عارفين اصعب حاجه ممكن الواحد يحس بيها هى ايه؟
انه يفتكر ان فى حد فاهمه اوى وهو ولا يطلع فاهمه خالص
انه يفتكر ان فى حد عارف صفاته اكتر من نفسه وفى الاخر يطلع مش عارف عنه ايييييييييييييى حاجه
انه يكون مصدق ان فى حد بيحبه اوى وهو ولا يطلع شايله اى حاجه
انه يكون فاهم نفسه فارق مع حد اوى وهو ولا يطلع فارق معاه خالص
انه يكون فاكر ان حياة الحد ده ممكن تقف من غيره ويتفاجئ بإنه كان مغفل والحد ده بيقوله ببساطه بيك ومن غيرك هعيش
انه يكون فاهم نفسه صالح مدى الحياة وهو فى الاخر ليه اكسبايرى ديت بتخلص مدته وريحته بعدها بتطلع ومايصلحش لحاجه
انه يكون فاهم حاجات كتير اوى وفى الاخر يطلع مش فاهم اى حاجه وكل اللى كان فاهمه كان غلط
عارفين ساعتها بقى بيحس بإيه
ان السما كده ممكن تنطبق على الارض
ولا حيـــــاة !!
وشكرا أوى يادنيا
هناك 35 تعليقًا:
نــــور
مساء الفل .. بوست مش لاقي كلام أعبر بيه بجد .. صاااادم
تحياتي
كلامك واقعى جدا
وفعلا اصعب حاجة
ربنا يهون عليكى وعليا
عارفه ان جرح السكين أهون من جرح الانسان في مشاعرة...
بس اي جرح في الدنيا بياخد وقته وبيعدي...
الحب بيغمي عنين المحب ويخليه ميشوفش عيوب واضحه زي الشمس في حبيبه وبالعكس حبه الصادق بيصورله نقاط مشتركه هي اصلا مش موجوده ...
كل اللي اقدر اقولهولك ميصعبش عليكي اللي انتي مصعبتيش عليه
بيعي اللي باعك..واشتري اللي شاريكي...
بقى بعد ما أرجع الأاقى بوست زى ده مستنينى
مش عارفة اقولك إيه
كل ضيقة بعدها فرج يا نور
عندك حق . بس ما فيش شعور معين ممكن نقول عليه اصعب شعور فى الدنيا . كل واحد ليه مشاعره الصعبة اللى عو بس يقدر يحس بيها . الكلام حقيقى لدرجة كبيرة انما شعور وهيعدى . ان شاء الله يعدى .
اية ده يا بيبو لية الحزن ده كله
اللي انتي بتوصفيه ده حسيت بيه برده و كلنا حس بيه انك اهتميتي و حسيتي بحاجات لحد مايستهلش
بس بجد و صدقيني لما الحد ده بيعمل كدة بينزل من نظرك و كلها شهر و يمكن اقل و هاتحسي انه اتشطب باستيكة
هو اه مش بيتشطب اوي يعني بس احساسك بيه هايروح هايفضل حد عرفتيه
حد علمك تخدي بالك بعد كدة من الناس و انك ماتديش مشاعرك لحد مايستاهلش
و لو ندمتي هاتندمي على الوقت و المشاعر اللي ضاعت لكن عمرك ما هتندمي عليه صدقيني
قلبي معاكي و ربنا يهون عليكي و يشفيكي من الجرح ده
تحياتي يا أجمل نور
بصى
انا فى الحالات اللى زى دى بفتكر اغنية مدحت صالح على طووى
يا بتاع الشباشب
وبيقول فيها :
يا بتاع الشباشب ... عايز شبشب بصباع
أو شبشب بفيونكة
بدال حبيبى اللى ضاع
ومش شرط بتكون مشاكل عاطشفية
اى حد بيبيع
بغنيهاله
هو فعلا اصعب حاجة:(
خصوصا لما يكون الشخص دا بنحبه ومتعلئين بيه
يارب مايكون اللي في بالي
ساعتها نفوق ..
ونتعلم منحطش حد في مكانه كبيره عندنا الا لما نتأكد انه يستاهلها فعلا يا نور
PASHA
******
مساء الخير ياشريف
معلش اذا كان البوست صادم بس هو زى الحاله اللى بيعبر عنها بالظبط!!
ولك مثل تحياتك
نورتنى
غير معرف
********
متشكره جدا على ذوقك ودعوتك ليا
ولك مثلها
نورتنى
البنفسج الحزين
*************
رغم اقتناعى الشديد بكلامك الا ان كلام اللسان بيكون اسهل كتير من الافعال
وكمان كتييير بيبقى للقلب اراء اخرى
يمكمن بتكون المسأله مسأله وقت وبتعدى لكن حتى لو عدت بتفضل محفورة خصوصا لما ماتبقاش سهله فى اصلها او كانت حكايه عابره كده وهتخلص
متشكره لكلامك وذوقك وهطلب دعواتك
نورتينى ياجميله
انا ودماغى
***********
ملكيش دعوه ببوستى
انتى نورتى بلوجر تانى يااميره وربنا مايكتب حزن على قلبك الجميل
ونعم بالله ربنا يبعت الفرج ويجعله عاجل غير اجل يارب
نورتى ياقمر
هانى زينهم
**********
عندك حق يامستر بس هو مش حاجه سهله بالمره هو اهتزاز ثقه بالنفس وعمرى عيون وجرح احساس تحسه فجوة كده بتحصل فى قلبك
ربنا مايكتبها عليك بس مش دايما بيعدى يامستر
نورتنى
شهد الكلمات
***********
معلش ياهاجر الحزن مش بنختاره ده بيتفرض علينا
شوفى ياهاجر كلامك اه واقعى بس مش سهل اوى كده
الحد ده مش دايما بيبقى مايستاهلش
اوقات احنا بنقول كده عشان نقدر نعدى الازمه لكن المشكله انى مقدرش اقول مايستاهلش لانه لو مكنش يستاهل مكنتش اديتله المشاعر دى من الاول
الصدمه والجرح بيبقى فى رد الفعل غير المتوقع
فى انك تحسى انك هونتى اوى عليه رغم انه عمره ماهان عليكى
تحسى انه بيحبك اد مابتحبيه بس بيعذب نفسه
تحسى انه هو ده اللى مفيش هبله ولا هيبقى فى بعده زيه وماصدقتى لقيتيه
وعماله ترسمى فى احلام وتفكرى هتحققيها ازاى وامتى وفجـــــــأه...
تتبخر
تروح منك زى الهوا
تتسحب من بين اديكى غصب عنك
الفكره مش فى اى حاجه اد ماهى فى عذاب النفس
ليه نختار عذاب نفسنا بايدينا بس؟!!
الموضوع ملعبك اوى ياهاجر
نورتينى على اى حال وادعيلى بس
ENG./ELSAYED,PMP
****************
اولا اهلا بحضرتك فى مدونتى ياافندم
وثانيا تعليق حضرتك ضحكنى حقيقى بس هو فعلا فى اغنيه بتقول كده؟ ولا دى اختراع من حضرتك؟ :)
وثالثا انا بغنى الاغنيه دى معنويا بينى وبين نفسى لاى حد يبيع مهما كان وبقول اللى يبعد عنى هو الخسران انا مابخسرش حد لانى الافضل
بس هنــا وفى الحاله دى مقدرش اقول كده
لان اوقات غصب عننا بيبقى اللى راح يستاهل يتزعل عليه مش بس على مشاعرنا واحلامنا ووقتنا واحساسنا
هو نفسه يتزعل عليه
عموما ربنا يهون
الله المستعان
نورتنى جدا جدا يابشمهندس واسعدتنى بمرورك
قلب ينبض لله
***********
:( انتى دلوقت بقيتى عارفه هو اللى بالك ولا لأ مش محتاجه ارد
ادعى يارودى
Hager Za3bal
*************
:(
وساعتها برضه بنتصدم وبنتعب وبنتألم وبنندم وكل حاجه ياهاجر
سمعت كلمة زمان بتقول لا تبحث عن الحب لأنه هو الذي يبحث عنك ... وسيجد طريقه إليك يوماً ما
:)
ممكن احنا ننشغل بحبنا لربنا ونسعى ف حياتنا لاصلاحنا دينياً وعملياً وحياتياً يعني
وبدون ما نبحث احنا عن الحب ... هنلاقيه أدامنا ف وقت ما ... أما إذا شعرنا بيه وطلع ف الآخر مش زي ما هو ... يبقى مش كان هو ده الحب اللي بيبحث عننا ولسه الحب الحقيقي ملقاش طريقه لينا وهيوصل قريب
:)
مش مخاصم البلوج اهو ولا حاجة ... والله انا بتابع اكتر من ع الريدر ممكن مدونتين تلاتة اللي بدخل اعلق عندهم ومش بشكل دائم كمان يا نور ... ربنا يعزك ويكتبلك كل خير يا بشمهندسة :)
هو اي نعم البوست نكد حبة حبتين لا حبوب كتير
بس لو فكرنا فيه صراحة الموقف بيحصل و احساس فضيع وقتها الواحد يتمنى الموت و لا العيش في الدنيا دي
بس مهما كان الموقف صعب الدنيا مبتوقفش و الموت مش بايدينا و الحياة ماضية ماضية
مفيش غير اننا ننفض من علينا غبار الحزن و الام و نطوى صفحة بفتح صفحة جديدة بيضاء مملوءة بالامل
و يبقى الامل ما دامت الحياة
حرجع اكمل كلامي معاكي في الماسنجر
يلا سلام يا قمرتي
شكرآ اوى يا دنيا
بجد شكرآ كفايه عليكى كده
عملنا اللى علينا معاكى وانتى برضه بتعملينا فينا كل يوم مصيبه
بتخلى الناس تلعب بينا ولا حد فارق مع حد
sakayar
********
ويلكم باك ياطاغيه
مش مهم غيابك المهم ان اسمك نور تانى هنا
انا بقى سمعت مقوله بتقول فيما معناه ان طول ماانت بتدور عالحب مش هتلاقيه هو اللى هيجى لوحده بس لما تبطل تدور عليه
وفى الحالات اللى زى اللى بتكلم عليها
القرب من ربنا هو الحل
الله المستعان
نورتنى ياسكايار بجد
*الطالبة عفو الله *زوزو
*********************
ماهو تنفيض الغبار محتاج منفضه
والمنفضه عايزة قوه
والقوه مش عندنا دى بتستمد من قربنا من ربنا وقوه عزيمتنا
ودول عايزين مجهوووووووود
ادعيلى
مستخلص افندى
*************
:(
شكلك مجروح اوى
ربنا يهونها عليك وعلى كل مصاب يارب
اسعدتنى بزيارتك
بسم الله الرحمن الرحيم
بوست جميل يا نور
أحيانا بحس إن في ناس كتير مش فاهمة نفسها أصلا .. عشان تطالب الناس إنها تفهمها ..
بس هو العشم .. و إننا نتوقع إن اللي قدامنا أقرب شخص لينا .. و نتصدم فيه .. ده فعلا بيبأه أصعب إحساس..
تحياتى
فعلا أصعب حاجة
الدنيا تجارب
والانسان الصح اللي يتعلم من تجاربه
وميبصش وراه تاني وعن اقتناع ان كان ناوي يشوف الجانب الكويس من الحياه
ربنا يهون على الجميع يارب
تقبلي مروري وتحيتي
حين تمنحيهم بلا حدود...وياخذون دون مبالاه
حين تفتحين لهم مساحات الطيبه والتسامح والصدق فى قلبك ويغلقون ابوبهم دونك
حين تسكينهم بين النبض والوريد ويكون مخبأبهم فى الحنايا وتكونى عندهم مجرد مدعاه للسخريه او كماله للعدد
لا تاسفى وافرحى وافتخرى بانك لا زلت بشر فى يوم انتشر فيه الوباء وتحول الجميع وهم اولهم الى كيانات ماديه واجساد منزوعه الروح كالمنتجاد المنزوعه الدسم
هم لم يخطئوا وليس بهم عيوب لكن الخطأ عندك انت ان اسأت الاختيار او اعتقدت خطأ انك تفهمينهم
تحياتى
كل الامور علي مايرام في النهايه. ان لم تكن كذلك,
فتلك ليست النهايه
(:
اللي غلط فعلا انه يزعل و يضيع وقت اكتر من اللي ضيعه حزنا على شخص زي دة
د.آيه
******
شوفى ياآيه انا يمكن مش من الناس اللى مش فاهمه نفسها بالعكس انا فاهمه نفسى كويس جدا لكن مش عارفه ليه الناس بتلاقى صعوبة فى انها تفهمنى !!
بس فعلا فى ناس بتعانى انها مابتفهمش نفسها
زى ماقلتى المشكله فى العشم اللى بيترد والصدمه اللى بتليه
بيوجعوا جدا جدا :(
متشكره جدا لوجودك ياايه نورتينى :)
قلم رصاص
**********
عندك حق وانا من المؤمنين بإن التعليم فى الحياة مابيجيش غير بالتجربهوليس عن طريق النصايح
نورتنى ومتشكره على دعوتك
ولك مثلها :)
momken
*******
تعليقك جميل ياممكن بس مش دايما بنقدر نأسى على اللى قدامنا
الموضوع بيبقى اوقات اكبر من كده
واوقات اصعب من انه يتنسى او يتاخد فيه قرار بسرعه كده
واحيانا بيكون القرار بالقرب مش بالبعد لما بنبقى متأكدين من ان اللى معانا بيحبنا اد مابنحبه بس الضغوط اكبر !!
نورتنى :)
سمكه واحده
**********
:) مش متعوده منك على كلمتين وتجرى
وكمان باللغه العربيه؟ لا فى سر عايزة اعرفه :)
نورتى ياسموكه
leeno
*******
:(
هو كلامك صح جدا بس مش سهل تنفيذه اوى كده
وكمان مش فى كل الحالات!!
نورتينى ياجميله
عارفة يا نور الرد ع البوست ده ايه . . فاكرة حكايتك عن الولد السواق الي قال لك مشيت مع بنت كنت بامشي معاها قبل الخطوبة ؟؟ شكلك حطيتي نفسك ف الموقف ده :(
إرسال تعليق