الثلاثاء، سبتمبر 23

نهاية الحياة


الصدفة وحدها هى من قادته اليها وقادتها اليه



دعا الله أن يبعثها القدر اليه ليهبها حياته
ودعت الله أن يبعثه القدر اليها لتهبه حياتها



رأت فى ملامحة معالم الحياة
وأحب فى ملامحها الوان الحياة



أرادت أن تلتقيا عيونهما وأبى الا تلقاه والا يلقاها
ضاقت بالبعد ذرعا .....وثارت.... وثارت
.
.
.
سألها اللقاء
تهللت اساريرها
وأتته مهرولة



رأته مستلقيا على فراشه وقد شحبت ملامحه
اقتربت منه ...واقتربت.... واقتربت
وبعيون زائغة همست قائلة ...هاأنا ذا وقد تحقق الحلم


ارتاحت على صدره
حملت يده إلى وجهها وقالت..المسنى لتدب فى ملامحى الحياة
سمعت همسه فى أذنها يقول ..أحبك حتى آخر أنفاسى


اهتز قلبها طربا
رفعت عيناها لوجهه بابتسامة حانية
لترى أجفانه تتراخى

"معلنة نهاية الحياة "



هناك 88 تعليقًا:

blue-wave يقول...

اول تعليق
هييييييييييييييييه
جاى تانى بس المترو زحمه:))

blue-wave يقول...

يا ساتر على الكآبه
سحبت ال هييييييييييه
يعنى يوم ما تجيله تجيب اجله؟؟؟
ههههههههههههههههههههه
بس حلوة طريقه السرد
مميزة يا بيبه والله
بس مكنتش لازم تموتيه يعنى:))

كـــيــــــــارا يقول...

يالهوي ياحبيبه فيه ايه

يوم اما تقابله يكون بيعلن النهايه

نهار الوان ليه كده يبنتي بس


امشي يابت

مش جيالك تاني هه بس
لازم يعني تقولي حاجه كدا

عاااااااااااااا

زحلانه زحلانه ومخمصاكي كمان

******
بجد بقي اسلوبك رائع وحساس كده بس حزين موت

تحياتي لحبيبه الغاليه

كنت عاوزه ابقي اول تعليق بس عمرو بقي

عاااااااااااااااااا

غير معرف يقول...

هي بتفكرني بنكتة قديمة
آخرها

لن هي نحس

دي لعنة بتصيب الناس

غير معرف يقول...

انها نحس

ايه الكآبة دي عموما

هي نهاية انا بحبها برضو

الفارس الملثم يقول...

يااااااااااا يا حبيبه يعني حلم اللقا اصبح ليها فجيعة الفراق الابدي ..

تفتكري الافضل انها مكنتش التقته ابدا وكان البعد اخف الما ولا سيعزيها انه فارق الحياه بعد لامسته لاول واخر مره , فكان قلبها مثواه الاخير

SHAPE YOUR LIFE (ABOALI) يقول...

لا اله الا الله
انا لله وانا اليه راجعون
ساعات بنقى خطوات نمشى فيها
كلها حزن والم و هموم وندم
فين شعاع النور
كل يوم بيشاور ويقول
انا يوم جديد
كلى فرح اكيد
المس نورى بيدك
ابدء حياتى معاك
يااااااااااسلام
على شعاع الامل
نهاية الحياه
اكيد هاتكون
بس بحب ورجا
هاتكون نهاية البدايه


تحياتى
خلى بالك من نهايتك يا جميل

aya يقول...

ايه الجمال ده يا جميل
بجد حلوه بس هيه مش حزينه شويه موش بتكتب حزين انتي كتير
الاول معلش مكن ردي عليكي يكون ردي علي الفارس الملثم
يمكن يا محمد لو مكانتش التقت بيه ومات بعيد عنها كان الالم والندم انها ماكنتش معاه في لحظاته الاخيره ويكون مصاحب بندم ويمكن رغم انه مات اول ما شافها قصدي بعد شويه الا انه مات وهوه بيقولها انه بيحبها وهتفضل فاكره ده طول عمرها وده الي هيخفف الم موته باخر احلي ذكري في حياتها

الدراسه بدءءءءءءءءءءءءت ايه النظام عندك؟؟؟ :((((((

عالم حبيب يقول...

كل عام وانتي بخير حبيبة

مش عارف أقول ايه .. الكلمات جميلة .. والفكرة متداخلة يصعب أن يكتفي القارئ بقراءتها مرة واحدة ليصل المعنى إليه .. فلابد من عودة مرات .. ربي يوفقك ويبلغنا وإياكي ليلة القدر

mahasen saber يقول...

هيا الدنيا كده مبتتديش لحد الشئ كامل ...وبتخلى يوم القا هو يوم الوداع ...
بس ايه البنت اليى شعاعها ساطع دى لدرجة انها جابت اجله دى اكيد من منظمات حقوق المرأه...
بس الكلمات بهرتنى من كتر ما هيا مفعمه بالاحساس والمشاعر
الله ينور بس ده ايه يا حبيبتى تأثير ابنى ...
اللهم اجعل كلامها خفيف عليه...
برافو يا قمر بوست تستاهلى عليه بوسه..

mahasen saber يقول...

ايوه كده يا زقزوقه ورةى البلوجر الرومانسيه النابعه من ارض عرابى ابو الوطنيه...

kochia يقول...

هو الفكرة ادبية لكن ازاي شافت في وجهة معالم الحياة اللي انتهت بعد لحظات
وليه اللقاء اتاحر حتي تلك اللحظة

عجبني حبهم لبعض
واملهم
وزعلت عشان كان اللقاء الاول والاخير

تحياتي

وميض ابتسامة يقول...

كلمات رومانسية جميلة ومتدفقة بعزوبة
تعبر عن حب صادق.... ولكنها الصدمة ..
صدمة نهاية الحياه..كم هى مؤلمة.. فقد اطاحت بأحلامنا الوردية وكلامها الرقيق
من قمة الاحلام لدنيا الواقع

بالرغم من كلماتها القصيرة فهى معبرة لاقصى درجة.. احسنت بالرغم من الشعور بالالم .. ولكنها الحياه..

prince4ever يقول...

يااااااااه
روعه بجد
والله احساسك في منتهى الصدق و تعبيرك عنه في منتهى الجمال... بغض النظر عن ان القصه حزينه وكنت ناقص اعيط وانا قاعد و اتشحتفت و قطعت هدومي وكان يوم اسود يوم ما قريتها بس هي بجد في منتهى الروعه يا حبيبه يا بلدياتي
واضح انك بدأتي الدراسة ...خلاص بقى متقروش على بتوع خامسة طب اللي لسه هيبدأوا في حداشر
سلااااااام

حبيبة الروح يقول...

معلش انا شايفه ان الناس كلها بتهجمها ويقول نحس ومش نحس
انا رايي ليه منقولش انه كان هايش بس عشان يشوفها ولو بس لحظه كان عايش لامل انه يشوف عنيها ويلمس اديها ويموت هي بين ايديه بجد دي تكون احلي موته اني عن نفسي اتمنها لنفسي اني اعيش بس لحد مشوف عيون حبيبي واموت وانا بين ايديه جميله يا بيبه جميله اوي بجد احلي حاجه كتبتيها مع ان كل كتباتك حلوة بس دي لمستني اوي

محمد فاروق الشاذلى يقول...

أنا عجبتنى الفكرة إنه على الأقل شافها ولو مرة واحدة قبل ما يموت بدل ما كان مات من غير مايشوفها خالص.

السرد ممتع وبرافو عليكى

تحياتى

مـــالك يقول...

دي جرعة اكتئاب فوري فالوريييد
نهار أبيض ده لما تروح تقابله ويموت معاها
الكلمات جميلة جدا وحساسة ورقيقة بس كمية كآبة غير معقولة
تسلم إيديكي وبلاش كآبة العملية مش ناقصة

semsem يقول...

بجد تحفة
حقيقي والله الكلام شدني اوي
مش هقولك اني متأثرتش بالكلام
عندي كلام كتير نفسي اقوله بس الكومنت مش يساع ليه
مسيري انزل بوست رد على البوست ده بشكل من الاشكال ووقتها هدعيكي انك تقريه
نايس بوست ونايس بلوج احيكي على مجهودك وابداعك
سمسم

قلب ينبض لله يقول...

جميلة ياحبيبة
أيه الأبداع دا كله
وتقوليلي ما أعرفش أكتب بوستات أدبية وبلغة فصحي ماشي ماشي
شكلك بتدراي العين

بس بجد بوست جميل أوي رغم ان نهايته مؤلمة

مـجـنـووون يقول...

يا نهارب أبيض علي الجمال وعلي الرقة في الكلمات والتناغم في الألفاظ

بجد أنا قرتها كذا مرة من جملها وروعتها

**************
بس هل يوجد حب في هذا الزمن مثل هذا الحب ، هل يوجد أحد ممكن يهب روحه للأخر ؟!


*****************

اهتز قلبها طربا رفعت عيناها لوجهه بابتسامة حانية
لترى أجفانه تتراخى
"معلنة نهاية الحياة "

يا لها من نهاية بس هي الدنيا كده مبتديش محتاج

تقبلي مروري
مجنووون

Maha Shahen يقول...

قريتها لأول مره وجيت فى الأخر اقول معقول مات
ورجعت قرتها تانى وفى الاخر قولت اه مات
صدمتينى يا بيبا دنا مصدقت بلو بقت تكتب بتفائل تكتبى انتى صدمات
هو فيرس ولا ايه
طبعا ابداع وسرد رائع بس يزعل القلب
اللحظات دى بتكون حاسمه لكنها مؤلمه قوى والأسوء انها بعد طول غياب كمان
دا دمار شامل .. وسعيلى بقى علشان انا حاسه انى عايزه اعيط اااااااااااااعععععععععععع
بس عارفه اجمل شيء انك ادتينا امل وفى لحظه اخدتيه تانى
بس كويس ان لحظات الأمل مطالتش علشان منضربكيش فى النهايه علشان اخدتيه تانى

خالص ودى واعجابى ( عااااااااااااا )

غير معرف يقول...

إيه ده

ليه الماساه دى أنا عجبتى طريقتك و قلت رومانسية و حسرح بقى
لقيته فجأة بخخخخخخخخخ
ليه يا بنتى أحنا عملنالك حاجة
عاااااااااااااااااااا
أنا حمسح البلوج بتاعك من المفضلين عندى ( وش متعصب )

بهزر يا قمر أنا و لا أقدر بس تعويضا للخسائر النفسية اللى بقينا فيها
مستنية منك وعد تكتبى حاجة رومانسية كلها بمبى فى بمبى فى بمبى

فارس بلا جواد يقول...

يا بنتي باقولك عندك موهبة بس انتي اللي دفنها .. ومضيعه نص وقتك في اجابة التاجات
بجد اسلوبك حلو يا حبيبة ولغتك كمان جميلة .. بصراحة كل ما تكتبي بوست من النوع ده بتفاجأيني بحاجات ماكنتش باينه
وكنتي بتقولي مش بتحبي الفصحي .. امال لو بتحبيها بقي
طبعا رغم ان الفكرة كلها نكد وكآبه بس الاسلوب عجبني قوي
وانتي عارفاني لازم ارخم دايما عشان كده صلحي الجملة دي (ضاقت بالبعد زرعا )
ذرعا
بس بجد عايزين من ده كتير .. مش قصدي زرعا .. قصدي البوست ده يعني ههههههههه
وتسلم ايدك يا حبيبة
تحياتي

Sweet Violet يقول...

نهايه جامده و حزينه لكن واقعيه بعض الشئ

بس الحمد لله انها قدرت توصله قبل النهايه

بجد رغم حزن البوست لكنه حلو

كل سنه وانتِ طيبه

Mohamed Dawod يقول...

أنا مش فاهم الناس ليه اعتبرت النهايه كئيبه. ليه كل التعليقات فهمت النهايه على انه الموت مع ان الكلام عن نهاية الحياه بدون تحديد نوعية الحياه.
شخصيا أرى تكملة القصه كالتالى:
"أجفانه تتراخى معلنه نهاية الحياه بعيدا عنها. يفتح عينيه ثانيا بقوه. متشبثا بحياته الجديده معها. بدت على وجهه وعلى وجهها جنات وورود وأنهار. انها معالم الحياه الجديده التى تدب فى كل منهما"
مش كده برضه ولا ايه؟ حتى لو مش قصدك كده انا شايفاها كده. صعبان عليا انى بعد ما انفعلت مع القصه والرقه اللى فى كلماتها اسيبهم يتفرقوا.....خالص تحياتى وشكرا

حنين.. يقول...

ازيك يا بيباااااااااا
وحشانى موووووووووت
ودعياللك والله وانا بصلى
يا ترى بقى انتى فاكرانى وبتدعيلى
المهم
ان البوست عجبنىىىىىىىىىىىىىىى موت موت موت
وعجبتنى النهايه على عكس كل الناس
حسيت فيها
مش عارفه...
المهم
انا كنت داخله اقوللك انك وحشيتى
وابقى ادعيلى يا بيبا
وتحياتى يا قمر
على البوست الجامد دا كا العاده
امتعتنى
وبحيييكى
فى انتظار المزيد
اختك حنين

نـــــور يقول...

blue-wave
===========
هنيئا لك اول تعليق الل ج بمعجزه ده ياعمرو :)

الحكايه مش يوم ماتجيله تجيب اجله
الحكايه يوم ماتجيله يجيب القدر اجلهم هما الاتنين :(

نورتنى

نـــــور يقول...

كيارا
======
:):)

يابت انا اسلوبى حساس ورقيق من يومى بس مابيظهرش :)

لا يانمنم
انا هقلبها بمبى علشان ماقدرش اتحرم من تعليقك
ومش هزعلك تانى
البوست الجاى نكت :)

وحشتينى ودايما
دمت بخير

نـــــور يقول...

غير معرف
=========
معلش الدنيا الوان بقى
ابيض واسود
ونكته ايه دى اللى حزن كدا؟
المهم ان النهايه عجبتك برغم لونا الاسود

نورتنى جدا

نـــــور يقول...

الفارس الملثم
==============

يصعب عليا اوى انك داخل لاول مرة من غير روحك الحلوة اللى بحبها
انا خلاص مش هنزل كآبه تانى بس ماتزعلش:)

لا يامحمد كانت تشوفه على الاقل تفتكر بعده انها قدرت تحقق حلمها بلمسته ولو مره
وهو مش كفايه ان قلبها يبقى مثواه الاخير ان لم يكن من الموت بد ؟؟؟

لعلها قدرت ترسم على وش ولو ابتسامه رضا واحده قبل موته بوجودها معاه

ولو اخدت بالك
انا كتبت نهايه الحياه مش نهايه حياته
لسبب انى شايفه ان حياتها هى كمان توقفت بموته ويمكن هى كده بتلفظ انفاسها الاخيره معاه
نورتنى يافارس
واسفه على شحنة الزعل دى
دمت بكل خير

نـــــور يقول...

ABOALI
=========
عندك حق يابو على
تعليقك وكلماتك دايما بتسعدنى
ادعيلى ربنا يكتبلى نهايه حلوة
لانها لو كانت زى االقصه انا اكيد هتبقى نهايه حياتى معاه

منورنى دايما
دمت بكل خير

نـــــور يقول...

aya
=====
ازيك ياتوتا ياحبيبتى
انتى لو كنتى لاحظتى فى الفتره الاخيره كويس كنتى تلاقى الحزين بيفرض نفسه على بلوجى عكس الاول مكنتش بنزل حزين خالص

اتفق مع رايك بشده ولو قريتى ردى على محمد تعرفى كده

اه ياختى بدأت
بتفكرينى ليه؟ عايزة منى ايييييه؟ظظ
عععععععععع
والله يياتوتا رحت يويمين رجعت ميته
قلت بلاها بعد العيد وخلاص :)
وانت ياجميل طمنى عليك

تحياتى لاجمل اخت صغنطوطه
دمت بكل خير

نـــــور يقول...

عالم حبيب
==========
وانت بكل خير ياحبيب

اللهم تقبل يارب وماتنساش تدعيلى ولكل المسلمين معاك

ميرسى لرقه كلماتك
دمت بكل خير

نـــــور يقول...

mahasen saber
================
اهلا حماتى ازيك
يلا ياحماتى بعد الشر عن ابنك
ربنا يحميولك يارب ويخليه للى بيحبوه-وش بيغمز-

لا مش شعاعها ساطع ياسونه
الحكايه ان نهايه الحياه هنا انا قصدت بيها ان حياته خلصت وحياتها كده انتهت من بعده
مفتوحه النهايه علشان تضم الاتنين

وحشانى يابنتى ربنا مايحرمنى منك

دمت بخير

نـــــور يقول...

kochia
========
اولا ماتزعليش هى دى الدنيا
وثانيا هى شافته وحبته لكن مره
ومن بعدا هو كان بيرفض مقابلتها علشان مش عايز يألمها بوجعه
وهى كانت مصره

ولما اخيرا هو اللى طلب يشوفها
كانت علشان يشوفا قبل موته

معلش انا علشان احافظ على قل الكلمات وعلى الاسلوب شلت تفاصيل كتير كانت بتشرح الحكايه
منورانى جدا
دمت بخير

نـــــور يقول...

وميض ابتسامة
==============
كلماتك رقيقه ياوالدى زى عادتك
فعلا ولقد خلقنا الانسان فى كبد

دمت بكل خير

نـــــور يقول...

prince4ever
==============
اهلاااااااااااااااان
ازيك ياض يادكتور يابتاع بلدنا
كل سنه وانت طيب
مش هنقر هنحسد بس
دايخه على اللينك بتاعك وادك جت برجليك
والله بحب تعليقاتك مووت
نورتنى جدا
وماتزعلش من كآبتى
دمت بخير

ياسر يقول...

اولاا بوست ممتاز ومتميز

دة ممكن يكون ربنا طول في عمرة
لغاية ما شاف حبيبتة وتتلاقي عيونهم
بس لية نهاية الحب علي طول مؤلمة؟
لية حتي لما بيكون صادق ومن القلب بتكون نهايتة الم في الم؟
انا شوفت فيديو في يوتيب اسمة اطمني يشبة للبوست بتاعك
دة بالظبط
تحياتي

Beram ElMasry يقول...

habiba
ابنتى ، اختى ، سيدتى ، ايهم تفضلين هو شرف لي
الامل فى ماذا ، فى غدا افضل ، بمن وبماذا ، ليتك قلت اعملوا والله المستعان ،
ما اعنيه فى البيت الاخير ، انه من سوء الطالع ان
يحكمنا متخلف كلامه لايفهم ومناخيره سايبة ، كالمنغولى ولذلك يخصخص الدستور وهذه سخريه
مصر فى حاجة ان نختار لها رجل رصين وعاقل لا اهوج ، طاهر الطرف لازنيم ، يخاف الله فينا لا امريكا ولا الشقيقه اسرائيل

Beram ElMasry يقول...

habiba
ابنتى ، اختى ، سيدتى ، ايهم تفضلين هو شرف لي
الامل فى ماذا ، فى غدا افضل ، بمن وبماذا ، ليتك قلت اعملوا والله المستعان ،
ما اعنيه فى البيت الاخير ، انه من سوء الطالع ان
يحكمنا متخلف كلامه لايفهم ومناخيره سايبة ، كالمنغولى ولذلك يخصخص الدستور وهذه سخريه
مصر فى حاجة ان نختار لها رجل رصين وعاقل لا اهوج ، طاهر الطرف لازنيم ، يخاف الله فينا لا امريكا ولا الشقيقه اسرائيل

نـــــور يقول...

مدينه الملائكه
=============
مى حبيبتى
هقول ايه بس مش لاقيه تعقيب لانى متأكده انك عارفه ردى
حبيبتى الحساسه الرقيقه بقى :)
انتى حبيبتى يامى

نـــــور يقول...

قلب مصرى
=========
شهاده اعتز بيها ياافندم
جدا جدا

الحمد لله انها عجبتك
نورتنى
دمت بخير

نـــــور يقول...

مـــالك
=========
معلش يامالك الدنييا مش وردى على طول
ولازم نكون واقعيين شويه :)

نورتنى
دمت بخير

نـــــور يقول...

S-G-S
=======
والله تعليقك انت الى سووو نايس
معقول الحكايه اثارت فيك حاجه لدرجه انك هترد ببوست؟
نورتنى جدا واسعدتنى زيارتك
دمت بكل خير

نـــــور يقول...

قلب ينبض لله
============
اهلاااااااااااان قلبى حبيبى
ازيك ياوحشه
وحشانى ياللى عامل فيها موظفه جديده
يععععععع ايه موظف دى؟
ماعلينا
اه انا بخاف من الحسد وانتى عارفه
انتى عارفه اللى بيغيروا منى كتير :D

منورانى ياقمرى

عايش... ولكن !!!! يقول...

برغم انه بوست حزين شويتين
بس واقعى الى ابعد الحدود
تسلم ايدك

نـــــور يقول...

. مـجـنـووون
==============
ياهلا ياهلا
ميرسى اوى لرقه كلامك
من بعض ماعندكم ياافندم
تحياتى
دمت بخير

نـــــور يقول...

nour shahen
=============
ههههههههه
يخرب عقلك يانور
ده انا اتشحتفت على كلامك وصعبتى عليا خالص :)
شفتى ادين اترأفت بحالكوا اهه :)

بس واى حسم يانور ده حسم قاتل
نهايه حياه الاتنين
هو بموته وهى بتوفق الدنيا من حولها بموته برضه :(:(

يلا الدنيا والقدر
معلش يانور القادم بوست نكت :)
نورتنى
مت بكل خير حبيبتى

نـــــور يقول...

انا ودماغي
============
:):)
المشكله ياامورتى انى اصلا تقريبا كد والله اعلم مش بعرف اكتب بس الحكايه بتيجى صدف ولما الناس بتيجى تقرا بتبقى مذهوله هو ده انا :)
ف مش اقدر اوعدك بكده لان بجد مش بكتب قصص وكده

انما وعد البوست الجاى هحاول اخليه خفيف الظل
نورتينى ودايما يارب
دمت بخير

نـــــور يقول...

فارس بلا جواد
=============
هههههه ليه يااخى مانجيبلك زرعا
قولى عايز رز ولا قمح ؟ ههههههههههه

بص يااحمد بخصوص التاجات دى انا بتغاظ لما بهدى لحد تاج ويطنشه علشان كده مش بحب اطنش تاجات حد ولانى فعلا بحس انهم بيخاوا منى كتير كومتهم عند ومش عارفه اتصرف فيهم
بس الحمد لله بيجيلى كتير وبعتذر لان تقريبا تاجات بلوجر كلها خلصت عليا:)

وبخصوص الكتابه فى اللون ده والل صدف بتيجى مع العمى طابات
انا مش بركز علشان اطلع حاجات كده
انا بيبقى موقف احس به قوى اصيغه بشكل وصل لاحساس الناس زى ماوصل
كونه بيطلع حلو دى بقى بركه رضا ربنا :)

وانا مش بكره اللغه العربيه بالعكس انا متاكده من انها ابلغ وسائل التعبير بدليل لما بتحصل حاجه فيا احساس عالى بلجأ للفصح علشان اترجما بيها لانها بتوصل الاحساس ابلغ
انما المشكله انى بيبقى عندى مشكله فى تفهم شعر اللفغه العربيه شويه وبقول كمان انى مش قويه فيها اوى علشان كده بحب العامى اكتر
وده بيخلينى احب اغانى ام كلثوم كلها انما قصائد اللغه العربه مش بيجيلى روح اقعد لها :)

يلا بقى ايدى تعبت من الكتابه
امشى بقى خلاص :)
نورتنى جدا
دمت بخير

نـــــور يقول...

صحيح يافارس نسيت اقولك
ذرعا دى اخت بالى منها ف اول مره راجعت فيها البوست
ومارضيتش اغيرها وربنا قلت اشوفك هتعلق عليها ولا لا ههههههههههه
والله بجد
ماخيبتش ظنى
:)

نـــــور يقول...

ضد التيار
==========
مرسى جدا ياافندم
وحضرتك طيب
اسعدنى مرورك
دمت بكل خير

نـــــور يقول...

Mohamed Dawod
===============
الله الله
ياسيدى ايه الرومانسي دى كلها ياهندسه ؟؟!!! :)
مش هاين عليا ازعلك للمر التانيه واقولك مش هو ده اللى اقصده
يمكن حضرتك اخت بالك من حاجه ان نهايه الحياه مش حياته بس المقصوده بيا لانها مفتوحه
انما انا قصدتها كمان معاه
لان حياتها توقفت بموته كمان
مش عنى هو مات وهى عايش عادى
لا برغم انها تلتقط انفاسها الا انها برضه الحياه بالنسبالهاانتهت :(

والله انا كمان تصعب عليا النهايه
لكن خيال اكتآب بقى ربنا مايوريك

دمت بكل خير

نـــــور يقول...

حنين..
======
انتى كمان بتوحشينى يانونا ياقمر
يارب مايحرمنى منك ياااارب

حاضر هدعبلك
عيونى
ماتغيبيش وربنا يتقبل منك:)
منورانى ياقمرى
دمت بكل خير

*الطالبة عفو الله *زوزو يقول...

يا ربي
ليه كدة يا حبيبة يعني يا فرحة ما تمت
اليوم الي حلمها و حلمه يتحقق تكون الهاية
ايه النهاية الحزينة دي
صعبة عليا المسكينة
الله المستعان

نـــــور يقول...

ياسر
=======
مش عارفه والله ياياسر
سالت نفسى الاسئله دى كتير
ومالقتش اجابه
بس لسه ف حكايات تبشر

تحياتى يا ياسر
ومنورنى جدا
دمت بخير

نـــــور يقول...

Beram ElMasry
===============
اولا اشكرك بشده لاهمامك بالتعليق على كلامى
وثانيا احترم وجهة نظرك بشده
وثالثا اى الالقاب الثلاث شرف عظيم ليا
تحياتى ياافندم
ونورتنى جدا
دمت بخير

نـــــور يقول...

عايش ولكن
===========
وتسلم ياعلاء
نورتنى جدا
دمت بخير

نـــــور يقول...

الطالبة عفو الله
===============
اهلا زيزى
مبروك تغيير الاسم
معلش يازيزى
هو ده حال الدنيا
تحياتى
دمت بخير

mahasen saber يقول...

ربنا ما يحرمنى منك انتى يا قمر يا زقزوقى
بقالك تعالى قربى كده خدى البوسه دى
اممممممممم على خدك يا قمر وحشتينى وحشتينى
ااقولك نخليهم اتنين منى ومن الدنجوان ابنى...
عيد سعيد عليكى يا جميله يا حبيبة قلبى
ونفسىاشوفك بقه اكيد عينى هتقع على حاجه حلوه...

mahasen saber يقول...

بس ايه مش هينفع نشوف بعض ولا ايه
ان شاء الله اشوفك على خير ...
وبقولك ركزى فى دراستك
عشان عايزين تفوق وطبعا انتى عارفه
تفوق يعنى ايه...
مقبول طبعا ...لا برافوووو
شدى حيلك وربنا يوفقك...

نـــــور يقول...

mahasen saber
==============
حبيبتى انتى كمان بتوحشينى
البوسه وصلت وبوسيل خطيبى كمان
لا انا هعرف اوصلك ازاى ماتخافيش

بوسيلى خطيبى
وادعبلى بقى الشقى ابتدى
لا يااختشى انا مش بتاعت مبلول ولا مقبول
ادعيلى بس احافظ على تقديرى
وماتحلميش بحاجه حلوة اوى بعدين تتصدمى ولا حاجه :)
تحياتى لحماتى

إنتظارات شاهقة يقول...

ازيك يا جميلة

حبيبتى تنتهى الحياة ولا ينتهى الحب
لكن اذا انتهى الحب وظلت الحياة فذلك الموت عينة...


دام قلمك

احترامى

son's egypt يقول...

السلام عليكم
دائما ما توجد اشياء اقوي منا تفرقنا عم من نحب ان نحيا ونعيش معه

أمير البلانكو يقول...

habiba

بجد روعه أوي

تسلم ايديك الي مزيد من الابداع

تحياتي ليكي

كلام حسام يقول...

مشاعر فياضة يا حبيبة وسلاسة في الصياغة احسدك عليها أحساس علي جد حسيت بيه
اي كان
تروقني جدا هذه النهاية
فقد انهت حياته مع حبه فقد وجدها اخيرا
انتهت حياته راضيا فالبحث عن الحب ليس سوي الا قطعة من العذاب

غير معرف يقول...

يا حبيتى و لا يهمك
أنا كل بوستاتك بتعجبى اوى
حتى لو موتى الشعب المصرى كله فيه(بس ما عدا أنا طبعا)
حيكون زى العسل برضه ؛)

☼♫♪ عمــاد الدين يــوسف ☼♫♪ يقول...

ليه بس النكد ده
يعني مكنش ينفع لما يشوفها يفوق ويبقى تمام زي الافلام ولا المخرج مش عايز كده ههههههههههههههه
تحياتي

محمود حسن العدل يقول...

بوست هايل فية اخلاص الحبيبة للحبيب لابعد الحدود لدرجة انها اعتبرت نهايتة هيا نهايتها .
ولكن يعز على نفسى فراق الحبيب بعد كل هذا الحب للمحبوبة وامام اعينها .
قصة مؤثرة جدا
بس كتبت بقلم فنانة
بجد تحيااااااااااااااااااتى

شهد الكلمات يقول...

ياااااااااااااه يا بيبو

حلوة اوي بجد

جسمي قشعر احساس البوست ده عالي جدا جدا جدا

مين فينا بقي اللي في مود الحزن !!!!

تسلم ايدك بجد

تحياتي

Beram ElMasry يقول...

سيدتى
عيد فطر سعيد اعاده الله عليكم باليمن والخير والبركة ، وادام سعدكم وحقق احلامكم

همسات دافئه يقول...

حرام عليكى ياشيخه
بس والله عندك حق
مش عارفه ليه الناس بتيجى بعد فوات الأوان
وصفك جميل
تحياتى
شيماء:)

حبيبة الروح يقول...

حبيبه يا حبيبتي انا جيت اودعك
واضح ان مليش نصيب اني اكلمك النهارده خلي بالك من نفسك
لا اله الا الله
سلام
مي

elsha3er يقول...

انتو اية دة اية كمية الحزن اللى فى المدونين دة حرام عليكم احنا داخلين على عيد انا كل ما ادخل مدونة الاقى واحد ميت حرام عليكم


احمد الشاعر

نـــــور يقول...

احلام اليقظة
=============
انا تمام الحمد لله ازيك انتى؟
الله عليكى وعلى كلامك
احترامى لكى ايضا
كل سنه وانتى بخير

نـــــور يقول...

son's egypt
==============
وعليكم السلام ورحمه الله وبركاته

عندك حق
لكنه القدر واراده الله
دمت بخير

نـــــور يقول...

أمير البلانكو
=============
ربنا يخليك
وتسلم انت كمان
دمت بكل خير

romansy يقول...

ايه الموقف الرمانسى دا
دا يبكى من كتر الرومانسيه اللى فيه
بجد جميل
بيفكرنى بفيلم حليم
فيه مشهد بحبه قوى
مشهد وفاه جيجى

نـــــور يقول...

كلام حسام
=========
ربنا يخليك ياحسام
يعنى انت هتحسدنى على دول
امال انا ياعم مش حسدتك على كل ابداعاتك ليه؟
ده انا على كده طيبه اوى :)
منورنى دايما ياحسام
دمت بخير

نـــــور يقول...

انا ودماغي
============
والله انتى اللى حبيبتى
انا اموتك؟
يانهار هو انا اقدر؟
بعد الشر عنك
كل عيد وانتتى بخير

نـــــور يقول...

المحرر الصحفي والشاعر : عمــاد الدين يوســـف
==============================
لا ياعماد
مش عارفه كان احساس بيها كده ليه؟
يمكن لانى فعلا بكره شغل المخرج عايز كده؟؟

جايز يعلم الله
دمت بخير

نـــــور يقول...

محمود حسن العدل
===============
والله انا كمان يامحمود يعز عليا فراقهم لكن بعيد عنك مود وحش وطلعته عليكوا
اتحملونى بقى :)
وبعدين تعالى هنا
هو انت اساسا ليك عين ترد وانت التعليق رقم خمسميه:(
طييييييب يامحمود
افتكرها بس
نورتنى جدا بجد
دمت بكل خير

نـــــور يقول...

شهد الكلمات
=============
وتسلمى انتى كمان ياهاجر
مش عارفه والله
بس الل اعرفه انها مود اه
ربنا يستر بقى
دمت بخير

نـــــور يقول...

Beram ElMasry
===============
اللهم امين استاذ بيرم
وحضرتك بكل خير

نـــــور يقول...

همسات دافئه
============
تصدقى ياشيماء تعليقك فطسنى من الضحك:):)
بجد حسيت انك اتغظتى منى اوى
مش دايما الناس بتكون عايزة كده
لكن اوقات القدر بيفرض عليها كده
:(
تحياتى جدا ونورتينى
دمت بخير

نـــــور يقول...

مدينه الملائكه
==============
مش عارفه وداع ايه بس يامى؟
مش عارف اقولك ايه؟
بس ده غلط

عموما محمد رسول الله وهتوحشينى هستناكى

نـــــور يقول...

elsha3er
==========
والله عندك حق
بس الكل قرفان والمود زفت
ادعى ان العيد يجى يخفف الهم
تحياتى وكل سنه وانت طيب

نـــــور يقول...

romansy
=========
ياسلام يابشمهندس
انا بصراحه مش عارفه المشهد ده
بس عل اى حال المهم انه عجبك
نورتنى
دمت بخير