الجمعة، سبتمبر 4

الحب وحده لا يكفى



عندما تدق قلوبنا بالحب نشعر أن  الحياة الدنيا اوشكت على الانتهاء  بمشاقها ومتاعبها لتتبعها حياة أخرى أبدية نعيشها فى ظلل دقات قلوبنا الفرحة بمن أتى ليوقظها من ثباتهاالعميق.

لكنى أرى أن دقات القلب بالحب وحدها لا تكفى إن لم تتوج بالعديد من التصرفات التى نحافظ على من نحب والتى تساعدنا على فهمه,استيعابه,تعلم مايحبه فنقوم به ومايغضبه فنبتعد عنه.
 
فلو أن الحب وحده يكفى لما سمعنا ب"ومن الحب ماقتل" فكم من أحبة تباعدوا بعد المشرق والمغرب وافترقوا وكل منهما يحمل بين ضلوعه حبا لا ينتهى للاخر ولكن لم يصلا سويا لمرحلة التفهم والانسجام التى تتيح لكل منهما وضع نفسه موضع الطرف الاخر فيفعل مابوسعه للحفاظ عليه.
 
وتبقى الفكرة وهى أنه لا يهم لسعادة القلب الوقوع فى الحب بقدر مايهم كيف لنا أن نحافظ على بقائه؟!

هناك 24 تعليقًا:

mohamed ghalia يقول...

صح
المهم المحافظة على بقائه

Maha Shahen يقول...

اكيد عندك حق
لأن الحب وحده ممكن يكون سبب فى موت القلب
لأن حب منغير هدف زى سهم صاب البدن وتركها تنزف حتى الموت
والهدف والدعم لبقائه هو العلاج الوحيد ليه
الحب اجمل شىء فى الكون هو روح الكون
لكن احواله غريبه
تحياتى ليكى بجد وبالفعل الحب وحدو لا يكفى

mahasen saber يقول...

الله ينور عليكى يا حبيبه ..

فعلا ازاى نحافظ على الحب اهم مليون مره من اننا نحب حتى بس
يعنى ياما كتير كتير حبوا واتحبوا وراح حبهم من ايديهم عشان حد منهم ميعرفش يحافظ على اليى بيحبه صح
او على الاقلل يعامله صح

mahasen saber يقول...

وحشتينى جدا جدا جدا على فكره

انا كنت بمر بظروف صعبه انا وبيرو خطيبك فاكراه ولاا نسيتيه وكنا عيانيين ومرضى بس الحمد لله

المهم انتى وحشانى فوق ما تتخيلى يا واحده من اعز البشر على قلبى

Ahmed يقول...

لما بنفشل في الحفاظ عليه بيتحول لوهم ووابل على أصحابه

وكتير بيفقدوا الثقه فيه وبيدخلوا حياة الرهبان

لا تـــشـــتــــاق يقول...

السلام عليكم
ربنا يرحمه ويرحمنا جميعا
من السهل على الانسان ان يحي ولكن من الصعب انه يحافظ على حبه وان يصل به الى مبتغاه وبر امانه به كلنا نستطيع ان نحب
لكن كلنا لايدرك كيف يحب
موضوع جميل
وكل سنه وحضرتك طيبه

Unknown يقول...

عين العقل الكلام
دا وبرضه بيفكرنى
بكلام تانى قراته
مرة أن البنات
لما بيفكروا فى
الخطوبة والزواج
بيقتصر التفكير على
الحدث نفسه بدون التخطيط
لما بعد الحدث وهذا ما يُحدث
المشـــــــــــــــــاكل:(

kochia يقول...

تمام
لان فعلا
الحب وحده لا يكفي
وعندما نتجاهل هذا نقع في كثير من الاخطاء التي تجرحنا بشكل اكبر من جروح الحب

تحياتي

Meme يقول...

والله مانا عارفه اقولك ايه اصلي ماليش في المواضيع دي و مش بفهم فيها
على فكره ازيك انتي؟

Wish I were a Butterfly ... يقول...

صح. الأهم الحفاظ عليه

ربنا يرزقك يا نور بحب كبير يفضل معاكي العمر كله ومش تفترقوا أبدا


شكرا لسؤالك عني :)). بجد شكرا أوي أوي. بس عارفة؟؟كأنك كنتي حاسة:). الصيام عامل عمايله بصراحة اليومين دول عشان كنت تعبانة:)). انت حلمتي بي ولا حاجة؟
p:
ربنا يخليكي بجد. شكرا ليكي على سلامك في بلوجتي النونو

-_- يقول...

اللهم ارحم محمد الفارس الملثم

blue-wave يقول...

المحافظه على الحب
تبدأ ب حسن الإختيار
ثم
حسن المعامله
ثم
تبادل المشاعر فالزجاجه اللتى تصب فى كوب فارغ ستفرغ هى ايضا ذات يوم
كل سنه وانتى بالف خير اختى الغاليه
واسف لو كان تعليقى اللى فات دايقك بس والله كنت بهزر ومكنتش اقصد حاجه وحشه
كفايه عصبيه:))

eyad يقول...

اللهم اغفر له وارحمه واسكنه فسيح جناتك

تعليق موضوعك

ليس الحب بكاف ولكنه احد العوامل الاساسيه في حياتنا

فكم من حب اقام ارواح من عثرتها
وكم من حب اتاح حياة جديده لاصحابه
وكم من حب عاشت تخلده الازمان

تقبلي مروري ولكي مني وافر الاحترام والتقدير

شهد الكلمات يقول...

معاكي يا قمر 100%

الحب رغم انه مهم جدااااااااا لينا
لكن الحياة مش هاتنتهي عليه

تحياتي

غير معرف يقول...

معاكى حق تماما..بوست تحفة كالعادة




وحشاااااااانى اوى يا حبيبتى ..عاملة إيه فى رمضان

**sad smile** يقول...

السلام عليكم

أزيك يا قمر

مدونة مميزة جدا ورائعة

بوووست رائع وعالي بكلماته الذهبية

أتمنى لكي التقدم والنجاح في التدوين

دمتي بكل المحبة


تحياااااااااااااتي لكي

dark angel

prince4ever يقول...

سلامو عليكوووو
ازيك يا نور.... وحشاني جدا و الله يا بنتي..
انا جيت امسي و اسأل اهو...رغم كل الهبل اللي بنعاني منه الايام دي بس عيب عليكي لازم اجي و لو على عيني..
مش هعلق انا ع الموضوع عشان عارف تعليقاتي بتجيبلك الضغط عشان دايما رؤيتنا للأمور مبتتفقش...و ان كنت المره دي متفق معاكي
انا بس قلت اسلم و اقولك ادعي لاخوكي المكروب كده في ليلة القدر و ربنا يتقبل منا و منكم

كل سنه و انتي طيبه يا عسل و ابقى اسألي كده دايما :)
سلااااااااااااام

*^*AL.7aAzZeEnN*^* يقول...

السلام عليك

الله الله الله على الكلام الرئع ده

بجد بوست هائل والله

ولا المدونه جميلخ بجد من غير مجمله والله

اتمني ليك كل سعاده و خير

و انا فرحان اوووي ان حضرتك في هندسه

عشلان انا ناوي عليها ان شاء الله ههههه

دمتي بكل حب

اتمني زيارتك لمدونتي المتواضعه

TiTo

الميكروباص يقول...
أزال المؤلف هذا التعليق.
الميكروباص يقول...

ما هو الحب؟
بيقولوا انه عباره عن مجموعه من التصرفات تثبت للطرف المقابل انك تحبه
اعتقد انه بسبب غباء المحبين فالحب هذه الايام نادر
لا يعرف احدهم كيف يحافظ على من معه او على من يحبه
فنتيجه لتصرفات حمقاء قد يفقد الانسان من يحبه في لحظه- وحدث هذا مع العديد من الاصدقاء-
والطرف الآخر ما بيصدق ان الاول يعمل معه خطأ حتى يهرب منه ويقول له اني كنت في يدك لكن انت السبب فيما حدث
كل ده لأنه لا يوجد ثقافه الحب اثلا عندنا




....



عااااااااااااااووووووووووووو

Unknown يقول...

السلام عليكم ورحمة
الله تعالى وبركاته
وكل عام وأنتم بخير
عيد سعيد وعمر مديد
فى طاعة الله والعمل الصالح

الميكروباص يقول...

اجمل التهاني بحلول عيد الفطر المبارك
وكل عام والنور مالي علينا الدنيا

الازهرى يقول...

الحب لغة ل يعرف أحد كل رموزها
الحب أسطورة لم تبلغ النهايه

كل سنة وانت طيبه وبالف خير

كل سنة وانت اجمل والى الله اقرب

عيد سعيد على كل المسلمين يارب

عالم حبيب يقول...

مع ختام رمضان وقدوم العيد .. أدعوا الله أن يتقبل منا ومنكم الشهر ويهل علينا وعليكم والمسملين هلال العيد بسعادة واطمئنان وثبات على الطاعات بعد رمضان

أذكركم بصيام 6 من شوال لحديث النبي صلى الله عليه وسلم : من صام رمضان وأتبعه بست من شوال خرج كيوم ولدته أمه .. صحيح مسلم

كل عام وأنتم الى الله أقرب وعلى طاعته أدوم