من عادتى واللى معروف عنى انى بحب القديم فى كل حاجه
عرفت من فتره كده ان مسلسل "من الذى لا يحب فاطمه" بيتعرض على المحور وبما انه كان من احب المسلسلات لقلبى وانا صغيره فبقيت اتابعه تانى واستعيد معاه ذكريات حبى ايام طفولتى لجمال شيرين سيف النصر ورجوله أحمد عبد العزيز ورقة جيهان نصر وطيبة وحنية كريمه مختار
من يجى يومين تلاته كنت بتفرج على الحلقه وزمان كنت بتفرج بعقل طفله مش بتفكر غير فى شكل حاجه بتحبها وخلاص
لكن دلوقت بما انى عقد ومكلكعه وبدق فى كل حاجه بقيت بفكر.....وجه مشهد
صبرى اللى هو احمد عبد العزيز قاعد يرغى مع نينا فضيله اللى هى مامته لما اتكعبل فى مارجريت اللى هى شيرين سيف النصر فى النمسا وحبها واتجوزها وهو سايب الغلبانه ماجده اللى هى جيهان نصر هنا وميته فى دباديبه
قام سأل مامته سؤال شغلنى كتير
قالها " هوممكن الراجل مننا يحب اتنين بنفس الدرجه من الحب ويحس ناحيتهم نفس الاحساس؟؟؟!! "
ردت نينا فضيله بالنفى يعنى ماينفعش
الله يسامحهم خلونى فضلت افكر فى الاجابه وسبت احداث المسلسل
وبعد تفكير عميق منى اختلفت مع نينا فضيله فى اجابتها
لان فعلا الراجل بحس انه كتير ممكن يجمع حب اتنين ستات وتلاته ويمكن اكتر فى قلبه وبدون تعارض
جايز مايكونش الحب بنفس القدر والقوه لكن حقيقى ممكن
والا مكنش ربنا اتاح للراجل انه يتجوز 4 بشرط العدل بينهم فى وقت واحد واعتقد العدل مش ضرورى فيه الحب بنفس المقدار وان كان ممكن تحقيقه -ولو بنسبه- فى حاله الحب
بمعنى ان الراجل ممكن يبقى بيحب تلات اربع ستات فى نفس الوقت ويقولهم كلهم "بحبك" والبعيد صادق مش كداب
طبعا مع التحفظ انه مايكونش اساسا طفس وبتاع بنات
واعتقد برضو ان الحب فى حياة الراجل بيبقى جزء من دنيته حتى لو بيمثله جزء مهم وكبير
يعنى الراجل بيبقى بينام ويصحى ويشتغل وياكل ويحب ويتجوز ويشرب ويتفسح وكل حاجه
لكن العكس تماما بالنسبه للست او البنت لو حبت
الحب بالنسبالها بيبقى هو الدنيا باللى فيها
ممكن تاكل حب وتشرب حب وتنام تحب وتصحى وهى بتحب وتخرج وهى بتحب على نفسها برضو
يعنى اللى بتحبه بيمثلها الميه والهوا وطبعا وبالتأكيد ده عمره ماهيكون الا راجل واحد بس مش اكتر من واحد
الكلام ده افتكر انه كان ثبت فى دراسه اتعملت تقريبا فى المانيا كان قالى عنها محمد الفارس الله يرحمه مره
ان الراجل ممكن فى نفس الوقت يحب اكتر من واحده انما الست ياعينى تحب واحد بس وممكن تفضل المجنونه تحبه طول عمرها ولو مش اتجوزته ممكن تفضل طول عمرها من غير جواز وتموت وهى لسه بتحبه
طب مش الستات مفروض تعقل كده وتعمل زى الرجاله وتضربها صرمه قديمه ولو حبت واحدمش اتجوزته تنفضله وللى خلفوه وتعيش حياتها مع غيره وخلاص؟
ولا هو اتكتب علينا نفضل نحب فيهم وهما منفضين وبيحبوا علينا؟!
يعنى يبقوا هما بقلبين وتلاته واربعه واحنا بقلب واحد
ده ايه الظلم ده
مش كده ولا ايه؟
عرفت من فتره كده ان مسلسل "من الذى لا يحب فاطمه" بيتعرض على المحور وبما انه كان من احب المسلسلات لقلبى وانا صغيره فبقيت اتابعه تانى واستعيد معاه ذكريات حبى ايام طفولتى لجمال شيرين سيف النصر ورجوله أحمد عبد العزيز ورقة جيهان نصر وطيبة وحنية كريمه مختار
من يجى يومين تلاته كنت بتفرج على الحلقه وزمان كنت بتفرج بعقل طفله مش بتفكر غير فى شكل حاجه بتحبها وخلاص
لكن دلوقت بما انى عقد ومكلكعه وبدق فى كل حاجه بقيت بفكر.....وجه مشهد
صبرى اللى هو احمد عبد العزيز قاعد يرغى مع نينا فضيله اللى هى مامته لما اتكعبل فى مارجريت اللى هى شيرين سيف النصر فى النمسا وحبها واتجوزها وهو سايب الغلبانه ماجده اللى هى جيهان نصر هنا وميته فى دباديبه
قام سأل مامته سؤال شغلنى كتير
قالها " هوممكن الراجل مننا يحب اتنين بنفس الدرجه من الحب ويحس ناحيتهم نفس الاحساس؟؟؟!! "
ردت نينا فضيله بالنفى يعنى ماينفعش
الله يسامحهم خلونى فضلت افكر فى الاجابه وسبت احداث المسلسل
وبعد تفكير عميق منى اختلفت مع نينا فضيله فى اجابتها
لان فعلا الراجل بحس انه كتير ممكن يجمع حب اتنين ستات وتلاته ويمكن اكتر فى قلبه وبدون تعارض
جايز مايكونش الحب بنفس القدر والقوه لكن حقيقى ممكن
والا مكنش ربنا اتاح للراجل انه يتجوز 4 بشرط العدل بينهم فى وقت واحد واعتقد العدل مش ضرورى فيه الحب بنفس المقدار وان كان ممكن تحقيقه -ولو بنسبه- فى حاله الحب
بمعنى ان الراجل ممكن يبقى بيحب تلات اربع ستات فى نفس الوقت ويقولهم كلهم "بحبك" والبعيد صادق مش كداب
طبعا مع التحفظ انه مايكونش اساسا طفس وبتاع بنات
واعتقد برضو ان الحب فى حياة الراجل بيبقى جزء من دنيته حتى لو بيمثله جزء مهم وكبير
يعنى الراجل بيبقى بينام ويصحى ويشتغل وياكل ويحب ويتجوز ويشرب ويتفسح وكل حاجه
لكن العكس تماما بالنسبه للست او البنت لو حبت
الحب بالنسبالها بيبقى هو الدنيا باللى فيها
ممكن تاكل حب وتشرب حب وتنام تحب وتصحى وهى بتحب وتخرج وهى بتحب على نفسها برضو
يعنى اللى بتحبه بيمثلها الميه والهوا وطبعا وبالتأكيد ده عمره ماهيكون الا راجل واحد بس مش اكتر من واحد
الكلام ده افتكر انه كان ثبت فى دراسه اتعملت تقريبا فى المانيا كان قالى عنها محمد الفارس الله يرحمه مره
ان الراجل ممكن فى نفس الوقت يحب اكتر من واحده انما الست ياعينى تحب واحد بس وممكن تفضل المجنونه تحبه طول عمرها ولو مش اتجوزته ممكن تفضل طول عمرها من غير جواز وتموت وهى لسه بتحبه
طب مش الستات مفروض تعقل كده وتعمل زى الرجاله وتضربها صرمه قديمه ولو حبت واحدمش اتجوزته تنفضله وللى خلفوه وتعيش حياتها مع غيره وخلاص؟
ولا هو اتكتب علينا نفضل نحب فيهم وهما منفضين وبيحبوا علينا؟!
يعنى يبقوا هما بقلبين وتلاته واربعه واحنا بقلب واحد
ده ايه الظلم ده
مش كده ولا ايه؟
هناك 47 تعليقًا:
5@السلام عليكم
أول تعليق ولي عودة
ههههههههههههههههههههههه
احنا الستات كده على نياتنا ومخلصين وملناش غير قلب واحد بس
انما الرجالة ماشاء الله عندهم مصنع قلوب ممكن يحبوا الستات كلها
بس مش عارفة سذاجة مني وللا ايه انى مقتنعة ان لسة فيه رجالة مخلصين ومبيحبوش غير ست واحدة بس وممكن يفضلوا عى ذكراها طول عمرهم
مش عارفة بقى دي سذاجة وللا تأثير أفلام
هههههههههههههه
ولا هو اتكتب علينا نفضل نحب فيهم وهما منفضين وبيحبوا علينا؟!
ههههههههههههههههههه
والله كلام منطقي ومضحك في نفس الوقت
أنا سعيد بوجودي هنا
وسأحاول أن أتفرج على المسلسل لأن صارلي زمان ماشفته يمكن عقليتي الأن أكبر ونقدر نفهم ما يدور به
طبعا كلامك واسع التفصيل فيه
بالنسبة لقناعاتي الحالية خلينا نتجوز الأولى بعدها ربنا يسهل يمكن تعوضني على نساء الكون
مشكورة على الموضوع الحلو
تشاو تشاو
يعنى افهم من كده ان الرجالة اللى فعلا بتحب مرة واحدة و بس ومش بيشوفه الا الانسانة اللى معاهم حتى لو ملكة الجمال جنبهم بردو لايمكن .. مش طبيعيين بقى ×_×
لالالالا انا مش معا الكلام ده .. اللى بيحب فعلا مش بيشوف غير حبيبه
زى المرأة
مع ان دلوقتى قليل على فكرة لو تلاقى اللى بتخلص لحبها زى مابتقولى
ده اول لما يسبها تروح تدور على غيره .. و فى الاكتر من كده لما تلاقى غيره احسن بتفشكل الموضوع اصلا و بردو هو اللى يطلع خاين v_v
فين الوقت اللي يتيح للراجل انه يحب اكتر من واحده؟
او حتى فين الامكانيه الماديه اللي تجعله يحب اكتر من واحده؟
شوفي
ممكن الواحد يتجوز 2 او 3
لكن مفتكرش انه ممكن يحب الثلاثه بنفس الدرجه
صعب جدا جدا
يعني الموضوع كجواز ممكن
اما الحب كحب فلا يمكن يكون الاثنان او الثلاثه بنفس الدرجه
نور
انا مش هعلق الا علي حاجه واحده في الموضوع ده
الا وهي
ورجوله أحمد عبد العزيز
مين بقي احمد عبد العزيز ده
هحاول افتكره
لا مش فاكر
رجوله
ولا غشم
اكتر ممثل مش بطيقه
هالوننننننننننن
مع اني متغاظه منك ومش تسالي ليه
بس اقولك يا اختي هما بعيد عنك عندهم فراغه عين ودناوه
لكن احنا بعيد عنك بردون بنامن ونسلم لقلب ملكنا مش سهل انك تنسي قلب لمسك حسيتي انه هز كيانك وحسسك بحنان وحب كنتي بتقرائي عنه في الروايات
لكن صدقيني احنا بننسي
وبنكمل بس احنا نعترف لنفسنا انهم مش يستاهلو اننا نبقي عليهم مدام هما مش باقين عليهم
والي ملناش نصيب فيه يبقي اكيد ربنا شيلنا نصيبنا الاحسن في مكان ما
ربنا يكرمك بكل الخير وراجل يكون عينه ملاينه حب ليكي انتي وبس
سلاموز
ايه الكلام الجامد قوى ده
ايه يانور ماكنتش اعرف ان قلبك ابيض قوى كده ههههههههههههه
عارفة الموضوع ده فعلا محير حتى احنا الرجالة مش لاقيين له تفسير
صدقينى ده مش بيكون عدم اخلاص عند ناس كتير... وعلشان كدة لازم نعرف ان الرجالة والستات دول كائنين مختلفين تمام الاختلاف لا يربطهم الا كونهم بنى ادمينانتى قريتى كتاب النساء من الزهرة والرجال من المريخ؟؟؟
دمتى بخير وخلى بالك علشان كتر التفكير بيعمل حاجات صعبة فى الدماغ
تنبيه التعليق باللهجه الليبيه
مممم الموضوع هدا تاخدي فيه رأيي الرجاله احسن بس من رأيي الدراسه مزبوطه او هدا اللي لحد الان سمعته بس اكيد لكل قاعده شواد" نطمن في روحي"
المسلسل كان من احب المسلسلات عندي ايام العز لما كنت نتفرج على مسلسلات
ها طمنيني بعد 6 شهور كورسات فهمتي اللهجه الليبيه؟ و اوعي يا بت انتي تكوني لسه زعلانه مني ده انا مقطعه نفسي اعتذارات!!!
لأ طبعا مش كده
اختلف معاكي والخلاف لا يفسد للود قضيه
الراجل بيحب, ممكن يحب أكتر من واحده لكن بيكون دايما في مكان مخصص لواحده
اللي بيجمع بين أكتر من ست بيحاول يعدل بينهم لكن مستحيل تلاقي كل اسراره مع كل واحده فيهم
الراجل مهواش فاتح قلبه جمعية حب استهلاكيه لكل صنف ولون
بالعكس, الراجل بيدور دايما على واحده بس تريحه وتملى فراغ حياته
الراجل اللي بيجمع بين أكتر من واحده بيكون عارف المشاكل اللي هيواجها بس بيكون عنده نوع حب معين لكل واحده فيهم
معاكي أن الراجل لو مرتبطش باللي يحبها, ممكن ينساها, بس في الغالب بيكون صعب لأنه بيدور على واحده نفسه يلاقي فيها كل حاجه يتمناها ومتخيلهوش يدور على غيرها
الجمع بين الستات مش مزاج متأصل عند الرجل
ازيك يانور؟:)
كلامك منطقي
بس انا شايفة ان الأنسان عموما لما بيحب بجد بيحب شخص واحد علي الأقل في وقت واحد
ممكن ينفصلوا فيرجع يحب غيره وأوي كمان انما في نفس الوقت يحب أكتر من حد صعب
والراجل ممكن يتجوز اكتر من واحدة اه صح
بس مايبئاش دافع جوازه بأكتر من واحده هو الحب :) بعد الجواز بيحبهم كلهم اه بس مابيعشقهمش كلهم بتبئي في واحدة بس اللي مغرم بيها وبيحبها والباقي بتكون في مودة بئي ورحمة حاجات تانية
بصراحة استمتعت بالبوست وبتحليلك وتفصيلك للموضوع :)
يانهار ابيض وكسوف!! هو انا لسة مقولتلكيش مبروووووووووووووووك ع النجاح!!!وكمان زغروطة لوولووللىى
بخصوص البوست مش عارفة لية مش مقتنعه تمام باكلام دة حتى لو دراسه او مش دراسه!!وحتى استشهادك بانه من حقه يجوز 4 فاكيد يقدر يحب اكتر!!!
انا مع كريمه محتار ياستى مع العقل لا مينفعش!!!
بت يابيبه يخرب عقلك تصدقي بالله نفس السؤال اللي جه في دماغي وفعلا يومها كنت بتفرج علي المسلسل بالصدفه لاني مش بحبه بصراحه بس بحب الاغنيه وبحب اسم فاطمه موت يعني اوي خالص بس كنت قاعده ياختشي عامله ماسك ونايمه فلابد بقي اسمع غصب عني وحتي بالاماره كان يوم سبت ده يوم الاهتمام العالمي بتاعي كل يوم سبت بدلع نفسي(وش منشكح)
وسالت اصحاب ليا كتير علي السؤال ده وكلهم اجمعوا يا اختشي علي انه نو
بس انا بقول ان قلب رالرجال قلب كبير يسيع من الحبايب عشره
بس انا اقتنعت فعلا ان اللي يحب يحب واحده فقط
ممكن يعجب ممكن اي حاجه تانيه
وبردو انا قلت كل الكلام اللي قولتيه يابت
بس الست تختلف عن الرجل تماما في المواضيع دي
قال رسول الله صلى الله عله وسلم
(لا يجمع الله فى قلب عبداً امنين ولا خوفين)
صدق رسول الله صلى الله عليه وسلم
شوفى ياستى
بالنسبه للحب
لاء...........فالرجل يحب حب واحد فقط من نفس النوع
يعنى يحب امه وبس خالته اقل فى الحب
لكن يمكن ان يحب حبيبته بلاضافه لحب امه
وده عند كل البشر
ويحب ابناءه جميعا بنفس الدجه والقوة
لكن لا يستطيع ان يحب اكثر من امرأه بنفس الوقت
لكنه يرغب ويميل لحب امرأه له
بمعنى ان امرأ اخرى غير حبيبته احبته فيحب حبها له
ويميل لها ويرغب فيها جداً
وربما يحبها
وهنا يقل رصيد الزوجه الاولى فى قلبه
ليفسح مكان للزوجه الجديده
ويبقى للاولى العشره الحسنه وحسن المعامله
للرجل الزواج من اربعه نعم
وكذلك تزوج رسول الله وهو اكمل الرجال من تسعه
تسع نساء
وسؤال لك
من حبيبه رسول الله صلى الله عليه وسلم
اعتقد انك ستقولى اسم واحده فقط من زوجاته
هنا الاجابه على سؤالك
تحياتى
حلو اوي البوست ده
اول مرة ادخل مدونتك وماشاء الله كلامك حكم
علي فكرة انا بحب اوي المسلسل ده والاغنية بتاعة التتر كمان تجنن
اما بالنسبة لموضوع الحب فالقلب له واحد انما الراجل بيحب بطريقته واحدة واتنين وتلاثة .. والرسول عليه الصلاة السلام كان بيقول ( اللهم هذا قسمي فيما املك وهذا قسمك فيما تملك ) وكان بيقصد انه عادل مع زوجاته وهذا ما يقدر عليه اما حكم الله تعالي في قلبه انه كان بيحب السيدة عائشة اكثر من كل زوجاته ... اذا بالفعل القلب له واحد
تحياتي ربنا يوفقك يارب
ممكن تغيري الخلفية عشان الكلام يوضح .. اصل انا بعيد عنك واخد اعفا من الجيش عشان النظر
البوست تحفة بجد
و ياريت البنات كانت زى الولاد ..بس تخيلى كدة لو واحدة متجوزة و حبت واحد تانى ..كارثة طبعا..الراجل يقدر يتجوز لكن الست إيه؟ !!
متهيألى هى الطبيعة دى على قد ما هى تخنق لكن هى الطبيعة الوحيدة اللى صح عشان الحياة تمشى
السلام عليكم
كنت أحب جدا أغنية المقدمة
والمسلسل كتقييم أكثر من رائع
القديم أحلي بالتأكيد
كلامك مظبوط جدا يانور
الراجل بحكم طبيعته يقدر يحب أكتر من ست فى نفس الوقت وده فعلا من حكمة ربنا لأنه شرع له الجواز من أكتر من ست لكن حكاية العدل فى الحب دى مش متأكد إذا كانت ممكنة ولا لأ.
اعتقد الكلام دا مش صح اللللحب اللي لكذا حد يبقي مش حب يبقي اعجاب لكن حب حب معتقدش
يااااااااااااااه المسلسل ده كان له ايامه
مش فاكره فيا اى حاجه غيى اغنيه التتر بس
لانى ايامها كنت عيله ضغيره وكنت حافظه الاغنيه وكان كل العائله بتعلق ليا عليها
riyadh
*******
مبروك عليك :) عقبال المره الجايه
MaNoOoSh
**********
لا دى لا سذاجه ولا تأثير أفلام لان الافلام دى انا اكتشفت اكتشاف خطير انها فعلا حاجات من الواقع
يعنى لسه فى رجاله كده اه بس ده مش يمنع انى مؤمنه بكلامى وسعيده باتفاقك معايا
بس على فكره احنا مش على نياتنا اوى يعنى :)
نورتينى
riyadh
*******
انت ممكن تعارضنى دلوقت انما لو اتجوزت هتوافقنى بالتلاته :))
اسمع الكلام يابنى وماتقولش حاجه لمنال من اللى هنا هتزعل منى :)
منورنى وانا اللى سعيده بوجودك
Sweet Violet
*************
داخله عليا سخنه كده ليه الله؟؟!!! X-(
لا مين قال انهم مش طبيعيين بالعكس
الحلو موجود فى الرجاله والستات والوحش موجود برضو المشكله بقى فى ندره الحلو فى الصنفين
ياريت تتابعى ردودى على بقيه التعليقات
منورانى ياعسل ومش برتاح لاختفائك اكيد غطسانه فى مصيبه
اوعى تكونى بتصيفى ازعللللللللللل
:) منورانى ياسويتى
لورنس العرب
************
ايه ياعمو معتز يعنى هى المشكله فى الوقت والفلوس بس؟ طيب وهى الرجاله بتغلب ياعمو ماانت راجل وعارف :))
ومين قال انى معارضاك فى اللى بتقوله بالعكس لو قريت الكلام كويس هتعرف انى بقول انه صعب جدا جدا الراجل يحب اكتر من واحده بنفس الدرجه بس انا بتكلم فى مبدأ الحب من الاساس
كلامك بيقول انه فعلا يقدر يحب اكتر من واحده الاختلاف بس هيكون فى قوة الحب ده
وده بالظبط هو اللى انا اقصده
وبرضو قصدت عكسه ونفيته بالنسبه للست
نورتنى وابقى اقرا كويس p:
ابوالعريف
**********
طيب طيب ماتزعلش نفسك خلاص هو وحش ومش راجل بس فعلا ده كان انطباعى عنه وانا صغيره وان كان اختلف دلوقت
بس شكلك كده بتهرب من رايك فى الموضوع
اعترف ايه رايك
منورنى يامحمدبجد
فتاه حالمه
**********
:)) يابت بطلى طولة لسان حرام عليكى ارحمى
هو عندك حق بس برضو لسانك طويل
هى النصيب دى يامى
ربنا يكتبه ليا وليكى زى مابنتمنى وزى ماقلبك الطيب يستاهل
ماتزعليش ابدا منى
انا بحبك اوى :)
Dr.A.S. black armor
********************
يعنى انت متفق معايا ومش لاقى تفسير؟
ماتحاولش لان دى مشاعر وعلاقات انسانيه وعادة كلام القلب بيبقى مالوش تفسير
لا مشقريت الكتاب ده بس اوعدك اقراه
منورنى وماقلتليش خطبت للواد ولا لسه؟
:)
Meme
******
والله ياميمى انا فهمت التعليق بس لان الكلام سهل مش ليبى ليبى يعنى لانه لو بتقوليه زى مابشوفكوا انتوا يااوانا الليبيين بتتكلموا بيه مع بع والله ماهفهم ولا كلمه :)
لا خلاص مش زعلانه
والرجاله البعض معارض والبعض مؤيد
اما نشوف هترسى على ايه
هترجعى امتى ياجناب الكومانده المهم؟؟
أحمـــــــــــــد أبو العلا
*************************
طبعا لا يفسد يااعم احمد
بس حقيقى لازلت مختلفه معاك ومصره على رأيى وان كانت عقيدتى برضو بتقول دى مش القاعده ولكل قاعده شواذ
ياريت تقرا ردى على لورنس العرب
منورنى
قلب ينبض لله
**********
اهلا اجمل قلب
ازيك ياحبيبتى اخباراتك ايه؟
انا شايفه ان كلامك بيقول نفس كلامى على فكره لانى قلته بس باسلوبى ولو قريتيه تانى بتدقيق شويه هتلاقى كده
اقرى ردى على لورنس العرب
منورانى ياقمر
وانا استمتعت بوجودك :)
كيكى عووووووو
**************
اهلا كيكي
ازيك ياجميله منوره الدنيا
مبروك ليكى انتى كمان واكيد هاجى اباركلك عندك
ومع اتفاقك مع كريمه مختار يفضل اختلافى معاكى ومعاها:)
منورانى ياقمر حتى لو مختلفين
ايييه
افتكر انه عدل
بس افتكر بردو ان الراجل لو حب اكتر من حد مش هيكون بنفس الدرجة خااالص
ودي حاجة غصب عنه مش بإرادته
وفي حديث نبوي شريف بيقول
"اللهم لا تحاسبني فيما تملك ولا أملك"
تحياتي
وليد
ههههههههههههههه
ربنا كتب علينا نل نحب فيهم وهما منفضين؟
ههههههههههههه
والله عثل
بس على فكرة هو الراجل مايقدرش يحب غير واحدة لان عنده قلب واحد زى الست ماعندها قلب واحد انما حكايه انه متاحلة التعدد فى الزوجات ده لما يتناسب مع طبيعة الراجل الفسيولوجية
مش العاطفيه
بيحب الباقيين حب فسيولوجى انما العاطفه بتفضل تملكها واحدة بس
عالهامش : على فكرة من الذى لا يحب فاطمةكان من افضل المسلسلات اللى بموت فيها
سموكه حبيبتى
**********
ازيكيابت ياسمكمك واحشانى يازئرده
بتظبطى نفسك كل سبت؟ لا فالحه يااختى
انا كمان بحب اغنيه التتر اوى
بس انتى لخبطتنى ياسمكمك
الاول قلتيلى مايدانى وبعدين عارضتينى ورجعتى قلتى مأيدانى تانى
مشفاهمه رايك برضو بس انا للاسف مازلت مقتنعه برايى حتى لو لكل قاعده شواذ
فى رجاله كتير بتأيدنى
واحشانى فعلا انتى غطسانه فين يابت
شكلك مشمبطله بوس برضو ;) فضحتينا يخرب بيتك اتهدى بقىP:
momken
********
المشكله ان حتى اللى معارضينى كلامهم بيقول انهم متفقين معايا بس مااخدوش بالهم من الكلام كويس
انا مقلتش يحب اكتر من واحده بنفس القوه ياممكن
انا كل اللى قلته انه ممكن يحب اكتر من واحده فى نفس الوقت حتى لو مش بنفس الدرجه ودهعكس الست تماما اللى ماتقدرش تحب غير واحد بس
لو قريت كلام البوست تانى هتلاقينى قلت نفس الكلام وكمان ردى على لورنس العرب
نورتنى يامنكن وماتغطسش كتير :)
walaa gobashy
**************
اهلا ولاء بزيارتك الاولى ليا ومبسوطه ان بلوجى المتواضع عجب سعادتك ياافندم :)
انا كمان بحب اغنيه التتر جدا من زمااااااان اوى
كلامك صح جدا بس اعتقد دى طبيعه خارجه عن قدره الراجل فى التحكم فيها زى ماطبيعه الست هى التفرد فى الحب
نورتينى ياجميله ويارب دايما :)
ياسر سليم
**********
يلا ياسيدى مش حرمناك من حاجه التمبلات بقاله سنه فى البلوج واهو غيرته
يارب ماتكونش دى حجه بس عشان تهرب من القرايه ;)
نورتنى
انا ودماغى
**********
طبعا يااموره دى حكمه ربنا ومفيش اعدل منها اكيد
اصل تخيلى مثلا لو الست كتركيبه زى الراجل كده !!!!!!
دى داهيه طبعا
نورتينى ياعسل واخباراتك ايه يابنتى؟
أحمد الصعيدي
*************
عندك حق بس كنت اتمنى اسمع رايك فى الموضوع
نورتنى
قلب مصرى
*********
اهلا بحضرتك من جديد فى مدونتى
وحمد الله على سلامتك
فرحت بتأييد حضرتك ليا جدا خصوصا ان حضرتك راجل
اما عن العدل فاكيد مش ممكن يحصل لسبب واحد هو ان القران قال كده
نورتنى ياافندم
كيارا
*******
لا هو على اعتقادك يبقى الحب الحب الشوق الشوق بتوع محمد سعد :)
نورتينى
حلم كان
*********
اغنيه التتر تستاهل انها تتحب فعلا
بس معرفتش رايك فى اصل الموضوع بتاع البوست
نورتينى
!!! عارفة ... مش عارف ليه
**************************
اهلا بيك ياوليد
انا طبعا مؤيده كلامك وده رايى ولو قريبت ردودى عالتعليقات تتأكد من كده
نورتنى جدا
ملكة بحجابى
*********
:) والله انتى اللى عثل
اسعدنى اتفاقك معايا فى جزء كبير من الرأى وكمان ذوقك فى المسلسل
بس اعتقد تعدد الزوجات واللى ربنا يعلم بحكمته كان جزء من حكمة تشريعه هى الطبيعه العاطفيه مش بس الفسيولوجيه
نورتينى ياجميله ويارب تتكرر الزياره
إرسال تعليق