كلما نظرت لابنهما وابنتهما
.
كلما جالت بعيناها فى جدران بيتها
تراجعت عن قرارها
ولكـن الآن
ومع مضى السنين نفذ صبرها
سبق السيف العزل ولم يبق مجالا للتراجع
.
.
حملت ابنتها وابنها وحقيبه صغيره تحوى بعض أغراضهم
حملت ابنتها وابنها وحقيبه صغيره تحوى بعض أغراضهم
خلعت خاتم زواجهما من اصبعها
وضعته على وسادتها وبجانبه ورقه صغيره تحمل..
"لا تعد لى فلم أعد احتمل صوت انفاسك فى أحضان الأخريات"
هناك 46 تعليقًا:
ازيك يا نور وحشاني
قرار صعب لكن حين يصل السيل الزبا لايكون الحل الا الرحيل مهما كانت العواقب وخيمة
تحياتي
الطالبة عفو الله
امممممممم
اعتقد انه حب مات من زمان
و لكن استمراره كانت حلاوة روح فقط لاغير
بجد صعبة الا انها واقعية
منه له ياشيخة
يعنى انتى و هنية عليا
عااااااااااااااااااااااااااااااااااا
السلام عليكم
كل عام وانتى بالف خير
يارب تكونى بخير يا نور يارب
صعب قوى الجراح والالم
والاصعب قرار النهاية
بس الحب فعلا ممكن يتوه من كثرة الجراح
ومرارة الخيانه
اسلوب حلو قوى يا نور
الخيانه اصعب شىء فى الدنيا
مســـاء الفـــل
أولاً : بوست حلو .. تسلم إيدك
ثانياً : أنا متفق معك في الرأي .. أن تفقده أفضل من أن تظل وحيدة بجانبه .. خاصة إذا كان خائناً .
ثالثاً : ومش باحاول ألاقي مبررات لخيانة الزوج هنا .. لكن هل الزوجة ذاتها لم تكن أحد دوافعه للخيانة ؟؟ .. دي أنت ما فسرتهاش في البوست .. يعني هل الزوج خائن بالفطرة ؟؟ .. الخيانة بتجري في دمه ؟؟ .. لأنه لو كده يبقى يستاهل الإعدام ضرباً بالقباقيب ههههههه
سلام
واضح انك لسه متفرجه على فيلم سهر اليالى قريب:))
بس هيا سمعت ازاى صوت انفاسه فى احضان الأخريات؟؟؟
مش اوقع لو كنتى قولتى (لم اعد احتمل رائحة انفاس الأخريات اللتى تنبعث منك؟)
تحتـمل المرأة من
زوجها حاجات كثيرة
الأ الخيانة مع غيرها
قاسية ومدمرة لهــــا
أحضان أخريات ايه بس يا نور
هو الراجل اللي بيكون عنده ولد وبنت بيكون فايق يبص جنبه
بس أرجع وأقولك حتى لو حصل اللي في القصه
لا يمكن له أن يستغنى عن أم الأولاد
وممكن يموت نفسه لو تركته
همسة حب
********
ازيك انتى ياجميله
فينك يابنتى وايه الاسماء الجامده دى ;)
عندك حق وبسسسسس :(
نورتينى وكل سنه وانتى طيبه ياقمر
Sweet Violet
*************
بصى هو مكنش مات عشم منها فى انه يرع لعقله لكن واضح ان فاض بيها خلاص ومابقتش لاقيه مفر من وجع كرامتها اللى بينأح عليها
اصل انا وهنيه بنفهم P:
نورتينى ياعسل
وردشان smilyrose
*****************
وعليكم السلام
وكل سنة وانتى طيبه يااجمل وردات بلوجر
انتى اخباراتك ايه؟
بصى اعتقد جرح الخيانه ممكن يخليها بسهوله تنسى الحب ده خصوصا ان المراره اللى ممكن تكون حست بيها مراره من نوع خاص
يعنى موت عشره وخيانه واهتزاز ثقتها فى نفسها
نورتينى بجد
gogo!sf
********
صح
انتى فين بقى؟!!
P A S H A
**********
مساء الخيــر
اخبارك ايه؟
منورنى والله
اولا متشكره جدا ومبسوطه انه عجب حضرتك
وثانيا متشكره لاتفاقك معايا
وثالثا انا من وجهة نظرى شايفه انها كان غلطها الوحيد انها ادته كل حاجه وولعت صوابعها العشره شمع زى مابيقولوا عشن تسعده وعشان كده هو لما لقاها بتدى اوى قال تبقى باقيه عليا اوى يعنى مهما عملت فيها هتتحملنى
ولما خانها اول مره وسكتت رغم انها عرفت عشان س تحافظ على بيتها هو استسمحها ولما سامحت هو ساق فيها وقال حبها ليا هيخليها تغفرلى مهما غلطت!!
شفت يااخى الوقاحه؟
ها دلوقت من وجهة نظرك هو يستاهل ايه بقى؟ :)
نورتنى جدا ياافندم:)
blue-wave
**********
اهلا دكتور عمرو
لا ياسيدى اللى انت ماتعرفوش انى نفسى جدا اتفرج على الفيلم ده كامل ولو مره فى حياتى لانى دايما اسمعه من اول ماالرجاله يسيبوا بيوتهم ويسافروا فمعرفش لما جوز بيرى خانها خانها ازاى ولا ايه ظروفها
وعلى فكره لا مش اوقع لو قلت كده لسبب لانها فى الحقيقه ماسمعتش اصوات انفاسه ولا حاجه هى بس بتعرف انه بيخونها وبيبتدى خيالها يصورلها شكله وصوته ونفسه وهو مع اى واحده غيرها فالموضوع بيبقى بالنسبالها زى كابوس بيتجسد عشان ينغص عليها حياتها وخلاص
يعنى الحكايه كلها مجاز مرسل -اعتقد بيسموه كده فى اللغه العربيه او كنايه مش فاكره- :)
وعشان كده الاوقع من وجهة نظرى هى جملتى انا مش جملة حضرتك
نورتنى يادكتور
norahaty
*********
اهلا اهلا اهلا يادكتوره
وانا اقول صفحة كومنتاتى منوره ليه:)
كلام حضرتك صح جدا ومتفقه مع حضرتك فيه
منورانى جدا:)
لورنس العرب
************
والله ياعم معتز انت رايق
اه ياسيدى مش معنى ان حضرتك هدى بيتك اهتمامه وهتبقى عارف مسئولياتك كويس ان كل الرجاله كده
فى رجاله طفسه حقيقى وموجودين بكثره
وعلى فكره انا معاك فى ان فى بعض الرجاله بالنسبالهم الست دى هى بيته واولاده وحياته ولو سابته هيموت عليها لكن فى رجاله تانيه مش فارق معاها خالص ولو سابته هيقول المركب اللى تودى هاخد ولادى منها وهى تغور اجيب الف واحده مكانها!!
وبعدين حتى لو مايقدرش يستغنى عنها مش دى الفكره
الفكره هى استفادت ايه من ده وهل هى هتقدر تتحمل اللى بيعمله ده حتى لو مايقدرش يستغنى عنها؟!!
نورتنى ياعمو
ازيك يا قمر
كل سنةو انتي طيبة
و الله انا مش عارفةاصلا لية صبرت كل ده
واحد خاين يبقي بالسلامة المركب اللي تودي من اولها و الولاد اللي صعبانين عليها تربيهم بعيد عن ابوهم احسن مايطلعوا يلاقوا ابوهم بتاع ستات و خاين و مش محترم
انتي عارفة يا نور في ستات كتير اوي اسمه عنهم و بشوفهم حوليا في الشغل صبرين على جوازتهم رغم خيانتهم و رغم جوازهم عليهم لية ؟؟! عشان خاطر الاولاد برده و ضل راجل ولا ضل حيطةو كلام عبيط كدة
هو بيني و بينك انا معرفش لو انا مكانهم هاعمل اية الواحد من بعيد بيتكلم غير لما يكون في الموقف بس اعتقد لا قدر الله لو انا في مكانهم و مكان البطلة مش هاصبر عليه كل الصبر ده
بالسلامة يا شربات طريقك اخضر هههههههههه
فكرة حلوة يا قمر
تحياتي
شوفي أقولك على حاجه
هو فيه نوع مش طفس بالمعنى المعروف
بس يعني بيبقى عاوز يشعر أنه لسه مرغوب فيه من الجنس الآخر
والنوعيه دي موجوده غالبا في الشغل
تلائيه مهتم بنفسه وبيتكلم بلباقه مع البنات وبيقعد معاهم بالساعات
بس هو مش هايتجوز واحده فيهم أو يعني هي مش طفاسه
بس بيحب يشعر أنه لسه شباب
يعني بيعيش في الوهم كام ساعه في اليوم
وربنا يهدي
بس ده مايمنعش اني لازم أقول حاجه مهمه
" عااااااووووووو"
العنوان مؤثر جدا و جاذب
إذا هي هانت عليه الوقت دة كــله و مستحملاه ومستنية يبطل و يرجع لها بقلبه ليها هي وبس، يبقى هو ليه المفروض يهون عليها؟! المشكلة فعلا في العيال يا بيبا :) العيــال
بس فعلا.. لو في الواقع الموضوع بيبقى صعب أوي أوي،و القرار فيه أصعب بكتيـــــر
العنوان حلو أوي على فكرة..قوي
نهاية الباطل إبطال
تسلم ايدك
صيغت ب اسلوب خفيف ومحبب
تحياتي
لم يعد هناك مجال للعشرة بينهم انتهى كل شىء
بصى يانور
القصه جميله بس فى حاجه
اه الخيانه صعبه...واه للصبر حدود
لكن هناك دائماً مساحه للتسامح
بطله قصتك انا مش متعاطف معاها خالص
لسبب بسيط
الخيانه تتكون من ثلاث اطراف
خائن....وخائنه...وشخص ثالث يستحق ان يخان بيتحول الى مخدوع
الاول والتانى مش موضوعنا
خلينا فى التالت
الشخص التالت وهو المخدوع هو من اهمل فى نفسه وفى حق الاخرين حتى صادف الخائن من هو افضل منه فخان المخدوع معه
انا لا استجدى اعذار للخائن لكنى لا ابرىء المخدوع نت المسئوليه
وفى نقطه مهمه اخرى انا لااعتقد ان الخائن حين يخون... يكره المخدوع او يحاول تبديله لكن لاسف تانى الخيان صدفه
لكن بخلاف تلك النقط
قصتك جميله
تحياتى
"لا تعد لى فلم أعد احتمل صوت انفاسك فى أحضان الأخريات
الانطباع الاول : يالهوي
قرار صعب على أي أم .. بس الاصعب على اي زوجة الخيانة
دمتي في طاعة ورضا من الرحمن يارب
شوفي يا نور
اولا كده في نوعين من الرجاله
نوع عاوز قطع رقبته وعاوز ولا اعوذ بالله الحرق
طفس
رمرام بيموت في الستات علي مختلف اشكالها والوانها
وفي منهم واطي لؤخده يحب الصنف الواطي زيه وده منه كتير يعني ممكن تلاقي المودام بنت ناس ورقيه وست كمل بس هو صنفه كده
في انسان كويس جدا ومحترم بس يعني الطرف التاني اللي هو الجديد بيشغله وممكن في فتره من فترات الحياه الزوجيه بيكون في ركود وملل وخلاص بقي الزوجه اهتمت بحجات غيره فغصب عنه بيحاول يدور علي حد يهتم بيه انا مش بعصمه من الخطأ بس خلينا نقول انها بتحصل وكتير مهما كانت درجه التدين والعقل
احنا بشر وبنحب ديما يكون مرغوب فينا ومحبوبين وشكلنا حلو ادام الناس
امال ليه ربنا شرع زواج اربع ستات للراجل
تعرفي زمان وانا متنيله صغيره مخبوله كده
كان نفسي اوي اتجوز واحد متجوز اربعه انا منهم يعني ال ايه ياختي عشان الونس والعيال كتير يملو البيت
والواد بيهرش والبت منكوشه والواد التاني عاوز يغير وبت واختها مسكين بعض مموتين بعض من الضرب بس كلهم مش عيالي ياختي اه عيال جوزي من الماخفي ضاريري
وانا من النوع السهتان
اللي بيقولوا عليه متخدتش ام كحله ولبانه تاكل
وتعمل عيانه
وانا الربعه بقي الجديده خالص هه واخده بالك
وانا بقي كل واحد ليها اوضه ودوار كبير وانا معملش حاجه بس اتفق معاهم عليه ونطلع عين اللي خلفوه المهم نكون بنحب بعض كلنا ال يعني
تصدقي دي ال نحب بعض ال
عقل اطفال اهبل كل ده عشان معملش اي حاجه وكنت لما اسمع ان واحده متجوزه جديد وبتشتكي من الوحده وانه سيبها طول اليوم اتبتكرت الموضوع ده
هوبل وتوخولف
ده انا اللي يقرب منه بس اكله
ال يتجوز ال
اوعي كده ياختي بلاش كلام فارغ
اختي القاصة بيبة
بجد اول مره اكتشف فيكي موهبة القصه
ومش اي قصة
قصة الموقف من اصعب القصص بس ماشاء الله عليكي ابدعتي
تحياتي
عااااااااوووووووووو
الهندسه فين؟؟؟
بجد مش عارف اقول ايه
بجد مش عارف اقول ايه
شهد الكلمات
************
اعتقد كنتى فعلا هتقولى طريقك اخضر بس بما انك بره الدايره بس
فى ناس كتير اوى كانت بتتحمق زى حالاتنا كده بس وهى لسه ايديها فى الميه انما للى ايده فى النار اراء اخرى
فى كل الاحوال ربنا يحفظك ويحفظنا من المصايب دى ياهاجر
فينك بقى؟ نورتينى على فكره وماتغطسيش تانى:)
لورنس العرب
***********
الوصف اللى بتقول عليه ده بقى ياعمو مايبقاش فعلا اسمه طفاسه ده يبقى نقص بعيد عنك
يعنى هو البعيد مش هيحس برجولته الا لما يصيع شويه ما زميلاته اللى زيه؟!!
وده برضه مايمنعش انى لازم ارد بحاجه مهمه
بخخخخخخخخخ
Tears
******
لو ان معناه كويس كنت قلتلك اتفضليه :)
نورتينى
Wish I were a Butterfly ...
****************************
تقصدى هى ليه هانت عليه؟
لو كان كده يبقى هقولك لانه حد واطى جدا وفى من امثاله كتير نوعيات وقعه تحب الرمرمه وتسيب الحلال اللى ربنا سايبه ليها!!
المشكله حقيقى العيال والقرار فى الموضوع الحقيقى لسه قيد الاتخاذ :(
مبسوطه اوى ان العنوان عجبك يابوبه ولو بجد هو معناه حلو او مريح كنت قلتلك اتفضليه انما ربنا مايكتب معناه عليكى ابدا يارب ياجميله
نورتينى:)
د. محمد رضـا .. هل تراني ؟
**************************
نعم اراك!! :)
ربنا يخليك يادكتور بس مهما كان الاسلوب جميل اكيد مش هكون فى جمال اسلوبك :)
نورتنى
mohamed ghalia
***************
طب واولادهم يامحمد؟ يتشردوا بين ابوهم وامهم؟!
momken
*******
شوف ياممكن
انا متفقه معاك بس خلينى اقولك مش فى كل الحالات كلامك بيبقى صح -انا دلوقت بتكلم عن الجزء الاول من تعليقك-
ليه بقى ؟ لان اوقات من غير حتى ماالمخدوع يهمل فى نفسه وحتى وهو قايد صوابعه العشره شمع وعامل مالا يعمل تلاقى واحد طفس جاى ناكر النعمه اللى عايش فيها وراح بكل طفاسه مرمرم وشاف حد تانى وخلينى اقولك لان جزء كبير من قصتى حقيقى فبطله قصتى كان حد صعب راجل يلاقى زيه ومع كده هو ندل وراجع ردى على "pasha"
اما عن الجزء التانى من تعليقك فحقيقى احيانا تأتى الخيانه صدفه ولكنها غالبا تأتى مع سبق الاصرار والترصد !!
وفى كل الاحوال الخاين حتى بالمبررات يستاهل الشنق
وبعديا عن ده كله مبسوطه لان القصه عجبتك:)
نورتنى
قررت اكون عانس
***************
الانطباع الاول : :)
عندك حق بس ربما تأتى الرياح بما لا تشتهى السفن :(
متشكره على دعواتك ياقمر
نورتينى
سمكه واحده
*********
النص الاول فى تعليقك انا متفقه معاكى فيه ياسموكتى جدا جدا
اما النص التانى الله يحضظ ياسموكه
انتى يابت كنتى بتسمعى افلام ابيض واسود ومسلسلات كتير؟
واضح انها لحست دماغك
فى واحده تتمنى تتجوز واحد متجوز قبلها تلاته يانيله؟!!!!
بس عارفه سمعت مره حد بيقول ان الراجل يحب يكون اول حد فى حياة الست اما الست تحب تكون اخر ست فى حياه الراجل واعتقد ده صح جدا !!
سيبك انتى بلاش كلام فارغ
انتى عامله ايه؟
☼♫♪ عمــاد الدين يــوسف ☼♫♪
****************************
والله ياسى عماد؟
انت ياجدع انت ماقريتليش قصص قصيره قبل كده؟
انا اساسا قصصى كلها قصص موقف واحد اساسا
بس مكنتش اعرف انها من اصعب القصص -وش لابس نضاره بتلمع- :)
عموما مش هعديهالك ياعماد
انت عامل ايه بس؟
منورنى والله ياراجل
لورنس العرب
***********
الهندسه مكانتش دماغه متظبطه والله ياعمو
معلش كنت بمر بشويه ظروف رخمه
ادعيلى الله يخليلك عيالك :)
غير معرف
********
مش فاهمه؟!
انا مش معاهم
*************
ياترى حضارتك هو غير معرف اللى سبقك ولا لأ؟ الوقت والتعليق بيقولوا انه حضرتك
عموما لو كده فانا مافهمتش قصد حضرتك نا اسفه :)
ياترى دى صدمه؟!
نورتنى على اى حال
أول زيارة للمدونة
بجد المدونة تحفة
والبوست هاااااااايل بجد
سعيد جدا بزيارتى للمدونة
وإن شاء الله متابعك على طول يانور
إرسال تعليق