من كام يوم مش فاكره امتى بالظبط صادفت عالميل مدون جميل بعتبره الاب الروحى ليا ومكنتش اتكلمت معاه بقالى فتره كبيـــره ومن مقعدى هذا بالمناسبة احب اقوله انى بحبه جدا وعلى الله يقرا الكلام بس عشان هو اخره يضحك عليا وكل مايكلمنى يقولى والله انتى عسل :)
المهم لقيته مره واحده بيقولى نور هو انتى ليه مش بتلعبى فارم فيل؟
طبعا لمستخدمى الفيس بوك هى لعبه عليه مشهوره جدا
المهم انا ضحكت جدا لانى ماتوقعتش انه يكون بيلعبها لانى مش من محبى الجيمز ايا كانت بس دفعنى الفضول انى العب اللعبه اللى والدى الروحى بيلعبها
طبعا فضلت اخبط شمال ويمين ومش فاهمه حاجه قلتله انى هلعبها بشرط انه يعلمنى اتعامل ازاى
وافق وبدأت العب وهو بصراحه فضل يبذل معايا مجهود انه يعلمنى ازرع الاحواض فراولةازاى بالفاس :)
المهم اذ فجأتن لقيت الفيس بوك مطلعلى مسج بيقولى انى تعديت المرحله الاولى من اللعبه بنجاح وانى دلوقت فى الليفيل التانى وعليا انى اختار عامل يساعدنى فى المزرعه
المهم اخترت انى استخدم بنت كمساعد عشان عيب انى استخدم ولد افرض الظروف اضطرتنى ابات فى المزرعه ولا حاجه الجيران يقولوا عليا ايه وانا واحده بتحب تحافظ على صورتها قدام الناس :))
المهم راحت اللعبه مطلعالى كومبوننتس كتير جدا عشان ابتدى اصنع عباس الصبى بتاعى
ونيجى بقى للمهم اللى خلانى بكتب اصلا عنه
اللى هو ايه؟
انى اتخضيت
اه والله اتقبضت جدا معرفش ليه
لقيت فورمات شعر والوان بشره ولون خدود وشفايف ولون عيون وعلى كل الالوان والاشكال يابطيسته
انا لقيتى عماله اركب حاجات شمال ويمين ومحتاره اخلى البت عباس بت جامده كده واموره عشان تبقى جاهزة لو رحنا نزور مزرعه الجيران ولا اخليها بت خشنه كده وبميت راجل وبتاعت شغل
المهم استقريت فى الاخر انى اعملها بالشكل اللى فات ده وطبعا ده جه بعد مجهود كبير وجبار فى الاختيار
قعدت بتاع ساعه عشان اعمل شكلها ده
والسؤال دلوقت انا بحكى الحكايه الهبله دى ليــه؟؟
بسيطه اقولكوا انا
انا بحكيها عشان اقول اد ايه ربنا عظيم وجميل
اذا كانوا دول مديينا الفورم جاهزة وانا معرفتش وغلبت عشان اعمل شكل كويس متلائم
امال صنع الفكره نفسها يبقى صعب اد ايه؟
ربنا بقى بيعرف يعمل التركيبه دى وبسهوله جدا وتطلع كمان شبه باباها ومامتها وجدها وجدتها وبنت خالتها
والخلاصه من الرغى ده كله هى ايه
ان ولاد الجزم اللى بيقولوا ان مفيش اله اللى عنيا بتتلوث بالكلام اللى بيكتبوه بالصدف البحته السوده
كدابين ومتخلفين وولاد جزم بحق
ومايعرفوش ان ماينفعش مايكونش فيه اله ينظم عالم الحيوان بكل الحكمه دى قبل عالم الانسان
وماينفعش الاله ده يكون حد غير ربناعز وجل
واخيرا عايزة اسأل سؤال مهم جدا ومحيرنى
مــالك يانــور؟
!!
هناك 18 تعليقًا:
اول تعليييييييييييييييييييييق
ياااااااااه من زمان معلقتش الاول :)
هصدعك انا بقا :)
ازيك يا هندسه
اخبارك ايه؟
ايه ايه !!! مش باين انك كويسه يعنى
مالك يا نور؟!!
انا اللى بسأل مش انتى :)
بالنسبه للموضوع
هما فعلا ولاد جزم لان لو فكروا للحظات قليله هيعرفوا ان فى خالق واحد للكون ومش معقول ده كله حصل اعتباطيا
اما لعبة فارم فيل بقا انا عمال بخبط فيها زيك كده بقالى يومين :)
بقولك ابقى علميهالى بقا احسن انا كمان مش فاهم فيها :))))))
مهم ياما قالوا
ولسه هايقولوا
وهايحاربوا عشان وجهات نظرهم الغلط
المهم وصلتي في اللعبه لغاية ليفل كام؟
سبحان الخالق العظيم ..دول بيقولوا كده من جهلهم يكفي أن ينظر أحدهم لنفسه في المرأة ليتأكد تماما ان للكون اله الخالق والمبدع هو الله ...
بوست جميل ...علي فكرة انا زيك مش بحب الجيمز علشان بتوتر لي أعصابي ...
تحياتي
امال عملتلك اضافه تبقى من جيرانى مقبلتيش ليه :(( ماشى ماشى
انى مالك صحيح وفينك ؟!!!
فكرتيني بنفسي انا كمان مليش في الجيمز دي خالص بس بحب اكل جمييز من عشجره عارفاه؟(وش بيغمز)
فكنت وانا بدور كده في الكمبيوتر من كام سنه لقيت لعبه كده راجل بيلبس لبس عجيب ويركب عربيات كتير ويمشي في الشارع مش عارفه اللعبه اللي عجبني في اللعبه بنات بتمشي بمياصه كده في الشارع فكنت انا الراجل ده اقعد اعترض البنات دي في الشارع كل ما واحده تمشي علي الرصيف اروح واقفه قدمها تنزل هي من علي الرصيف ارخم عليها فعجبتني اللعبه بس عشان اعترض طريقم اصلهم كانوا حلوين ولبسين لبس محذق فكنت مضايقه منهم ههههههههه
بابا كان معدي ولاقني منفعله وايون تعالي يا اخي هنا ايون ايون انتي يابت استني يابت
بيبص قالي انتي عبيطه يابت!!!!
وراح قاعد جمبي يتفرج عليا
(:
هو في احلي من الطبيعه يابيبه
الطبيعي يكسب
(.
مالك بقي صحيح!!!!!!
ايه بقي حكايه المزرعه دي فيها شوباب حلوين طيب؟
يوه يقطعني اقصد اقصد يعني
بنات بنات ياختي (وش مكسوف)
ان كان كده اشوفها يعني ولا ايه
(.
تحياتي
متخلهمش يلوثوا لسانك ز ما لوثوا عنيكى بكلامهم
قال تعالى لنبيه( انك لاتهدى من احبت والله يهدى من يشاء)
وقال تعالى على لسان نبيه
(لكم دينكم وليادين)
وانا رأى بدل ما تشتيميهم ادعى ليهم بالهدايه
اللهم انى احبك وبحبك احببت جميع خلقك واحب لهم جميعاً الهدايه لانى اكره لهم ان تبغضهم وتعذبهم
بالنسبه للعبه اس تير كلمتنى عنها وانا محولتش صلا
اخبار الصداع ايه؟؟
بوست جميل
تحياتى
انتى فله يا نور ...!!!
أى حد عنده خيال يبقى كويس
" وما قدروا الله حق قدره ، والأرض جميعاً قبضته يوم القيامة ، والسموات مطوياتٍ بيمينه "
" وَقَالُواْ اتَّخَذَ اللَّهُ وَلَداً سُبْحَانَهُ بَل لَّهُ مَا فِي السَّمَاوَاتِ وَالأَرْضِ كُلٌّ لَّهُ قَانِتُونَ . بَدِيعُ السَّمَاوَاتِ وَالأَرْضِ وَإِذَا قَضَىٰ أَمْراً فَإِنَّمَا يَقُولُ لَهُ كُنْ فَيَكُونُ "
تعالى الله علوا كبيرا
ما اعظمه
ما احلمه
انا سعيدة جدا بتعرفى على مدونتك
وعجبنى جدا كلامك على الالحاد
انا بستغرب جدا انى ممكن اتعامل مع واحد بيعبد بقرة
ومتخيل انها مفيدة بالنسبة له
لكن الملحد ده عايش ازاى
ازاى بيستعبط كده
مش ممكن يكون مصدق نفسه
ده الواحد مهما قصر فى علاقته بربنا سبحانه وتعالى
مايلاقيش ساعة اى ضيق غير انه يقول يارب
بجد الحمد لله انه هدانا نعرفه ونؤمن بيه
والحمد لله اننا عشنا فى بيئة
استحالة الافكار دى تكون موجودة جواها
مالك يانور؟
نور كويسة لو ساعدت نفسها وجمدت قلبها شوية
نور جواها نور :) خليها تدور عليها وتطلعه
علي فكرة اللعبة بتاعة فارم فيللي لعبة جميلة والله بس بتاخد وقت في التحميل ومابعرفش العبها حتي محصولي باظ :(
سلام ياقمر:)
و الله يا نوؤ فعلا معاكى حق..سبحان الله اول مرة أفكر فى الموضوع بالمنظور ده حسبى الله فى كل واحد بيقول ربنا مش موجود
بس اقولك حاجة
العبى كمان pet society :D
حلوة اوى
D:
ياللا روحى كدة فوقى و أقعدى مع نفسك و فصصى حالتك و شوفى مالك
زي ما صلحتي عندي في المضبطة با اقولك شيلي بقى كلمة ولاد ال..... وحطي الاية مثلا.. دي الحاجة اللي اقدر افتي فيها اما الفيس بوك ده انا مش من احبابه خالص مع اني كل زمايلي كل واحد مربي كلب في النت ههههههههه
اول مرة اجي هنا
وانشاء الله مش الاخيرة
اما عن ولاد التيت دول فربنا هايجزيهم
تحياتي ليكي
ابنتى خفيفة الظل نور
الصدفة وحدها قادتنى ان ادخل عالم المدونات لابحث كعادتى اول ما ابحث عنك كى اطمئن عليك .. وكانت المفاجأة ان قرأت البوست البت عباس وحوارى معك عن لعبة الفارم فيل التى اثارت اهتمامى مؤخرا واخصص لها جزءا فليل من وقتى بقدر المستطاع والسر فى ذلك انها تجمع كل من احبهم فى مكان واحد نتبادل الاهتمام والهدايا ونزرع ونحصد ونجنى اموالا خيالية نتصرف فيها كما نشاء انها قريبة الى قلبى لانها تطمئنى على الجميع فى آن واحد وكنت اتمنى لو استمريت فيها ولنا لقاء على الشات مرة اخرى علنى اقنعك بالاستمرار
اتمنى ان تكونى بخير دوما وبلاش تختفى كتير كدة وياريت تطمنينى عليك اول بأول
والسلام عليك
اول زيارة
ياااة فار فيلي بطلتها ايام الامتحانات اصل كنت بسيب المذاكر و أقعد العبها :D
أهلا أهلا أهلا
ولله فيكي الخير بالسؤال يا باشمهندسه
انتي عارفه اني قرفان أصلا من الكلام في السياسه
لكنا لموضوع ده كنت كاتبه من فتره في منتدى شبكة الدفاع عن السنه وسبته وماليش نفس اكتب ولا أقرأ أي حاجه خالص
الكآبه زادت أوي أوي
بس ده مايمنعنيش اني أول حاجه مهمه
عاااااااااااااوووووووووو
إرسال تعليق