامده اخر حاجه _بالروشنه_
لألألألألألأ بجد حلوة
وتصدقي مبقاش فعلاً حب كله بقا كلام
وكتير هتقابلي في حياتك الي بيقولوا بحبك
ويبقا ده مجرد كلام
بس من الافضل منحبش احسن بلاش صداع
وهي تروح تجوز الواد الي متقدم لها وهو يجوز مهيتاب
ويخلفوا عيال يعقدوهم من الحب ويقسوا قلوبهم
ع فكرة ده رايي ومش مجرد كلام بس بجد انا اول مرة احس اني دخلت مدونه دقت ليها قلبي غير مدونتي طبعا D:
ع فكره عندي برده بوستي الي اسمه فارس الحب حاجه كده من ايام شهرزاد ابقي اقريه
وياريت تتقبلي مروري
ايه الروقان ده هههههههه
بس والله برده قصه واقعيه بعيدا عن انها for fun
سلام
حبيبه قلبي
والله انتي عسل
انتي جبتي الخلاصه مابني علي باطل فهو باااااااااااااااااااااااااااااااااطل
وياريت كلمه الحب يتعرف معاناها اصلا عشان لما تتقال تبقي معروف بتتقال ازاي
السلام عليكم ورحمة
الله تعالى وبركاته
كلهم كده وحياتك
لحد انهم يجوا البيت
بيفرملوا وبيعطلوا كمان
ويمكن التدوينة دى تصحى شوية
نائمات فى العسل والسكر كمان وتخليهم
يعرفوا ان مش كل الكلام الحلو صادق
ولا كل من قال اعمل وأسوى حينفذ
ساعة الجد بتلاقى اجدعها
زوغاااااااااااااان
حلوة التدوينة اوى
وكمان بضم صوتى
ل(وميض ابتسامة)
فى تعقيبها على التعقيب
فى كل اللى قاله......
.................كله
عجبني العنوان بقدر ما أعجبتني القصة المكرر حدوثها
تناول ساخر جميل
أمنياتي
اهلا حبيبه انا جديده هنا في المدونه بتعتك
ياعيني ع الكوميديا الساخره ديت
البوست جامد وحلو وواقعي
ده انا بقيت بكره الكلمه ديه
بقت للغواني بينلها..اصل اللي بيحب مش محتاج يتكلم
كلها تخاريف في الزمن العجيب ده
zahra.y
هههههههههه
والله دمك زي العسل .. رغم ان الموضوع جاد و مهم فعلا وبيحصل بصورة كبيرة لكن طريقة عرضك بجد كانت تحفه
الحمد لله ان النت رجع .. كده بقي المفروض ان الدور عليا عشان اختفي
بس ازاي في البوست كان بيحبها اكتر من المكرونة بالبشاميل .. كداب طبعا مفيش حب بيوصل للدرجة دي خالص
تسلم ايدك يا حبيبة .. معلش اصل (نور) لسه مش متعود عليها بس هاحاول
تحياتي
كل الى هقوله كلهم .......... النقط دى كلام كتير قوى الرقابه حذفته
والله الغلطه مش غلطتها دى غلطة اهل معرفوش يربوا ابنهم
وبنت ساذجه ومش هنعزرها هى كمان غلطانه بس يمكن ميكونش عندها فكره عن الحياه
البعد عن الدين هو السبب الرئيسى واهل غير مقدرين لمشاعر ابنائهم
ده لو صدقنا اصلا ان فى ولد ممكن يتجوز بنت عمه عشان ميطردش يبقى اجهل عائلات فى التاريخ
وربنا مش هيسامحهم لأنه كل حاجه بالخناق الا الجواز بالاتفاق
انا عن نفسى بكره تصرفات الناس الايامدى وشفت مواقف كتير من دى
وتمثيليات من الشباب
والبنات مصدقه
والشباب عن مفيش وعى دينى نسيوا كلام النبى عليه الصلاة والسلام ( افعل ما شئت كما تدين تدان ) زى ما خدعت بنت وقعدتها جمبك سنين والله اعلم كم معصيه عملتوها سوا
بنتك هيحصل معاها نفس الموقف وربنا مش هيسيب هيخليك تشوف بعينك ده فيها
حوار من الواقع فعلا
انما زى مافى كده فى الحب الصادق بردو
صح يابيبه فعلا ما بني علي باطل فهو باطل
ربنا يكفينا ويكفيكي ياختشي الشر
ويكملك بعقلك يا جميييييييل
والله في اكتر من كده يارتها تيجي علي عند امه يا ادهم
والله في ناس فهمين الموضوع غلط
فعلا اي وبنت في دماغها جواز وتدبيس وده يكون في الحولال بس الطريقه ازاي
والولد في دماغه يعيش يومين كويسين
المشكله في البنات مش عارفه ايه الهدف من الجواز نفسه او بتتجوز ليه هتستفاد ايه
فين الهدف مش جواز والسلام ونها تعرف اي شاب عشان بس تقول اني اتجوزت عن حب مش جواز تقليدي وهو عميش وحمديه وربنا يسهل للجميع
تسلمي ياقمر
موضوع كتير من الشباب قشطه فيه
سمكه
ABOALI
========
اهلا بتعليقاتك يابو على وفى جبنه واشطه ولو عايز جاموسه نجيبلك :))
لا حبيبه موجوده ومش راحت جناين خالص هى فى الكليه عل طول حتى مش بتشفو جنينه الكليه :(
يلا منورنى دايما انا قلت ارد عالتعليقات علشان خاطرك اهه:)
afew good men
===============
ايه الدبلوماسيه الزياده دى؟
تفتكر كلامك صح؟
i do't think
نورتنى من جديد
momken
=======
الله ينور ياممكن
الكلام فى الجون وكده حضرتك فهمت الحوار صح جداااااا
دى واحد حب حب يروش ويعيش يومين مع موووووزة
ووحده كانت عامله مشروع جواز وفشل
كده اشطه:)
وميض ابتسامة
==============
:))
ماعندكش حد انت ياوالدى والنبى؟
وبعدين جديد ايه وقديم ايه؟
انا لو كان عمل فيا كده كنت شربت من دمه انما بصراحه لا مكنش كده يعنى ده هو كان شهر اعمى :)
الحكايه كلها
وبعدين اى خدمه انارديت عالتعليقات اهه وغاوتك علشان خاطرك بس مش اوعدك اقدر استمر D:
البوست اقسم بانه من بنات افكارى مش ناقص غير انى احلف بالطلاق بقى :))
وحياه ربنا منورنى
(أم البنين)
===========
اهلا بيكى ونورتى البلوجح فى اول زياراتك ياافندم
فى كل الحالات سوا البنت وقعت سذاجه وطيبه او استمرت فى المشروع بمزاجها القضيه لازم يكون ليها حل والبنت لازم تتنبه
اما الولاد بقى ربنا يهديهم ويعرفوا انه كمان تدين تدان
تحياتى جدا
mohamed ghalia
================
ربنا يكرمك يامحمد
جزاكم الله خيرا ولك مثل دعواتك
الا قولى اخبارك انت؟
ضد التيار
===========
ربنا يكرمك يارب وتسلمى
ربنا يصبر كيارا بقى لانى لو مكانها هتشل
بعد الشر عنها
prince4ever
============
اهلا يارامى يابكاش
بتثبتنى تانى؟ ماشى
عموما مبورك عليها تانى وتالت وعاشر
ويسعدنى ويشرفنى انه يكون فى توارد افكار بيننا يادوك
هنيالك فضاك وعقبالى
ادعيلى
باى ...سى يو ...اشطه
غير معرف
=======
متشكره ياوالدى -مش بتقول يابنتى؟-
بس انت فهمت غلط لانه مش بيموت فيها ولا حاجه البعيد كان بيتسلى واول مازهق من اللعبه اختار ماهيتاب ام عياله
بلا هم
Mohamed Dawod
===============
يااااااااااه
يااهلا ياقهلا ياقهلا
ازيك ياهندسه؟ والله وحشتنى تعليقاتك
حلوة القوافى اللى عمال تعملهالى فى العليقات دى بس انا مبسوطه انك رجعت تعلق تانى وفضيت لنا يابشمهندس
انا متفقه معاك جدا فى راى الحب
انما هنا الهانم كانت مغشوشه او ممكن تكون عاملاها ثفقه النوعين نوجودين والنتيجه اشطه
منورنى جدا وانا كمان اتمنى اشوف حضرتك دايما
tarek alghnam
===============
ربنا يكرمك يااستاذ طارق
احرجتنى بذوقك لدرجه لاتعليق
ربنا يكرمك يارب بجد
ونسبتى باختك شرف كبير ياافندم
تيحاتى جدا ودمت بكل خير
انتى يابت داهية
بس والله من اللى شوفناه ياختى
تلات تربع كلمة بحبك كلها غش وخداع وربنا يستر ع البنات السذج ربنا يوفقك ياحبيبه بس المهم نفضى للتدوين وخلينا فى البلاوى اللى ورانا يابت ما تنسيش نفسك ماشى ياقشطة
قشطة جدا الديك بيدن
romansy
=========
اهلا اهلا يااحمد
يمكن عندك حق الحلو موجود والوحش موجود انما فين المخلصين دول
النبى ياشيخ تدلن عل واحدفيهم وليك القشطه بدال الحلاوة :))
منورن دايما يارومانسى ياجميل
الفارس الملثم
=============
:))
عادى يامحمد اللى يعيش ياما يشوف
وبعدين انت بتشوف فى بلوجى العجب صح؟
وبعدين البوست طبعا حلو وانا دمى زى العسل انت عايز تقول كده صح؟
انا عارفه والله يامحمد عادى يعنى
انا تفسيرك كده بالظبط
ربنا يهدى
منورنى دايما يافرسنا ياهمام
حبيبة الروح
=============
ماقدرش على تعبك
تفتكرى اقدر؟
وانتى بالذات؟
سلامتك من كل شر
كلام حسام
==========
اتفاق معى من العيار الثقيل
مش كده؟
تسلم
حمامة
======
فعلا
يلا ربنا يهدى
نورتنى
aya
=====
:))
ماشى ياتوتا يابسكوته
على فكره اول ليله النت رجع فيها انا نزلت البوست د وزت مدونات الناس
زى ماتكون روحى ردت فيا تانى:)
انا مقدرش اغيب عن البلوج لانى بحبها بجد
وانا مبسوطه لانك رجعتى تتابعى بلوجك تانى
منوران دايما ياحبيبتى
عالم حبيب
===========
كويس انك اخدت بالك من الحكايه دى لانى قاصداها :)
الخلاصه تمام اسال الله ان يثبتنا على الحق
دعوتك جميله ولها مثلها
واظهر بقى بلاش قلق
Teawater
==========
والله تعليقك انتى اللى جامد بكل اللهجات اللى ذكرتيها وخلانى ادخل بلوجك رغم انى مش بزور حد كتير
ربنا يخليكى كلامك فرحنى اوى
نورتينى ويارب دايما
Butterfly
==========
اه روقان
هه
بقى عندك مانع؟
ياشيخه اعترضى
الواحد ماصدق يروق مش احسن من الديبريشن اللى عندك؟ P:
روقى ياقمر الله ماحد واخد منها حاجه الا الصحه
ربنا يهديلك الاحوال ياااااااااارب
منورانى دايما
مولان
======
هاااااااااى
ازيك
انتى اللى ثكر وعثل
وعارفه عل فكره انى ثكر وعثل من غير ماتقولى اصل الكلمه دى قديمه P:
اهلا ب مولان فى بلوج حبيبه :)
norahaty
==========
ياخبر يادكتور نور وانا اقول البلوج منور ليه؟
اتارى حضرتك عندى
يانهار ابيض كلام حضرتك صح جداااااا
بس بخصوص تأييد حضرتك لكلام والدى الجميل وميض ابتسامه انا اسفه وكده ابقى مزعله الناس منىحضرتك نورتينى جدا
دمت بكل خير
من غير عنـــوان
================
اهلا بأول زيارات حضرتك عندى
سعيده ان العنوا والكلام عجبك
يارب دايما
دمت بخير
غير معرف zahra.y
==============
اهلا بيكى انتى فى بلوجى
نورتينى جدا واتمنى تنورينى دايما
ربنا يكرمك يارب
دمت بكل خير
فارس بلا جواد
=============
اهلين ازيك
مش معقول انا وانت فى بالوجر !!!!!
عارفه طبعا ان دمى سكر وشربات كمان واحسن من المربى كلام مش جديد
وبعدين هو من امتى كانت طريقة عرضى وحشه ؟ ها؟
اعترف ......طبعا مش لاقى كلام لان طريقه عرضى احسن من المكرونه البشاميل :))
مشبها حبيبه يااحمد مادمت عرفتنى كده
وسيبك من نور
نحن فى بلوج ديمقراطى :))
اسماء جمعه بنت الشمس
====================
اهلاااااااااااااان ازي ياسمسمه وازى البلد والعيال عل حسك؟
والله واحشانى ياقليله الاصلومالك داخله حاميه كده؟
بالراحه يابنتى عندك حق اه بس هدى اعصابك شويه
نورتنى ياعثل وابقى تعالى تانى
سلاااااااااام
rara
======
تمام بس ربنا يوعدنا بيه:)
نورتينى جدا
سمكه وحده
==========
اه والله ياسمكه
ربنا هو الحافظ من كل شر خصوصا للبنات لانهم هما اللى بيتضحك عليهم وبيكونوا الضحايا غالبا
ربنا يحفظك ويكرمك يارب ياقمرى
دمت بكل خير
غير معرف
=========
:))))))
انا اول ماشفت غير معرف وداهيه قلت انا بتهزأ وكنت خلاص ناويه عالشر انما لما كملت قلت لاااااااااا الكلام واخد قلبى ناحيه حبيبتى
اول مره تعمليها وقلتلك مش هتندمى
اى خدمه ياوحش
واللى ورانا ليه رب كريم :)
نورتنى ياسكر
السلام عليكم ورحمه الله وبركاته
حبيبه ازيك
موضوع فى الجووووووووووووووووووووون
بجد
دا اكتير بيحصل والابنات زى الهبل بالظبط
على الرغم انها بتسمع الحكايات دى كتير بس برده مش مقتنعه انه الاستاذ يكون زى البواقى
ربنا يعافينا
تحباتى
الحقيقة بوست في الجون .. عشان يوضح الصورة اللي الحبيبة موهومين بيها . وكله هيكون نهايته فشتك وهيعتزل الغرام علي راي ماجده الرومي
اتمني تكون فاكراني .. لانك لو مش فاكراني انا هرمي نفسي من علي السجاده اللي في بيتنا زي ما عمل مدحت بالظبط
والبسك قضية مخدرات و تلبسي عشر عشرين يوم سجن تحلمي فيهم زي ما انتي عايزه
احييكي وكويس اني حجزت اخر تعليق
يللا باي وسي يو سون عشان الحق اكل البرتقانه اللي في ايدي
صح والله
يسلم فمك
ربنا يكرمك يارب :)
اية موضوع نور ده !!!!!
انا ها قول بيبو زي ما تعودت ماليش دعوة
نيجي بقي للبوست
قالي الوداع قولتله قشطة ههههههههههههههه حلو العنوان جدا
المشكلة ان المسلسل ده بيتعاد كل يوم لحد ما الواحد زهق منه و اتعقد من الحب و المشكلة ان المسلسل بيكون اشتغالة من الطرفين
انا اعرف واحدة بترتبط و هي عارفة انها مش هاتكمل طيب بتتنيلي ترتبطي لية يا منيلة
و برده الكلام للجنس الخش يالا ما علينا
ربنا يهدي و يبعد عنا الباشمهندز المستعبط بتاع البوست ده
تحياتي يا عسل
مممممممممممممممممممممممم
صح
بس دا من الطرفين على فكرة
مش بس الولاد
ياما بنات بيتسلوا بالمشاعر
وياما الظروف بتكون اقوى من الطرفين سوا
عموما
حمدالله على السلامه
جميل قوي
ارائك جميله جدددددددددددددددداااا
زوريني
حلوة اوي الحكاية دي
بيحصل والله
بس لو حصل لسن اكتر من 17 سنة يبقي عيب
لان الفيلم لما يتكرر مليون مرة واتخض ما تيجي النهاية ابقي مش ولابد
وافتكرت نكتة بتاعة اتنين كانوا بيشوفوا فيلم لتاني مرة والبطل ماشي ناحية حفرة او فخ كدة
واحد فيهم قال مش هيقع .. وبعد كدة البطل وقع
فقال يا خسارة .. كنت فاكره هياخد باله المرة دي !!!
وعلي فكرة انت وحشتنا برده
هــــــــــــايدي
=================
ازيك ياهايدى
انا تمام الحمد لله
احياا البنات بتكون عايزة تصدق واحيانا الاساتذ بيبقوا بارعين لدرجه ان اللى اتلدغت مش بتاخد بالها انه زى اللى قبله
نورتنى جدا ياجميل
مخنوق كيك
========
:))
كلامك موتنى من الضحك الله يكرمك
وحلوة فشتك دى :))
اوع بس تكون بتعمل زى مدحت مش قصدى فى السجاده قصدى فى اللى عمله مع مديحه:)
وبعدين اهون انا يعنى تلبسنى قضيه مخدرات؟
وهو انت لو عملت كده انا هاخد عشره ولا عشرين يوم؟ ده انت طيب اضربهم فى 365 يوم ليصح القول ويضيع شبابى :(
ماتزعلش انت مش اخر تعليق الجاى كتير
نورتنى ياهندسه
يلا سى يو بااااااااااى
TeVa
=====
تسلم ياتيفا
ربنا يكرمك كمان
اسعدنى اتفاقك معايا :)
نورتنى ياهندسه
شهد الكلمات
============
مش عارفه ايه موضوع نور ده؟
قولى اللى انتى عايزاه ياقمر ياخبرين
البلوج ديموقراطى :)
وبعدين مش عارفه صحيح المنيله دى بتتنيل ليه؟ :))
وبعدين مش لقيتى غير الباشمندز وتقوليها عليه؟ هى الهندزه ناقصه بلاوى :)
نورتنى ياجميل
حبيبة ازيك؟
عاملة اية
يا ستى ولا تفصير ولا حاجة
انتي بس بتوحشيني
انا مشكلتي في المدونة عندك الالوان يا حبيبة
انتي الوانك فاقعة اوي وانا بعيد عنك عندي استيجماتيزم بيخلي عيني تصدع من الالوان
واخر مرة قريت البوست عندك كان من صفحة التعليقات
بس مش مهم انا هعرف اتعامل مع الوضع
بوست خفيف كالعادة ودمك شربات
تحياتي ليكي
رنا
blue-wave
==========
اهلا ياعمرو ازيك
فينك ياراجل؟
بتغيب يعنى ؟!
بخصوص رايك طبعا ياعمرو الحلو والوحش موجود فى الطرفين الرجاله والستات
ربنا يهدى او يهدهم بمعنى اصح
سوا الرجاله اللى دايرة توهم كل بنت انها بتحبها وبتسمع نفس الاسطوانه لتلات تلاف بنت فى نفس الوقت
وكمان النبات اللى بتتكلم مع كل راجل شويه علشان تعيش حياتها واهو يمكن ينفع فيهم عريس :)
اللى بيحب صح وبيراع ربنا هو اللى هيعرف يصون نفسه وقلبه
نورتنى ياعمرو
حد مش فاهم حاجه
===============
ربنا يخليك
نورتنى جدا
اسعدتنى زياره مدونتك ياافندم
kochia
=======
ازيك ياللى واحشنى؟
انتى بقى فكرتينى بالصعيدى اللى اخد تلاتين قلم على سهوه :))
الفيلم بيحصل واللدغات بتتكرر وياويل اللى مش بيتعلم من اخطاؤه
نورتنى ياجميل
يوميات نائمة في الأرياف
======================
ازيك يارنا
انا تمام الحمد لله
انتى كمان بتوحشينى
الشكاوى كترت من التمبليت والالوان هغيره ان شاء الله بس شويه كده لما احس انى فاضيه شويه ومش عارفه ده هيكون امتى بصراحه
المهم ربنا يكرمك يارب
ميرسى اوى لذوقك
نورتينى ياجميله
شاطرة يانور
بقولها بصوت عالي
شاطرة يانور
كلام ناس عاقلين بجد
وحشاني اوي علي فكرة:)
فين الجديد بتضحكي عليا وتخليني اجري من بيتي في نصاص الليالي علي ملي وشي علي مدونتك واجي الاقي مفيش حاجه بتغرغري بيا وبعدين مش انتي اللي مزعله حماتك ومش طيقاكي قلت بقي اصطاد في المايه العكره وانا من زمان وحاطه عيني علي الواد
انتي مسلطه عليا ناس ادام المدونه بتعتك يضربوني لا ياختي انا هاخد ديلي في سناني واجري قبل ما تلحقيني
سلاااااام
هههههههه
معاكى حق يا حبيبة
ما بنى على باطل فهو باطل
اسلوبك تحفة
تسلم ايدك يا قمر
معاكي أوي أوي
كلمة "بحبك" بقت أسهل كلمة بتتقال
لأن ساعتها بتكون اتقالت من ناس مش حسيتها بجد عمرها ومش تعرف معناها
بس أسهل كلمة بتتنسي؟؟ :)مش عارفة
يمكن من الطرف اللي باع بسرعةومش حس الكلمة.لكن مش دايما بتتنسي أعتقد
أسلوبك لذيذ أوي :)
ربنا يبارك لك
كلام صحيح مية فى المية
و هذا ما يتم و يكرر بالتفصيل الملل
هدانا الله و هدى اخواننا و اخواتنا و شباب المسلمين كلهم
د.حماس
السلام عليكم و رحمة الله و بركاته
موش عارفه اقولك ايه عن اسلوبك ولا الموضوع نفسه ولا عن مدونتك ولا عن رأيي في الموضوع ورأيك وتناولك له
راااائع قليل عليه
بس تعرفي بجد والله عندك حق هي دي النتيجة فعلا ومابني على باطل فهو باطل موش بقى فيه حد بيقدر كلمة بحبك وبقت سهله بس بجد بقولها دايما لكل بنت أو ولد بيلعب بمشاعر التاني وخصوصا الولاد لأنهم اول من بيلعبوا بمشاعرنا :(
حسبي الله ونعم الوكييييييييل
بجد برافو وبحييكي على الموضوع كله موش فيه غلطة حقيقة من واقع حياتنا فعلا
تسلمي يا قمر
في رعاية الله
هههههههههههههه اشطة اتجوزت وخلفت عيل بوش وعيل قطع منها ههههههههههه
حبيبة القمر
ازيك ياجميل وحشتنينا جدا الحوار دا بيفكرني باتنين معرفهمش ههههههههههههههههه
للاسف ناس كتير اوي استغلوا كلمة الحب دي وتعددت الاسباب والموت واحد والنهاية تقريبا كلها واحدة اصل اهله مش موافقين اجبروه علي الجواز من بت عمه ههههههههههههه هو لسة في حد بيبجر حد علي الجواز بالشكل دا يابنتي كل دا بقا اشتغالات
بس بجد بوست حلو اوي وعجبني جدا
اشطة عليكي
قلب ينبض لله
==========
لا ياحبيبى
ماينفعش كده
اعلى شويه لو سمحتى
مستواكى نزل خالص على فكره
بصوت اعلى اكتر
ها....... تمااااااااااام
كده بلوجر كله سمع :)
تسلميلى ياقمرى
انتى كمان وحشتينى اكتر :)
سمكه وحده
=========
اعملك ايه ماانتى اللى خايبه P:
وبعدين ناس مين انا مش حاطه حد دول اكيد ناس عايزين يحكروا المدونه من حلاوتها :)
منورنى ياعثل
عازفة الأوتار
=============
وتسلمى ياقمر
ربنا يبارك فيكى
ودامت اوتارك شاديه :)
دمت بخير
Wish I were a Butterfly
=======================
ازيك يابوبه
بصى ماهى زى مااتقالت بسرعه برضه هتتنسى بسرعه
وفى الحالتين هتكون من الطرف اللى كان بيهزر ويلعب ويتسلى
انما لكل قاعده شواذ وانا مؤمنه بإن لسه فيه ناس بتعرف تحب
نورتينى ياجميله :)
DR.HAMAS
========
ويبارك لحضرتك ياافندم
تقبل الله دعواتك اللهم امين
نورتنى جدا وسعدت بزيارتك
دمت بكل خير
mero-moory
===========
:)
ربنا يعزك ويكرمك
كلك زوق بجد احرجتينى
يارب تسلمى ومعاكى حق
حسبنا الله ونعم الوكيل فى اللى بيظلم
وربنا يهدى الكل لتعاليم دينا لانها ه اللى هتعصم
نورتينى جدا
دمت بكل خير
بنات صاحبة الجلالة
================
:))
دمك عسل
ازيك انتى ربنا يكرمك وانتى وحشتينى اكتر
بصى
دى الحجه اللى ياعينى ياحول الله بيهربوا بيها علشان يبينوا انهم مغلوبين ومقهورين وعيانين ومدهولين ياعينى :)
من الاخر ربنا يهدى او يهد
نورتينى ياعثل :)
هههههههههههههههههه
يخرب بيت الدماغ
ده بجد ايه ده
اسلوبك عسل
والبوست اصلا جنان
وربنا انتي جبتي من الاخر
شوفي المقصوف علي عمره
وربنا دي عالم تخاف ما تخشيش
تسلم ايدك علي البوست ده بجد
كده احبك
انا في انتظار البوست بتاعك عن النقاب في احر من الجمر
عوزين نعمل كاونتر اتاك
ولا بلاش اتاك خليه دفاع عن النفس
تحياتي ليكي ولدماغك العليا المحترمة
الانسان بتعفر من افكاره اصلا اساسا
ربنا يباركلك ويعزك
:)
ربنا يعزك ويكرمك يارب
الدماغ لما بتشتغل بتطلع والله يامها انما احيانا بتقف.
البوست بتاع النقاب كنت هنزله مكان الموجود حاليا انما دماغى كانت واقفه ومكنتش عايزة اكتب حاجه اى كلام لانه بجد دفاع وبالتالى لازم ابقى عارفه بقول ايه؟
نعمل اتحاد ياستى ولاا يهمك وقعتى فى واحده صداميه وبتاعت مشاكل اساسا :)
نورتينى جدااااااا واتمنى تنورينى دايما
الله ينور ياحبيبه
بجد كلامك جاااااامد وحقيقى واسلوب الساخر ده هايل
برافو والله
عجبتنى الموضوع
اختك عاشقه الرومانسيه
عاشقه الرومانسيه
*****************
وينور عليكىي ياجميله
ربنا يكرمك ومبسوطه اوى انك نورتينى هنا
ومبسوطه ان البوست عجبك
ويارب تزورينى تانى :)
إرسال تعليق